من وحيد لــ وحيد
وحودي حبيبي تصحي بكرة الصباح بدري حاترسل رسالة من الموبايل
تلبس وتستعد عشان تمشي الشغل وانت منتظر تجي عربية فظيعة اخر موديل
تقرب تضربك لكن ماتضربك
تنزل منها بت حلوة شديد (( عسل عديل ))تجري عليك بلهفة وتقولك (( انت كويس ))
تقوم تنفض نفسك (( وتخليك تقيل )) تقولها : ما مشكلة حصل خير
حتقولك : عنجد ما كنت شايفاك انا اسفة
تقولها : ما مشكلة وتبتسم (( اهم حاجة تخليك تقيل ))
البت تنهار وتقعد تبكي
تهديها وتقول : يابت الناس ماحصلت حاجة
ترد عليك : علي الاقل خليني اوصلك
تقولها : خلاص مادام مصرة
وفي العربية ونسات وضحك لمن توصل
(( بالمناسبة اسمها لجين ))
قبل ما تنزل حا تتبادلو ارقام التلفونات وتقولك
خلاص حانتقابل المساء عشان اشوفك بقيت كيف
وياتي المساء وتذهب للموعد
وتلقاها بقت احلي وتقعدو وانتو بتتعشوا تلفونك يضرب ترد
انت : الو
المتصل : الو
انت : معاي منو
المتصل : مصطفى الاغا مذيع برنامج الحلم علي ال mbc(الرسالة الصباح )
انت : تفقد القدرة علي الكلام من هول المفاجاة
المتصل : وحيد في العالم القاسي هلا صار عندك منزل وعربية الف الف الف مبروك
ما ان تنهي المكالمة حتي تجد لجين تنظر اليك بتلك العيون الجميلة
وتقول وحودي حبيبي انا موافقة انك تجي تخطبني من ناس البيت
يتــــــــــبع