الحرف الختام إقصيدة وإلقاء, إهداء إلى (صهيب, سودانية نااار)

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

صورة العضو الرمزية
ابراهيم الجيو
مشاركات: 1428
اشترك في: الاثنين 2006.12.4 9:06 am
مكان: السعودية

الحرف الختام إقصيدة وإلقاء, إهداء إلى (صهيب, سودانية نااار)

مشاركة بواسطة ابراهيم الجيو »

بغض النظر عن موهبة الملقي,, لو ركزت في المزيكا,,, بتلقاها مقتبسة من أفضل الملحنين الخواجات,,,:079:
حاجة من طرف الدولاب ,, واختصار للحوار,,, ممنوع الاقتباس ممنوع الكوبي بيست بكل أنواعه,,,


الحرف الختــــــــام

طليتي في زمن الزحام
وما لقيتي البشاشة في خطاك
ما تعلني الحرف الختام
أصلوا الصباح قّرب يطل
شيلي الصبـــر....
وإتوشحي الشوق للطريق
الجاي من سكة الوجع
البينزف مني...
لي حضرة العشق الهلام
واتيقني إنو الوصول
لابد يكون....
مهما بعد مشوار خطاك
بستحلفــــك.....
ما تعلني الحرف الختام
إتوهجي في كل شبابيك المدن
وإتأملي لون الصباح...
مع غنوة الهم التعب
ابقي الشمس وبُثي الفرح
لي سكة الزمن المسافة
وتبقى أجمل كرنفال
بستحلفـــك...
وأفرد جناحات العشم
بي نية الحلم القبيل
إتمددي ومدي الشعاع
شوفي النجوم كان توصلك
بس أظهري.. وأبقي الختام
لي سكة الوجع الكلام...
بستحلفك..
شيلي الصبــر...
وما تعلني الحرف الختام
.
[media]صورة[/media]


[media]صورة[/media]
صورة العضو الرمزية
سودانية نار
مشاركات: 653
اشترك في: السبت 2007.2.24 1:06 pm
مكان: السودان

رد: الحرف الختام إقصيدة وإلقاء, إهداء إلى (صهيب, سودانية نااار)

مشاركة بواسطة سودانية نار »

يا جامد انت يا ود يا معديييي
ياعم ومين قدك

بغض النظر عن كل الاشياء ......... وبعض الاشياء
يبقي الابداااااااع ابداع :076: :076: :076:

ونحنا بنقدر الابداااااااااع
وين ما كان في الرياض او السودان
ونعطي كل ذو حق حقه
ولا كييييف يا صهيب اخوييييي
صورة العضو الرمزية
ابراهيم الجيو
مشاركات: 1428
اشترك في: الاثنين 2006.12.4 9:06 am
مكان: السعودية

رد: الحرف الختام إقصيدة وإلقاء, إهداء إلى (صهيب, سودانية نااار)

مشاركة بواسطة ابراهيم الجيو »

التيــــــــم الخاسر


صهيب..صحصح وصحي
كل التيم الجبتوا معاك
وشكل خططك...
لعيب لينا ستيل في الباك الرائد
وخلي بت النار تكون المحور
وحاول أكسب زمنك
وإنت بتلعب في الزمن الضائع
لو متعادل برضك خاسر
وناسي بنلعب في ميدانك
بتوجيه درديرنا الرائد
وحاول دعم صفـــك
لأنك راكب وخاسر
ولو, لو نزلنا سلاحنا السري
أكد أكـــــــد,, إنك طايــــــــــــر,,,
صورة العضو الرمزية
ابراهيم الجيو
مشاركات: 1428
اشترك في: الاثنين 2006.12.4 9:06 am
مكان: السعودية

رد: الحرف الختام إقصيدة وإلقاء, إهداء إلى (صهيب, سودانية نااار)

مشاركة بواسطة ابراهيم الجيو »

[quote="سودانية نار"]يا جامد انت يا ود يا معديييي
ياعم ومين قدك

بغض النظر عن كل الاشياء ......... وبعض الاشياء
يبقي الابداااااااع ابداع :076: :076: :076:

ونحنا بنقدر الابداااااااااع
وين ما كان في الرياض او السودان
ونعطي كل ذو حق حقه
ولا كييييف يا صهيب اخوييييي
[/quote]

ما تتجملي يابت يانااار...
نحنا وراكم لآخر دار.
عارفين إبداعنا ومامحتاج منكم لقرار
وتسألي كيف في صهيب الناسي
نحنا أسود للحارة وتار
وكونك ترخي أو تتراخي
ما بتتحلي إلا فرار,,
وكتر خيرك عرفتي قدرنا
وما هماك يابت يانااار:D


سودانية نااار,, الإبداع موجود في كل مكان هنا أو هناك ,,تبقى لمعرفتكم كل ألوان الطيف ممزوجة بكل معاني الفرح,,, تسلمي يارائعة,,

صهيب,,, منتظرك,,:D
صورة العضو الرمزية
سودانية نار
مشاركات: 653
اشترك في: السبت 2007.2.24 1:06 pm
مكان: السودان

رد: الحرف الختام إقصيدة وإلقاء, إهداء إلى (صهيب, سودانية نااار)

مشاركة بواسطة سودانية نار »

إبراهيم الجيو كتب:ما تتجملي يابت يانااار...
نحنا وراكم لآخر دار.
عارفين إبداعنا ومامحتاج منكم لقرار
وتسألي كيف في صهيب الناسي
نحنا أسود للحارة وتار
وكونك ترخي أو تتراخي
ما بتتحلي إلا فرار,,
وكتر خيرك عرفتي قدرنا
وما هماك يابت يانااار:D


سودانية نااار,, الإبداع موجود في كل مكان هنا أو هناك ,,تبقى لمعرفتكم كل ألوان الطيف ممزوجة بكل معاني الفرح,,, تسلمي يارائعة,,

صهيب,,, منتظرك,,:D
يا عم انا لا رخيت ولا اتراخيت
بس نحنا الناس الاصل والباقيييييي تقلييييييييييد
ناس الفهم
والذوق
بنعرف قدرنفسنا
وقدر غيرنا
نحنا
السودان
شرق ....... غرب....... شمال ......... جنوب
الخرطوم
ام درمان
بحري
النيل دا كله
وكل البحبه

تسلم يا زول معجون بالطيبة قليبك
صورة العضو الرمزية
Suhaib
مشاركات: 1030
اشترك في: الأحد 2006.12.17 8:48 pm
مكان: Al-Hilal

رد: الحرف الختام إقصيدة وإلقاء, إهداء إلى (صهيب, سودانية نااار)

مشاركة بواسطة Suhaib »

ابراهيم ،،،


يا زول يا رائع سلامات عوافي ،،

يا خلاصة الخير في الناس وترياق الزمن المتعافي ،،،


الكلام الفوق دا معاك ،،،سمح ،،،، :005:

لكن جامد يا قريبك ،، ،،،، :040:

ممكن نعتبر الهدية ،بي عدم غربالها ،،،دا بمثابة عربون تنازل عن القضية الفلسطنية ،،،اقصد الفنية والتوكيلية لمصلحتنا ،،،، :064:

النصيحة ليك يا الله ،،قرررربت تحصلنا بس اجتهد شوية ،،والله شنو يا سودانية ،،الحال دا لاعبين ناقصين انحنا سودانية لاعبة محور وارتكاز ،،،وبتساند في الهجوم،،وترجع مع الهجمة المرتدة ،،وانا لاعب دفاع وحارس وراس حربة ،معقولة مبارة دورية بي لاعبين بث ،،،والحكام سنغاليين ،،، :040:





سودانية نار كتب:

تسلم يا زول معجون
سودانية البت القامه زي سودانا ،،،،

عشان حركاتو بتاعت التراخي دي ،،وريو انك قاصدة معجون سيجنال 2 شديد الفعالية عشان ما يصدق ،،، :032:



،،،،،
صورة العضو الرمزية
ابراهيم الجيو
مشاركات: 1428
اشترك في: الاثنين 2006.12.4 9:06 am
مكان: السعودية

رد: الحرف الختام إقصيدة وإلقاء, إهداء إلى (صهيب, سودانية نااار)

مشاركة بواسطة ابراهيم الجيو »

[quote="Suhaib"][align=justify]ابراهيم ،،،


يا زول يا رائع سلامات عوافي ،،

يا خلاصة الخير في الناس وترياق الزمن المتعافي ،،،


الكلام الفوق دا معاك ،،،سمح ،،،، :005:

لكن جامد يا قريبك ،، ،،،، :040:

ممكن نعتبر الهدية ،بي عدم غربالها ،،،دا بمثابة عربون تنازل عن القضية الفلسطنية ،،،اقصد الفنية والتوكيلية لمصلحتنا ،،،، :064:

النصيحة ليك يا الله ،،قرررربت تحصلنا بس اجتهد شوية ،،والله شنو يا سودانية ،،الحال دا لاعبين ناقصين انحنا سودانية لاعبة محور وارتكاز ،،،وبتساند في الهجوم،،وترجع مع الهجمة المرتدة ،،وانا لاعب دفاع وحارس وراس حربة ،معقولة مبارة دورية بي لاعبين بث ،،،والحكام سنغاليين ،،، :040:
[/align]



،،[/quote]

صهيب,, ياجميل ويا أكثر من انسان,,, البيني وبينك اكتر من هجاء ولا استهجان,,,

الحكم السنغالي دا داير الدق,, وسودانية لقيتها خطيرة جواء منطقة الجزاء,, الكوورة مرقت دروون ,, وحبايب بالجهتين,, بس النيل دا لو كان مدو لينا هنا,, تبقى كورة جد جد,,,,
وكاكا, قصدي يوسف ما خش,, من حظوا الكورة انتهت,,

واصل (هترشاتك) بكون معاك تيييم,,,, وما بنعاين للحكم السنغالي,,,:D [/color][/font][/B]
صورة العضو الرمزية
سودانية نار
مشاركات: 653
اشترك في: السبت 2007.2.24 1:06 pm
مكان: السودان

رد: الحرف الختام إقصيدة وإلقاء, إهداء إلى (صهيب, سودانية نااار)

مشاركة بواسطة سودانية نار »

إبراهيم الجيو كتب:

صهيب,, ياجميل ويا أكثر من انسان,,, البيني وبينك اكتر من هجاء ولا استهجان,,,

الحكم السنغالي دا داير الدق,, وسودانية لقيتها خطيرة جواء منطقة الجزاء,, الكوورة مرقت دروون ,, وحبايب بالجهتين,, بس النيل دا لو كان مدو لينا هنا,, تبقى كورة جد جد,,,,
وكاكا, قصدي يوسف ما خش,, من حظوا الكورة انتهت,,

واصل (هترشاتك) بكون معاك تيييم,,,, وما بنعاين للحكم السنغالي,,,:D


يا زوووووووووول معجون بالطيبة قليبك
ما مشتاق لموية النيل
ما مشتاق لقعدة جبنة وريحة كسرة وحفلة حنة هوايد الليل
ما مشتاق لصوت اصحابك
ضل الشجرة الحاضن بابك وشاطئ النيل
ما مشتاق لشيلة سفرة في عرس اخوانك
ومرقة فاتحة لجيرانك
صرة زووووووول زعلان وجميل
وكيف وقعت بطاقة فقدك جوه عيون مليانة محنة
وجوه قلوب رايداك بالحيل
انت ما مشتاق يا زوووووووول
يا نيل
:076: :076: :076:

[[color=#008000]B]ود الدرديري
حمد النيل
ابراهيم الجيو
لكم التحية
وكل الحب الذي يعتصر قلوبنا التي امتلات بروائعكم
ولاننا نحبكم كثيرا نحب ان نتشاكس معكم قليلا
ويبقي ذالك الود وتلك المساحة الملية بكل الوان الطيف وزهور الربيع

تسلمو يا غالييييين
[/B][/color]
صورة العضو الرمزية
شـهد الكلامـ
مشاركات: 671
اشترك في: الأحد 2007.2.25 8:46 am
مكان: بلد المليون ميل

رد: الحرف الختام إقصيدة وإلقاء, إهداء إلى (صهيب, سودانية نااار)

مشاركة بواسطة شـهد الكلامـ »

صباحااات الله بى خيرااااا

والله حلفتا طلاق ما امر ساى ف البوست دا

رغم انى مسطحا خاااااااااااااااااااااالص زى البتتكلموا باللغه الهيروغروفيه

بس قلتا
اقول
نحن
هنااااااااااااااا

سودانيه يارفيق نسوى بحت
اسمعى
نحنا يابتى
بيناتنا خطوط تماس
رايك شنو
نعمل حلة ملوخيه بالانارب :040:

حاحاول افخم لى شئ واعمل تيرن باااااك





صورة العضو الرمزية
Suhaib
مشاركات: 1030
اشترك في: الأحد 2006.12.17 8:48 pm
مكان: Al-Hilal

رد: الحرف الختام إقصيدة وإلقاء, إهداء إلى (صهيب, سودانية نااار)

مشاركة بواسطة Suhaib »

شهودة

صباحات شوقنا ،،،

يا دهشة الحرف ،،،





لو نزلوك من البداية ،،كنا حسمناهم من اول خمسة دقائق يا فصاحة ، :040: ،،
صورة العضو الرمزية
ابراهيم الجيو
مشاركات: 1428
اشترك في: الاثنين 2006.12.4 9:06 am
مكان: السعودية

رد: الحرف الختام إقصيدة وإلقاء, إهداء إلى (صهيب, سودانية نااار)

مشاركة بواسطة ابراهيم الجيو »

[quote="Suhaib"][align=justify]شهودة

صباحات شوقنا ،،،

يا دهشة الحرف ،،،


لو نزلوك من البداية ،،كنا حسمناهم من اول خمسة دقائق يا فصاحة ، :040: ،،
[/align]
[/quote]

شهودة ياحرف ممزوج بفصاحة,,و حااااااااجات كتيرة كيدي ما قادر أفهمها,,, يسلم مرورك,, ويسعد لي صباحك,,,


صهيب ,,, دي لو كان دخلتوها,,, هجمات مرتدة ساااي,, كان بتشكلوا خطورة,,, :040:


يوسف ياقووون ,,,أمن لينا وراء,,,, أنا ودرديري بنرمي لي قداااااااااااااااااااااااااام,,,[/color][/font][/B]
صورة العضو الرمزية
شـهد الكلامـ
مشاركات: 671
اشترك في: الأحد 2007.2.25 8:46 am
مكان: بلد المليون ميل

رد: الحرف الختام إقصيدة وإلقاء, إهداء إلى (صهيب, سودانية نااار)

مشاركة بواسطة شـهد الكلامـ »

تف تف تف حابس حابس

والما يصلى على النبى ما يدخل الجنه

شوف عليك الله الاولاد عايزيين يقصونى
:blink:
خمسه وخميسه
بالمناسبه ف زول عارف الخمسه شنو والخميسه شنو
عشان اوريكم من باب الفصاحه


والله دخلتا الشبكه

كدى خلونى امشى المغتربييييين وارجع
عندى رسوم وكداااااااا

:040: :072:





صورة العضو الرمزية
سودانية نار
مشاركات: 653
اشترك في: السبت 2007.2.24 1:06 pm
مكان: السودان

رد: الحرف الختام إقصيدة وإلقاء, إهداء إلى (صهيب, سودانية نااار)

مشاركة بواسطة سودانية نار »

شـهد الكلامـ كتب:
صباحااات الله بى خيرااااا

والله حلفتا طلاق ما امر ساى ف البوست دا

رغم انى مسطحا خاااااااااااااااااااااالص زى البتتكلموا باللغه الهيروغروفيه

بس قلتا
اقول
نحن
هنااااااااااااااا

سودانيه يارفيق نسوى بحت
اسمعى
نحنا يابتى
بيناتنا خطوط تماس
رايك شنو
نعمل حلة ملوخيه بالانارب :040:

حاحاول افخم لى شئ واعمل تيرن باااااك





شهوووووووووووووودة نزلت الملعب يا جدعان :076: :076:
الغلب الشين ترلم تن ترلمممممم
ثلاثة ا اتنيييين تن ترلمم تن ترررلم
صفقتتتتتك وين يا ود الدرديرييي ما سمعاها :075:
صورة العضو الرمزية
سودانية نار
مشاركات: 653
اشترك في: السبت 2007.2.24 1:06 pm
مكان: السودان

رد: الحرف الختام إقصيدة وإلقاء, إهداء إلى (صهيب, سودانية نااار)

مشاركة بواسطة سودانية نار »

شـهد الكلامـ كتب:
تف تف تف حابس حابس

والما يصلى على النبى ما يدخل الجنه

شوف عليك الله الاولاد عايزيين يقصونى
:blink:
خمسه وخميسه
بالمناسبه ف زول عارف الخمسه شنو والخميسه شنو
عشان اوريكم من باب الفصاحه


والله دخلتا الشبكه

كدى خلونى امشى المغتربييييين وارجع
عندى رسوم وكداااااااا

:040: :072:





ود الدرديري
الجيو
الحقو ا
جاينكم بهناك
شهودة كلها جاياكم في المغتربين بهناك
نصيحة اخوية من قلب بحكبم والله شاهد :040:
اخدو ساتر يا شباب
اكان طلعتو من الاعصارررر
ما بتطلعوا من شهد الكلالالالالالام
صورة العضو الرمزية
Suhaib
مشاركات: 1030
اشترك في: الأحد 2006.12.17 8:48 pm
مكان: Al-Hilal

رد: الحرف الختام إقصيدة وإلقاء, إهداء إلى (صهيب, سودانية نااار)

مشاركة بواسطة Suhaib »

سودانية نار كتب:ود الدرديري
الجيو
الحقو ا
جاينكم بهناك
شهودة كلها جاياكم في المغتربين بهناك
نصيحة اخوية من قلب بحكبم والله شاهد :040:
اخدو ساتر يا شباب
اكان طلعتو من الاعصارررر
ما بتطلعوا من شهد الكلالالالالالام
الجماعة ديل مشو وين يا سودانية ،،؟


قولي ليهم تعالو شهد خلتكم ،،وما ح تسالكم عي ضمانتي انا ،، :022: :022:
صورة العضو الرمزية
شـهد الكلامـ
مشاركات: 671
اشترك في: الأحد 2007.2.25 8:46 am
مكان: بلد المليون ميل

رد: الحرف الختام إقصيدة وإلقاء, إهداء إلى (صهيب, سودانية نااار)

مشاركة بواسطة شـهد الكلامـ »

Suhaib كتب:
الجماعة ديل مشو وين يا سودانية ،،؟


قولي ليهم تعالو شهد خلتكم ،،وما ح تسالكم عي ضمانتي انا ،، :022: :022:
صهيب :

هو دا شنو ؟؟؟
كدى قول بسم الله
يمشو وين بس
الناس دى غير العمره والحرم ماعندهم
ضمانة شنو
كدى اضمن لى تغطيه بس
وانا ف الحدود منتظرا منك بس اشاره


قال مشو وين قال :040:


ملحوظه وكدا يا 00000000 اقصد ابراهيم :

اختلاف الود لايفسد للرائى قضيه ولا شنو ؟؟؟

كدى هسا انا لسه بقرا ف الاهلى والهلال ومش عارف الحكم ظالم واللاعب اتدفر 000000 الخ

ياصهيب ياخ انتو ما ناس كوره زمااااااااااااااااااااان جدى الله يرحمووو كان بقول الكوره اقوان

ونحن على دربه ساااائرون او ثائرون :040:

اختصر وورينى الكوره انتهت على شنو بس

عالم جبانات

ما تخلونى نفقد القوميه ونتصنف مصرييييين


معلومه :

انا مريخابيه :0040:





صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: الحرف الختام إقصيدة وإلقاء, إهداء إلى (صهيب, سودانية نااار)

مشاركة بواسطة ودالدرديري »

[quote="سودانية نار"]

[[color=#008000]B]ود الدرديري
حمد النيل
ابراهيم الجيو
لكم التحية
وكل الحب الذي يعتصر قلوبنا التي امتلات بروائعكم
ولاننا نحبكم كثيرا نحب ان نتشاكس معكم قليلا
ويبقي ذالك الود وتلك المساحة الملية بكل الوان الطيف وزهور الربيع
تسلمو يا غالييييين
[/quote]


تسلم الانامل التي سطرت هذا الرد الراقي
ويسلم الأحساس العالي
وتسلمي يا نااااار

وعشان إبداعك دا
هاك النص الأصلي إهداءً لك ولصهيب من ثلاثي قمة الرياض:-



يازول يانيل

كيف شايل همك وشجن الغربة وآهة شوقك وطول الليل
كيف شايف دربك ودمعة حزنك بين أهدابك وعمر السكة اللسة طويل
يالشلت جراحك بقجة ذكرى منوسرة وتنتح وفي اعماقك يومي تسيل
كيف خليت الغربة تسوقك وإنت المزروع طيبة نخلة في خصر النيل
كيف وقعت بطاقة فقدك جوه عيون مليانة محنة وجوه قلوب رايداك بالحيل
مالك يازول أدمنت الغربة و زدت همومك وكنت وحاتك جمل الشيل
يازول معجون بالطيبة قليبك مامشتاق لى موية النيل؟
مامشتاق يازول يانيل؟؟
مامشتاق لى قعدة جبنة وريحة كسرة وحفلة حنة هوايد الليل؟
مامشتاق لى صوت أصحابك و ضل الشجرة الحاضن بابك وشاطيء النيل؟
مامشتاق لى شيلة سفرة في عرس أخوانك ومرقة فاتحة على جيرانك
وصــرة زول زعلان وجميل؟
مامشتاق لى رشة مطرة وصوت حولية ودقة نوبة وصدى تهليل؟
مامشتاق لى زولة حنينة مستفة ريده تريدك جد جد وشوقا يتاورك نص الليل؟؟
لومامشتاق الناس وحياتك ليك مشتاقه
وصورتك لسع في اعماقهم فنجري راكز ... أخو أخوان ... سوداني أصيل *



الرياض
10/3/2005م




[/color]
صورة العضو الرمزية
شـهد الكلامـ
مشاركات: 671
اشترك في: الأحد 2007.2.25 8:46 am
مكان: بلد المليون ميل

رد: الحرف الختام إقصيدة وإلقاء, إهداء إلى (صهيب, سودانية نااار)

مشاركة بواسطة شـهد الكلامـ »

درديرى :

بركه الجمع معاك ياباشااااااا

ياااااااااااااااااااااااااااااا صوت بواسطة الوندوز بلير

والله احيك ياخ

اسمع عشان صوتك دا حافتش لى عريس انتر ساوديان اريبيان

عشان ح تكون فنان ببلاش وكدااااا :022: :022:






صورة العضو الرمزية
ابراهيم الجيو
مشاركات: 1428
اشترك في: الاثنين 2006.12.4 9:06 am
مكان: السعودية

رد: الحرف الختام إقصيدة وإلقاء, إهداء إلى (صهيب, سودانية نااار)

مشاركة بواسطة ابراهيم الجيو »

[quote="Suhaib"][align=justify]الجماعة ديل مشو وين يا سودانية ،،؟


قولي ليهم تعالو شهد خلتكم ،،وما ح تسالكم عي ضمانتي انا ،، :022: :022:
[/align]
[/quote]

مين اللي قال إنه السواتر
تقدر تقيف بيناتنها عارض
وإنه الكلام الجاي منك يا صهيب
شهد الكلام تقدر توقف بحروفنا
ما نحنا أصلاص ما بنرجع من كلامنا
ونحنا أكبر من تحدي
حقوا تسمع مني كلمة
إنت ما بتقدر علينا
ما قبيل قلنا ليك
أمشي عدل لصفوفك
كونك تجيب شهد الكلام
تبقى ازدادت حلاوة
لما نلقى حروف تشابه
أو تجاري لحروفنا
وحقوا ترجع تاني مرة
حاول افتكر الحقيقة
انت مهما دعمت صفك
برضوا خاااسر,,,,[/color][/font][/B]
صورة العضو الرمزية
ابراهيم الجيو
مشاركات: 1428
اشترك في: الاثنين 2006.12.4 9:06 am
مكان: السعودية

رد: الحرف الختام إقصيدة وإلقاء, إهداء إلى (صهيب, سودانية نااار)

مشاركة بواسطة ابراهيم الجيو »

[quote="شـهد الكلامـ"][align=right]

ملحوظه وكدا يا 00000000 اقصد ابراهيم :

اختلاف الود لايفسد للرائى قضيه ولا شنو ؟؟؟

معلومه :

انا مريخابيه :0040:

[/align]
[/quote]


شهوددددددة ,, يامدرسة حرف, المد والجزر ,,, بيهيج في كلمتك,,,,

القضية لا تفسد إلا بروح الدعابة,,وفتنةة فلسطين إسرائيل ما كانت طرف فيها,,,
ولخبطة الكلام زي الفوق دي حقتك,,,,
:D الزعل مروفوض ,, وإنتي أكتر العارفني,,,,
وكونك مريخابية ,, اكتمل عقد اللولي هنا,,,

كوني زي ما إنتي,,[/color][/font][/B]
أضف رد جديد

العودة إلى ”همس القصيد“