العودة   منتدى أنا سوداني > المنتدى الادبى > وثائق و شعراء

وثائق و شعراء مرجع لفطاحلة الشعراء

   وقع ولو بكلمة واحدة (اخر مشاركة : ناجي عثمان عبد الرازق - عددالردود : 773 - عددالزوار : 47742 )           »          ابتهالات (اخر مشاركة : *نظرة ثاقبة* - عددالردود : 326 - عددالزوار : 10957 )           »          دعــــــاء اليـــــــــوم ،،،،، (اخر مشاركة : *نظرة ثاقبة* - عددالردود : 7652 - عددالزوار : 310078 )           »          سجل دخولك بالشهادة والدعاء وذكر الله والصلاة على النبي (اخر مشاركة : *نظرة ثاقبة* - عددالردود : 19829 - عددالزوار : 810979 )           »          قول الفي قلبك لأي عضوء ....... ((دون ذكر أسماء)) (اخر مشاركة : waya - عددالردود : 1902 - عددالزوار : 129183 )           »          حروف مُبعثرة ! (اخر مشاركة : ناجي عثمان عبد الرازق - عددالردود : 9 - عددالزوار : 91 )           »          بـدون مـقـدمـــــات ..!!؟ (اخر مشاركة : waya - عددالردود : 502 - عددالزوار : 14795 )           »          دارٌ كريمة ..وأهلٌ كِرام (اخر مشاركة : ناجي عثمان عبد الرازق - عددالردود : 23 - عددالزوار : 155 )           »          ميلاد .....سمارا (اخر مشاركة : شذي زهر - عددالردود : 6 - عددالزوار : 81 )           »          نـبضــــات راكـوبـية (اخر مشاركة : معتبر - عددالردود : 907 - عددالزوار : 20745 )           »         

الإهداءات
السنبلاية من كيوبيد : كنت بقطع مع بنات الحاج فى الصالون حقهم وانت مالك ومالى ياااااخ الفردوس المفقود من سمورة : عيد سعيد وعمر مليء بكل ماهو جميل كيوبيد من سنبلاية : عاينى فى ورقك غاطسة وين انتى معتبر من سمارا : سنة حلوة وأماني محققة وانتي بخير الفردوس المفقود من حودة : يلكمك حرامي يكسر وشك ياخ اجدع ليك وردة طيب وحـــيد من الفردوس : ولكم باك يابصلعة وحـــيد من انسة سمارا : هابي بيرث داي برمة : أموت واعرف البنية الفي النص دي منو الفردوس المفقود من شباب : سلامااااااااات اخباركم والدنيا مشتاقين شذي زهر من سمارا&سمارا : كل سنه وانتي طيبه ي غاليه وعمر مديد وسعيد أن شاء الله شذي زهر من أم اسامه يسأل منك الخير : يلا حضري الجبنه انا جيت ود يس من الرياض : اعضاء،،،منتدي انا سوداني،،،السلام عليكم ،،

رد
 
أدوات الموضوع إبحث في هذا الموضوع طرق عرض الموضوع
  #1  
قديم 21-11-2011, 21:59
الصورة الرمزية ابو ايووودي
ابو ايووودي ابو ايووودي غير متواجد حالياً
 
تاريخ التسجيل: 06:02, 6th Feb 2009
الدولة: جدة
الجنس : سوداني
المشاركات: 6,084
قـائـمـة الأوسـمـة
افتراضي كـلمــــــات اغـاني الطــــنبـــور

حُبي الفقدتو بعد وَفا

عَكَّر لي جَوِي بعد صِفا

وصِبحت سعادتي من المُحال

جَمري القديم ما كان كَفى

موقِد يَلهلِب وما انطفا

جَات تاني هَبَتو ريح منال

ريدنا الزمان مالو اختفى

مالا المودة بِقَت جَفا

ريدًا انت عارفو حُلو وحَلال

البِت دي وين كت شايفا

أو مَرَّة واحده مَصَادِفا

ياصح تقولو سمعنا قال

رُوحي المَشَحتَفة عارِفا

مالا السِّيرة بِقَت تَخَوِفا

شن دار يكون سببا غير الجمال

مسكيني فاقِدي عَواطِفا

عَشمِاني فيك تَوالفِا

راجاك تَجُودلها بالوِصَال

قلبي العليل كايس الشِّفا

لو شِلتو في حُضنَك دِفَا

كان بالسعادة عِميري طال

قَدَمِي العليك سَاسَق حِفا

هو بَراهو حَالتو يَوَصِفا

يَغنِي البيشوفو عن السؤال

غالبني حالتي أصنِّفا

وِشِّي وقَفَايا بِقَن قَفَا

وبقى جِسمي دايما في انتحال

 

 

من مواضيع ابو ايووودي

 

 

 

توقـيع ابو ايووودي

متين نتلم وترجع لينا ضحكتنا واماسي جميلة جمعتنا ..... مهما الدنيا فرقتنا محال تنسينا محبتنا

[/url]

رد باقتباس
  #2  
قديم 21-11-2011, 22:01
الصورة الرمزية ابو ايووودي
ابو ايووودي ابو ايووودي غير متواجد حالياً
 
تاريخ التسجيل: 06:02, 6th Feb 2009
الدولة: جدة
الجنس : سوداني
المشاركات: 6,084
قـائـمـة الأوسـمـة
افتراضي رد: كـلمــــــات اغـاني الطــــنبـــور


الرسالة
وقفت بعد حلبت لبينة الشاي تكورك يا الحسن
يا ام الحسن وينو الحسن
لمن صفت رغوة شخيبات اللبن في حلتا المبني من طبق السكن
واقفي في حوش البهايم ولسع تكورك يا الحسن
جاها حسا من بعيد مارق من القاطوع ورا
قال ليها خير يا الحاجي خير
قالتلو خير تعال لي جاي دايراك تعنون لي جواب يا الراسي لي ولدي الخدير
لا تبقي زي شافع السرير يقول لي زين آيمة زين وزين تبقي بعد شهير
وان جاني يكتب فد سطير
اقولو يا سجم السجم انا زي قرايتك ما قريت لكن عويناتي بيفرزن الوريقة البيضاء من لون القلم
بعد المغيرب بي شوي جاها الحسن تعبان يسير
دا العشى غنمو من الدرب سرقت ندي وشو الهجير
سوتلو شايا بي لبن قرض معاهو حرف فطير
قالتلو بسم الله قول واكتب وصيتي انا للخدير
الزمن يا ولدي ماحقاهو السنين
البعيش في الدنيا ما بعيش مرتين
العمير فاضلي بس منو اليقين
وانت طول في البنادر يا الحبيب لا متين
تعال اوريك حق ابوك الجم حقيق حاج اللمين
ان عرفتو بلا عمار يقولو ولدا عندو طين
العلاج لا تنسي رسلو لي دحين
العوينات آجناي شوفن ضنين
سلامنا ليك مطرز للبنيات والبنين
ولو الارض يا ولدي تنشال في الايدين انا كت برسلا ليكا
في لوري الخزين

 

 

من مواضيع ابو ايووودي

رد باقتباس
  #3  
قديم 21-11-2011, 22:03
الصورة الرمزية ابو ايووودي
ابو ايووودي ابو ايووودي غير متواجد حالياً
 
تاريخ التسجيل: 06:02, 6th Feb 2009
الدولة: جدة
الجنس : سوداني
المشاركات: 6,084
قـائـمـة الأوسـمـة
افتراضي رد: كـلمــــــات اغـاني الطــــنبـــور

يوم فى الغربه ماشى براى وشاقى الحى
لقيت وحـــــيده زى امى
ترضع فى وليدا صبى
ويعصر قوق ضريعا شديد
يناتل فوقو يصرخ وي
وجيتا قريب لقيتو ضريعا ضريع امى
دارى غزييييير أظنه لبي
وقفت شويه وأتاملت فيها كتير
لقيت فى وشيها اغرب شئ
عيون امى
وكت ماتغوص جفون الليل تفتش لى
وفى حدقاته تلاقانى
أحفظ فيه اشعارى
ويدندن بى قصيدة لى
واشوف فى قمره وش امى
واشوف دمعاتا فى شلاخا جاريات لى
بقيت كان شفته بادى هلال
تجرى الدمعه فى عيني
واتذكر دموع امى
يقالدونى ويشابن لى
وتنقز دمعه من شلاخا
ترقد لى فوق خدي
مافى احن من أمى
أجيها صغير ،، أجيها كبير
تفلينى و تقردن لي
تحجينى وتوسوس لى
تكبر لى ياولدى
واشوفك ضاوى متل الضئ
تحججنى وتشيل كُبرى
وأشوف اولادك يفرحوا بى
أحجيهم والوليهم
ينومو العافيه فوق إيدي
يوم أسمع كلامك داك
أحس بالعبره تخنقنى
وتحسي جوابى فى عينيى
وأقع فى حضُنك الدافئ
واسلم ليك فوق راسك
و أضمك انتى بى يدي
واحقق ليك أمنيتك
مهما تقسا تصعب لي
واوديك مكه الفين مره
لو الالف يبقى شوي
وكان كُبرك أساهر الليل
واشيلك يما بى يدي
وتكبرى لى .. تحضرى عروسى واولادى
ويفخروا بيك متل ما كنتى تفخرى بي
ولو ما الدنيا قوقا شويه متل املا
أكان القمرى يبقى حدي
ويعيش الناس ضلام فى ضلام
يفتشوا شمعه بس للضئ
شمعه يتفنى متل امى
عشان بس نورا يفضل حى
أكان ما جيتا من بطنك
اكان الدنيا حتى الاخره ضاقت بى
عشانك انتى يا امى
وعشان بأبوك متسمى
وابوك العارفه مازول نئ
عشانك انتى قلبى كبير وضيه كتير
وماخد من شمعتك ضئ
بنده الله
انتى تعيشى يا امى
وكل الباقى خليه على
عشانك انتى يا يما
وعشان ما انتى نور عينيى
تشيخيى وتعيشى بيناتنا
واشوفك قيمه ماشه علي
قيمه بتقصد المحتاج
وفضلة خيرك يبقى هو حي
وخيرك يغشا ك الناس
من الماشى بالعكاز لا عند البحبا حبيى
وأشوفك فى عيون الناس
عبيراً صافى جائي نقي
احس نسامو فى جوفي
تخش بى سهولة فى رئيتي
شعرى القلته يما حزين
وكلو مآسي مرت بي
الا غناك يا أمى
زفره ونبضه
نبضه وزفره
زفره ونبضه
فى دمى
وبسمه عريضه فى شفتيى

 

 

من مواضيع ابو ايووودي

رد باقتباس
  #4  
قديم 21-11-2011, 22:08
الصورة الرمزية ابو ايووودي
ابو ايووودي ابو ايووودي غير متواجد حالياً
 
تاريخ التسجيل: 06:02, 6th Feb 2009
الدولة: جدة
الجنس : سوداني
المشاركات: 6,084
قـائـمـة الأوسـمـة
افتراضي رد: كـلمــــــات اغـاني الطــــنبـــور

محمد النصري
يا حسرة قلبي الجريح ما بان في دربك شعاع
كيفن بعد ريده وحنان آخر المطاف يبقي الضياع
أديني من زمنك زمن قبال يحين وقت الوداع
** ** **
بين يوم وليله آيه الحصل وريني ما سبب النزاع
احلامك الكانن معاي مالن بقن لوعه وصراع
وايامك العشقن صفاي يا غالي ليه مرن سراع
** ** **
خليني لي همي وشقاي خلي اليكون قلبك شعاع
مهما يكون ريدتك صدود لي حكمك الامر المطاع
باكر يجود تاني الزمان يرحم يجيب سمح الطباع
** ** **
والواقع الما بيرضي زول خلي اليروح ما دام متاع
أخديهو من عابر كلام وهاتي المفيد من وضياع
القالك الريده انتهت في الريده ما عبرلوا باع
** ** **
والبيك بلا حن كيف يكون مادام احساس ساسو الخداع
والباني ريدو علي النفاق دي الريده ما بتجنيلو صاع

 

 

من مواضيع ابو ايووودي

رد باقتباس
  #5  
قديم 24-11-2011, 19:06
الصورة الرمزية ابو ايووودي
ابو ايووودي ابو ايووودي غير متواجد حالياً
 
تاريخ التسجيل: 06:02, 6th Feb 2009
الدولة: جدة
الجنس : سوداني
المشاركات: 6,084
قـائـمـة الأوسـمـة
افتراضي رد: كـلمــــــات اغـاني الطــــنبـــور


معزور


معذور لو قلبي اشتهاك ما إنت عارف

فرقتك ما بيحملا القلب الهواك

ده مناه يوم ما نفترق يا ريتو كان يفضل معاك

لو بي مرادو يقوم يجيك تلقاه بين ايديك حداك

متمني يلحق بيك سريع نتلاقي والاشواق هناك

جاييك هارب من سنين جاييك واقع في حواك

غلبو النواح يوم فرقتك بالدهشة خانس إتعبر

ما بين نوازع الروح إليك هايم وبين حكم القدر

ما اتزعزع الإيمان جواه ولكنو في الآخر بشر

قايل عليك شدة وتزول ما قايلك إنت علي سفر

ما كان هو فاهم يومو داك ايه ضحكت البرق اللصف

ولا كان هو شايف للهموم الجايه واقفات ليهو صف

ولا كان هو حاسس بالغرام الباني في الغيم اتنسف

لقي نفسو فجأة بلا وجيع مفجوع ومفقوع بالأسف

يا ريتو كان وقف الزمان قبال تروح صدّ ورجع

ما كان غشانا الحزن يوم لا فرقه بيناتنا بتقع

كان لا رثيتك لا بكيت لا قلبي فيك يوم إتفجع

وما كان قدر ذكراك صبح يومها التزور مره ورجع

 

 

من مواضيع ابو ايووودي

رد باقتباس
  #6  
قديم 24-11-2011, 19:08
الصورة الرمزية ابو ايووودي
ابو ايووودي ابو ايووودي غير متواجد حالياً
 
تاريخ التسجيل: 06:02, 6th Feb 2009
الدولة: جدة
الجنس : سوداني
المشاركات: 6,084
قـائـمـة الأوسـمـة
افتراضي رد: كـلمــــــات اغـاني الطــــنبـــور



مابتخيل

غناء ود النصري

أنا ما بتخيَّل إنو تروحي وتسكني بين طيات الذكرى

وشايلة معاك في روحِك روحي

ما بتخيَّل أصبح باكر وألقاك مافي قُصاد عينيا

وكيف إتحمل فقد الدنيا الفيها أحلامي إترسمت ليّا

عُمرُو ما كان البعد مسافة وإلا الطيف كا ملَّ الجيَّه

وما بتتخيلي هزت قلبي لحظة طيفكِ ماشي عليًّا

ما بتخَّيل وين راح أمشي لمن ترحلي مني تروحي

كيفن يصبح ذكرى البينّا وسيل أشواقنا ولحظة بوحي

ما حأسيبكِ ترحلي وأبقى بين نيران أحزاني ونوحي

ولو لا حت لنا فرقة بقوللها لأ يا فرقة أرجوك لا تلوحي

أنا ما بتخيَّل إيه راح أبقى لما أعيش في الدنيا بِدونِك

وكان خليتكِ وين راح ألقى الكت بلقاهو يشع في عيونِك

أبقي معايا مودّة ورحمة يا الفي قلبي هواك وسكونِك

كوني في عوني أنا بي تحنانك شان بي شوقي أكون في عونِك

ولما الشوق كان جابك ليّا ما خيّبتَ أشواقِك فِيّا

وإتشربت إحساسك شهقة دون ما أحس بك إنتي هدية

ما صدقتِ أنا إني لقيتك أم وحبيبة وروح وأُخية

هم الفُرقة أنا كاتلني كيفن عاد بي هم الجيّة

ما بتخيّل ما بتخيّل

 

 

من مواضيع ابو ايووودي

رد باقتباس
  #7  
قديم 24-11-2011, 19:51
الصورة الرمزية jasmina
jasmina jasmina غير متواجد حالياً
 
تاريخ التسجيل: 03:26, 10th Sep 2009
الدولة: في مكان ما
الجنس : سودانية
المشاركات: 5,228
قـائـمـة الأوسـمـة
افتراضي رد: كـلمــــــات اغـاني الطــــنبـــور




كلمات جميله ...وفكره مميزه مافي حد سبقك عليها

حكون متابعه معاك



 

 

من مواضيع jasmina

رد باقتباس
  #8  
قديم 24-11-2011, 20:18
الصورة الرمزية ابو ايووودي
ابو ايووودي ابو ايووودي غير متواجد حالياً
 
تاريخ التسجيل: 06:02, 6th Feb 2009
الدولة: جدة
الجنس : سوداني
المشاركات: 6,084
قـائـمـة الأوسـمـة
افتراضي رد: كـلمــــــات اغـاني الطــــنبـــور

اقتباس:
المشاركة الأصلية كتبت بواسطة jasmina مشاهدة المشاركة



كلمات جميله ...وفكره مميزه مافي حد سبقك عليها

حكون متابعه معاك



هلا ياسمين ومساءك سعيد
ربنا يوفقنا وياريت لو اي عضو افادنا
عشان الفائدة تكون عامة نفيد ونستفيد

 

 

من مواضيع ابو ايووودي

رد باقتباس
  #9  
قديم 24-11-2011, 20:20
الصورة الرمزية ابو ايووودي
ابو ايووودي ابو ايووودي غير متواجد حالياً
 
تاريخ التسجيل: 06:02, 6th Feb 2009
الدولة: جدة
الجنس : سوداني
المشاركات: 6,084
قـائـمـة الأوسـمـة
افتراضي رد: كـلمــــــات اغـاني الطــــنبـــور

اسباب اسايا وسر بكايا
محمد جبارة

اسباب اساي وسر بكاي العيد يمر
للناس فرح ولى ترح من حالى كر
الناس تقوم تمرق تحوم قبل الفجر
بين هاش وباش انا دمعي راش لازم الصبر
الطير نضم رش النغم فوق التمر
شوف يا رفيق كم بي ضيق العيد فقر
شيشك بشيش لو لى ريش كت ليك زر
كنتا عاد بجيك واتهنا بيك طول العمر
انا حالى حالى ما في بال مشغول كتر
بي زول نجع لى ما رجع من كم تشر
جوفي اتحرق انا ما مرق حدى العصر
لى مافي زول يهدي ويقول ياخد الأجر
زولى الحنين القالو وين عاد العذر
خلاني تب اه ما كتب لي فد سطر
انا ما بلوم لو جيتني يوم فوقى النذر
قبال اموت والروح تفوت وامشي القبر
وسط السحاب اتلاشي غاب ضى البدر
سود على دنياي حى عز الضهر
مبروك عليك العيد يجيك في حال يسر
يلقاك معاي في بيت هناى الليك در

 

 

من مواضيع ابو ايووودي

رد باقتباس
  #10  
قديم 25-11-2011, 20:43
الصورة الرمزية ابو ايووودي
ابو ايووودي ابو ايووودي غير متواجد حالياً
 
تاريخ التسجيل: 06:02, 6th Feb 2009
الدولة: جدة
الجنس : سوداني
المشاركات: 6,084
قـائـمـة الأوسـمـة
افتراضي رد: كـلمــــــات اغـاني الطــــنبـــور

يا قمرة
************
غ/صديق احمد
*************

يا قمره صبي السنسني الحمـره
شوفي أبوي أنا الراجاهو كلو صبـاح
يا زينوبه أبوكي هو أصلو حالو بـره
لو قاري العلم هو ولاهو سيد خبـره
ومو زول غربه لكن الظروف جابره
مالو إن كان صبر كل الخلوق صابره
والصابرات روابح لـو يجـن قمـاح
***************
هو أصلو متين نساكم يُمة شان يطره
بيتنفـس هـوا ذكراكـم العـطـره
رهيف إحساس حنين قلبـو بالفطـره
نديمو بقت دموعو الديمـه منقطـره
وأصلو إن ما قعد بينكـم ولا بيرتـاح
*****************
جاهو العيد كمان زاد القليب حسـره
ساد العبره حلقـو ونفسـو منكسـره
هو لا لمّ القروش لا حصل المسـره
بلد ما فيها زول مات من عدم كسـره
فراقكم ليها يا أحباب ولا كان صـاح
*************
يـا أمارتـي المـا طاعـت الأمـره
ندماني وبقـت محتـاره فـي أمـره
بعد قسن الـدرادر قصـرن عمـره
الشوق فاض وعماها الحنيـن غمـره
الشوق للبلـد لـي بهجتـه وسمـره
الشوق لي مقيلا ضـم ضـم تمـره
الشوق لي حديثا ضـم ضـو قمـره
الشـوق للبلـد جابريـتـا وكـكـره
كان الشوق يخفف والله يبرى جـراح
*********************
مشتـاق للحسينـاب أسقـه وبكـره
مشتاق للقبيل إتربـوا فـوق حكـره
مشتـاق للدميـري ومويتـه العكـره
مشتاق للجزيـري وتشقـه وهكـره
مشتاق لي قطع بحره ودخول وكـره
مشتاق للأبي يفـارق الفـؤاد ذكـره
مشتاق للعلـى مشغـول دوام فكـره
مشتاق للصباح ديـدن غنـاي شكـره
وياريت كت بقدر أسوي شوقي جناح

 

 

من مواضيع ابو ايووودي

رد باقتباس
  #11  
قديم 25-11-2011, 20:47
الصورة الرمزية ابو ايووودي
ابو ايووودي ابو ايووودي غير متواجد حالياً
 
تاريخ التسجيل: 06:02, 6th Feb 2009
الدولة: جدة
الجنس : سوداني
المشاركات: 6,084
قـائـمـة الأوسـمـة
افتراضي رد: كـلمــــــات اغـاني الطــــنبـــور

باكر بجيك
غناء عبد الرحيم ارقي

باكر بجيك مـن سكـة القلـب العشـق ذاتـك سنيـن
من صرخـة الماضـي اللـى كـان قاسـى وضنيـن
خايف يكون زيـف المـدن غيـر اصالتـك والحنيـن
جايكى من ليـل العـذاب ارجينـى بالصبـح المبيـن
فتينـى لليـل الطويـل يرمنـى فـى حضـن الألـم
فتينى بين شبح الظنـون واحـزان بتنبـع مـن وهـم
ارجينى فوق ارض الصبر جايكى مـن زمنـاً سجـم
لا فيهـو للأفـراح طريـق ولا فيهـو للأيـام طعـم
باكر بجيك بى لعنـة الريـد الملـت قلبـى الجريـح
بى حال بيغنى عن السؤال مابيوصفو الخاطر الفصيـح
خايف يقصر بى العمـر تحملنـى مـن الدنيـا ريـح
لو كان مقدر إنى اروح سويلى فى خاطـرك ضريـح
سافرتى ما خليتـى خيـط ابراهـو للمرسـى الجديـد
سافرتى ما خليتى لـى غيـر ذكـرت الزمـن البعيـد
علمتى روحى الإنشراح علمتـى قلبـى يحـن شديـد
فجأة اختفيتى من الدروب واخفيتى كل زمنـى السعيـد
لكنى لى احساس يسوق خطواتى لـى اجمـل عيـون
باكر بتلقى خطاى معاك تتمشـى مـا بيـن الغصـون
ما تقولى لى وصلت كيف ميـن دل قلبـك يـا حنـون
ان أنا قلبى اصبح ليك مكان يا الناسيه إنى انا ليكى كون
باكر بينكشف الضباب والقاكـى فـى فـرح الشبـاب
تقشى فى دمـع الفـراق وتزيلـى فـى ألـم العـذاب
بكره المسافات تجتمـع وتلـم قلـوب يـوم عيـدا آب
ويعود شباب الفى هواك يا حلوة بـى احزانـو شـاب

 

 

من مواضيع ابو ايووودي

رد باقتباس
  #12  
قديم 26-11-2011, 17:39
الصورة الرمزية ابو ايووودي
ابو ايووودي ابو ايووودي غير متواجد حالياً
 
تاريخ التسجيل: 06:02, 6th Feb 2009
الدولة: جدة
الجنس : سوداني
المشاركات: 6,084
قـائـمـة الأوسـمـة
افتراضي رد: كـلمــــــات اغـاني الطــــنبـــور

اشارات الوداع
ود النصري

--------------------------------------------------------------------------------


هوي كان شايف اشارات الوداع فى العين
قدر جايي وامل راحل حزن قدر الفراق والبين

نذر قدرو المداقر عمرو لازم عمرو يتودر
ونتر جرحو بيبشر دمو باكر دمو بيتقطر
عرف فرحو السقاهو حنانو والراجيهو بيتأخر
شعر حلم السنين العاشو قدام عينو يتبخر


حس هو لمن ضمع ايديه بي شوق العمر بيجري
وحس كمان ضياع آمالو فاجأو فى قلب بدري
كأنو عيونو كان بتقول وداع ياحبنا العزري
غمد ان كان يداري دموعو تخزلو دمعي منحدري

بسم رغم الفراق الجايي ياها عيونو زي اول
ضحك املو الزمان الضاميهو رغم انو الآلم طول
سخر من الحياه الوداره عمرها مابتتأول
سكت حتحت دموعو الحاره عن عينيهو ما اتحول

ورجع لى أيام زمان لاقاهو فى درب العمر صدفه
ايديهو الراده ياها ايده تضمه و بينا يندفي
عيونو الحزن ماهداها بل زاد الوجع لهفة
وقليبو وفي فراقو الابدي فارق حتي بي ألفة


فضل جمب الحبيب ساهم فضل ساهر قريب منو
وشرب علي قدر ما اداهو الله من القليب حنو
فضل فى كل ثانية يريدو ابداً ما انشغل عنو
ونذر كل العمير والعافي لو يفداهو لكنو

حبس كل الكلام فى جوفو خلي عيونو تتكلم
وكتم بوخ الانين واللوعة نار جواهو بتألم
صبر لما النهاية المرة حانت وبالمصير سلّم
مسك قلم اليقين من حبو رغم اسآهو اتعلم

 

 

من مواضيع ابو ايووودي

رد باقتباس
  #13  
قديم 11-12-2011, 11:25
الصورة الرمزية ابو ايووودي
ابو ايووودي ابو ايووودي غير متواجد حالياً
 
تاريخ التسجيل: 06:02, 6th Feb 2009
الدولة: جدة
الجنس : سوداني
المشاركات: 6,084
قـائـمـة الأوسـمـة
افتراضي رد: كـلمــــــات اغـاني الطــــنبـــور

أم الحسن

وقفت بعد حلبت لبينة الشاي تكورك يا الحسن
يا ام الحسن وينو الحسن
ولمن صفت رغوة شخيبات اللبن في حلتا المبنية من طبق السكن
واقفي في حوش البهايم ولسع تكورك يا الحسن
جاها حسا من بعيد مارق من القاطوع ورا
قال ليها خير يا الحاجه خير
قالتلو خير تعال لي جاي دايراك تعنون لي جواب يا الراسي لي ولدي الخدير
لا تبقي زي شافع السرير يقول لي زين آيمة زين وزين تبقي بعد شهير
وان جاني يكتب فد سطير
اقولو يا سجم السجم انا زي قرايتك ما قريت لكن عويناتي بيفرزن الوريقة البيضاء من لون القلم
بعد المغيرب بي شوي جاها الحسن تعبان يسير
دا العشى غنمو من الدرب وسرقت ندي وشو الهجير
سوتلو شايا بي لبن قرض معاهو حرف فطير
قالتلو بسم الله قول واكتب وصيتي انا للخدير
الزمن يا ولدي ماحقاهو السنين
البعيش في الدنيا ما بعيش مرتين
العمير فاضل لي بس منو اليقين
وانت طول(ت) في البنادر يا الحبيب لا متين
تعال اوريك حق ابوك الجم حقيق حاج اللمين
ان عرفتو بلا عمار يقولو ولدا عندو طين
العلاج لا تنسي رسلو لي دحين
العوينات يا جناي شوفن ضنين
سلامنا ليك مطرز للبنيات والبنين
ولو الارض يا ولدي تنشال في الايدين انا كت برسلا ليك
في لوري الخزين

 

 

من مواضيع ابو ايووودي

رد باقتباس
  #14  
قديم 11-12-2011, 11:28
الصورة الرمزية بحر الاشواق
بحر الاشواق بحر الاشواق غير متواجد حالياً
 
تاريخ التسجيل: 18:53, 4th Dec 2008
الدولة: دبى
الجنس : انثى سودانيه
المشاركات: 1,216
افتراضي رد: كـلمــــــات اغـاني الطــــنبـــور

روعة الكلمات والسطور


يا سلام عليك يالغالي
ابدعته في الاختيار


يعطيك الف عافيه

ودمت متميزا دائما

تقبل مروري

 

 

من مواضيع بحر الاشواق

 

 

 

توقـيع بحر الاشواق

رد باقتباس
  #15  
قديم 11-12-2011, 11:35
الصورة الرمزية ابو ايووودي
ابو ايووودي ابو ايووودي غير متواجد حالياً
 
تاريخ التسجيل: 06:02, 6th Feb 2009
الدولة: جدة
الجنس : سوداني
المشاركات: 6,084
قـائـمـة الأوسـمـة
افتراضي رد: كـلمــــــات اغـاني الطــــنبـــور

اقتباس:
المشاركة الأصلية كتبت بواسطة بحر الاشواق مشاهدة المشاركة
روعة الكلمات والسطور


يا سلام عليك يالغالي
ابدعته في الاختيار


يعطيك الف عافيه

ودمت متميزا دائما

تقبل مروري
هلا بالغالية بحر الاشواق
عطرتي البوست والمنتدى كلو برائحتك الجميلة
ربنا ما يحرمنا من وجودكــ

 

 

من مواضيع ابو ايووودي

رد باقتباس
رد

أدوات الموضوع إبحث في هذا الموضوع
إبحث في هذا الموضوع:

البحــــــث المتقــــــدم
طرق عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
رمز [IMG] متاحة
رمز HTML معطلة

الانتقال السريع إلى




Schopfheim , Germany, 23.10.2006
Powered by vBulletin® Version 3.8.2
Copyright ©2000 - 2014, Jelsoft Enterprises Ltd anasudani
Adsense Management by Losha

كل ما يكتب فى المنتدى لايعبر عن اراء ادارة المنتدى وانما يعبر عن اراء كاتب الموضوع او المشاركة

Security team