الحبوبة وفطومة

المشرف: بانه

أضف رد جديد
صورة العضو الرمزية
الأمير حسن مختار
مشاركات: 1676
اشترك في: الخميس 2008.8.28 6:26 pm
مكان: المملكة العربية السعودية - الرياض
اتصال:

الحبوبة وفطومة

مشاركة بواسطة الأمير حسن مختار »

الحبوبةخلت راكوبتها ومشت الخرطوم لحفيدتها فطومة
لقتها خاملة شديد وكسولة ما هي حركة ولا لهلوبة
تقول ليها يا حبوبة أنا رأسي ملخومة
عليك الله ما تكتري كلام نخرتي مزكومة
ما تمشي اوتنسي مع خالتي السرة وكلتومة
حبوبة زهجت وقالت: يا حليك يا راكوبة
حليلي جيت للخرطوم لحفيدتي النضومة
تعلق في الصغير والكبير وهي ما منظومة
حليل كسلا وناسها حليلك يا راكوبة
والله عندي أحلى من بيوت تبني بجالوس وطوبة
ربنا يصلحك يا فطومة لو جاك عريس وتبقي مخطوبة
خايفه يشرود من أول وهلة ويقول دي منكوبة
أخير ارجع لكسلا وناسها الحنان وللراكوبة
صورة العضو الرمزية
فارماس
مشاركات: 5999
اشترك في: الاثنين 2008.12.22 8:42 pm
مكان: ksa

رد: الحبوبة وفطومة

مشاركة بواسطة فارماس »

هلا بيك الامير حسن مختار في الراكوبة وحباب حبوبة فطومة

البيت دا بيتك

يا حبيب

ادخل.. مخير.. وماك غريب اتمد في أقرب عنقريب

مبهول في حوضو الهمبريب

النيمة يا العنابة ضل

أغشي التكل

خرمان في شاي

جيعان أكل

وداك التمر

والزير قريب

بايت من البارح ملآن

راقد في صدر الهمبريب

وربنا يصلح ناس فطومة
صورة العضو الرمزية
صلاح محجوب عبداللطيف
مشاركات: 4154
اشترك في: الاثنين 2010.9.27 6:09 pm
مكان: مصر - السويس

رد: الحبوبة وفطومة

مشاركة بواسطة صلاح محجوب عبداللطيف »

تسلم يا أمير على الموضوع بس
طبعآ في بعض مفردات الكلام ما
كنتش فاهمها لاكن زوجتي فهمتني
المفردات الصعبه بحكم إنها كانت
عايشه في السودان مثل طبعآ

زي كلمة الحبوبة إلـ هي ستي او جدتي
وكلمة راكوبتها عشتها
وكلمة نخرتي يعني
مناخيري وكلمة
النضومة يعني الرغايه


أضف رد جديد

العودة إلى ”منتدى الراكوبة“