الرابطة الربط للمريخ شهر لى سيفو وإهداء لجعفر مصطفى جعفر

اخبار الفرق الرياضية..الدورى..الصحافة..والشمارات الكروية

المشرف: بانه

أضف رد جديد
صورة العضو الرمزية
mubark59
مشاركات: 2814
اشترك في: الأحد 2007.8.26 9:56 pm
مكان: بيريطانيا مدينة بيرمنجهام

الرابطة الربط للمريخ شهر لى سيفو وإهداء لجعفر مصطفى جعفر

مشاركة بواسطة mubark59 »

الرابطة الربط للمريخ شهر لى سيفو وإهداء لجعفر مصطفى جعفر

--------------------------------------------------------------------------------

المريخاب سلام وجعفر (كضم من الكلام !!) ويا سلام يا سلام الرابطة بصديرو عام ... وقلّع !!عام وقلّع بى نقاطو !!نقطة لكل فريق والنقطة التالته فى الهواء !!والفارق أصبح يا جعفر 6 نقاط وتلاته أهداف وحسب ما قال أخونا عوض جلاس الكتاحة رابطة !!! والمسدار جاك ياجعفر وضمرة وودالرفاعى !!! قال المجموعات قال !!أسع أكتبو أنكم الدورى فارقتو فراق الطريفى لى جملو !! وتانى نحنا نتجدع ساكت فى باقى المباريات !!!. وإليكم المسدار الذى قلبناهو بالفرح قصيدة لأننى قلت ما عايز أتلوم مع أخوانى المريخاب كل واحد أجييب إسمو !! آها يا جعفر أرجانا فى شندى !!! قال فريق القبيلة قال ؟؟ لى شنو قالو ليك أنا من قندتو والله شندى فوق والله القوز مع إحترامى الشديد لدار جعل والفارس الفذ صلاح إدريس !! .

الرابطة العجييب للمريخ شهر لى سيفو
وأحرز للتعادل وزاد من مزاجو وكيفو
المريخ حزيين فى الدورى ديمة وصيفو
ما بصل الهلال وما بقدر يهدّ يهدّ لى قيفو
شوف كيف الهلال باين وظاهر (سيفو**)
يا جعفر أخوى ويا ضمرة الحزين مريخكو وين تصنيفو
ووين ودالرفاعى ووين كل النجوم ما فيهو أصلو حريفو
فارقتو الكؤوس وفارقتو النقاط ودورينا حان وجب تصريفو
بى أمر الكريم بعد هوبه الغزال وقروشنا الحلال وخريفو
نتجدع شعر ونكتب بى مزاج والكأس حبيبنا صديقنا نشييفو
ويرفع ليهو هيثم يرفع ليهو سيدا وكأسيين يا كريم يا لطيفو
فى رمضان نقاطنا أهدافنا خمسة ونقاطنا زايده واصله نضيفو
نكنس ما نخلى الاهلى أنتركلوب مرييخنا وجب وجب تجفيفو
ما يشوفو النقاط والاهداف كتيرة ومركزنا أولنا نحنا نحنا حليفو
يا الابطال سلام يا بدور الهلال الهلال ما تقييفو أصلو أصلو تقييفو
أكنسو للنقاط وهدفو بى مزاج وما تقولو التقييل التقييل تخفييفو
من خمس وزيادة وصيامنا وعبادة زيدونا زيدونا من تأليفو

** سيفو أقصد (اللاعب الفذ ونجم نجوم الهلال والمنتخب القومى سيف الدين على إدريس مساوى ) وتحياتى له ولكل الابطال .
أضف رد جديد

العودة إلى ”منتدى الملاعب السودانية“