القومة ليك ياوطن

يهتم هذا القسم بكل المعلومات عن وطننا الحبيب .

المشرف: بانه

أضف رد جديد
صورة العضو الرمزية
Hoomy
مشاركات: 3992
اشترك في: الثلاثاء 2008.5.6 9:39 am
مكان: UAE

القومة ليك ياوطن

مشاركة بواسطة Hoomy »

في مثل هذاا اليوم 25/12/1955 اعلن استقلال السودان من داخل البرلمان
وحتى تلك اللحظات كان الطفل الجديد يمني نفسه بحضن دافي بين شرعية الدستور وألية التنفيذ
تجعله يتفوق على اقطار العالم
نعم هناك فرق كبيييييييير مابين القاف والغين
مابين الاستقلال والاستغلال
استقل من المستعمر
نعم
ولكنه استغل اسوأ استغلال من ابنائه
اسخنوه بالجراح والالام
حينما بلغ سن الرشد كان متخلف عقليا

حتى اطلق عليه ((رجل افريقيا المريض))

تخيلوا معي

السودان بهضابه وسهله واراضيه

رجل افريقيا المريض



ولكني احبه

نعم احبه

وافخر بحبه

وانتمي اليه

وأعشق ترابه

واكره كل من استغل هذا المارد

واغتني من ثرواته

اكره كل من أجج الفتن والحروبات

من اجل مصلحة حزبية او حفنة من الدولارات

أكره كل من استغل هذا الشعب الطيب

ودغدغ عاطفته الدينية بشعارات تجافي الواقع المرير

سواء من الاحزاب او العسكر او حتى من عامة الشعب

وعشانك بخاف الريح
وعشانك فؤادي جريح

وعشانك بقوم

وتاني مابنوم

وكيف انوم

وانت مليان هموم

بقوم ياوالدي

لانك ربيتني

فاحسنت تربيتي

يابيتي

ياملاذي
وأمني
ياروحي ونفسي


في حضرة جلالك يطيب الجلوس

مهذب امامك بيكون الكلام

احبك

احبك مكانك صميم الفؤاد



وباسمك اغني

تغني السواقي

خيوط الطواقي

سلام التلاقي

ودموع الفراق

احبك بتضحك
واحبك عبوس
ومابين جبالك أفتش واكوس

القومة ليك ياوطن

هي مساحة حرة لكم

قولو ماشئتم للوطن بمناسبة الاستقلال المجيد

أولا اقف احتراما للزعيم اسماعيل الازهري الذي توفي وبيت الاسرة ايجار

واقف احتراما للرعيل الاول المحجوب وصحبه

واقف احتراما لكل من خط على التاريخ سطرا بالدماء


دعونا نقول للوطن كل شي قصائد شعرية وغيره

دعونا نذكر الان الان جميع الشهداء

كل من خط على التاريخ سطرا بالدماء

كل من صاح بوجه الظلم لا لا

قولو للوطن ماشئتم فلن توفوه حقه

ولكن اعطوه اضعف الايمان

لكم التحية يامنارة هذا البلد الشامخ
61.gif 61.gif
صورة العضو الرمزية
saare
مشاركات: 4548
اشترك في: الأحد 2007.4.15 10:57 am
مكان: اســـبــــــــارطة

رد: القومة ليك ياوطن

مشاركة بواسطة saare »

يا شــــــــعب تســــــامي
الف مبرووووك عيد الاستقلال
والتحية للوطن المجيد
صورة العضو الرمزية
Hoomy
مشاركات: 3992
اشترك في: الثلاثاء 2008.5.6 9:39 am
مكان: UAE

رد: القومة ليك ياوطن

مشاركة بواسطة Hoomy »

saare كتب:
يا شــــــــعب تســــــامي
الف مبرووووك عيد الاستقلال
والتحية للوطن المجيد

لك التحية اخي ساري واحي وطنيتك وسرعة استجابتك

وياشعبا لهبت ثوريتك تلقي مرادك والفي نيتك


مشكور ياراقي
صورة العضو الرمزية
Hoomy
مشاركات: 3992
اشترك في: الثلاثاء 2008.5.6 9:39 am
مكان: UAE

رد: القومة ليك ياوطن

مشاركة بواسطة Hoomy »

وطنا
محجوب شريف

وطنا البإسمك كتبنا ورطنا .. أحبك
أحبك مكانك صميم الفؤاد وباسمك اغنى
تغنى السواقى خيوط الطواقى
سلام التلاقى ودموع الفراق
واحبك ملاذ وناسك عزاز
أحبك حقيقه وأحبك مجاز
وأحبك بتضحكوأحبك عبوس
بعزة جبالك ترك الشموس
وما بين ظلالك افتش وأكوس
أفتش طفولتى وملامح صباى
بناتك عيونن صفاهن سماى
وهيبة رجالك بتسند قفاى
أحبك بتضحك واحبك عبوس
صحى بتملا عينى وتشّرف غناى
بحضرة جلالك يطيب الجلوس
مهذب أمامك يكون الكلام
لأنك محنك عميق الدروس
مجيد المهابة مديد القوام
شبابك تشابك شديد الزحام
أراهم وراهم غبار الحياه
مداين تعاين كأمّ العروس
تهلل تكلل جبين الإمام
رزازاً يبلل أغانى الخليل
أصدق كلامك حقيقه وبخاف
أخاف الطريق اللى ما بودى ليك
وأعاف الصديق اللى ما بهم بيك
معاك انتظارى ولو بالكفاف
وعنك بعيداً أبيت الرحيل
وبيك اعتزاز الصباح الجميل
جميع الأغانى اتكالن عليك
جميع الأغانى اتكالن عليك
صورة العضو الرمزية
Hoomy
مشاركات: 3992
اشترك في: الثلاثاء 2008.5.6 9:39 am
مكان: UAE

رد: القومة ليك ياوطن

مشاركة بواسطة Hoomy »

حنبنيهو البنحلم بيهو يوماتى
وطن شامخ وطن عاتى
وطن خيّر ديمقراطى
وطن مالك زمام أمرو
ومتوهج لهب جمرو
وطن غالى
نجومو تلالى فى العالى
إراده .. سياده .. حريّه
مكان الفرد تتقدم
قيادتنا الجماعيّه
مكان السجنِ مستشفى
مكان المنفى كليّه
مكان الأسري ورديّه مكان الحسره أغنيّه
مكان الطلقه عصفوره تحلق حول نافوره
تمازج شُفّع الروضه
حنبنيهو
البنحلم بيهو يوماتى
وطن للسلم أجنحتو ضدّ الحرب أسلحتو
عدد مافوق ما تحتو مدد للأرض محتله
سند للإيدو ملويّه
حنبنيهو..
البنحلم بيهو يوماتى
وطن حدّادى مدّادىما بنبنيهو فرّادى
ولا بالضجه فى الرادى ولا الخطب الحماسيّه
وطن بالفيهو نتساوى نحلم .. نقرا .. نتداوى
مساكن .. كهربا .. ومويه تحتنا الظلمه تتهاوى
نختّ الفجرِ طاقيّه
وتطلع شمس مقهوره
بخط الشعب ممهوره
تخلي الدنيا مبهوره
إراده
وحده شعبيّه
صورة العضو الرمزية
Hoomy
مشاركات: 3992
اشترك في: الثلاثاء 2008.5.6 9:39 am
مكان: UAE

رد: القومة ليك ياوطن

مشاركة بواسطة Hoomy »

فتش فى ترابك
المكاشفي محمد بخيت

فتش فى ترابك ..قَلِبوُ ذرة ذره..
تلقانا بنحبك أكتر كل مرة
نحن أولاد كفاحك رغم وجودنا بره..
رغم الخطوة تاهت.. رغم الغربة مُرة
ننشد فى سبيلك عرفانا وجميلك ..
ونرحل فى هتافك يا عِشْقْ إستمرّ..
فتش فى ترابك ..قَلِبوُ ذرة ذره..
بى عينيك نعاين عبر الضَلْمَة باكر
بكرة الجايى باين فى عودة مسافر
أمن قلبو عندك....طاف الريح مهاجر
أنفاسك تنومو لما الحزن جاسر
وأجراسك تقومو ..يصحى معاك يساهر
يصحى الحلم دايماً شعب ضراعو وافر ...
فى الأرض التزغرد فى أفق الحناجر...
والشمس البتطلع فى أعلى المنابر
وزى فى كل مرة أحلى وأغلى ثورة
يا وطن الأمانى وشعب إرادتو حرة...
ياما الضفة تشهد يوم غنيت مكانا
يوم الغابة شافت فى عينيك زمانا
لما الكلمة تطلع منك برتكانه..
زيك نحن نعشق شرط تكون معانا
فى توب البنية وفى لمسات حنانا..
فى كل الأماكن وين ماتروح خطانا
هو العيد نشيدك 0..واللا الفجر عيدك
نحن الفى بعيدك أقرب من وريدك
فى ايدينا جمرة...طول الوكت حرى ..
ياوطن الأمانى وشعبو إرادتو حرة..
زرعو خصام جنوبنا ..بى سبب الديانة ..
الأديان سماحة وروح الدين أمانة..
طول تاريخنا عايشين فى السودان ضرانا
فينا لسانو عربى وفينا لسان رطانه..
مختلفين ثقافة ومختلفين ديانه
من كل التباين وحدنا إنتمانا
ومتفقين فى حبك يا عالى المكانة.
صورة العضو الرمزية
Hoomy
مشاركات: 3992
اشترك في: الثلاثاء 2008.5.6 9:39 am
مكان: UAE

رد: القومة ليك ياوطن

مشاركة بواسطة Hoomy »

لحظة من وسني
محمد مفتاح الفيتوري

لو لحظة من وسني
تغسل عني حزني
تحملني ترجعني
الى عيون وطني
يا وطني ..
يا وطني يا وطن الأحرار والصراع
الشمس في السماء كالشراع
تعانق الحقول والمراعي
واوجه العمال والزراع
يا وطني ..
أصبح الصبح كأن الزمن
الماضي على الماء نقوش
فارفعي راية اكتوبر
فالثورة مازالت تعيش
وانا مازلت في البعد انادي
يا بلادي
يا مغاني وطني ..
أجمل من فراشة مجنحة
على ضفاف المقرن الجميل
أجمل من نوّارة مفتحة
ترقد تحت ذهب الأصيل
أجمل من رائحة النضال
لم أشم رائحة في صبحك الجليل
يا فخر هذا الجيل
يا وطني ..
صورة العضو الرمزية
Hoomy
مشاركات: 3992
اشترك في: الثلاثاء 2008.5.6 9:39 am
مكان: UAE

رد: القومة ليك ياوطن

مشاركة بواسطة Hoomy »

جيل العطاء
محمد المكى ابراهيم

من غيرنا يعطي لهذا الشعب
معنى أن يعيش وينتصر
من غيرنا ليغير التاريخ
والقيم الجديدة والسير
من غيرنا لصياغة الدنيا
وتركيب الحياة القادمة
جيل العطاء المستجيش
ضراوة ومقاومة
المستميت على المبادىء مؤمنا
المشرئب إلى النجوم لينتقي
صدر السماء لشعبنا
جيلي أنا..
هدم المحالات العتيقة
وانقضي سيف الوثوق مطاعنا
ومشى لباحات الخلود
عيونه مفتوحة
وصدوره مكشوفة
بجراحها متزينة
متخيرا وعر الدروب وسائرا
فوق الرصاص منافحا
جيل العطاء لك البطولات الكبيرة
والجراح الصادحة
ولك الحضور هنا
بقلب العصر فوق طلوله المتناوحة
ولك التفرد فوق صهوات الخيول روامحا
جيلي أنا ..
جيل العطاء لعزمنا
حتما يذل المستحيل وننتصر
وسنبدع الدنيا الجديدة وفق ما نهوى
ونحمل عبء أن نبني الحياة
ونبتكر
صورة العضو الرمزية
Hoomy
مشاركات: 3992
اشترك في: الثلاثاء 2008.5.6 9:39 am
مكان: UAE

رد: القومة ليك ياوطن

مشاركة بواسطة Hoomy »

انا أفريقي أنا سوداني
أرض الخير (أفريقية) مكاني
بلد النور والعزة مكاني
أرض جدودي جباههم عالية
مواكب ما بتتراجع تاني
اقيف قدامها واقول للدنيا انا افريقي انا سوداني
أنا بلدي .. بلد الخير والطيبة
ارضه خزاين .. فيها جناين
نجومه عيون بالخير بتعاين
قمره بيضوي ما بغيب ابدا دايما باين
نوره بيضوي ليالي حبيبة
عليها بغني واقول للدنيا انا افريقي انا سوداني
شمسك طلعت وأشرق نورها بقت شمسين
شمس العزة ونورها الاكبر
هلت شامخة زي تاريخي قوية وراسخة
ملت الدنيا وخيرنا بيكبر
شمس ايماني باوطاني
ده الخلاني اقول للدنيا انا افريقي أنا سوداني
صورة العضو الرمزية
Hoomy
مشاركات: 3992
اشترك في: الثلاثاء 2008.5.6 9:39 am
مكان: UAE

رد: القومة ليك ياوطن

مشاركة بواسطة Hoomy »

اليوم نرفع راية استقلالنا
اليوم نرفع راية استقلالنا
ويسطر التاريخ مولد شعبنا
يا إخوتي غنو لنا اليوم
يا نيلنا ..
يا أرضنا الخضراء يا حقل السنا
يا مهد أجدادي ويا كنزي العزيز المقتنا
يا إخوتي غنو لنا اليوم
كرري ..
كرري تحدث عن رجال كلأسود الضارية
خاضو اللهيب وشتتو كتل الغزاة الباغية
والنهر يطفح بالضحايا بالدماء القانية
ما لان فرسان لنا بل فر جمع الطاغية
يا إخوتي غنو لنا اليوم
وليذكر التارخ أبطلا لنا
عبد اللطيف وصحبهو
غرسو النواة الطاهرة
ونفوسهم فاضت حماسا كالبحار الزاخرة
من أجلنا سادو المنون
ولمثل هذا اليوم كانوا يعملون
غنو لهم يا إخوتي ولتحيا ذكرى التاريخ
يا إخوتي غنو لنا اليوم
إني أنا السودان أرض السؤدد هذه يدي
ملأى بألوان الورود قطفتها من معبدي
من قلب إفريقيا التي داست حصون المعتدي
خطت بعزم شعوبها آفاق فجر أوحد
فأنا بها وأنا لها
وسأكون أول مقتدي
يا اخوتي غنو لنا
صورة العضو الرمزية
Hoomy
مشاركات: 3992
اشترك في: الثلاثاء 2008.5.6 9:39 am
مكان: UAE

رد: القومة ليك ياوطن

مشاركة بواسطة Hoomy »

وهذه رائعة خليل فرح


عزة في هواك


عزه في هواك ... عزه نحن الجبال
و للبخوض صفاك ... عزه نحن النبال
عزه مابنوم الليل محــــال
و بحسب النجوم فوق الرحال
خلقة الزاد كمل و أنا حاليحال
متين أعود أشوف ظبياتنا الكحال
عزه ما سليت وطن الجمــال
ولاإبتغيت بديل غير الكمــال

و قلبي لي سواك ما شفتوا مال
خذيني باليمين وأنا راقد شمال
عزه ما نسيت جنــة بلال
و ملعب الشباب تحت الظلال
و نحنكالزهور فوق التلال
نتشابي للنجوم و أنا ضافر الهلال
عزه جسمي صار زيالخلال
و حظي في الركاب صابوا الكلال
و قلبي لسه ما عرف الملال
أظنه ودقبيل و كريم الخلال
عزه ما إشتهيت نوم الحجال
و لا السوار بكى في يمينا جال
و عزه في الفريق لي ضيق مجال
قبيلة بت قبيل ملأ الكون رجال
عزهشفتي كيف نهض العيال
جددوا القديم تركوا الخيال
روحك أم سماح سري كالسيال
شجوا الفؤاد حيوا محسور الليال
عزه في الفؤاد سحرك حلال
و نار هواك شفىو تيهك دلال
و دمعي في هواك حلو كالزلال
تزيدى كل يوم عظمه إزداد جلال
عزه في حذا الخرطوم قبال
و عزه من جنان شمبات حبال
و عزه لي ربوعأم در جبال
و عزه في الفؤاد دوا يشفي الوبال
صورة العضو الرمزية
Hoomy
مشاركات: 3992
اشترك في: الثلاثاء 2008.5.6 9:39 am
مكان: UAE

رد: القومة ليك ياوطن

مشاركة بواسطة Hoomy »

الفينا مشهودة
عارفانا المكارم انحنا بنقودا
والحارة بنخوضا
الزول بفتخر يباهي بالعندو
نحن اسياد شهامة والكرم جندو
ما في وسطنا واحداً ما انكرب زندو
البعجز يقع بيناتنا بنسندو
الحارة بنخوضا...
ركابين عليهو الناصع أب غرة
نتباشر وقت نلقى الكلام حرة
ما بنفز يمين إن متنا فد مرة
الخواف ما حر منو نتبرا
الحارة بنخوضا..
الفينا مشهودة عارفانا المكارم انحنا بنقودا
والحارة بنخوضا
للجار والصديق عشرتنا تتمنى
بنصون الأمانة السيدا أمنا
المغرور ندوسو ونعدموا الطنة
شافعنا بيرى الموت في الركاب سنة
أضف رد جديد

العودة إلى ”منتدى السودان العام“