زيارة وزير الخارجية للامير الوليد بن طلال

يهتم هذا القسم بكل المعلومات عن وطننا الحبيب .

المشرف: بانه

أضف رد جديد
صورة العضو الرمزية
فارماس
مشاركات: 5999
اشترك في: الاثنين 2008.12.22 8:42 pm
مكان: ksa

زيارة وزير الخارجية للامير الوليد بن طلال

مشاركة بواسطة فارماس »

استقبل صاحب السمو الملكي الأمير الوليد بن طلال بن عبدالعزيز آل سعود، رئيس مجلس إدارة شركة

المملكة القابضة بمكتب سموه بالرياض يوم السبت الماضي وزير خارجية جمهورية السودان السيد علي

أحمد كرتي والوفد المرافق له الذي تضمن سفير السودان لدى المملكة العربية السعودية حافظ ابراهيم

الرازق والسفير مدير مكتب وزير الخارجية في السودان أحمد يوسف محمد. وحضر اللقاء من جانب

شركة المملكة القابضة الدكتورة نهلة العنبر، المساعدة التنفيذية الخاصة لسمو رئيس مجلس الإدارة

والأستاذة حسناء التركي، المديرة التنفيذية المساعدة لقسم السفريات والعلاقات الخارجية.

وفي بداية اللقاء، قام الوزير بالسلام على الأمير الوليد ونقل تحيات فخامة الرئيس السوداني عمر حسن

البشير لسموه كما سَلَّمَ سموه رسالة من فخامة الرئيس والتي تتضمن دعوة لزيارة البلاد، هذا وأعرب

معالي الوزير عن حرصه على لقاء سموه امتدادا للعلاقات الأخوية بين السودان والمملكة.

وخلال اللقاء، تبادل الطرفان الأحاديث الودية وعدد من المواضيع التي تهم البلدين على الصعيدين

الاقتصادي والاجتماعي. وأثنى معالي الوزير على مساهمات الأمير الوليد في القطاع الإستثماري بشكل

عام ودعمه الإنساني الذي طال شتى بقاع العالم بشكل خاص وعلى دوره الكبير في دفع عجلة التنمية في

شتى بقاع العالم.

وكان الأمير الوليد قد تبرّع في عام 2003م ب 80 طن من المساعدات لضحايا الفيضانات بالسودان.

وجاء تبرع سمو الأمير تلبية لطلب فخامة الرئيس السوداني في دعم الحكومة السودانية في مواجهة الكارثة

الإنسانية التي حصلت جراء تضرر العديد من الولايات الشرقية في البلاد من الفيضانات. هذا وشمل التبرع

خيام وبطانيات ومواد طبية بالإضافة إلى مستلزمات الخدمات الصحية والإسعافات الأولية الضرورية في

حالات الكوارث الطبيعية ومضخات مياه. وتم شحن المعونات بواسطة طائرة نقل خاصة تم استئجارها

لنقل شحنة الإعانة من مطار الرياض إلى مدينة الخرطوم. وفي مطلع عام 2003م أيضاً، أمر سموه الكريم

بالتبرع بمبلغ 10 آلاف دولار أمريكي لأقارب كل ضحية من ضحايا كارثة الطائرة السودانية الذين بلغ

عددهم 115 ضحية.


صورة

تمعنوا في الصورة المرفقة الماسك الهدية خجلان ومطأط رأسه ؟والبعده ينظر الي الأمير الجالس بعظمة

نظرة الجائع الي واحد يأكل في وجبة دسمة مغرية الشكل والوزير ابو جلابية يشعرك بأنه في عجلة من

أمره لسماع ما سينطق به الأمير

معقولة يا جماعة الجوع وصل بالبلد مرحلة زي دي وبقينا نشحد في وضح النهار وبالعمة كمان ؟
صورة العضو الرمزية
ناري عسل
مشاركات: 77
اشترك في: الاثنين 2010.7.19 4:22 pm
مكان: السعوديه مكه

رد: تفووو عليكم

مشاركة بواسطة ناري عسل »

طبعا انا الصورة مافتحت عندي لكن اتخيلت المنظر طبعا :064:
بس حبيبت اقول ليك حاجة اصلا طول ما الكيزان وعمر الرقاص ولا البشير دا في الكرسي وربي الكعبة ماتشوفوا تقدم في البلد ومايخش زول يعمل لي فيها مثقف ويقول لي عمل السد وبنا النفق لابالله احسن مايسوى كمان ,,
صورة العضو الرمزية
فارماس
مشاركات: 5999
اشترك في: الاثنين 2008.12.22 8:42 pm
مكان: ksa

رد: تفووو عليكم

مشاركة بواسطة فارماس »

ناري عسل كتب:طبعا انا الصورة مافتحت عندي لكن اتخيلت المنظر طبعا :064:
بس حبيبت اقول ليك حاجة اصلا طول ما الكيزان وعمر الرقاص ولا البشير دا في الكرسي وربي الكعبة ماتشوفوا تقدم في البلد ومايخش زول يعمل لي فيها مثقف ويقول لي عمل السد وبنا النفق لابالله احسن مايسوى كمان ,,

هلا ناري عسل

الصورة احسن ما تشوفيها والله مخجلة بشكل

الكيزان ديل شكلهم كدة ببقونا شحادين ..... البشير قال البلاد تعاني مشاكل تراجع الدخل بسبب الانفصال..

لدينا خطة للتخفيف من آثار الأزمة ..!!"

شفتي الخطة دي ياها الشحدة زاتها لكن و الله خطتك ناجحة تب يا بشيرنا
ابولفته
مشاركات: 381
اشترك في: الأربعاء 2011.6.8 3:10 pm
مكان: كل مكان جميل

رد: زيارة وزير الخارجية للامير الوليد بن طلال

مشاركة بواسطة ابولفته »

ليه بس انحنا السودانيين دائما راسنا مرفوعه وخاصه فى السعوديه ودول الخليج كلها بل العالم اجمع فرطنا فى الجنوب بخيراتو وقاعدين نمد القرعه
صورة العضو الرمزية
الأميرالحب
مشاركات: 8630
اشترك في: الثلاثاء 2009.12.15 10:12 pm
مكان: الجليد

رد: تفووو عليكم

مشاركة بواسطة الأميرالحب »

ناري عسل كتب:طبعا انا الصورة مافتحت عندي لكن اتخيلت المنظر طبعا :064: بس حبيبت اقول ليك حاجة اصلا طول ما الكيزان
وعمر الرقاص
ولا البشير دا في الكرسي وربي الكعبة ماتشوفوا تقدم في البلد ومايخش زول يعمل لي فيها مثقف ويقول لي عمل السد وبنا النفق لابالله احسن مايسوى كمان ,,


اختلاف الراي لايفسد القضيه
اخي فارماس البلاد ليس بجعانه ولا شعبها جيعان
ولكن هنالك حقيقه ع الجميع ان يعرفها
طالما امريكا واسرئيل موجودين علي ضهر الارض
نقول يا دنيا منك السلام
وبعدين السودان مستهدف يا شبابنا السودان مستهدف
وحال السودان بقي اسوء من بعض اصحاب النفوس الضعيفه
الذين يريدون البلاد علي حل شعرها
نحن مسلمين نحب الاسلام ولازم نمشي ع الاسلام



ناري عثل :
الشعب السوداني كلو بيرقص واتحدي اي واحد يقول غير كده
شعب راقص تمامآ واتمني ان تزول هذه العاده السيئه
ليس تحيزآ للبشير ولكن هذا هو رئيسآ شئنا ام ابينا
نفتخر به ونرع قبعاتنا احترامآ له
هو وحتي هذه اللحظه لن نركع لامريكا وحلفائه
من قالها غير الرئيس السوداني وصدام حسين
من قال
فعلي الشعب السوداني ان يكون واعي جدآ
فاتمني ان لانهين حكومتنا بالشكل دا
بصراحه انا لاجبهجي ولا بحب الجبه نهائي
ولكن مرت علينا حكومات عده مافي اي حكومه
عملت في البلاد غير حكومة الانقاذ الوطني
من عهد الاستقلال الي يومنا هذا اي حكومه خدمة البلاد
ونار الفتنه موجوده الان في جنوبنا وشرقنا وشمالا وغربآ
لو لم نتبه نحن الشعب الي ما يدور حولنا
سوف نضيع باكملنا
ولي رجعه
صورة العضو الرمزية
الأميرالحب
مشاركات: 8630
اشترك في: الثلاثاء 2009.12.15 10:12 pm
مكان: الجليد

رد: زيارة وزير الخارجية للامير الوليد بن طلال

مشاركة بواسطة الأميرالحب »

ابولفته كتب:ليه بس انحنا السودانيين دائما راسنا مرفوعه وخاصه فى السعوديه ودول الخليج كلها بل العالم اجمع فرطنا فى الجنوب بخيراتو وقاعدين نمد القرعه

خيرات شنو البترول الفي شمالآ اكتر
ولو ماعارف اعرف
ابار جاهزه ومنتظرين نهاية بترول الجنوب وبعدين قول الامير قال
يا اخوانا الجنوب فرط بنفسو براهو 56 سنه حروب ايه استفدنا
والله لو قسمو لي اربعه دويلات يكون احسن
كل من هب ودب عمل حركه قال عاوز حقوق
يا اخوانا بالعقل كده
البلاد مستهدف من الغرب
واي حكومه عاوز تطبق الشريعه بكونو ضضها
وما تجو وتقول لي السعوديه
اتحداكم نص البترول للمريكان والباقي لي الحكومه السعوديه
وقليلآ منه للشعب
لو البترول بتاع السعوديه قسموهو للشعب
وحات الله ما تلقي زول ماعندو بيت ملك
كلهم عايشين بالاجار وبشتكو من الحته دي
يا اخوانا نحن بخير عاينو الي الصومال وافريقيا باكملها
نحن في نعمه
أضف رد جديد

العودة إلى ”منتدى السودان العام“