افضلية البشر على البشر والتعالى على الاخرين !!!!!!!

يهتم بالحوارات والنقاشات الجادة فقط الرجاء الالتزام !!

المشرف: بانه

أضف رد جديد
صورة العضو الرمزية
السودانى الاصيل
مشاركات: 8054
اشترك في: الاثنين 2008.9.1 9:24 pm
مكان: المملكه العربيه السعوديه /جازان سحر الطبيعه

افضلية البشر على البشر والتعالى على الاخرين !!!!!!!

مشاركة بواسطة السودانى الاصيل »

[frame="1 80"]
صورة

داير اتكلم بالدارجى البحت عشان ما تملو الموضوع وتقروا سطر وتجروا

الطبقات فى البشر غريبه وطوالى بتامل واقول سبحان الله
اى زول شايف روحو احسن من التانى والتانى شايف انو احسن من التالت

بصراحه لو مسكناها من السودان
فى اجناس دى نمره واحد مثلا جعلى ,, شايقى , وفى ناس مرتبنها جاااهزه
من احسن قبيله لاخر قبيله وهم بنقول ليهم عبيد

وانا جاى السعوديه فى تاشيرة الخروج كان فى زحمه فى مرتين واقفات انا قلت
بينى وبين نفسى ديل هسى خلق مغتربات ،،، ديل شنو ديل ,, غايتو لكن احسن اسكت

كان اسمع ليك واحده بتقول للتانيه انا ادخل فى نص الخدم ديل عشان ااشر؟؟ سبحان الله

اها نجى هنا السعوديه __ نحن الحممممر ديل عبيد عينه للسعوديين :d: والبنقاله والهنود
والباكستان كان مهندس برضو بننظر ليهو نظره دونيه
وهو ذااااتو راضى

طبعا امريكا والدول المتقدمه دى بتخيل انها بتنظر لى عرب الخليج باعتبار انهم اقل منهم

يعنى المقياس شنو ؟؟؟؟
الراى شنو فى الطبقات دى ؟؟؟

طبعا الاسلام شرح ووضح عدم الفروق بين البشر لكن الظاهر القروش هى السبب



[/frame]
صورة العضو الرمزية
ابن عوف
مشاركات: 7729
اشترك في: الخميس 2008.6.19 7:51 pm
مكان: وسط اهلى الطيبين وسمحين

رد: افضلية البشر على البشر والتعالى على الاخرين !!!!!!!

مشاركة بواسطة ابن عوف »

يديك العافية يا ابوتسنيم
هى اصلا النظرة الدونيية من قديم الزمان وخاصة العرب
بس القروش ليها اثرها هسي خليك فى فراش عزاء يجى واحد كحيان يقول الفاتحة زول يشتغل بيه مافى
يجيك واحد الترطيبة باينة من عربيته السايقة قولت الفاتحة الفراش كله يرفعها ليه التقول هو قريب الميت
القروش هى السبب


دمت بود
صورة العضو الرمزية
صلاح محجوب عبداللطيف
مشاركات: 4154
اشترك في: الاثنين 2010.9.27 6:09 pm
مكان: مصر - السويس

رد: افضلية البشر على البشر والتعالى على الاخرين !!!!!!!

مشاركة بواسطة صلاح محجوب عبداللطيف »

(لا فضل لعربي على أعجمي إلا بالتقوى)
لا فَضْلَ لاِنسانٍ على إنسان آخر إلاّ بما يكسبه، كما
يقول تعالى: (يا أيُّها الناسُ إنّا خَلَقْناكُمْ مِن ذَكرٍ وأُنثى
وَجَعَلْناكُم شُعُوباً وَقَبائلَ لِتَعارَفُوا إنّ أكرَمَكُمْ عِند الله أتْقاكُمْ )(4)
وعلى هذا الاَساس لا تكون الخصائصُ العرقية والجغرافية
وغيرها من وجهة نظر الاِسلام سبباً للتمييز، ومبرِّراً
للتفاخر والتكبّر، والاستعلاء على الآخرين.
الله يعطيك العافيه أستاذ السوداني الأصيل
ودمت في حفظ الباري ورعايته
أضف رد جديد

العودة إلى ”حوارات جادة“