قصيدة ودالرفاعى التى كتبها العبادى ورد من بشرى مباراة وهلال مريخ بالسبت

اخبار الفرق الرياضية..الدورى..الصحافة..والشمارات الكروية

المشرف: بانه

أضف رد جديد
صورة العضو الرمزية
mubark59
مشاركات: 2814
اشترك في: الأحد 2007.8.26 9:56 pm
مكان: بيريطانيا مدينة بيرمنجهام

قصيدة ودالرفاعى التى كتبها العبادى ورد من بشرى مباراة وهلال مريخ بالسبت

مشاركة بواسطة mubark59 »

يا هلالابي هوي كتر الكلام خليهــــو
والسبت القريب بتعرف مقامك فيهــــو
ساكواها الزمان اوعك تكون ناسيهــــو
قاصدكم عديل وكل الدفاع فاجيهــــو
..
والملك ان نزل يبقي الرماد تب كالكم
والباشا الحريف ناوي يبهدل حالكم
وباسكال الاسد كــــع بقص في رقابكم
الخوف يابرير تنفجر في داركــــم
..
السبت مابعيد بتشوفو كان تهديــــد
وفي الميدان اكيد حديد يلاقي حديــــد
فارسنا الزعيم ثابت ثبات صنديــــد
وحالف باليمين يضرب شديد في العيــــد
..

العبــــادي


--------------------------------------------------------------------------------

حلوه يا ود الرفاعى (لعبتك ) أقصد قصيدتك وهاك دى :


جربتو التلاتة والباشا الطلع مطرود
وجربتو الهزائم وأخباره أخباره فايته حدود
يارب يا كريم نحقق لى مرادنا ونحقق المقصود
نجييب أهداف عديدة وعروضنا الشديدة وناس ود الرفاعى شهود

معروف الهلال فى كل مدن قرى وبلود
ومعروف الهلال فى مروى أو فى نهود
رافعين لى شعارو فى حلفا كسلا والقردود
وحاتشوفو النجوم غزلان إسود إسود وفهود


والله الهلال دايماً فى دلال وأصلو ما مشحود
معروف بى عروضو ولى شباكو كيف حايذود
وكاسح فى الهجوم ولسانو الطويل الطويل ممدود
المريخ وصيفنا فى شتانا وخريفنا وأملنا فيك منشود
نمرق بالنقاط وهجومنا العجييب ودفاعنا كيف مسدود
صورة العضو الرمزية
mubark59
مشاركات: 2814
اشترك في: الأحد 2007.8.26 9:56 pm
مكان: بيريطانيا مدينة بيرمنجهام

رد: قصيدة ودالرفاعى التى كتبها العبادى ورد من بشرى مباراة وهلال مريخ بالسبت

مشاركة بواسطة mubark59 »

وفي اليوم السبت مريخنا تب منصور
وفي عرف الزعيم أصلو الضرب بالدور
ياهلال السجم حتما أكيد مدحور
وعند ساعه الدواس عينك تشوف النور
@
تلعبو في الصحف يازيف وغش وخداع
حاقدين للزعيم والشر ليهو أتباع
في يوم السبت بتشوفو كم أوجاع
مريخنا الزعيم كوره وفنون وإبداع
@
النصر العزيز بنشيلو حُمرة عين
وفي يوم السبت بتشوفو ضرباً شين
ياهلال السجم الليلة تهرب وين
وجمهورك يمين عيد سقيم وحزين
@
معروفين يمين في افريقا لينا الصوله
وعند ساعه الدواس كاسبين دوام الجوله
حامدين الاله شاكرنو ديمه المولي
وياهلال السجم الليله قول لا حولا
@
نحن الصفوه نحن المجد والتاريخ
وقي الكاف ياهلال تاريخنا تب مابشيخ
من غيرنا اللِعِب .. والله طعمو مسيخ
أحبك يازعيم بهوووووووواك يامريخ




--------------------------------------------------------------------------------

يا ود الرفاعى أوعه يكون ده عماد المتمة (الشرد من منتدى دار جعل !!!!) كدى النمشى على منتدى دار جعل أشوفو !! أصلو هو وواحد إسمو ودالحتانة مشكلين (غياب ) ليهم كم شهر !! الليلة ظهر ود المتمة !!؟.


يا ود المتمة الجرسة ما تخليها
وأنا خايفيك عدييل الواقفة بتجليها!!
فى يوم السبت نقاطنا وأهدافنا ما بنديها
وفى يوم الدواس نار الوصيف نطفيها
أضف رد جديد

العودة إلى ”منتدى الملاعب السودانية“