السودان...تحت المجهر..!!

يهتم بالحوارات والنقاشات الجادة فقط الرجاء الالتزام !!

المشرف: بانه

صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

السودان...تحت المجهر..!!

مشاركة بواسطة dream-lady »

قراءة سريعة ليوميات مواطن....الصفحات مشرعة لكل قلم...نتقبل كل الأقطاب...

هي احداث..تجارب...رؤى...تحتمل الخطأ والصواب...لكن الله يشهد على النية والدافع...حب مواطن لوطنه الغالي....وتظل(بلادي وان جارت علي عزيزة وأهلي وان ضنوا علي كرام.....)

وبحلوها تريدها وبمرها تريدها happy0005.gif
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: السودان...تحت المجهر..!!

مشاركة بواسطة dream-lady »

...مستوصف باعتباره راقي المستوى...موظفة الاستقبال تأخذ نقودك لتستبقيها بحجة (لايوجد صرف),,كم من الغرف...موظفين ينتعلون (شباشب حمام),,لايوجد اخصائي الآن!!!طبيب عام ...تدخل غرفته فتجده نعسا...يتكيء عليك ليقوم بالكشف...تسأل ان كان بالطفل المريض (مثلا)التهاب بالاذن ...فيهز رأسه نافيا :(ماظنيت...مش مافي ماده بتطلع؟ :004: )تجول بناظريك على مكتبه لتجد انه لايملك منظار الاذن !!....
تخرج لتأخذ ماتبقى من ورق(مايسمى نقود),,,وتخرج لتفاجأ بحفره (بالوعة),,تدعو الله ان لايقع بها طفل او ساري ليل او شارد فكر....
...وطوال طريق الرجوع للمنزل تدعو:كان الله في عونكم اهلي
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: السودان...تحت المجهر..!!

مشاركة بواسطة dream-lady »

...كم هو جميل ملحك يابلدي....كل شيء له نكهة ومذاق خاصيين...تريد التغيير فتخرج لتتناول وجبة في مطعم ...هناك مطاعم باربع خمس كراسي وماهو مكتظ بكراسي متقاربة...تحاول انتقاء وجبتك فتدفع للكاشيير وتحمل(المارك)لتذهب لمن سيعد وجبتك...فيهيلك كم الذباب الذي يرتع فوق الاطعمة الموضوعة مغطاة من جهتك ومفتوحة من الداخل مما لم ينطلي على الذباب الذكي...تسأل من معك...البلدية مابتشوف الحاصل خاصة السلطات التي صارت سكنى اساسية لتلك الافواج الذبابية ؟...فتجد نظرة استهجان...أي بلدية!!!!!....المهم تتناول وجبتك بعد ان تقول من كل قلبك:(بسم الله الذي لايضر مع اسمه شيء في الارض ولا في السماء وهو السميع العليم),,,
صورة العضو الرمزية
مسلمة وافتخر
مشاركات: 9423
اشترك في: الخميس 2008.11.13 5:16 pm
مكان: حيث اكون نفسى

رد: السودان...تحت المجهر..!!

مشاركة بواسطة مسلمة وافتخر »

والله فعلا هم يبكى وهم يضحك
انا بعولتى قرب يقطع الاجازة ويجى راجع بس الله ستر :d:
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: السودان...تحت المجهر..!!

مشاركة بواسطة dream-lady »

أصحاب الامجادات وأسعارهم الخرافية...يصطفون في المحطات ليرموا في وجهك المبلغ القنبلة :blink:

وكلهم متفقون فلا مجال لمساومة انفرادية....اما أن ترضخ أو..ترضخ :004: ...بعد أن ترضخ تجد نفسك في لعبة بهلوانية ...والطريق يعج بالمتناحرين...ركشة×تاكسي×امجاد.....
وسيد اللعبة كبارهم(الاصغر منك دوسه),,,كبار الحجم يهرولون بلا هوداة :yar:
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: السودان...تحت المجهر..!!

مشاركة بواسطة dream-lady »

مسلمة وافتخر كتب:
والله فعلا هم يبكى وهم يضحك

انا بعولتى قرب يقطع الاجازة ويجى راجع بس الله ستر :d:
هلا زاتو العسل happy0005.gif
بعيد عنك القروش عندها جناحات نفااااثة :ha: بس برضو الراجع بحس بقبضة في قلبه صعبة :tt: وبعولتك يرده طيب
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: السودان...تحت المجهر..!!

مشاركة بواسطة dream-lady »

...محطة لطيفة,,,,

ركبنا في حافلة وقبل أن نجلس انطلق السائق بشجاعة فتشبثنا بمقاعدنا بسرعة واصرار (محل الله يختك ),,,تم التصفيق والتصفير والتبشير (باقي الزغاريد :l: ),,للسائق ليقف على بعد ميل لتهب النازلة في محطة فقامت وهي تهتف فيه:...اقيف توبي وقع...فرد ببجاحة: شايفاني كوفير ؟..ماتنزلي...فصرخت به: قبيل وقعتني هسي بتدور توقعني؟..وفجرت في وجهه كل غضبها فتدخل الاجاويد ليهدأوا الوضع...وقام فاعل خير بتطيييب خاطرها فابتسمت فقال لها: ياالله شايفة الابتسامة دي حلوة كيف..فانفجرت ضاحكة وضحك الجميع :d: ..وهنا تحولت الحافلة بعد نزولها لمنتدى أدبي فقد كان فاعل الخير شاعرا بمعنى الكلمة :ha: ...وأطربنا بأبيات منتقاة محفوظة باحتراف شعري فذ...وهكذا تحول الجو الملبد بالغيوم لساحة فنية مرحة ...وعندما نزل الشاعر أحس الجميع بوحشة :tt:
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: السودان...تحت المجهر..!!

مشاركة بواسطة dream-lady »

...في كل ركن تبهرك الخضر والفاكهة بمناظرها الخلابة ...خصوصا المانجو...(وآه من المنقة يالشايل المنقة)...تنزل عن مركبتك لتشتري فتجد أن حبة المانجو التي كانت بالامس ب(2جنية)’’’ب(4جنية)’’الضعف فقط :004: ...فتسأل البائع فيضع اللائمة على المزارع والمزارع على النقل والنقل على البترول والبترول لاتفاقية نيفاشا وهكذا تلف الدائرة لتعود للبائع ..وقد يقع اللوم عليك ك(مستهلك لافائدة منك سوى أكل ومرعى وقلة صنعة :040: )...أخيرا يعرض عليك البائع أن تأخذ المانجو وان الحبة الواحدة تقوم بخلط جك كبير يكفي الاسرة بأكملها ويقول لك جادي ...جربي ولو الحبة ماعملت جك رجعيها...وزيادة في ابداء حسن النية يقوم باعطائك اربع حبات صغيرة هدية وعينة من علبة العنب اضافية لمااشتريته وهو عرض مغر جدا جعل الاخت الغالية تتخذ بعده قرار ان أصبح مبعوث الاسرة لاحضار الفواكه :l: ...
:064: فعلا المنقاية عملت جك محترم :like:
صورة العضو الرمزية
النورس المهاجر
مشاركات: 1002
اشترك في: الاثنين 2010.3.29 11:17 am
مكان: ksa //المملكة

رد: السودان...تحت المجهر..!!

مشاركة بواسطة النورس المهاجر »

هووووووووووووووي يالسمينة ....
بقل وزنك كل يوم كيلو لو ... فكرتي كده كتير
وأقل شيء .. منظااااارك ده بعد كم يوم في الحراج ما بشترووووووهــ
تعرفي ليه؟؟؟
..................................
فوق فوق سودانا فوق ...
اهااا بتغيري منظاارك لي تلسكوب ؟؟؟؟
صورة العضو الرمزية
النورس المهاجر
مشاركات: 1002
اشترك في: الاثنين 2010.3.29 11:17 am
مكان: ksa //المملكة

رد: السودان...تحت المجهر..!!

مشاركة بواسطة النورس المهاجر »

dreem-lady كتب:
...كم هو جميل ملحك يابلدي....كل شيء له نكهة ومذاق خاصيين...
بجد بجد ... أعظم عبااارة قيلت عن وطني ... ( كم جميل ملحك ؟؟؟ )
فروعتك توازي روعة تراب بلدي ..
وما زرعة المانجو الإ لتكون غذاء الطيبين الروح والفكر
فيا سعد بلادي بحرفك ونقلك الصادق
ويافرح السعد حينما يلون قلمك صفحات وطني بصدق الإنتماء رغم الضنك
فدوما مهيرة صانعة الأمجاد وعزة ... بها يكون عزنا
فكنتيها وكان الوطن الملح سكرنا
دوما حرف شاهد وفكر مشاهد وريشة مبدعة
للأمام ... فننتظر ....مشاهدك الصادقة
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: السودان...تحت المجهر..!!

مشاركة بواسطة dream-lady »

...زيارة لعيادة طبيب...
طبيب لامع الاسم...تعرفة الدخول (50جنيه),,مكتب متواضع جدا مكتبة خشبية وكرسي متواضع وطبيب بشوش في العقد الرابع من عمره...يستقبلك بتواضع ..وابتسامة مطمئنة لما اشتمه منك من تراجف... :tt: تجلس لاتعرف من أين تبدأ فتتسع الابتسامة فتحس بسخفك .. :005: تبدأ مستعينا بالله لربط الاعراض المتناثرة ...وتتفرس ملامحه لتفوز بتفسير مبدأي...ولاتظهر على صفحة وجهه أي بادرة تفهم منها شيء....وهكذا يبدأ الحديث بوقار وبساطة وتنسجم تشخيصاته مع باقي أعراضك ...فيطلب منك الذهاب للمختبر...فتذهب وتدفع نفس السعر أعلاه....وبعد أن يتم امتصاص دمائك تجد أن انبوب سحب الدم يتم نقعة في كوب كبير به ماء ملحي على الارجح....وتنتظر لمدة ساعة ..وبعد أن تنضج العينة تحملها لتعود ادراجك للطبيب الذي يتأمل التحليل (بلا ملامح ايضا)’’’ويخبرك عن الوضع الصحي ويأخذكما الحديث لسوق الخضر ليعترف انه قد كف عن شراء الطماطم لغلائه الفادح ...قد تكون اعجوبة ان يجد الاطباء ايضا سعر الطماطم فوق طاقة جيوبهم...واذا بحثنا في دول أخرى طبيعية لوجدنا ان افقر الفئات قد تعتمد على الطماطم كوجبة !!
وجاء دور الصيدلية ليصر الصيدلاني ويلح علي في شراء دواء بديل لمالم أجده ولم يتركني حتى قطعت له وعدا اني سأعود لاشترى منه البديل اذا لم أجد ماهو مكتوب عندي بالوصفة الطبية ...وقد كان البديل ب90جنيها....
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: السودان...تحت المجهر..!!

مشاركة بواسطة dream-lady »

النورس المهاجر كتب:
هووووووووووووووي يالسمينة ....
بقل وزنك كل يوم كيلو لو ... فكرتي كده كتير
وأقل شيء .. منظااااارك ده بعد كم يوم في الحراج ما بشترووووووهــ
تعرفي ليه؟؟؟
..................................
فوق فوق سودانا فوق ...

اهااا بتغيري منظاارك لي تلسكوب ؟؟؟؟
اولا القال ليك سمينة منو؟ :004: :004: :004:
والتفكير بوجع القلب وبشيب الشعيرات :tt:
وانا زاتي ماعاوزه ابيع مجهري ولا أبدلو...بحتفظ بيهو لانو غالي غلاوة بلدي....وده كلو من محبتي لبلدي عايزاهو فوق كل فوق...ولو مابارينا الجرح مابنعرف نداويهو ولا...؟
النورس الغالي ...قلمك دائما ذو نكهة ومذاق كملح بلدي....كن هنا لنستفيد من كلماتك happy0005.gif
صورة العضو الرمزية
النورس المهاجر
مشاركات: 1002
اشترك في: الاثنين 2010.3.29 11:17 am
مكان: ksa //المملكة

رد: السودان...تحت المجهر..!!

مشاركة بواسطة النورس المهاجر »

سمينة ؟؟؟ مش قلتيها في بوست ... سؤال بعكر جنك .... اقصد ؟؟

من الأعجوبااات ....
السيااارات ....
1/ شرطي المرور .. لأيملك سيارة أو بالأصح .. لأ يعرف قيادة السيارة ...
2/ طبيب لا يملك سيارة .. وبلاصح دكتور حتى لو استاذ جاامعة لايملك ؟؟؟
3/ مستشفى لايملك سيارة اسعااف ..وبالاصح لايملك كرسي متحرك أو حتى نقاالة ..
؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟
؟؟؟؟؟؟؟؟
سودانا فوق... السطح .... يطفو الزيت حتى على ماء الملح
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: السودان...تحت المجهر..!!

مشاركة بواسطة dream-lady »

نورسنا المهاجر....قلمك ملح منتدانا happy0005.gif

في قمة اوقات العناء تتحد اخوتنا...فتجدنا اسرة تتسع في الشارع وكل الامكنة والازمنة تجمعنا المعاناة والود الصادق....واجمل مافي بلادي بنو وطني...فهم الثروة الحقيقية....تحس بود يبرق في الاعين وتجد الالفة في ملامحهم...وتدعو لمن ترآه دون أن تعرف اسمه ...ومن يبذل لك خدمة دون أن يعرفك بنفسه فهو يجود بوقته وجهده بطيب خاطر....
لو ذهبت هذه الاخوة الصادقة لذهب السودان
ادام الله الحب والود والاخوة في قلوب أهلي بنو جلدتي...السودانيون الكرام ...ذوو الشهامة والاصالة وطيب القلب
نورسنا...تفضل بمقعدك في المقدمة...مختبرنا ومجهرنا لمداواة أي ورم واستئصاله قبل أن يستفحل...ومن يداوي الجرح غير ذائقه!!
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: السودان...تحت المجهر..!!

مشاركة بواسطة dream-lady »

النورس المهاجر كتب:
سمينة ؟؟؟ مش قلتيها في بوست ... سؤال بعكر جنك .... اقصد ؟؟
....لو الواحد زاد كم كيلو بتلقفوا بقولو :سمنتي ليه :l:
بس برضو بعكر جني :tt:
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: السودان...تحت المجهر..!!

مشاركة بواسطة dream-lady »

ياحليل الطلبة!!
...يهرب سائقوالحافلات من الطلبة ويغلقوا أبوابهم من محطة الاستاد والعربي ...بحجة ماحنحمل !! :004: ليه؟؟؟.....منو البسألهم؟؟؟؟....يقومون بالتخارج ليبدأوا التحميل من خارج العربي للركاب(الغير طلبة)’’’فالطلبة فئة منبوذة للحافلات ...لهم الله مفروض يخترعوا لهم أحذية بمحركات ليعتمدوا على أرجلهم في درب الرجوع المضني خاصة في رمضان وعز الصيف... :tt: وحتى باصات الوالي التي أحضرت للطلبة خصيصا تحمل باقي الشعب وهي اصلا كمية محدودة تحصى باليد :004:
نريد شعبا متقدم ونضيق الخناق على الطلبة :004: ......بمدارس غير مهيئة لجو دراسي ومدرسين غير مكتملين...ماذا قدم الوطن للطلبة كي ينتظر المقابل؟؟؟؟؟
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: السودان...تحت المجهر..!!

مشاركة بواسطة dream-lady »

عمليات حسابية...

الدخل (اكبر من)المنصرف,,,,,,فئة مختارة.....
الدخل=المنصرف,,,,كثيرون
الدخل(اقل من المنصرف),,,أغلب الشعب....كيف؟؟...دي محتاجة حاوي!!
الشعب ÷طفل/طالب/خريج/عاطل..او اي شغل والسلام او واسطة قوية ويد راكزة...نساء تركن البيوت ليلهثن وراء الجنيه الطائر...والجندي المجهول(المغترب....بين مطرقة الغربة وسندان الطلبات),,,ليعود بخفي حنين ويصبح مغتربا داخل وطنه أيضا...

تحمل بجيبك 200ألف...وهي نفسها ال200جنيه لتعرف سخرية العملة...وتذهب البقالة القريبة وتعود بكيس صغير تحمله باصابعك وشنطة فارغة!!
تمر على بائع الخضار لتجد عينات من البامية المصفرة وحبات من الكوسة والعجور والبطاطس وتزور الملحمة لتجد كيلو اللحمة 28-30والماعاجبو يشوف أقرب ركشة ...ومين يسأل ؟؟؟...وضع التسعيرة موضة قديمة!!
العمرابى
مشاركات: 3410
اشترك في: الجمعة 2011.6.3 5:32 pm
مكان: المملكة العربية السعودية / الرياض

رد: السودان...تحت المجهر..!!

مشاركة بواسطة العمرابى »

سلامات
مجهرك فحص الكلام ده وما اتعطل
صور مقلوبة والا حقيقة
الحاجات ده ماتنزليها جرعة جرعة
مرة واحدة كدا
السفر ده خليناه خلاص لمن واحد يجى يعكس الصورة
بجى راجع
صورة العضو الرمزية
طلال الحكيم
مشاركات: 4056
اشترك في: السبت 2010.5.8 11:08 am
مكان: السعودية

رد: السودان...تحت المجهر..!!

مشاركة بواسطة طلال الحكيم »

المكان : السوق العربي
الزمان : يوم 1 رمضان الساعة 2 ظهر قبل كم سنة كده
حالة الطقس : حرارة منهارة
الحالة المزاجية : مثل حالة الطقس

وقفنا في موقف أبو جنزير في إنتظار أن تهبنا نسائم الرحمات (حافلة)
وأتت تتهادى وتتمخطر كالعروس فهجمنا عليها ولكن (الكمساري)أشار إليننا ببرود بيده وفهمنا من إشارته أنه (ما راجع)
فزاد غيظنا ... ورجعنا إلى أماكننا نتقي حر الشمس بأيدينا والجرائد ..
ثم أتت حافلة أخرى ... والكمساري يضع رجل على رجل وقال (ما راجع)
إلى أن من الله علينا بواحدة راجعة فكان الهجوم عليها ضاريا ...
فهربنا إليها من حر الشمس وحر الصيام ودخلناها من كل مكان ..(والله شوف عيني في جماعة دخلو من الشبابيك)
المهم ... جلسنا وحمدنا الله ...ننظر إلى قفا السائق ورأسه الأشيب ..
كانت هناك حديدة بارزة في آعلى درجة من سلم الحافلة إن لم تتفطن لها فلا شك أنك (واقع)
وللأسف لم يتفطن لها رجل(دخل آخر الناس) وكان من أصحاب الوزن الثقيل ... فربما أعمته الفرحة بنجاته من الشمس عن رؤية أي شي
تعثر المسكين ووقع علينا شر وقعة ..
فقام يصيح ويسب ويلعن (مخاطبا السواق) :
- الله ينعلكم ياخ
فصاح فيه الناس :
- يا زول الدنيا رمضان ده كلام شنو
ولكنه زاد إتقاد :
- الله يكسركم حتة حتة زي ما دايرن تكسرونا
فصاح فيه الناس :
- ياخ هدي أعصابك وألعن أبليس
ولكنه لم يسمعنا وكأنه وجد فرصة ليخرج كل ما به من نيران فقال :
- أبليس ما ياهو ده .. السايقنا ده
كان (السواق) قد بدأ في (السواقة) وعندما سمع هذه الكلمة أوقف الحافلة وإلتفت إليه برأسه الأبيض وصاح فيه:
- إنت يا زول عيان ولأ شنو ؟
فرد عليه صاحبنا المتين بحده:
- والله أنت الأبن ستين عيان
- مالك يا خي داير تجننا في رمضان هسه نقوم نفطر بسببك
- تشيلو مننا في القروش ساكت كده ... ما تصلحو حافلتكم دي
- يا خي أنت ما تفتح عيونك الصغار دي .. الناس دي كلها دخلت إلا إنت (الإتفنقلتا) عامل كرعيك المكعوجات ديل
- مكعوجات ؟؟ كدي أنزل لي تحت عشان أوريك ليهم مكعوجات كيف .
- آي مكعجوات من العليهم ... كرشك دي لو ختوها في عمود كهربا تكعوجو
- يازول إحترم شيبك ده يا راجل يا عجوز يا ما محترم
- والله أنت مفروض تصوم 6 شهور ... عشان تخس شوية .. وما ظنيت
وتدخل الناس داخل الحافلة وهاجو وماجو وكاد زمام الأمر أن ينفلت فسكت الرجلان ..
ثم بدأت الحافلة تشق طريقها وهبت النسمات وهدأت النفوس وأطبق الصمت على الجميع
عطش وجوع وحرارة ونفسيات وتعب وغضب ... كان ذلك كثيرا عليهم ففي يوم واحد
إنقضت ربع ساعة صامتة ... وفي تلك الأثناء مرت سيارة فارهة بالقرب من الحافلة
مظلله .. لا ترى ما بداخلها هل هو( أنس أم جان) فقال أحد الركاب الجالسين بالقرب من النافذه (وياليته سكت)
قال مستظرفا :
- يا جماعة هسه زي الناس السايقين عربات مكندشة ديل ... عليك الله هسه صيامهم زي صيامنا؟
فقال السواق ساخرا :
- ليه صيامهم ما زي صيامنا؟ ... ديل ناس الله رضيااااان عليهم ... الله أداهم عماراات وعربات مكندشات ... وكرعين سمحااااات ما مكعوجات .
فصاح فيه صاحبنا المتين :
- تقصد شنو يا راجل يا عجوز يا قليل الأدب .

والشكلة قامت تاني


دريم ... كنت علما ً بأنك ستعودين من هناك بالشيء الكثير
ويا ليتهم يعلمون أنهم يشغلون البال والخاطر
ولولا أن أجبرتنا الظروف على الخروج لما خرجنا
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: السودان...تحت المجهر..!!

مشاركة بواسطة dream-lady »

العمرابى كتب:سلامات
مجهرك فحص الكلام ده وما اتعطل
صور مقلوبة والا حقيقة
الحاجات ده ماتنزليها جرعة جرعة
مرة واحدة كدا
السفر ده خليناه خلاص لمن واحد يجى يعكس الصورة
بجى راجع
عيوني زاتا بقت مجهر بعوامل البيئة :040:
صور حقيقية 100%
دق على الحديد وهو حامي :004:
وليه تخليهو في حد يقدر يسيب بلده واهله؟ :smiels0: ...بحلوها تريدها وبمرها تريدها banana.gif
ونحن عايزين نعالج الوجع عشان البعدنا مايتوجعوا
أضف رد جديد

العودة إلى ”حوارات جادة“