بصراحه كده المنتدي مسيخ من غير الجكسي
وعاوزين نعرف شنو عاملين علينا حمله ولا ايه ياجكسينا
وبالذات عندي جكسويه فاقدها بجد ومنتظرها تطل وتدينا همسه شوق بث
اسمعو يارجال
جمهوريه الجكس الشعبيه
العاصمه القوميه: كاب الجداد
عدد السكان: مازال العد جاري
المساحه: كانت مليون ميل
اخواني واخواتي
السلام عليكم ورحمه الله
الايام دي في جوطة انتخابات وتسجيل وتحالفات
ونصحني كثيرا من الاخوة تكرارا
بترشيح نفسي وحزبي لرئاسة الجمهورية وبعد طول تفكير وتداولات
في الراكوبة والبرندة والحوش وبره الشارع وفي عجل الدكان والعمود في نص الحلة
قررت ما يلي:
ارحب بي كل الجكس السوداني (أولاد وبنات) يعني الجكس والجكسويات
الجوه والبره
جكس الخرطوم الحلاوتو تعمل جنون
وجكس بحري الوراهو نجري
وجكس امدرمان الكلو حنان
وجكس نهر النيل الكلو جميل
وجكس شندي الكلو محني
وجكس دنقلا كلو حلا وجكس سنار كلو دمار
وجكس بورتسودان الحنان وجكس الفاشر المكاشر
وجكس جوبا وجكس القضاراف الماعارف وجكس مدني
وجكس رفاعة القناعة
وبرضو معانا ناس الشهاده العربيه والاجنبيه الحناكيش والماحناكيش
جكس الخليج وجكس الشام وجكس الساحل والصحراء وجكس اروبا وامريكا
وكل جكسينا على بقاع الارض
تقوم الجمهوريه على اسس وهي التعارف والاحترام وتبادل الاراء ومناقشه القضايا الشبابيه والعلاقات بين الدول بإحترام وتفهم
وتطوير الجمهورية وتقدم علمي وتقني
وادخال حكومة اكترونية
يلا يلا شباب نبدا التسجيل الانتخابي واي واحد حاسي بي انو لي مكان في الجمهورية يسجل سرعة
بدأء التسجيل بدل ما تمشو تسجلو في السجل الانتخابي
سجلو هنا مرتااااحين
صدر تحت توقيعي
رئيس جمهورية الجكس الشعبية
الأمير الحب