جنس شلاقة ..
دايرة ارسم ليكم بالحروف ..
عن احداث حقيقية حصلت وبتحصل كتير..
وعلى العليها رافعة نخرتها فوووق..
قعدت معاها قبل العرس بكم يوم..
اهاا ياستى ناوية على شنو؟والفستان طلع كيف؟ ووووو
ونسة البنات العادية دى ..
طبعا هى ردت بى فلهمتها ديك ..
انها حتعمل حاجة ماحصلت قبل كدة
والفستان وارد ايطاليا مخصوص عشانها ودافعة فيه الشئ الفلانى ..
المهم ماحبيت اناقش معاها لانو عارفاها مافى شئ بخليها ماتسوى الفى راسها ..
وجاء يوم العرس ..
والناس قاعدة منتظرة العروس ..
والفنان الكبير يصدح باحلى الالحان ..
وفجاءة صرخ احدهم العروس جات ..
وكل الناس بتبحلق..
وتعالو شوفو الحصل ..
العروس جاية بالكرتة ...
والحصان الابيض يتراقص مع الزفة المصرية ..
بتاع التصوير جرى جاب الشئالبطلع دخان داك وختاهو قدام الحصان..
وولعوا....
هى نان الحصان مارفع كرعينو فوووق واتجنن..
الساعة الكرتة تفلت منو وتنقلب لوراء
والعريس لشلاقته قال خاتى الشيشة فى الكرتة ..
موية الشيشة مع الشئ الاحمر الفيها دة ...
اندلقت فى فستان العروس الايطالى..
وعريسنا لما قام اتنفض ..
قميصو الابيض اتملآ طين ..وغسلو ليه وشو ورفع عروسو ودخل ..
البنية من الزعل دايرة تطق .. والحفلة كلها مادا بوزها ..
الا صاحبنا العريس طلع زول عسل وروحو رياضية ..
وصحبتنا العروس حالفة تجى من شهر العسل تعمل حفلة تانى ...
واوعك من الحصان والكرتة ..[/grade]