تهجر حبيبك وتختفي ...
ترسم سحابات الجفا فوق الوداد
الكان مصاحب للوفاء...
تمسح خطوط اللقيا بين
أطراف الغرام النقىِ..
تمشى وتسيب كل الغناوى
بلا لحن .. من غير هوى
تنسى الليالي تروح بعيد
وما تتلقى ...
***
ما ليك حق ...
تنفح بنسمات العذاب
وتلامس الأسى والألم
ترحل ... تغيب
وتقول نصيب.. وتقول قِسم
***
ماليك حق ...
يا إنت .. يا البنزاح معاك
معنى الشجون كل الحزن
يا إنت يا البرتاح معاك
لون الصفا .. وحسن الدفىء
سحر العيون
وينو إنطفأ؟!
***
ماليك حق ...
ارجع تعال ...
إتذكر الشوق والحنين
لمن تمر أشهر سنين
ويتصاحب النوى بالأنين
فى لحظته ح تلقى السهر
ويبقى القدر
وما ليك حق
....
الامير الحب
ودكبوشيــــة