رائعة اليمنى

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

أضف رد جديد
صورة العضو الرمزية
المونت
مشاركات: 1643
اشترك في: الاثنين 2010.9.20 6:09 pm
مكان: الخرطوم

رائعة اليمنى

مشاركة بواسطة المونت »

نسأل الله لة الصحة والعافية


وا أسفاى ياء ياما ومراضى الدايرو ما تمة
دة سفراً ما نفع ضمة
أخير نرجع تلمينا وعليك يايمة نتلمة
جوابك جانى وقريتو حفظتو بالكلمة
كل الفيهو فلان عرس ونجمة
وفلان ولدت جنا وسمه وفلات حش التمر لما
فلان ساعى البقر مرحاض زرايبو ملانة لا خشمة
وفلان سافر بعد سفرك ورجع شايل الورق حزمة
بنى وخت البيوت حيشان وأدى الخالة والعمة
دة كلو قريتو
بس دايرانى أعرس كيف وأنا أهدم كل يوم وأبنى
أنا العزيل مجننى فى ديك مادخلت الكتاب وحتة رمادة مافاهمة
وديك قرايتة الجامعة على ما أظن بتتلمة
وديل فصيحة لجلاجة ذى المكرفون خشمة
وديك لاقالو لاقلنا ولابتنضم تقول بكمة
وديك ضعيفة تعد ضلعة وديك من الشحم وارمة
وديك قصيرة طبعاً فتنة ياحكمة
وديك الطول متل طولون منو البمشيلة واسجمة
مرة أقول من الخرطوم عروس من العاصمة
كان شفتيهة يايمة هى مى ذى القمرة لما
يظهر بينو وبين غيمة نور يفوق كهاربنا وجبينة ينور الظلمة
كان شفتو الشعر يمة سواد الليل وموج النيل وذى البان يميل جسمة
لما أقول من الخرطوم أذكر بنات شندى
الواردات والنازلات ومانى سعيد أتا أصلى شقى
لما تلاقى واحدة عصير من تلقاق تجر هدمة
تسالمك بى أدب يغريك وطبعاً هيلاً الحشمة
وديك شايلة الصفيحة بشيش وديك تقتل ورا غنمة
ديك شعراً طويل وغزير بى الغصب لامة
مرة أقول بنات شندى وبرجع أقول من العاصمة
وأنا بين ديل وديك حيران أصلو كبيدى وا ورمة
لما جيت لى عرس وعاد خلق الله نتلمة
بدأ الطمبور مع اليمنى ولى زغرتى يايمة
أبشر فوق بنياتنا أكالم داك وأضاحك داك وخشمى أنا غالبو ينصمة
رابط فوق جبينى هلال ولاوى ومقلوز العمة
جلابية سكروسة ومن جلد النمر جزمة
أقوم من نومى ذى الجن وأفتح أتارى كان حلمة
العمرابى
مشاركات: 3410
اشترك في: الجمعة 2011.6.3 5:32 pm
مكان: المملكة العربية السعودية / الرياض

رد: رائعة اليمنى

مشاركة بواسطة العمرابى »

ان شاء الله حلمك يتحقق وتشوف جديدك

كان شفتيهة يايمة هى مى ذى القمرة لما
يظهر بينو وبين غيمة نور يفوق كهاربنا وجبينة ينور الظلمة

شوف التشبيهة البلغ فى البيت اعلاه
ياخى ده كلاو موزون مقفى
اى حاجة قديمة سمحة والله الزمن العلينا ده الكلام السمح الببرد البطن راح
يديك الف عافية
صورة العضو الرمزية
المونت
مشاركات: 1643
اشترك في: الاثنين 2010.9.20 6:09 pm
مكان: الخرطوم

رد: رائعة اليمنى

مشاركة بواسطة المونت »

العمرابى كتب:ان شاء الله حلمك يتحقق وتشوف جديدك كان شفتيهة يايمة هى مى ذى القمرة لما يظهر بينو وبين غيمة نور يفوق كهاربنا وجبينة ينور الظلمة شوف التشبيهة البلغ فى البيت اعلاه ياخى ده كلاو موزون مقفى اى حاجة قديمة سمحة والله الزمن العلينا ده الكلام السمح الببرد البطن راح يديك الف عافية


تسلم ياعمرابى ويديك العافية
صورة العضو الرمزية
المونت
مشاركات: 1643
اشترك في: الاثنين 2010.9.20 6:09 pm
مكان: الخرطوم

رد: رائعة اليمنى

مشاركة بواسطة المونت »

العمرابى هاك رائعه الراحل المقيم سيد خليفة (ياحليلا)
صورة العضو الرمزية
المونت
مشاركات: 1643
اشترك في: الاثنين 2010.9.20 6:09 pm
مكان: الخرطوم

رد: رائعة اليمنى

مشاركة بواسطة المونت »

حليلا هوى ياحليلا يبنت الأصول والعيلا
عروسنا سمحه جميلا مغادرة الفريق
ياحليلا
عريسنا جاب الشيلة وجاب الدهب بالكيلا
رقصن بنات العيلا وإنشاء الله قالوا عديلا
غنو ليك خلاتك وزغرتن عماتك
أنتى زايتة حلاتك يا أحلى وردة جميلة
جرتكوك أماتك وبخرن حجراتك
ودايرة بين داداتك ومافى ليك مثيلة
فى الرقيص بدعتى فى فنونى برعتى
زى غزالة مناسقك ياشبية الريلة
صوت نحاسك لزة وكم عريس إتهزة
بى سيوف العزة المن جدودو أصيلة
أضف رد جديد

العودة إلى ”همس القصيد“