شايلنى شوق طامح بعيد ..لرؤيتك..
مدفون هناك جوة القليب..ساكن معاى فى مهجتك ..
ياريت كمان تطل عليه..بفرحة .. تسبق ضحكتك..
انت الحبيب..
بالشوق كتير .. متخيالك ..
وخوفى من يوم اسود حزين ..افقد حنانك ..
وافقدك .
** ** **
** **
**
فارقنى يالألم الدفين .. ما خلاص بانت حداى.. رؤيتك..
وطلت فى دنياى .. احرف سعادة ..اجمل كتير ..زى سجعتك..
ياريت كمان ..تبقى الحبيب وصديق عزيز.. امسح دمعتك ..
تعيش بالأمل دائما معاى ..وتطل دوام .. بفرحتك ..
الشوق كتير .. والله دوم .. لطلتك .
** ** **
** **
**
ضم قليبى .. وداوى الجرح ..ببسمتك ..
خليك معاى ..بسعد كتير انا والله جد..فى حضرتك ..
انا بحزن كتير ..لو لحظة فارقنى الامل .. من رؤيتك..
ولو لحظة حسيت بالضياع .. وعذبت قلبى بالهوى ..ببعد بعيد ..اتجنبك..
بس ياحبيب ..
خليك معاى .. زولا حنين ..
اهدينى فيض من حنانك .. وبهجتك ..
انا بيك ضميت الغرام .. ونويت خلاص ..
نويت معاك.. تلقانى فى سكه هواك ..
تلقانى زى فرحا مقًيم فى سماءك..
انا ليك مديت الايادى ..
وروحى ليك ..ملكك خلاص ..
ماكفاك؟؟
وللا ...حروف غناى ..
مابتسعدك؟؟[/align][/size]