يا اخونا هل تصدقو دخل الفردى الشهرى فى السودان؟؟؟؟؟

يهتم بالحوارات والنقاشات الجادة فقط الرجاء الالتزام !!

المشرف: بانه

أضف رد جديد
صورة العضو الرمزية
الفرح المهاجر
مشاركات: 6812
اشترك في: السبت 2008.9.20 7:42 am
مكان: جو قلب حبيبتى

يا اخونا هل تصدقو دخل الفردى الشهرى فى السودان؟؟؟؟؟

مشاركة بواسطة الفرح المهاجر »

يوم الثلاثاء الماضى شاهدت برنامج فيصل القاسم الاتجاه المعاكس
وضحكت متعجا من قول عبد العاطى الناطق باسم الموتمر الوطنى
قال مافى جوع فى السودان وكل شئ متوفر بكثرة لمن هنا ما اختلفنا
معاك لاكن:-
فجر اكبر اضحكوه لما قال واصر على قولة ان دخل الفرد السودانى
فى الشهر (1800) دولار والله انا من الضحك جانى صداع
يااخوانا ابرا السودان هل الكلام دا حاصل عشان نرجع نهائى
السودان ولو كلام ربيع عبد العاطى صح معنى كدا انا اجيب معى 20 عقال و
قطر وجلاليب افتش ناس على كفالتى .
فى حين انو امريكا من اكبر الدول من ناحية دخل الفرد وتليها دولة قطر
دخل الفرد مايعادل 1800 دولار
يا اخوانا الزول دا يمكن قاصد 1800 جينة سودانى
صورة العضو الرمزية
The Sniper
مشاركات: 5588
اشترك في: الجمعة 2009.12.4 5:13 pm
مكان: Here & There
اتصال:

رد: يا اخونا هل تصدقو دخل الفردى الشهرى فى السودان؟؟؟؟؟

مشاركة بواسطة The Sniper »

سلامات اخونا الفرح المهاجر

بصراحة ما بحب المواضيع السياسية لكن مرات بكون مجبر اشارك عشان اوضح موقفي من الموضوع

المهم ...

بالنسبة لكلام القيادي في المؤتمر الوطني لما قال انو متوسط دخل الفرد في السودان 1800 دولار اعتقد انو كلامو صحيح لأنو في فرق كبير بين متوسط الدخل و بين الراتب .

طبعا الناس كلها مسكت في الراتب و اتجاهلت مصطلح متوسط الدخل !

قلت اتأكد بنفسي و دخلت موقع قلوبال فينانس Global Finance
و دا موقع فيه الاحصاءات الاقتصادية لكل الدول و فعلا لقيت متوسط دخل الفرد في السودان
US$ 1,590 (2006 estimate)
و دا حسب تقديرات 2006 و ما استبعد انو نحن الان في 2012 يكون وصل 1800 دولار

و دا رابط ممكن الناس تتطلع بنفسها

http://www.gfmag.com/gdp-data-country-r ... eport.html


و خالد عويس بتاع حزب الامة العامل نفسو احد قادة الثورة الحالية في السودان ذكر في صحيفة اخبار اليوم السنة الفاتت انو متوسط دخل الفرد في السودان 2400 دولار !
و الايام دي متواجد على صفحة رصد و كل يوم خطاب جديد فيها و يكررو في حكاية ال 1800 دولار على كل رأس ساعة !

دا رابط حديث خالد عويس لاخبار اليوم

http://www.akhbaralyoumsd.net/modules.p ... e&sid=1907

اخر شئ حبيت اوضح اني ما بنتمي لأي حزب لكن اسلوب المعارضة الحالية دا ما عاجبني و ما بنُكر انو في ازمة حاليا في السودان و الناس ما مرتاحة في المعيشة لكن اسوأ شئ ممكن يحصل ثورة في السودان لأنو نحن في السودان عندنا اكتر من 10 حركات مسلحة جاهزة و منتظرة متين النظام يسقط عشان تنقض على الحكم و بعدين الشعب كلو حيندم و يتمني لو الحكومة الحالية ترجع !

بقول للحكومة و المعارضة اتقوا الله في الشعب المسكين دا و اتأكدو انكم حتتحاسبو على اي شئ سويتوه في الوطن .


تحياتي
صورة العضو الرمزية
brain
مشاركات: 667
اشترك في: الخميس 2009.8.13 11:54 am
مكان: السودان

رد: يا اخونا هل تصدقو دخل الفردى الشهرى فى السودان؟؟؟؟؟

مشاركة بواسطة brain »

الفرح المهاجر كتب:
يوم الثلاثاء الماضى شاهدت برنامج فيصل القاسم الاتجاه المعاكس
وضحكت متعجا من قول عبد العاطى الناطق باسم الموتمر الوطنى
قال مافى جوع فى السودان وكل شئ متوفر بكثرة لمن هنا ما اختلفنا
معاك لاكن:-
فجر اكبر اضحكوه لما قال واصر على قولة ان دخل الفرد السودانى
فى الشهر (1800) دولار والله انا من الضحك جانى صداع
يااخوانا ابرا السودان هل الكلام دا حاصل عشان نرجع نهائى
السودان ولو كلام ربيع عبد العاطى صح معنى كدا انا اجيب معى 20 عقال و
قطر وجلاليب افتش ناس على كفالتى .
فى حين انو امريكا من اكبر الدول من ناحية دخل الفرد وتليها دولة قطر
دخل الفرد مايعادل 1800 دولار
يا اخوانا الزول دا يمكن قاصد 1800 جينة سودانى
هلا الفرح المهاجر
يا أخوي النبشرك كلام ربيع ده صحيح 100% وكان أصلو الـ( 1800 ) دولار دي بترجعك ابقى لملم عفشك ويا السودان جاك زول . لكن تعال براك البلد ما ناقصة أجانب . والله الاجانب ديل يقابلوك من سلم الطيارة وما يغيبو من عينك حتى البيت والمطبخ . وما يفرقك معاهم الا غرفة النوم .
تحيتي
ورد الله قربتك
معتز سيد
مشاركات: 4174
اشترك في: الثلاثاء 2008.8.26 1:22 pm
مكان: السودان والحمد لله

رد: يا اخونا هل تصدقو دخل الفردى الشهرى فى السودان؟؟؟؟؟

مشاركة بواسطة معتز سيد »

أخوانا الكرام أخونا الفرح المهاجر وأخونا The Sniper وأخونا brain ، والحاضرين والغائبين
السلام عليكم ورحمة الله وبركاته

أنا تابعت الحلقة ، وما قصده ربيع أن متوسط الدخل السنوي 1800 دولار أي 150 دولار شهرياً
وأستغرب أن ما فُهم عند البعض أنه شهرياً .
والمثير للضحك فعلاً هو رأي الضيف الآخر -الذي مر مرور الكرام
ولم يجد نصيباً من التعليق- وقوله: عن وفرة السلع أن لا أحد يستطيع شرائها إلا إذا كان مؤتمر وطني
وهو قول يجافي الواقع بحد علمي والله أعلم.

وأخيراً هذا ليس دفاع عن ربيع ولا المؤتمر الوطني ، وإنما تحري الحقيقة ومن ثم التعليق والنقد
خالص ودي وتقديري،،
صورة العضو الرمزية
kaydoo
مشاركات: 6130
اشترك في: الأربعاء 2009.8.19 5:03 pm
مكان: الرياض
اتصال:

رد: يا اخونا هل تصدقو دخل الفردى الشهرى فى السودان؟؟؟؟؟

مشاركة بواسطة kaydoo »

يا ربي اسي متوسط الدخل في السودان بقي كم بعد الزيادات دي :confused:
صورة العضو الرمزية
jasmina
مشاركات: 5229
اشترك في: الخميس 2009.9.10 2:26 am
مكان: في مكان ما

رد: يا اخونا هل تصدقو دخل الفردى الشهرى فى السودان؟؟؟؟؟

مشاركة بواسطة jasmina »

الرواتب تبدا من 600 وتنتهي ب 2000 للمحظوظ طبعا
صورة العضو الرمزية
kaydoo
مشاركات: 6130
اشترك في: الأربعاء 2009.8.19 5:03 pm
مكان: الرياض
اتصال:

رد: يا اخونا هل تصدقو دخل الفردى الشهرى فى السودان؟؟؟؟؟

مشاركة بواسطة kaydoo »

jasmina كتب:
الرواتب تبدا من 600 وتنتهي ب 2000 للمحظوظ طبعا

بس العملة دولار وللا جنية :004:
أضف رد جديد

العودة إلى ”حوارات جادة“