من تاني رجعت احلم بيك معاي
ياغاية ياكل الاماني
يافرح طول نسانا وياقمر نور سمانا
الليله عاد الفرحه تاني
بيك ازدانت حياتي ورجعت صافيت الليالي
ما الحبيب حن وطراني
ومن تاني عاودنى الحلم
وبديت احلم
جلسه فى ليلة خريف
والكون سكون
والحبيب راقي وظريف
وغاب القمر والنجوم خلف السحاب
ومن روعة حضورك ابت تقيف
وحسيت بالكون معاي مسحور
بيردد يالطيف يالطيف
وياسلام من اللحظه ديك
احترت فيك
اقول شنو انا جد شوقى فاض
واشتقت ليك
وغلبنى اقول كلام
غير انى ليك
ام الصبا :
دومآ تاتي بالجديد الرائع ما عدمناك يا شاعرتنا المتميزه
ومن تاني رجعت احلم بيك
في عيون طفله تشتاق للبعيد
وحياة الشوق وجن الشوق
انا ليك اكيد
مهما يفرقنا الزمان
تلاقيني صابر راجيك
شايل الحروف زادي والقلب الرحيب
ياما في دروب الشوق بتعذب شديد
منتظر لحظة رجوعك تبقي لي عيد
بيها الملم حروفي وانشدها ليك ف الطريق
وترجعي بالسلامه يا منية القلب البريدك شديد
ياما في دروب الشوق بساهر الليل واكون وحيد
ام الصبا الامير مره من هنا