بفتش ليك .. وسط زخم الصباح بدري !!

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

أضف رد جديد
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

بفتش ليك .. وسط زخم الصباح بدري !!

مشاركة بواسطة ود الزوحي »


بفتش ليك !!
وسط زخم الصباح بدري
وسط زحمة طريق الريد
وقت ما قلبي ليك يشتاق
وحس أنفاسي ما يطلع
بفتش ليك نغم معزوف
على وتر القليب وينتع
بفتش ليك يا إنت
على شط المواني ضفاف
وعلى بحر السفر ضفة
بفتش ليك وإنت حداي
وحسك ديمة فاقدو جواي
أريت ..
أريت الفيني يبقى عليك
تفتشي إنت لزاتي
وأكون جنبك ..
وبرضو فؤادي ما يطراك ..
صورة العضو الرمزية
أبوالمطارق
مشاركات: 195
اشترك في: الثلاثاء 2009.9.1 10:06 pm
مكان: السودان

رد: بفتش ليك .. وسط زخم الصباح بدري !!

مشاركة بواسطة أبوالمطارق »

تسلم ورائع وربنا يوفقك
صورة العضو الرمزية
سعوديه روحها سودانيه
مشاركات: 113
اشترك في: الخميس 2012.5.17 12:36 am
مكان: ksa

رد: بفتش ليك .. وسط زخم الصباح بدري !!

مشاركة بواسطة سعوديه روحها سودانيه »

الله الله احسااااااااااااااااااس رائع
سحر السر
مشاركات: 30
اشترك في: الجمعة 2012.7.27 4:25 am
مكان: المملكه العربيه السعوديه الرياض

رد: بفتش ليك .. وسط زخم الصباح بدري !!

مشاركة بواسطة سحر السر »

ابدااااااااع والله يسلم فمك
صورة العضو الرمزية
بت السرف
مشاركات: 10839
اشترك في: الأحد 2011.3.20 8:47 pm
مكان: نبض الشوق الساكن جوة

رد: بفتش ليك .. وسط زخم الصباح بدري !!

مشاركة بواسطة بت السرف »

ود الزوحي كتب:

بفتش ليك !!
وسط زخم الصباح بدري
وسط زحمة طريق الريد
وقت ما قلبي ليك يشتاق
وحس أنفاسي ما يطلع
بفتش ليك نغم معزوف
على وتر القليب وينتع
بفتش ليك يا إنت
على شط المواني ضفاف
وعلى بحر السفر ضفة
بفتش ليك وإنت حداي
وحسك ديمة فاقدو جواي
أريت ..
أريت الفيني يبقى عليك
تفتشي إنت لزاتي
وأكون جنبك ..
وبرضو فؤادي ما يطراك ..









وجاى تفتش وسط زخم الصباااح فينى ..

وانا الــ جواااك ..ريدك سكن دمى ..

وانا النبض ..الــ بدق فى قليبك ..

وقليبك رحل ..وزاد همى ..


انا الــ كنت بفتش ليك ..

ساعة الريد يفرهد ..ضئ ..

وارسم فى مساار الليل ..

امكن ... يجيبك لى ..

اتحسس دروب الشوق ..

وشوقك كتير .. ما حًى ..

وانت حداااى ..

قلبك بعيد .. فى الحَــى ..

راجع تكوس الريد ..

وسط زخم الصباااح ..

بعد الوجع ..فاض بى ؟؟؟
صورة العضو الرمزية
لبيب
مشاركات: 3506
اشترك في: الجمعة 2009.8.28 10:13 am
مكان: الخرطوم

رد: بفتش ليك .. وسط زخم الصباح بدري !!

مشاركة بواسطة لبيب »




****وسط زحمة طريق الريد

ياسلاااااااااااااااااااااااااااااااااااام يا اخي




أضف رد جديد

العودة إلى ”همس القصيد“