منـــو البقـــدر ... يعمـــلها ؟؟؟

المشرف: بانه

أضف رد جديد
صورة العضو الرمزية
بت السرف
مشاركات: 10839
اشترك في: الأحد 2011.3.20 8:47 pm
مكان: نبض الشوق الساكن جوة

منـــو البقـــدر ... يعمـــلها ؟؟؟

مشاركة بواسطة بت السرف »

شــآب سودآني أصيــل في مقتبل العمر

في يوم إتفق مع أهلو و قرر إنو يتزوج

أهلو فرحو شديد و طوالي مشو لجيرآنهم عشآن يخطبو ليهو بنتهم
...

أهل العروسة طلبو مهلة عشآن يآخدو رأي البنت

لكن المدة طالت و العريس المسكين إفتكر إنهم رفضوهو

بس خجلانين يقولوها ليهو في وشو

بعد فترة .. الشآب زهج و مشى إتقدم لوآحدة تانية

البنت التانية وافقت طوالي

و تاني يوم من الموآفقة .. جاهو الرد من أهل البنت الأولى بالموآفقة برضو

الرآجل إتورط ورطة ما طبيعية

فكر كتير و قرر إنو يعرسهم الإتنين في ليلة وآحدة بدون ما وآحدة تعرف

و فعلاً ظبط العرسين في ليلة وآحدة و أي عرس في صـآلة براها

المهم في يوم العرس مشى سآق العروسة الأولى من الصآلة سرعة

و مشى بيها الفندق و قال ليها : " أنا حأمشي أجيب العشاء و جاي "

و مشى على الصالة التانية و جاب العروسة التانية في نفس الفندق

و طلب عشاء بتآع 3 أنفـآر و 3 كبآبي عصير

العروسة الأولى إستغربت و سألتو : " ديل 3 كبايـآت و نحن إتنين !! "

قاليها : " هسي بتعرفي "

و دخل العروسة التآنية في نفس الأوضة

العروستين دخلو في حالة ذهول و ما فاهمات أي حاجة

الشـآب جاب العشآء و خـتآهو قدآمهم على جهة اليمين

و وقف و قاليهم :

" نتعشى أول و لآ نتفآهم ؟!

العآوزة تتعشى تجي يمين

و العآوزة تتفآهم تجي شمال "

العروستين مشو شمآل

الشـآب حكى ليهم الموضوع و القصة كلها

و قاليهم :

" يـآ بنات إنتو الإتنين هسي نسوآني

و مافي أي حاجة بالغصب و الله

العآوزة تستمر معآي ربنا يبآرك لي فيهآ

و العآوزة تتطلق بكرة من الصبآح بتوصلها ورقتها "

العروسة الأولى قالت : " أنا عآوزاك ♥ ♥ "

و العروسة التآنية قالت : " أنا كمان عاوزآك ♥ ♥ "

فقـآل العريس الشــآب :

" كـآن كـده خلآص تعالو يمين الإتنين .. و بسم الله نتعشى ^_^



عجبتنى ونقلتها ...ان شاءالله تعجبكم... :d: :d: :d:
صورة العضو الرمزية
ود الخير
مشاركات: 11370
اشترك في: الخميس 2009.4.30 11:51 pm
مكان: جده

رد: منـــو البقـــدر ... يعمـــلها ؟؟؟

مشاركة بواسطة ود الخير »

المواقف بتصنع الرجال
وحواء ولاده

يعنى الكلام دا ما كضب كضب
صورة العضو الرمزية
The Sniper
مشاركات: 5588
اشترك في: الجمعة 2009.12.4 5:13 pm
مكان: Here & There
اتصال:

رد: منـــو البقـــدر ... يعمـــلها ؟؟؟

مشاركة بواسطة The Sniper »

من رأيي انو ظلم البتين لما ما وضعهم امام الامر الواقع بدون ما يستشيرهم قبل كدا ...
أضف رد جديد

العودة إلى ”منتدى الراكوبة“