صح وألا ما صح !!

يهتم بالحوارات والنقاشات الجادة فقط الرجاء الالتزام !!

المشرف: بانه

صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

صح وألا ما صح !!

مشاركة بواسطة ود الزوحي »

شعب السودان شعب عرف بقيمه وطيبة اصله .. هكذا عرفته أنا أيضا

خلال فترة العيد قمت بزيارة أحد الأصدقاء لأبارك له العيد فوجدت أخاه الذي بادلني التبريكات بالعيد فأدخلني المنزل وجلسنا نتجاذب أطراف الحديث ثم أتاني بكوب من العصير .. فما شد انتباهي هو وجود بعض الشوائب على الكأس تدل على أنها لم تغسل بعناية فعلمت أنه قد قام بغسل الكوب مؤخرا لأني أعلم أن هنالك إمرأة في المنزل فلم أعر للموضوع اهتمام وجلسنا إلى أن قام واحضر أكواب الشاي فكانت بنفس الصورة تحمل ما يدل على أنها غسلت قبل لحظات .. ونسبة للعلاقة التي تربطني به قلت له (إنت بقيتو عزابة وألا شنو ) دلالة على اتساخ المنزل أو ماشابه ذلك ..

الموضوع ..

حسيت إنو الزول انضرب في الوتر الحساس وقالي انو مرت اخوهو ما بتعمل شي بتكون نايمة اليوم كلو وبتصحى العصريات ويادوب سوت شاي أو راجلها جاب ليها أكل جاهز من برا وهو بقى ضايع في النص يا مشى عمل أكلو براهو يا جاب من برا مع إنو البيت قال بكون ملان خيرات .. حتى لدرجة أنو قال المطبخ بكون وسخان يومين تلاتة لغاية ما تتذكر وتنضفو ..

الجدير بالذكر إنو الموضوع كان شكلو حار على صاحبنا لأنو قام وساقني عن صاحبو في يوم من الأيام ولقينا الوضع مختلف تماما فلقيت أنو البيت بيدل على وجود ( إمرأة سودانية بالمعني الصريح ) الشاي – القهوة – العصير لدرجة إني قلت ليهو مرت صاحبك ماعندها أخت .. فخشيت معاهو في حتة بتاعت جدال بسيط بأنو مرت الأخ ما مجبورة إنها تخدم أخوانها ده حاجة ذوقية منها كتر خيرها يعني عليها براجلها وأمو ده طبعا لو كانت ساكنا معاهم في بيت واحد

فبيني وبينكم الموضوع فكرت فيهو ولقيت فيهو عدة جوانب فهل بالجد مرت الأخ عليها بخدمة الأخوان ده طبعا من ناحية حاجات المطبخ ونضافة المنزل بالتحديد .. وبالمناسبة صاحبي دا بعاين ليكم ..



تحيااااااااااااااتي
صورة العضو الرمزية
الحلم المستحيل
مشاركات: 383
اشترك في: الثلاثاء 2011.5.17 9:43 pm
مكان: المستحيل

رد: صح وألا ما صح !!

مشاركة بواسطة الحلم المستحيل »

مرحبا ود الزوحي
وكل عام وانت بألف خير
سؤالك صعب وساهل في نفس الوقت
اذا جينا لنقطة الألزام فهي اكيد غير ملزمة
بس لو جينا لمسألة الزوق والأحترام والاخلاق السودانية
انها تكرم اخوان زوجها لأنها بأكرامهم بتكرم زوجها كمان
اما زولتك البتحكي عنها دي شكلها زوجها نفسو ما مهتمه بيه
والا كانت حتطبخو ليه بنفسها وتهتم بنظافة بيتها
ودا ما معناهو انو ما ياكلو من برا لكن طبعا ما كل يوم عشان زوجها يحس بأهتمامها بيه


ولك تحياتي
Batta
مشاركات: 3299
اشترك في: الاثنين 2011.1.10 10:17 am
مكان: umdurman

رد: صح وألا ما صح !!

مشاركة بواسطة Batta »

كل عام وانت بخير ود الزوحي

والقابلة عريس لاخت مرة صاحب صاحبك.

المشكلة هس انت قلت صاحبك بعاين لينا, كنت تخلينا نشتغلها صح

وبعدين تقول انو بعاين لينا,هس اكراما لعينو دي, ما بقدر أقول

إنها ما عندها ذوق, وما بقدر أقول إنو راجلها برضو ما عندو ذوق,

وخلينا من الإلزام هي لنفسها كييييييييييييف ترضى يكون

مطبخها وسخان يومين وتلاتة؟

الأخو ما تعمل حسابو ما مشكلة حقنة وبعدي (النبي دي غمض عيونك)

الزوج دا ذنبو شنو ياكل من برة وبيتو وسخان؟

غايتو كان ما عملت حسابها الدقة جاياها!! :001:

عارف المرة بدقوها بشنو؟ :064:

واحد كان بدق في مرتو وحيطة بيتو قصيرة جارم مر من عندو

قاليو ها زول المرة ما بدقوها بالعصا!!المرة بدقوها بالمرة

(شوووف غتاتتو؟) :004:

المهم الراجل عمل نفسو ما سامع ,قاليها قال شنو؟

قالت ليو ما قال ليك شي , قال ليك دق في دقك دا.

لكن الدقوها دي كانت بتعامل أخوه كوييييس :d:
ودق الخريف
مشاركات: 107
اشترك في: الأحد 2011.8.28 7:45 pm
مكان: قطر

رد: صح وألا ما صح !!

مشاركة بواسطة ودق الخريف »

سلاام صراحة انا بتفق مع الحلم المستحيل THUMBUP.gif
فالمسالة كلها مسالة اهتما م بالنظافة لاغير مفروض تهتم بى بيتها اما خدمة اهل الزوج فاانا من وجهة نظرى :064: بقول انو دة حق من حقوق زوجها انو تحترم اهله وتخدمهم (مفروض تخلى عندها ذوق :004: )
صورة العضو الرمزية
نهر المحبه
مشاركات: 6170
اشترك في: الجمعة 2009.5.29 6:15 pm
مكان: في ارض الله الواسعه

رد: صح وألا ما صح !!

مشاركة بواسطة نهر المحبه »

ود الزوحي كل سنه وانت طيب....
طبعا الزوجه ماملزمه انه تخدم اهل زوجها...بس دي حاجه ذوقيه منها...لكن احترامها لاهل زوجها يعني احترامها لزوجها
والبيت انا بشوف انه مملكة الزوجه تصنع فيه ماتشاء...تضع بصماتها الجماليه على كل ركن فيه لانه بيتها عنوانها...مطبخها مجلسها دورات المياه...كل ركن فيها ملكها وبيعكس شخصيتها وذوقها....ونعومتها...
وكتير من النسوان بتبدى كده لكن مع مرور الزمن بتتعلم وبتتحسن...بس زوجها يدعمها يتكلم معاها يحسسها انه مثلا ما مرتاح كده...مش عشان اخوانه عشانه هو وهي في البدايه...
وبعدين الخدمه تاتي في المرحله التانيه...
صورة العضو الرمزية
أبو صديق
مشاركات: 4406
اشترك في: السبت 2009.12.5 8:10 pm
مكان: ثم أهدتني المنافي !!!

رد: صح وألا ما صح !!

مشاركة بواسطة أبو صديق »

الحبيب ود الزوحي والاخوة المتداخلين ما بين معارض ومؤيد
كل سنه وانتو طيبين وبصراحه مرت صاحبك ده اخير منها شغّالة ب 600 درهم والواحد
إريّح نفسو من وجع الراس ده ..
طيّب ده كان مدخل أول ورأى
المفروض لهذه الزوجه أن تحترم زوجها وتتقي الله في بيتها لأن البيت بعكس شخصية المرأءة
العايشه فيهو لو كان نظيف ومرتب أو خلافه.
ثانياً علي زوجها أن يراعي شرع الله في إسكان أهله وذويه لفترات طويله معه في بيت وكما
هو معروف أنّ غالب سكن المغتربين شقه محصورة المساحه والتحرك بها يكون (( بحساب وعربي ودين..)) ولا يجب علي الزوج أن يترك شقيقه بمفرده إمتثالا لأوامر الحبيب المصطفي صلي الله عليه وسلم في الحديث الشريف ( الحمو النار )
قبل الأخير
كما العهد بك دائما تأتينا بالروائع وتضرب علي أوتار حيّة
الأخير
أشيد براي الاخت بطه وفعلا اذا كان حقنه وبعدّي فخليهم إستحملوه شويه 61.gif
عاطر امنياتي
صورة العضو الرمزية
رحمه
مشاركات: 186
اشترك في: السبت 2009.9.26 12:44 pm
مكان: مصر ام الدنيا

رد: صح وألا ما صح !!

مشاركة بواسطة رحمه »

كل عام وانتم بخير

اناشايفه انها مو شرط عليها تخدم اخوان زوجها لانو
اصلآ مش من المفروض انهم يشركوها فى بيتها
مع ان دى اصلآ حكاية ذوقيه منها لو عملت كده و كمان
زى ما قالو الاعضاء اللى قبلى ان دى هتكون حكاية كرم
لزوجها اما موضوع النظافه ده انا شايفه انها فى الاول و
الاخر بتنظف لنفسها لانو دا بيته عشان كده لازم تهتم بنظافة البيت
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: صح وألا ما صح !!

مشاركة بواسطة ود الزوحي »

الحلم المستحيل كتب:
مرحبا ود الزوحي
وكل عام وانت بألف خير
سؤالك صعب وساهل في نفس الوقت
اذا جينا لنقطة الألزام فهي اكيد غير ملزمة
بس لو جينا لمسألة الزوق والأحترام والاخلاق السودانية
انها تكرم اخوان زوجها لأنها بأكرامهم بتكرم زوجها كمان
اما زولتك البتحكي عنها دي شكلها زوجها نفسو ما مهتمه بيه
والا كانت حتطبخو ليه بنفسها وتهتم بنظافة بيتها
ودا ما معناهو انو ما ياكلو من برا لكن طبعا ما كل يوم عشان زوجها يحس بأهتمامها بيه


ولك تحياتي
تعود الأيام يالحلم ..

طيب هل تفتكري أنو الأم مجبرة على الاهتمام بولدها مدام إنو اتزوج وبقى عنده مرة مسؤولة منو لو لاحظت في مابين السطور كان لقيت إنو الأم كان بتقوم بتهتم بنظافة البيت إلخ .. يعني البت اتكالية فأنا شايف انو بما هي كانت بتكون نايمة والأم كانت بتخدم يبقى مفترض عليها تقوم بالشي دا لأنو الحياة شراكة والأم اتوفت .. ففي الحالة دي أكيد نظرة الأخ حتكون متغيرة تجاها ع أساس انها كانت بتكون سايبة خدمة البيت على الأم ..

وبيني وبينك البت البتعز راجلها وأهلو بتعتبر أخوانو زي أخوانها .. وألا شنو !!
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: صح وألا ما صح !!

مشاركة بواسطة ود الزوحي »

Batta كتب:
كل عام وانت بخير ود الزوحي

والقابلة عريس لاخت مرة صاحب صاحبك.

المشكلة هس انت قلت صاحبك بعاين لينا, كنت تخلينا نشتغلها صح

وبعدين تقول انو بعاين لينا,هس اكراما لعينو دي, ما بقدر أقول

إنها ما عندها ذوق, وما بقدر أقول إنو راجلها برضو ما عندو ذوق,

وخلينا من الإلزام هي لنفسها كييييييييييييف ترضى يكون

مطبخها وسخان يومين وتلاتة؟

الأخو ما تعمل حسابو ما مشكلة حقنة وبعدي (النبي دي غمض عيونك)

الزوج دا ذنبو شنو ياكل من برة وبيتو وسخان؟

غايتو كان ما عملت حسابها الدقة جاياها!! :001:

عارف المرة بدقوها بشنو؟ :064:

واحد كان بدق في مرتو وحيطة بيتو قصيرة جارم مر من عندو

قاليو ها زول المرة ما بدقوها بالعصا!!المرة بدقوها بالمرة

(شوووف غتاتتو؟) :004:

المهم الراجل عمل نفسو ما سامع ,قاليها قال شنو؟

قالت ليو ما قال ليك شي , قال ليك دق في دقك دا.

لكن الدقوها دي كانت بتعامل أخوه كوييييس :d:
آآآآآآآآآآآآآآمين شديد ..

انت براك قلت عايزة لها دقة .. القصة مافي خدمة الأخوان أو شي تاني .. بس طالما أنها رضت تكون شريطة لزوجها في بيت مع أهله فأقل شي تقوم بواجبات المرأة السودانية واللي اهمها المطبخ يعني ماحلوة أجي أقدم لضيف جاني عصير بكباية وسخانة أو ما ألقى شي نضيف أقدم بيهو ..

طيب صاحبتك ديك دقوها ليه :d:
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: صح وألا ما صح !!

مشاركة بواسطة ود الزوحي »

ودق الخريف كتب:سلاام صراحة انا بتفق مع الحلم المستحيلthumbup.gif
فالمسالة كلها مسالة اهتما م بالنظافة لاغير مفروض تهتم بى بيتها اما خدمة اهل الزوج فاانا من وجهة نظرى :064: بقول انو دة حق من حقوق زوجها انو تحترم اهله وتخدمهم (مفروض تخلى عندها ذوق :004: )
دق الخريف .. اسمك حلو بالمناسبة !!

مامشكلة اقنعنا زولنا بأنو هي ما مجبورة تخدمه .. بس حتة النظافة دي يعني ما تصعبها شوية .. البيت بيتها برضو .. وألا شنو !!
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: صح وألا ما صح !!

مشاركة بواسطة ود الزوحي »

نهر المحبه كتب:
ود الزوحي كل سنه وانت طيب....
طبعا الزوجه ماملزمه انه تخدم اهل زوجها...بس دي حاجه ذوقيه منها...لكن احترامها لاهل زوجها يعني احترامها لزوجها
والبيت انا بشوف انه مملكة الزوجه تصنع فيه ماتشاء...تضع بصماتها الجماليه على كل ركن فيه لانه بيتها عنوانها...مطبخها مجلسها دورات المياه...كل ركن فيها ملكها وبيعكس شخصيتها وذوقها....ونعومتها...
وكتير من النسوان بتبدى كده لكن مع مرور الزمن بتتعلم وبتتحسن...بس زوجها يدعمها يتكلم معاها يحسسها انه مثلا ما مرتاح كده...مش عشان اخوانه عشانه هو وهي في البدايه...
وبعدين الخدمه تاتي في المرحله التانيه...

وانت طيبة .. وتعود الأيام !!

أكيد بس بما إنو البت رضت تكون زوجة في بيت مشترك فحتة النظافة ده مهمتها .. وألا شنو !!
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: صح وألا ما صح !!

مشاركة بواسطة ود الزوحي »

أبو صديق كتب:الحبيب ود الزوحي والاخوة المتداخلين ما بين معارض ومؤيد
كل سنه وانتو طيبين وبصراحه مرت صاحبك ده اخير منها شغّالة ب 600 درهم والواحد
إريّح نفسو من وجع الراس ده ..
طيّب ده كان مدخل أول ورأى
المفروض لهذه الزوجه أن تحترم زوجها وتتقي الله في بيتها لأن البيت بعكس شخصية المرأءة
العايشه فيهو لو كان نظيف ومرتب أو خلافه.
ثانياً علي زوجها أن يراعي شرع الله في إسكان أهله وذويه لفترات طويله معه في بيت وكما
هو معروف أنّ غالب سكن المغتربين شقه محصورة المساحه والتحرك بها يكون (( بحساب وعربي ودين..)) ولا يجب علي الزوج أن يترك شقيقه بمفرده إمتثالا لأوامر الحبيب المصطفي صلي الله عليه وسلم في الحديث الشريف ( الحمو النار )
قبل الأخير
كما العهد بك دائما تأتينا بالروائع وتضرب علي أوتار حيّة
الأخير
أشيد براي الاخت بطه وفعلا اذا كان حقنه وبعدّي فخليهم إستحملوه شويه 61.gif
عاطر امنياتي

الغالي ابو صديق ..

والله صاحبنا بس بقت عليهو حكاية .. الزومة مضايقة !!

الزول يا ابو الصدق ما داير شي غير انو لما يجي يقدم لضيف شي يلقى في موية في التلاجة .. يلقى الكبابي نظيفة .. كدا يعني هو تقريبا مقتنع بحتة انو زوجة الخ ما مجبورة على خدمة أهله بس التنازل واجب وطالما انها رضت بالمشاركة فعندها واجبات تقوم بيها .. هذا ما يطلبه شابنا
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: صح وألا ما صح !!

مشاركة بواسطة ود الزوحي »

رحمه كتب:
كل عام وانتم بخير

اناشايفه انها مو شرط عليها تخدم اخوان زوجها لانو
اصلآ مش من المفروض انهم يشركوها فى بيتها
مع ان دى اصلآ حكاية ذوقيه منها لو عملت كده و كمان
زى ما قالو الاعضاء اللى قبلى ان دى هتكون حكاية كرم
لزوجها اما موضوع النظافه ده انا شايفه انها فى الاول و
الاخر بتنظف لنفسها لانو دا بيته عشان كده لازم تهتم بنظافة البيت
رحمه .. كل سنة وانت طيبة !!

أحيانا في ظروف بتخلي بعض الأطراف يتنازل عن حقوقه .. يعني مثلا اتنين بحبو بعض فا البت بتقول مافي مشكلة تسكن مع اهل راجلها .. بس دا ما بيمنع انها تتقاسم خدمة البيت معاهم .. أقل شي نظافة المطبخ من ما قمنا عارفنها على المرأة .. فتقوم بيها ده أقل واجب !!
صورة العضو الرمزية
مسلمة وافتخر
مشاركات: 9423
اشترك في: الخميس 2008.11.13 5:16 pm
مكان: حيث اكون نفسى

رد: صح وألا ما صح !!

مشاركة بواسطة مسلمة وافتخر »

سلاماااات يا ود الزوحى
وكل عام وانت بخير وان شاء الله السنة الجاية عرييييييس
طيب نجى لموضوع الزوجة دى وانا بتمنى انها تكون عضوة معانا هنا عشان تشوف كلامى دا

ياااااا ولية اتقى الله فى زوجك وفى بيتك وفى ضيوفك كمان

دى حتى الواحدة فينا لامن تمشى زيارة ساااكت لبيت صديقتها او بيت اقربائها ولقت اى شئ ما نضيف مثلا ذى العدة من كبابى وغيرو يعنى عادى بتغسلهم حتى من غير ما يقولوا ليها

وحتة انه هى بتسكن فى بيت عائلة المفروض دا يحفذها اكتر انها تكون نظيفة ومرتبة

واخوان زوجها هى ما مجبورة تخدمهم بس اذا جاء ضيف بى غض النظر الضيف دا جاى لى منو

لازم نكرمو ونضيفو

بس يا ود الزوحى انا بعرف رجال كتير بيشتغلوا فى المطبخ دا النسوان واكتر يعنى بطبخوا وبنظفو المطبخ كمان
وانا ما شايفة انه غسل الكباية صعب للدرجة دى لامن صديقك يكب فيها العصير وهى وسخانة

يعنى بكل بساطة ممكن يغسلها قبل ما يكب العصير ودى ما بتحتاج لى خبرة ولاشنوووو :d:

بس فى الاول والاخير الزوجة لازم تراعى اخوان زوجها وتخدمهم اذا حبت يعنى المسالة مسالة ذوق
وتربية

وبجيك راجعة لانى هسه ما مجمعة :d:
صورة العضو الرمزية
ابن عوف
مشاركات: 7729
اشترك في: الخميس 2008.6.19 7:51 pm
مكان: وسط اهلى الطيبين وسمحين

رد: صح وألا ما صح !!

مشاركة بواسطة ابن عوف »

كل سنة والجميع طيبين


المتداخلين متفقين على الموضوع


النظافة تقاس باتنين المطبخ والحمام الله يكرمكم


وبعدين مرأة تنام للعصر دى زاتها مع ربنا مقصرة واكيد ما بتعرف حقوق وواجبات


دمتم بود
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: صح وألا ما صح !!

مشاركة بواسطة ود الزوحي »

ذات الشجون كتب:سلاماااات يا ود الزوحى
وكل عام وانت بخير وان شاء الله السنة الجاية عرييييييس
طيب نجى لموضوع الزوجة دى وانا بتمنى انها تكون عضوة معانا هنا عشان تشوف كلامى دا

ياااااا ولية اتقى الله فى زوجك وفى بيتك وفى ضيوفك كمان

دى حتى الواحدة فينا لامن تمشى زيارة ساااكت لبيت صديقتها او بيت اقربائها ولقت اى شئ ما نضيف مثلا ذى العدة من كبابى وغيرو يعنى عادى بتغسلهم حتى من غير ما يقولوا ليها

وحتة انه هى بتسكن فى بيت عائلة المفروض دا يحفذها اكتر انها تكون نظيفة ومرتبة

واخوان زوجها هى ما مجبورة تخدمهم بس اذا جاء ضيف بى غض النظر الضيف دا جاى لى منو

لازم نكرمو ونضيفو

بس يا ود الزوحى انا بعرف رجال كتير بيشتغلوا فى المطبخ دا النسوان واكتر يعنى بطبخوا وبنظفو المطبخ كمان
وانا ما شايفة انه غسل الكباية صعب للدرجة دى لامن صديقك يكب فيها العصير وهى وسخانة

يعنى بكل بساطة ممكن يغسلها قبل ما يكب العصير ودى ما بتحتاج لى خبرة ولاشنوووو :d:

بس فى الاول والاخير الزوجة لازم تراعى اخوان زوجها وتخدمهم اذا حبت يعنى المسالة مسالة ذوق
وتربية

وبجيك راجعة لانى هسه ما مجمعة :d:

شجون إزيك .. وتعود الأيام ..غايتو كان عندك أخت العريس قاعد منتظر .. !!

أخونا طبعا قال انت أحسن وحدة بردت ليهو قلبو ..

بالجد حكاية الطبع السوداني ما بتلقي في أي حتة يعني أنا بت عمة أمي بتجي البيت بتخش المطبخ تساعدهم في عشاهم أو أي شي وبتجي بتكب لراجلها ما بتنتظر الوالد لما تجي وتضيفهم .. في ناس طبعهم كدا وبيني وبينك دا الاتعودنا عليهو .. أما حكاية النوم وترك الواجبات المنزلية حدي ما يجي المزاج المناسب عشان تقوم وتعملها ..

نحن شعب اتعودنا على النظافة وأنا ماشايف أي عذر لبت عشان ما تخدم أو تتعذر عن النظافة خاصة لو كانت سودانية ..

لكن بيني وبينك هو حكاية الكباية دي بالغ فيها شوية .. لكن على حد قوله كان متخيلها اتغسلت !!
صورة العضو الرمزية
أبو صديق
مشاركات: 4406
اشترك في: السبت 2009.12.5 8:10 pm
مكان: ثم أهدتني المنافي !!!

رد: صح وألا ما صح !!

مشاركة بواسطة أبو صديق »

ود الزوحي كتب:
الغالي ابو صديق ..

والله صاحبنا بس بقت عليهو حكاية .. الزومة مضايقة !!

الزول يا ابو الصدق ما داير شي غير انو لما يجي يقدم لضيف شي يلقى في موية في التلاجة .. يلقى الكبابي نظيفة .. كدا يعني هو تقريبا مقتنع بحتة انو زوجة الخ ما مجبورة على خدمة أهله بس التنازل واجب وطالما انها رضت بالمشاركة فعندها واجبات تقوم بيها .. هذا ما يطلبه شابنا
هلا بيك مجددا زحزحه بيه والموضوع شكلو إنتهي بالإجماع علي المسيكينه زوجة الأخ ،،
وكما عليها واجبات فإن لها حقوق يجب أن تُحفظ وتقدم لها من غير تأجيل أو مجامله
علي حساب مستقبل الأسره بغض النظر عن درجة القرابه بين الزوج ومن يستضيفهم ببيته
وبعدين ما وضحت لينا هل أخو الزوج عايش معاهم في البيت ولأ ضيف عابر من أهل العوض
وبيتم شكلو كيف ومكوّن من كم غرفه وشرعي أم لا,,
منتظرك الموضوع شكلو حا إحلو زياده وصاحبك منطّط عيونو :001:
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: صح وألا ما صح !!

مشاركة بواسطة ود الزوحي »

ود ابنعوف كتب:
كل سنة والجميع طيبين


المتداخلين متفقين على الموضوع


النظافة تقاس باتنين المطبخ والحمام الله يكرمكم


وبعدين مرأة تنام للعصر دى زاتها مع ربنا مقصرة واكيد ما بتعرف حقوق وواجبات


دمتم بود
يا صديقي .. بركة الحروفك لامست بوردينا !!

زمان كانو بقولو أديناك مرة سمحة وست بيت .. حسي بقولو أديناك بت تقول للقمر قوم وانا اقعد محلك واتناسو حتة ست البيت .. لكن الظاهر انها بتقول للراجل قوم وأنا أنوم ..
صورة العضو الرمزية
أم عسجد
مشاركات: 3395
اشترك في: الثلاثاء 2010.2.23 8:45 am
مكان: ام درمان

رد: صح وألا ما صح !!

مشاركة بواسطة أم عسجد »

الاخ ود الزوحى كل سنه وانتا طيب
اول حاجه موضوع بالجد داير مناقشه من عده نواحى
اولا من ناحيه قعده الاخو مع اخو
يعنى لو جينا شفناها من الناحيه الاجتماعيه ونحنا شعب مجامل لدرجه قف تامل يعنى فى ظروف بتخلى اهل الزوج يعشو معاهو طال الزمن اوقل انا من وجه نظرى ماشايفا فيها حاجه لو الاخ دا التزم حدودو وراعا شرع الله وبعدين الزوج دا اداكى اسمو عينو وحياتو كلها قالبك تسديهو ولو بطريقه غير مباشره باستحمالك لاخوهو معاكى فى البيت ؟؟؟؟ اى نعم هى حاجه مزعجه لكن ختى روحك محلو واختك جاتك فى الغربه ماعندها محل غير بيتك وزوجك اتضايق ؟؟؟ اوووول كلمه دى اختى لو ماحترمتها معنا مابتحترمنى اش معنى اختك انتى هى ماعندها زول تمشى لى واخو يتصرف
وبعدين دا اخو ( وانا عن نفسى بعجبنى الراجل لما يكون ركازه اهلو :040: )
والماعندو خير فى اهلو ماعندو خير فى زول
ثانياً النوم للعصر دا لزومو شنو :smiels0:
عليكى الله النوم دا شكرو بى منو ؟؟؟
وكلام ذات الشجون دا صاح ميه الميه الواحده لو مشت ضيفه مابتستحمل تكون قاعده فى بيت وسخان
خلى تنووووووم وتاكل جاهز
والله دا لو زول تانى يقول ليها تاكل الاكلتو زريقه
وبعدين حتى لو غسل الكبايه هو وحسى انها كدا نضيفه مازى لما تغسلا مره
وانتو قايلين كب المويه الزرقه دا ساهل (دا فن ) :064:
ولك التحيه اخى مره اخرى
صورة العضو الرمزية
ابن عوف
مشاركات: 7729
اشترك في: الخميس 2008.6.19 7:51 pm
مكان: وسط اهلى الطيبين وسمحين

رد: صح وألا ما صح !!

مشاركة بواسطة ابن عوف »

ود الزوحي كتب:يا صديقي .. بركة الحروفك لامست بوردينا !!

زمان كانو بقولو أديناك مرة سمحة وست بيت .. حسي بقولو أديناك بت تقول للقمر قوم وانا اقعد محلك واتناسو حتة ست البيت .. لكن الظاهر انها بتقول للراجل قوم وأنا أنوم ..
يديك العافية
المشكلة من الاول انهم ما وضعو الحروف فى النقاط والمسئولية على الزوج انه ما بتكلم مع زوجته
بخليها على كيفيها واحترام الاهل اكراما للزوج مافى زوجة بتتحكم فى زوجها كدا هى من حقها تكون لها مملكتها الخاصة عليها عزة زوجها مفروض تكسب وّد اهله هى ما تخدم اخوه تغسل له وتكوى له الاهتمام بالنظافة والمكان واجب عليها والاخ اذا كان الوضع ضيق ذى ما قال ابوصديق مفروض ما يسكن معاهم لانه الزوجة عايزة تأخد راحتها كاملة ومن حقها

ربنا يصلح الحال
أضف رد جديد

العودة إلى ”حوارات جادة“