اكتمال نقل أسهم سودانير من عارف الكويتية لحكومة السودان

كل ما يتعلق باخبار السودان اليومية من داخل وخارج الوطن

المشرف: بانه

أضف رد جديد
صورة العضو الرمزية
بعد الزمن
مشاركات: 16470
اشترك في: الثلاثاء 2010.3.9 4:30 am
مكان: الضواحي

اكتمال نقل أسهم سودانير من عارف الكويتية لحكومة السودان

مشاركة بواسطة بعد الزمن »

أعلنت الخطوط الجوية السودانية اكتمال نقل أسهم شركة سودانير من مجموعة عارف الكويتية وشركة الفيحاء القابضة إلى حكومة السودان لدى المسجل التجاري العام، وأكدت فرعية سودانير النقابية للعاملين في بيان تحصلت «إس إم سي» عليه أن هذا الإنجاز تحقق بفضل الروح الإيجابية التي سادت بين الشركاء للوصول إلى هذه الخطوة الهامة مجددة أن الاستقرار الإداري الذي شهدته الشركة الفترة الماضية كان نتاجاً طبيعياً لإخلاص وتضحيات العاملين بمختلف فئاتهم بسودانير من أجل الحفاظ على الناقل الوطني خلال المرحلة الهامة من تاريخ الشركة.
وأكد البيان أن فرعية سودانير النقابية ستظل تعمل للحفاظ على حقوق ومكتسبات العاملين وعلى كيان الخطوط الجوية السودانية ناقلاً وطنياً وقائداً ورائداً لصناعة الطيران بالبلاد.
ابولفته
مشاركات: 381
اشترك في: الأربعاء 2011.6.8 3:10 pm
مكان: كل مكان جميل

رد: اكتمال نقل أسهم سودانير من عارف الكويتية لحكومة السودان

مشاركة بواسطة ابولفته »

اخيرا طياراتنا تقع براحتا ومافى زول يشاركنا فى الخساره يلا ياسودان طير طيرى banana.gif
صورة العضو الرمزية
السودانى الاصيل
مشاركات: 8054
اشترك في: الاثنين 2008.9.1 9:24 pm
مكان: المملكه العربيه السعوديه /جازان سحر الطبيعه

رد: اكتمال نقل أسهم سودانير من عارف الكويتية لحكومة السودان

مشاركة بواسطة السودانى الاصيل »

سودانيييييير؟؟؟؟؟؟؟؟؟ مما شفتا العنوان بطنى قلبت

دى والله بص الكلاكله احسن منها


اووول طيران فى العالم تقعد فى غرفة المغارده 18 ساعه ؟؟؟؟؟؟؟؟؟؟؟؟؟؟؟؟
بتى الصغيره سنووم قاعده مع امها 18 ساعه فى صالة المغادره ؟؟

وقافلين عليهم واهاليهم منتظرنهم اسافروا
وانا هنا راجيهم


والعسكرى الاهبل منع اى زول اوصل ليها تلفوون ؟؟؟

دا طبعا بعد المواعيد الغيروها 4 مرات
واخر شئ قالوا ليهم امشوا لمن نتصل عليكم؟؟؟

انا عارفا لكن ما لقيت حجز غيرا
صورة العضو الرمزية
brain
مشاركات: 667
اشترك في: الخميس 2009.8.13 11:54 am
مكان: السودان

رد: اكتمال نقل أسهم سودانير من عارف الكويتية لحكومة السودان

مشاركة بواسطة brain »

ابولفته كتب:اخيرا طياراتنا تقع براحتا ومافى زول يشاركنا فى الخساره يلا ياسودان طير طيرى banana.gif
هههههههههههههههههههههههههه
خير القول قول ابولفتة
ايدعت
أوجزت
صورة دقيقة لمشهد حال طيراننا
ـــــــــــ
ابو لفتة يا معلم
بالله دي بكم كرد
ابولفته
مشاركات: 381
اشترك في: الأربعاء 2011.6.8 3:10 pm
مكان: كل مكان جميل

رد: اكتمال نقل أسهم سودانير من عارف الكويتية لحكومة السودان

مشاركة بواسطة ابولفته »

brain كتب:
هههههههههههههههههههههههههه
خير القول قول ابولفتة
ايدعت
أوجزت
صورة دقيقة لمشهد حال طيراننا
ـــــــــــ
ابو لفتة يا معلم
بالله دي بكم كرد
بكم كرد ولا كرت لخبتنى يا انتا ما عارف الطياره مواعيدا متين ولا يمكن لغوها لا قاولوا لينا ماشه بورسودان وجايه اتخيل معاى كده ده ممكن يحصل ولا لا طبعاممكن ما خلاص بقت سودان طيرنا براااااانا تقع ما تقع تجى ما تجى وبعدين ما نظلم الناقل الوطنى فى ميزه مافى فى كل خطوط الطيران فى العالم تعرف شنو الشعار اتحداك لو فى زيو فى الدنيا دى واكتر شعار متواجد فى ارض مطارات العالم عشان طوالى متاخره فى مواعيدها تعرف يا اخوى انا ممغوس منها جنس مغسه من سنه 90 ما انسى ليك اليوم ده اتاخرت من الخرطوم للرياض كان مفروض الساعه9 صباحا طارت 5 العصر واريتا ما طارت دخلنا الرياض من هناوصدام دخل الكويت من هنا يعنى ركبنا سودن طير وجبنا الكفوه للكوايته
صورة العضو الرمزية
بعد الزمن
مشاركات: 16470
اشترك في: الثلاثاء 2010.3.9 4:30 am
مكان: الضواحي

رد: اكتمال نقل أسهم سودانير من عارف الكويتية لحكومة السودان

مشاركة بواسطة بعد الزمن »

والله معاناة وجنس تلتلة
بس ربك يهون
شكرا ليكم على تواجدكم العطر
أضف رد جديد

العودة إلى ”اخبار السودان“