جنوووون الحب

يحتوي على كل أنواع القصص والأحداث الواقعية الشخصية .

المشرف: بانه

أضف رد جديد
صورة العضو الرمزية
احاسيس
مشاركات: 4997
اشترك في: الأربعاء 2010.7.7 2:10 pm
مكان: الخرطوم

جنوووون الحب

مشاركة بواسطة احاسيس »

اول روايةمن تاليفى

عاطفية,,, بلهجة سودانية مية المية

اتمنى تنال اعجابكم
حانزل الجز الاول والتانى مرة واحدة happy0005.gif اذا عجبتكم قولو عوووك عشان نكمل القصة banana.gif


البـــــــــــــــــــــــــــــــداية

كانت حلا وهبة صديقتان مقربتان جدا من بعض بالرغم من اختلاف طبقتهما الاجتماعية فهبة كانت بنت عز وجاه وهى حفيدة الشيخ ود البدرى احد اكبر شيوخ الطرائق ولكنها كانت متواضعة جدا فى كل تصرفاتها لذلك وجدت فى حلا التواضع والبساطة والعفوية وطيبة القلب ما امكنها من التوافق معها فى كل شى
حلا وهبة كانو بدرسو فى جامعة واحدة وكليه واحدة وكانت حلا اجمل جميلات الكلية يعنى جمال خلقة واخلاق قوام جميل ولون قمحى راااايق عيون ولا اروع وفيها رقة وحنان ماا اتوجدو فى انسان وكانت موقفة الجامعة على رجل واحدة زى مابقولو بس هى ماكانت شايفة فى اى واحد منهم فارس احلامها عشان كدا كانت بتعتذر من كل واحد يطرح ليها بكل لباقة وبدون ماتجرح شعورهم او تفترى عليهم عشان كدا كان الكل بحبها
فى يوم اتصلت عليها هبة وعزمتها على حفلة عيد ميلادها وحلا حاولت بكل الطرق انها تعتذر بس هبة رفضت تقبل منها اى اعتذار واتصلت على والده حلا تترجاها انها تجى واخيرا ام حلا وافقت لانها بتعز هبه جدا وفى يوم الحفلة
حلا تتكلم مع اختها
حلا :اها يا حنين هسى انا البس شنو للحفلة دى والله انا ماكنت عايزة امشى عشان ماعندى حاجة تليق بالحفلة دى
حنين:ما معقول ياحلا ماتمشى الحفلة وانتى اعز صحباتها اكيد كانت حتزعل منك وبعدين ماتشيلى هم انتى لو مشيتى بهدوم البيت سمحة فيك ههههه
حللا وهى ترمى المخدة على حنين:كووووووووووويس ياكرور انا امشى بملابس البيت انا اصلا غلطانى انى بشاورك
حنين: هههههههههههه اصلا ماعندك زول غيرى تشاوريه اسمعى انا عندى ليك فكرة
حلا:احكى اتحفينى بافكارك؟؟
حنين:كلمى هبة خليها تشترى ليك فستان خخخخخخخ
حلا وهى خلاااص فقدت اعصابها: اطلعىىىىىىىىىىىىىىىىىىىىىىىىىىىى برا سريع
حنين وهى جارية عشان المخدة ماتصلها:هههههههههههه خلاص خلاص البسى لبستى الجديدة مع انها خسارة فيك
حلا وهى بتفكر كانها اتذكرت شى :اى والله صحى البت حنو دى ماعندها لبسة رهيييبة بسسسسس خلاص اتحلت الحمد لله
ومشت حلا تنوم واخيييييييرا انزاح ولو جزء بسيط من هم حفلة بكرة مع انو الهم الاكبر كان انو كيف حتقدر تتعامل مع معازيم الحفلة وهم كلهم من الطبقة الارستقراطية وكيف حينظرو ليها
حنين:غايتو الله يستر
امها جات ماشة سمعت بتها بتتكلم براها قالت:مالك يابتى الله يستر من شنو
حلا:ااامافى شى يا ماما بس عندنا تست فى الجامعة وماقرينا كويس
ونامت حلا بعد جهد جهد وهى بتفكر يوم بكرة كيف بكون ولسان حالها بتكلم &#6 151 6;يااااايوم بكرة ماتسرع)

نهاية الجزء الاول
صورة العضو الرمزية
ود الخير
مشاركات: 11370
اشترك في: الخميس 2009.4.30 11:51 pm
مكان: جده

رد: جنوووون الحب

مشاركة بواسطة ود الخير »

والله ميه ميه واصلى ونحنا متابعين
صورة العضو الرمزية
احاسيس
مشاركات: 4997
اشترك في: الأربعاء 2010.7.7 2:10 pm
مكان: الخرطوم

رد: جنوووون الحب

مشاركة بواسطة احاسيس »

قلنا عشان الدنيا عيد حاننزل البارت التانى طوااااااااااااااااااالى بس ماتتعودو خخخخخ


الجزء الثـــــــــــــــــــــــانى


غنو لحبيبى وقدمو له التهانى ,,,,,
فى عيد ميلاده عساها مية عااام
كانت دى الاغنية الدخلت بيها هبة الحفلة وهى ترقص وتغنى وفرحاااانة وكانت انيقة بشكل لابسة فستان شمواه اسود عليه شريط فى الوسط باللون الاحمر واحجار بنفس اللون صراحة كانت تجنن
سلمت على كل الموجودين وبقت تتلفت كانها بتفتش فى زول وفى نفس اللحظة دى جات داخلة حلا
هبة بفرح غااامر: حلوووووو كنت حازعل شديد لو ماجيتى ا
حلا وهى تضمها بقوة وتعايدها:وانا اقدر ما اجى عيد ميلاد روحى هبوية كل سنة وانت بالف الف الف خير وعقبال المية شمعة بشرط انا اطفيهم معاك شمعة شمعة وربنا مايحرمنا من بعض ياررب
هبة :اميييييييييييييييييييين ولا يحرمنى منك كمان بس يعنى ما حتخلي لينا انا وعدولى ولااا شمعة نطفيها بمزااااج كدا برانا هههههه
حلاوهى تضحك وتغمز ليها: ولاااااااااااااااا نص شمعة حاقعد ليكم فى حلقكم بس وماعندك حل الا تشوفى لى معاك صاحب عدولى ولا اخو عدولى ولا ان شالله ابو عدولى زاتو المهم حاجة من ريحة عدوووولى وقالت الكلمة دى بدلع عشان تغيظ هبة
هبة وهى قربت تخنق صحبتها:بسسسسسسسس حدك هنا انا حاشوف ليك ان شالله جد عدولى بس تخطينى هههههههه
حلا بمرح وضحكة بريئه دوبت قلب المكسر المجنون القاعد يراقب من على البعد ومافى زول حس بيه الا صاحبو
محمد:ياااااااود براحة براحة على بت الناس اكلتها اكل بعيونك
طه:ااااااه انا لكن فى زمتك يامحمد تستاهل الاكل ولا ماتستاهل
محمد بصوت عالى لمن انتبه الناس الجنبو:هههههههههههههه ليه هى صحن سلطة
طه: معليش عاذرك انت ما من قمت وانت مابتعرف بنات غير خطيبتك ايش عرفك انت فى السلطة وفى العنب وفى الخوخ
فى ركن اخر من الحفلة
كان فى بنات خالة هبة ومافى ولا واحدة منهم التثلاتة صحبه هبة لانهم دايما بحبو يتفشخروومابصاحبو الا من مستواهم
عشان كدا هبة كانت قاطعة معاهم ستة صفر ومابتلاقيهم الا فى المناسبات
طبعا بنات الخالات كانو شغالين حش تقيل فى هبة وصحبتها
امنية ا(صغر بنات خالتها ) طيووووبة ولذيذة وتقريبا اكتر واحدة بتقدر تتعامل مع هبة :هبة فستانها رهيييب وهى زاتها طلعت ماشالله والارهب بجد صحبتها واااااااو طفت على هبة زاااتا
مها(بنت الخالة التانية ) تتكلم بقرف واشمئزاز :ييع عليك الله هسى دا رهابتو شنو فى زول بلبس فى حفلتو لون اسود ماشه عزاء هى ؟!وبعدين دى شنو الاشكال البيئه المصاحبة دي هسى دى بت منو وابوها منو وجنسو شنو اهلها ما مشهورين والا كنا عرفناها غايتو يا امنية ماتخلينى اغير راى فيك دا زوق شنو العندك دا
امنية:انتى يامها اى شى عندك بتقيسيه بالقروش غايتو الله يكون فى عونو الحياخدك دا لانو لو مارمى ليك قروش فى الداخلة والمارقة بتشيلى حالو ههههه
مها:قولى الله يكون فى عونى انا لانى ماعارفة حاقدر ادسو من عيون البنات كيف سماااحة وقروش وعلم وااااااو حيجننى معاه الود دا
امنية وهى تتلفت تشوف وين ما مها سرحانة فاذا بها ماتلقى زول على امتداد بصر مها غير طه قالت لا شعوريا: بس ماتقولى لى انك بتفكرى فى الانا شايفاه دا
مها وهى لسة تااااايها فى سرحانها:وحااااتك يا منوية ياحبيبتى ياااهو وبعد شوية زى انها انتبهت لى شى مهم وقالت فجاءه بانفعال :اهاااا من هسى بدينا وانت البوديك تعاينى ليه شنو ؟!!
امنية وهى تضحك بسخرية :هههههههههههه صحى العقل نعمة انتى لابتريدى امو ولا اخته وبعد دا دايرا تاخديه؟وبعدين تعالى هنا انتى دا منو العشمك ؟
مها وعاملة فيها خجلانة:ماما كانت بتتكلم معاى امس وقالت خالتو منى (طبعا خالتو منى دى ام العريس الغلبان دا خخخخخخخ) لمحت ليها بالكلام ,واااااى يا امنية لو دا حصل انا مادايرة اى شى تانى فى الدنيا دى ولو على هبة مقدووور عليها يا ستى
امنية بخباثة:هههههه سمح ياختى الله يهنى سعيد بسيعدة
مها وكأنو خلااااص الموضوع تم :اميييييييييييييييييييييييييييييييييييييييييييييين(غايتو خفة البنات مشكلة هههه)
امنية :ههههههههههههههههههههههههههههه
فى نفس اللحظات وفى نفس المكان والزمان كانت حلا منزوية فى ركن بعيييد عن الناس كان عندها احساس فظيع بالوحدة وانو وجودها هنا اصلا غلط
حلا وهى تكلم نفسها: عجييييييب لكن الود السمح دا منو ياربى كويس ياهبة ياعواليق عندكم اولاد سمحين كدا وماتعرفينى بيهم ما شالله الله شكلو مهذب كمان عاينى عاينى البنات عايزين يموتو على نظرة بس منو وهو بمشى مدنقر فى الارض سبحان الله بالله لسه فى اولاد كدا ياااارب ترزقنى بواحد كدا زيووو سمح وطويل وهيبة وهسى تلقى كمان اسمو رامى ههههههه واكييييييييد كمان ود عز يهز ويرز هسى انا الجابنى هنا شنو ياربى العالم دى لا من توبى ولا بتشبهنى ماكان انوم فى بيتنا احسن لى اوووووف ,,,,خلاااص حلا اتوترت وبقت تلف طرف طرحتها فى اصابعها وشوية تاكل اظافرها كلو توتر ورهبة من الجو الهى فيه وتانى ترجع تكلم نفسها:عاااينى ياحلا البنات ديل بعاينو ليك كيف هسى اكيد بكونو بقطعو فيك يقولو دى شنو الجابها هنا ودا شنو العولاق الابساه دا وااااى انا لو ضحكو فينى بموت الله يسامحك ياهبة انتى الاضطريتينى اجى هنا اووووف يا الله
فجاءة انتبهت على صوت زول بقول ليها :خير مالك المزهجك شنو بس ماتكون حفلتنا ماعجبتك؟؟ّ
حلا من غير ماترفع راسها من الاحراج:ااا سورى والله ماكدا بس كنت بتكلم فى التلفون ,والحفلة مافيها كلام طالما هبوية صحبتى هى ستها
وووسكتت مالقت كلام تقولو تانى وفى اللحظة دى رفعت راسها شوية عشان تحاول تواجه الشخص المجهول البحقق معاها دا لكن فى لحظة اختفى الكلام كلووووو حست كانها طفل لسة مابعرفالكلام الحروف كلها ابت تطلع من مخارجها بس كل القدرت عليه انها تفتح خشمها مترين وتقهى فيه
حلا بينها وبين نفسها فى حوار سريع ودقات قلبها وصلت مسامع الناس الحولينها:ياربى دا هو زاتو ولا ماياهو ,,لا لا لا اكيد انا قاعدة اتخيل عشان الود عجبنى وسرحت فيه قبل شوية ,,تانى تبحلق فيه شوية :لا لا ياخى والله ياهو الليلة ياربى يكون سمعنى وانا بتغزل فيه؟؟؟؟ّلااااااااااااااا انا كدا حاضيع فيها طي....
قبل تتم كلامها مع نفسها الطاااال لدرجة انو انتبه انها مرتبكة وخايفة ومزبهلة فيه فجاءها اكتر وهو بيمد ليها يده وخشمو حايتشرط من البسطة والضحكة :معاك طه اخو هبة ,,
حلا وهى لسة مخلوعة انو هبة المعفنة دى عندها اخو سمح كدا:مدت يدها وهى بتقول: اا اتشرفنا ياطه ااسورى دكتور طه صح؟؟
طه وهو خلاااص ميت من الوناسة : صح ما شالله شكلك عارفة عنى حاجات كتيرة !!
حلا وهى محروووجة شديد من شلاقتها هسى الود يقول فينى شنو؟: لا ماكدا بس بسمع هبة بتحكى لى طوالى عن اخوها المسافر وانو دكتور وكدا عموما اتشرفنا يا دكتور قالت اخر كلمة وهى حالفة ماتقيف معاه ولا لحظة تانى عشان لو طولت فى الونسة حتعترف ليه بحبها بدوووون شك(اوووو انعل ابو الحب من اول نظرة زاااتو خخخخخخخ الله يوعدكم ياخوانى )
طه رد بسرعة لما حس انها ماشة :انتى صحبه هبة فى الجامعة ولا وين؟
حلا ردت مظطرة بس مارفعت عينها من الارض عشان اترتبك زيادة:اى انا صحبتها فى الكليه هبوية دي اقرب صديقة لى
طه عشان يطول الموضوع والونسة رد بسرعة:ربنا مايحرمكم من بعض(ورد نفس الرد جواه بس بصيغة مختلفة وقال:ولا يحرمنى من شوفتك يارب)(شكلو فى الحفلة دى كان فى ملائكة حاايمييين خخخخ دى بتفهموها بعدين)
نهاية البارت التانى


يلا عايزين توقعاتكم للبارت الجاااااى
صورة العضو الرمزية
احاسيس
مشاركات: 4997
اشترك في: الأربعاء 2010.7.7 2:10 pm
مكان: الخرطوم

رد: جنوووون الحب

مشاركة بواسطة احاسيس »

هندسسسسسه كتب:والله ميه ميه واصلى ونحنا متابعين


هسى متييييين قريتها ياهندسسة :004: :004:



شكرا للمرور والشرطة زاتها وخليك متابع
صورة العضو الرمزية
ريتان
مشاركات: 118
اشترك في: الثلاثاء 2010.12.28 5:18 pm
مكان: السودان

رد: جنوووون الحب

مشاركة بواسطة ريتان »

هههههههههههههه اول شي ادفعي لينا حق الاسامي دي بس خيالك واسع واصلي
صورة العضو الرمزية
نهر المحبه
مشاركات: 6170
اشترك في: الجمعة 2009.5.29 6:15 pm
مكان: في ارض الله الواسعه

رد: جنوووون الحب

مشاركة بواسطة نهر المحبه »

احاسيسو يا ام الاحاسيس
عارفه انا بقرى كاني بتفرج في مسلسل هههههه
واصلي واحنا متابعين

اكيد يا اما حيشيل منها الرقم
او يصر انه يوصلها بيتهم وهي حترفض
صورة العضو الرمزية
احاسيس
مشاركات: 4997
اشترك في: الأربعاء 2010.7.7 2:10 pm
مكان: الخرطوم

رد: جنوووون الحب

مشاركة بواسطة احاسيس »

يسلمووو ياحلوين على الدعم المعنوى

واستنونى الليلة فى جزء تالت وتطورات خطيييييييييييرة
صورة العضو الرمزية
احاسيس
مشاركات: 4997
اشترك في: الأربعاء 2010.7.7 2:10 pm
مكان: الخرطوم

رد: جنوووون الحب

مشاركة بواسطة احاسيس »

نعتزر للتاخير والانقطاع ياجماعة وجيناكم راجعين ومواصلين ان شالله
صورة العضو الرمزية
احاسيس
مشاركات: 4997
اشترك في: الأربعاء 2010.7.7 2:10 pm
مكان: الخرطوم

رد: جنوووون الحب

مشاركة بواسطة احاسيس »

البارت الثااااااااااااااااااااااااااااااااااااااااالث

انت مو انسان اكثر
قلبى مو من قلبك اصغر
مثلما تشعر تاكد انى اشعر
فينى منك فيك مـــــــــــنى
غصب عنك غصب عنى
التقينا واللقا قسمة مقدر

كانت هبة مبسوووطة جدا بالحفلة الطلعت احلى مما اتوقعت طبعا لانو طه هو القايم باى شى لكن برضو كان فى شى مهم جدا ناقصها عشان تكمل فرحتها وهى جيت خطيبها وحبيبها عادل او عدوووولى زى مابتحب تناديه , عادل وهبة جمعت بينهم قصة حب جميييلة وعميقة فهم اصدقا ءمن زمن الطفولة نسبة لانو اسرتيهم كانو اصحاب شديد عشان كدا اتربو مع بعض وعادل اكبر من هبة بى 3 سنة وكان دايما وهو صغير بحس انو هو المسؤول عن هبة وعن اى شى بخصها وهبة اتعودت ماتعمل اى شى بدون ماترجع لعادل صراحة كانو ثنائى ولا اروع وكل الناس حاسداهم على حبهم دا ,,,وفى نص سرحان هبة فى عادل وزكرياتها عن حياتهم مع بعض فجاءة حست بيد ناعمة وحنونة بتغمض عيونها فى اللحظة دى هبة كانت طااايرة فوق السحاب لانها عرفتو ...عرفت اللمسة الرقيقة ..عرفت العطر المميز.. حست دقات القلب العشقتو اى دا عدوووووولى واتلفت عشان تملى عيونها بشوفتو واول ما وقعت عيونهم على بعض حسو انو الوقت وقف وانهم وعزوولين عن العالم الخارجى عايشين فى كوكبهم هم الخاص وقفو للحظات كل واحد بتامل التانى بشوق عجييب وما وعو بروحهم الا وام عادل بتقول لى هبة وهى مبسوووطة على حال ولدها وبتها هبوية وبتدعى فى سرها ياااااارب يتمم ليكم على خير ويسعدكم كمان وكمان(ياااابخت من امو دعت ليه )
هبة وهى محروجة من نسيبتها:اهلييين ماما مها ازيك
والدة عادل:كل سنة وانتى طيبة حبيبتى وان شالله السنة الجاية محتفلة في بيتك (قالت الكلمة دى وهى بتغمز لودها غمزة خلت هبة تتمنى الارض تنشق تبلعا من الخجل)
هبة :الله يبارك فيك وبحياتك يارب وانتى دايما معانا ومحاوطانا بى حنيتك
مشت والدة عادل عشان تدى فرصة لودها وخطيبتو (امو فاهمة وراقية خلاص هههه)
عادل:كل سنة وانتى طيبة ياروحى وان شالله العمر كلو
هبة :وانت طيب حبيبى وربنا ماايحرمنى منك
عادل:امييييييييييين يارب ولامنك وان شالله زى ماقلت امى السنة جاية محتفلة فى بيتك وواصل وهو بضحك بخبث:وتاكدى تماما انو ماحيكون فى زول فى الحفلة غيرى انا وانت
هبه باستغراب:لييييه؟؟؟
عادل وهو يمسك يدها:لانو بصراحة عيد ميلادك حاجة خاصة بيك وانتى كلك خاصة لى انا بس وانا مابحب اشارك زول فى حاجة حقتى فبالتالى ولاااا تحلمى حتى انك تعزمى زول للحفلة
هبة وهى خدودها بقت طماطم بس :حرااام عليك عدولى ولااا حتى ماما وبابا واخوانى وصاحباتى وو..
عادل يقاطعها :لا عليك الله كمان اعزمى اصحابك عادى ,,خليتى منو تانى واعزمى ناس الحلة كلهم
هبة وهى ميتة ضحك ومن جواها مبسوووطة على غيرة عادل:هههههههههه بس كدا كمان حاعزم حبيبى الكان معاى فى الروضة وو
وقاطعتها حلا قبل ماتتم كلامها
حلا:عدوولى ازيك كيف اخبارك وكل سنة وانتو طيبين ياخ وضحكت وهى بتاشر لهبة
عادل:وهو بضحك على كلمة عدووولى دى لانو عارف هبة مابتحب زول غيرها يقول ليه كدا:اهليين حلا وانتى طيبة يااارب وعقبال مااانفرح بيعد ميلادك انتى كمان مع بعلك ههههه
حلا:هههههههه بعل مييين انا ماببيع الحرية دى باى تمن
عادل:ياااااازولة اسالئ هبة دى السجن حلو كيف؟؟وعاين لهبة يشوف ردة فعلها
هبة :واااااو ياحلو دا احلى سجن سوفتو فى حياتى
حلا وهى بتضحك على جن صاحبتها:هههههههه طيب خلاص اتقلى وماتفضحينا ههههههه
هبة ويادووب ركزت انها بتتكلم قدام عادل :هههه هسى فى داعى تحرجينى كدا
حلا:هههههه اسمعى ياعسل الونسة معاكم حلوة بس انا اتاخرت حبيبة ولازم ارجع لانى براى ماينفع اتاخر اكتر من كدا
هبة:لااااااا حلو عليك الله اقعدى لسى الوقت بدرى وبعدين فى فنان جاى مفااااجاءة لازم تحضرى
حلاردت باسف شديد واحراج من صاحبتها:والله ياريت هبوية بس مابقدر امى وصتنى ما اتاخر
عادل:طيب اتصلى على امك وبيتى الليلة مع هبة
هبة بفرح:اى اى عليك الله ياحلا ا رح نتصل عليها هسى
حلا:مافى مجال والله اعفونى واسمحو لى بس
هبة وهى تشيل تلفون عادل من يدو :اوووس انتى ماعندى معاك كلام ادينى رقم خالتو
حلا ملتها الرقم وهى مغيوووظة لانو صحبتها ما ادتها فرصة هى اساسا دايرة تهرب من جو الحفل (ومن حاجات تانية حاميانى خخخخخ)

والدة حلا:الوووو
هبة:الو سلام عليكم ياخالتو اناهبة
ام حلا:اهلين هبوية ازيك يابتى وواصلت باهتمام حلا فيها شى ؟؟
هبة بسرعة عشان ماتزيد الطين بله:لا لا ياخالتو مافى اى حاجة ياهى دى جنبى ومن قبييل بتكورك قالت دايرة تمشى
ام حلا: اى انا هسى من قبيل بعاين ليها ماجات ليه عشان مادايراها تجى بلليل براها يابتى الزمن دا بقى مامضمون وابوها لو ضرب من السعودية ولقاها مافى مابرضى
هبة: طيب ياخالتو عشان انا دايراها تحضر معاى الحفلة خليها تبيت معاى الليلة
ام حلا:وييييييييييين يابتى مافى طريقة والله
هبة ورققت صوتها على وعسى تحنن قلب ام حلا:عليييييك الله ياخالتو بس الليلة انتى عارفة حلا صديقتى الوحيدة عليك الله خالتو
ام حلا:والله يابتى لو فى طريقة انا مابعترض بس زى ماقلت ليك ابوها بضرب مرات بعد 11 واذا مالاقاها دى مشكلة جاااهزة
هبة بخيبة امل شديد وقالت فى نفسها دى اخر محاولة ان شالله تنفع:طيب خلاص خليها تحضر الحفلة وبعدين بنجيبها انا وطه اخوى وعليك الله ماتقولى لا ياخالتو
ام حلا بقيلة حيلة وماحبت تكسر خاطر البت فى يوم عيد ميلادها:خلاص ياهبوية عشان خاطرك بس عليك الله ماتاخروها وتوصلوها لحد البيت
هبة بفرح غاااااااااااامر:ثاااااااااااااااااانكس يا احلى خالة وربنا يخليك لينا يااارب
ام حلا تضحك على عوارة هبة:ههههههههه دا كلو عشان خليتها ليك كم ساعة؟ يابتى مافى عوجة انتو زى الاخوات بس زى ماوصيتك
هبة :فى عيووونى الاتنين ولما اجيبها حاجى اصحيك من النوم واسلمك ليها
ام حلا: كدا تمام انا اتطمنت يلا
هبة :تسلمى ياخالتو يلا مع السلامة
وماكان قدام حلا الا انها تستسلم للامر الواقع وتجبر بخاطر صديقة عمرها

وللحديث بقية
أضف رد جديد

العودة إلى ”سيناريو وأحـداث“