نكات رباطاب

أضحك بمزاج سودانى 100 فى الميه

المشرف: بانه

أضف رد جديد
صورة العضو الرمزية
وحـــيد
مشاركات: 10029
اشترك في: الثلاثاء 2012.3.6 11:00 am
مكان: ‍‍‍‍‍

نكات رباطاب

مشاركة بواسطة وحـــيد »

بسم الله الرحمن الرحيم

اقسم بالله العظيم ان ضحكت او ابتسمت ساضع رداً

اوكي كدا انت/ي اقسمت لو ضحكت/ي او ابتسمت/ي حاترد/ي :040:

بسم الله نبداء

رباطاب :-

واحد ليقي رباطابي قال لي تعرف الثعبان لو عضاك مرة خطر

الرباطابي قال لي اها لو اخد لف وجا تاني

قال لي سنونو بتكون قامت بعضيك تاني

الرباطابي قالي دا ثعبان ولا دباسة

.....................................................................................

رباطابى صلى الجمعة فى مسجد أنصار السنة الإمام قال السلام عليكم مد يدو للزول الفى يمينو قال ليهو: تقبل الله أنصارالسنة رفض يمد يدو و قال ليهو : دى ماورد فيها نص، الرباطابى قال ليهو : نان الإحراج ورد فيهو نص؟؟

...................................................................................

شافعة رباطابية قاعدة تاكل مع أبوها في الصينية ، قالت ليهو: يابا أديني عيشة، أبوها حب يشاغلها، قال ليها بتدوري بيها شنو؟؟ قالت ليهو بدور أرضعها!!!

..................................................................................

رباطابي عسكري مرور .. بلغوه أنو في باص إنقلب .. مشى مكان الحادث لقى الناس كلها ميتين ماعدا واحد .. قال ليهو : أها يالصـــــندوق الأســـــود .. الحادث حصل كيف ..

................................................................................

رباطابي في عزومة عرس لاحظ انو في زول نائم نومة عميقة جدا ... بس في اللحظة الختو صينية الاكل عمك تترب صحي وابتداء يلقلق ... الرباطابي قال ليهم : انتو زولكم دا كانتو خاتنو في الشاحن ...

...............................................................................

شايقية ورباطابية راكبات الحافلة ماشات بكا .. الشايقية طقطقت للكمساري ونزلت، الرباطابية اتأخرت.. الكمساري قال ليها: نازلة؟ قالت ليه : لا.. لا.. بدور اقدمها للباب!!

..............................................................................

رباطابى نزل ضيف عند جماعة وكان عندهم تيس فى الزريبة جنب الصالون عنده نزلة الليل كله يعطس...الصباح بدرى سيد البيت جا وسال الرباطابى" ان شاء الله نمت كويس؟؟ الرباطابى قال ليه
انوم بى وين لى تيسك ده التقول مكوجى مقابل العيد

............................................................................

الحاجة جات للدكتور الرباطابي في المركز الصحي وقالت ليهو
دايراك تحولني المستشفى عشان هناك بكشفو علي بالسماعة .
قال ليها نان الشايفاها مدروعة في رقبتي دي قايلاها نبلة؟؟

..........................................................................

قالوا رباطابي وشايقي اتلموا في القطر .. الشايقي معاهو ولد صغير .. في الليل القطر مظلم والناس نايمين الشايقي فقد ولدو قام يهبش يمين وشمال والظاهر إنو لمس الرباطابي ... طبعاً صحى زعلان قال ليهو مالك؟ .. الشايقي قال ليهو بفتش في الولد .. رد الرباطــــابي : وولدك ده إبريق ؟ ........ ما تكوركلو..

....................................................................

شافع رباطابي لئيم معزب ناس الحي وفي يوم ابوه جلدوا وطلع من بيتهم ويبكي فظهر جارهم راجل كبير فرحان وشمتان في الطفل وقال الحمدلله.. بركة .. اها دقوك اليله في شنو فرد الطفل باكيا في جنس التحشر اليلك ده

.....................................................................



وشكرا ،،،،
صورة العضو الرمزية
وحـــيد
مشاركات: 10029
اشترك في: الثلاثاء 2012.3.6 11:00 am
مكان: ‍‍‍‍‍

رد: نكات رباطاب

مشاركة بواسطة وحـــيد »



انتظر الردود

لاتنسي انك اقسمت / ي
صورة العضو الرمزية
وحـــيد
مشاركات: 10029
اشترك في: الثلاثاء 2012.3.6 11:00 am
مكان: ‍‍‍‍‍

رد: نكات رباطاب

مشاركة بواسطة وحـــيد »



ولا رد :001:
صورة العضو الرمزية
m2nooo
مشاركات: 1672
اشترك في: السبت 2012.5.26 8:10 pm
مكان: المدينة المنورة

رد: نكات رباطاب

مشاركة بواسطة m2nooo »

هههههههه يسلمووووووووو
Control 12
مشاركات: 320
اشترك في: الجمعة 2011.10.28 10:55 am
مكان: 1

رد: نكات رباطاب

مشاركة بواسطة Control 12 »

نكات حلوة
ذكرتنى طريقة رفع الصور يحلفوك ...
نتظر منك الجديد
صورة العضو الرمزية
وحـــيد
مشاركات: 10029
اشترك في: الثلاثاء 2012.3.6 11:00 am
مكان: ‍‍‍‍‍

رد: نكات رباطاب

مشاركة بواسطة وحـــيد »





اشكركما علي المرور صورة
صورة العضو الرمزية
نسيم الشمال
مشاركات: 26385
اشترك في: السبت 2011.6.11 9:14 am
مكان: السعودية

رد: نكات رباطاب

مشاركة بواسطة نسيم الشمال »

وحيد في العالم القاسي كتب:بسم الله الرحمن الرحيم

اقسم بالله العظيم ان ضحكت او ابتسمت ساضع رداً

اوكي كدا انت/ي اقسمت لو ضحكت/ي او ابتسمت/ي حاترد/ي :040:

بسم الله نبداء

..........................................................................

قالوا رباطابي وشايقي اتلموا في القطر .. الشايقي معاهو ولد صغير .. في الليل القطر مظلم والناس نايمين الشايقي فقد ولدو قام يهبش يمين وشمال والظاهر إنو لمس الرباطابي ... طبعاً صحى زعلان قال ليهو مالك؟ .. الشايقي قال ليهو بفتش في الولد .. رد الرباطــــابي : وولدك ده إبريق ؟ ........ ما تكوركلو..

....................................................................

.....................................................................

وشكرا ،،،،
انا لسة بضحك وما قادر اسكت.. :040: :040: :040:
أضف رد جديد

العودة إلى ”منتدى النكات والفكاهة“