للكبار فقــــــــــــط (الحياه فى الريف )

المشرف: بانه

صورة العضو الرمزية
السودانى الاصيل
مشاركات: 8054
اشترك في: الاثنين 2008.9.1 9:24 pm
مكان: المملكه العربيه السعوديه /جازان سحر الطبيعه

للكبار فقــــــــــــط (الحياه فى الريف )

مشاركة بواسطة السودانى الاصيل »

ا[align=center]زيكم يا ناس
انا داير نتكلم ليكم عن الحياه فى القريه وبتستخدم مصطلحات احتمال كتير منكم
ما عارفنها بس بوريكم ليها معناها شنو[/align]
صورة العضو الرمزية
السودانى الاصيل
مشاركات: 8054
اشترك في: الاثنين 2008.9.1 9:24 pm
مكان: المملكه العربيه السعوديه /جازان سحر الطبيعه

رد: للكبار فقــــــــــــط (الحياه فى الريف )

مشاركة بواسطة السودانى الاصيل »

[align=center]كنت داير ابدا (بالبلدات) اوول ما تبدا عينات الخريف وللما بعرف عينات الخريف

عصا عطشانة ، وعصا رويانة ..
بمعني لو عينة العصا صادفت صيف ،تدل انها عصا عطشانة . والخريف غير مبشر لقلة مطره ..اما لو امطرت يستبشر المزارعين بخريف ممتاز غزير الامطار وبالتالي الموسم الزراعي بكون ناجح


الضراع : هي العينة الببتدئ بها الخريف ، وهي البداية الفعلية للخريف .. وتبتدئ يوم 7/ 7 لحد 21 /7 . وفيها يحرث المزارع ارضه ويزرعها ..

قبل الضراع بنمشى نشيل ( المسحه) والكوريك والطوريه وبمشى المحرات اول احرت ليك الترس
وبتكون متابع المحرات ( التركتر) الليله عن ناس فلان والليله المحرات مع فلان
لمن اجى دورك احرت ليك الترس

بعد كدا بالمسحه تسند الترس وترفعو فووق عشان احبس المويه فى بلادك

بعد تجى كم مطره قوويه فى عينة الضراع تشيل سلوكتك وتمش والتيراب بكون فى مخلايه وجوه
المخلايه بتخت كوريه وبستله
البستله فيها كسره بايته من امس لانك بتقوم بدرى والحاجه ما بتكون عاست
وجركانة موية وحبة ملح وبصله كامله[/align]
صورة العضو الرمزية
مها
مشاركات: 11010
اشترك في: الأحد 2009.8.2 7:14 pm
مكان: السودان

رد: للكبار فقــــــــــــط (الحياه فى الريف )

مشاركة بواسطة مها »

اووووووووو ظهر النجم السودانى الاصيل
والله اشتقنا لى مواضيع الجميله
الراكوبه نورت
صورة العضو الرمزية
السودانى الاصيل
مشاركات: 8054
اشترك في: الاثنين 2008.9.1 9:24 pm
مكان: المملكه العربيه السعوديه /جازان سحر الطبيعه

رد: للكبار فقــــــــــــط (الحياه فى الريف )

مشاركة بواسطة السودانى الاصيل »

[align=center]الزراعه تبدا (الشيله) (بالشور) وتبدا اوول شئ (بالخيل) دا زى الخيط حق البنايه
يعنى بتمشى عليهو تقطع شيلتك والحته الداير تزرعا اول

وانت تسلك والشافع وراك شايل الكوره اتيرب انت بى وراهو تقول ليهو اتنين وتلاته

اجى واحد بى قصاد الترس اكورك عوافى عوافى ربنا اساعد _ _(حسسب) يا زول ما (تسفسف )

يعنى ما تكتر العيش فى الحفره ابوى قاعد ارد عوافى ورحمة الله وبركاته اساعد الجميع

وامش الزول شايل طوريتو فى كتفو فى عدلو[/align]
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: للكبار فقــــــــــــط (الحياه فى الريف )

مشاركة بواسطة dream-lady »

مها كتب:
اووووووووو ظهر النجم السودانى الاصيل
والله اشتقنا لى مواضيع الجميله
الراكوبه نورت

فعلا مهوية الاصيل نور راكوبتنا وضل ضحانا happy0005.gif
منور اصيلو
وكالعادة موضوعك رائع كسائر موضوعاتك
:064: وسجلي عندك تلجة كبيرة :040:
صورة العضو الرمزية
السودانى الاصيل
مشاركات: 8054
اشترك في: الاثنين 2008.9.1 9:24 pm
مكان: المملكه العربيه السعوديه /جازان سحر الطبيعه

رد: للكبار فقــــــــــــط (الحياه فى الريف )

مشاركة بواسطة السودانى الاصيل »

[align=center]لحدى الساعه 11 ونص 12 ابدا الفطور !!!!! تجيب المويه مخيشه ومبلوله الخيشه من الترعه
تجيبا من تحت الشجره والمخلايه الفيها بستلة الكسره
تكب المويه فى الكسره وتكب ملح وبصله تكسرا بى خشمك على فقشتين وترميها جووه البستله

وتملاها مويه لقريب نهاية البستله وتنشلوا انت وابوك اطعم واشهى اكل ممكن تتخيلو

وموية الكسره بعد الاكل
اطعم موية وتحس براحه ما عاديه
وتقوموا تاااانى تتموا الزراعه

بالطريقه دى لحدى ما تتم الجدعه كلها بالزراعه[/align]
صورة العضو الرمزية
مسلمة وافتخر
مشاركات: 9423
اشترك في: الخميس 2008.11.13 5:16 pm
مكان: حيث اكون نفسى

رد: للكبار فقــــــــــــط (الحياه فى الريف )

مشاركة بواسطة مسلمة وافتخر »

تصدقو انا غير التركتر ما عرفت شئ تانى :yar:

منتظرين الشرح
اصيل منور الراكوبة happy0005.gif
صورة العضو الرمزية
معتبر
مشاركات: 11934
اشترك في: الخميس 2009.8.13 8:03 pm
مكان: حته كدة

رد: للكبار فقــــــــــــط (الحياه فى الريف )

مشاركة بواسطة معتبر »

السودانى الاصيل كتب:[align=center]الزراعه تبدا (الشيله) (بالشور) وتبدا اوول شئ (بالخيل) دا زى الخيط حق البنايه[/align]
يعنى بتمشى عليهو تقطع شيلتك والحته الداير تزرعا اول
وانت تسلك والشافع وراك شايل الكوره اتيرب انت بى وراهو تقول ليهو اتنين وتلاته
اجى واحد بى قصاد الترس اكورك عوافى عوافى ربنا اساعد _ _(حسسب) يا زول ما (تسفسف )
يعنى ما تكتر العيش فى الحفره ابوى قاعد ارد عوافى ورحمة الله وبركاته اساعد الجميع
وامش الزول شايل طوريتو فى كتفو فى عدلو

الاصيل يا اصيل

ياسلام

وبجيك لما يجي التركتور والدسك ووردية الليل والنهار
وبني كربو والكجيك ( مشاريع الزراعة الالية )
صورة العضو الرمزية
السودانى الاصيل
مشاركات: 8054
اشترك في: الاثنين 2008.9.1 9:24 pm
مكان: المملكه العربيه السعوديه /جازان سحر الطبيعه

رد: للكبار فقــــــــــــط (الحياه فى الريف )

مشاركة بواسطة السودانى الاصيل »

[center]شكرا ليكم يا مهووويه ودريمو تعالن هنا اقعدن انتم ليكن القصه لو فى سعال اسعلن ابناتى

طيب ي ابنائى الصباح بنسميها (ضحوه) وبعد الظهر طوالى بنسميها ضهريه
بس بالليل لو جات مطره كدا انت ضمان العيش بقوم

بنقول البلاد ( اتسلكت) خلاص يوم يومين والعيش ابقا ( شوكه واضان فار)
اوول مراحل العيش
[/align]
العمرابى
مشاركات: 3410
اشترك في: الجمعة 2011.6.3 5:32 pm
مكان: المملكة العربية السعودية / الرياض

رد: للكبار فقــــــــــــط (الحياه فى الريف )

مشاركة بواسطة العمرابى »

نزل المطر

نزل المطر و برد الجو

و ذهب العطش و فرح أهل البلد

نزل المطر و نزل و نزل

و نط العجل و قفز الحمل

نزل المطر و نزل و نزل

زمن المطر زمن الخير والعمل

وفرح الاصيل وامل وبدر
العمرابى
مشاركات: 3410
اشترك في: الجمعة 2011.6.3 5:32 pm
مكان: المملكة العربية السعودية / الرياض

رد: للكبار فقــــــــــــط (الحياه فى الريف )

مشاركة بواسطة العمرابى »

الاصيل
زراع الحقل في البكور عيشك الدهر أخضر
أنت في هيكل الزهور فيلسوف مفكر
صورة العضو الرمزية
السودانى الاصيل
مشاركات: 8054
اشترك في: الاثنين 2008.9.1 9:24 pm
مكان: المملكه العربيه السعوديه /جازان سحر الطبيعه

رد: للكبار فقــــــــــــط (الحياه فى الريف )

مشاركة بواسطة السودانى الاصيل »

[align=center]شكرا للمرور والله انا ما قايل موضوعى بعجب زول ولا القا زول اقراهو

لكن قلت اكتبو لانو فى نفسى وبس

شجعتونى بتم ليكم الموضوع[/align]
صورة العضو الرمزية
السودانى الاصيل
مشاركات: 8054
اشترك في: الاثنين 2008.9.1 9:24 pm
مكان: المملكه العربيه السعوديه /جازان سحر الطبيعه

رد: للكبار فقــــــــــــط (الحياه فى الريف )

مشاركة بواسطة السودانى الاصيل »

[align=center]طيب العيش ابقا شوكه واضان فار تبدا تحش بدرى بدرى

تشيل ( ملودك ) (والحكاكه) الحكاكه دى قطعة حديد تحك بيها الملود من الطين

ضروريه جدا ودايما بتتخت فى ( تكة السروال) تلفها كل ما تحش حبه تنضف الملود من الندى
والطين

الحش بكون بالشور وفى حش اسمو ( شقيق) (وكتل)
يعنى تبدا تعمل خطوط دا لمن اكون القش كتييير والبلاد ( بايره) كتخفيف

اجى بعد الحش (الكديب) الكديب دى الحشه التانيه بعده بكون العيش هبب
بقا كبااار[/align]
صورة العضو الرمزية
السودانى الاصيل
مشاركات: 8054
اشترك في: الاثنين 2008.9.1 9:24 pm
مكان: المملكه العربيه السعوديه /جازان سحر الطبيعه

رد: للكبار فقــــــــــــط (الحياه فى الريف )

مشاركة بواسطة السودانى الاصيل »

[align=center]نرجع لباقى عينات الخريف


النترة : وهي من 22/7 الي 3/8 ..


الطرفة البكايه : من 4/8 والي 17/8 ومطرها رشاش وقد تستمر ايام متواصلة وهي تسقي الارض وترويها ومهمة جدا بعد بذر الحبوب ..


دى فيها جو جميل جددا حاليا بتكلم عن الزراعه برجع ليكم للعب فى الفتره دى
فى البوست دا نفسو


الجبهة : من 18/8 الي 13/8 - هذه العينة تتميز بارتفاع حرارة الجو وسخونته وهي مايسمونها " الدرت " وهي فترة نضوج المحاصيل .. وتمتاز ايضا بظهور الندي وتكثر فيها الصواعق ..


الخرسان : من ا/9 الي 13/9 .. .. يمتاز بتجمع السحب وكثرة البرق الساطع .والرياح العنيفة.. ومشهور باعنف الصواعق ودويها الذي يصم الاذان وتكثر فيه حوادث الموت من الاصابة بالصاعق[/align]
صورة العضو الرمزية
الفردوس المفقود
مشاركات: 6827
اشترك في: الأربعاء 2012.1.4 8:59 am
مكان: مهبط الوحي

رد: للكبار فقــــــــــــط (الحياه فى الريف )

مشاركة بواسطة الفردوس المفقود »

السودانى الاصيل كتب:
شكرا للمرور والله انا ما قايل موضوعى بعجب زول ولا القا زول اقراهو



لكن قلت اكتبو لانو فى نفسى وبس

شجعتونى بتم ليكم الموضوع


واصل موضوع جميل فعلا ولربط لجيل الغبش وجيل الحناكيش happy0005.gif
صورة العضو الرمزية
السودانى الاصيل
مشاركات: 8054
اشترك في: الاثنين 2008.9.1 9:24 pm
مكان: المملكه العربيه السعوديه /جازان سحر الطبيعه

رد: للكبار فقــــــــــــط (الحياه فى الريف )

مشاركة بواسطة السودانى الاصيل »

[align=center]خلااااااااااص العيش كل يوم نحش فيهو ولمن اكون المطر غزير والدنيا طين
والقش كتير مضايق العيش بنقلع حول (البيت) بيت الذره وفى مرحله اسمها ( الشلخ)

لمن اكون العيش قايم كتيير بتخفض كم واحده

طبعا يا ابنائى لما العيش اكبر بسموهو (حمله وشرايه)
دا خلاص بكون قررب

الصوره :_

فى المرحله دى الام والاب وكل الابناء الصغار والكبار بطلعوا مع ابوهم
بشيلو (تيرمس ) الشاى والبليله
والجو رائع جددا وسط سيقان العيش والعدار

الاطفال استمتعو بمنظر الديدان المزركشه الزاحفه على الارض

المسوها وتطلع ماده
والام والبت الكبيره تلقط الويكه الويكه دى ما بنزرعا بتقوم ( بروث)

الابو معاهو الولد الكبير بربط ( الهواب) على سيقان الذره الطويله عشان

الذرذور ما ياكل العيش

وفى ( البوده) زهره جميله جددا لكن اكثر الحشائش ضررا للعيش
نحاربا نقلعا باليد

تكورك الام تنادى تعالوا اشربو الشاى اتلمو الاسره فى جو جميل رائع
واشربو الشاى وياكلو البليله حقة العدسى[/align]
صورة العضو الرمزية
السودانى الاصيل
مشاركات: 8054
اشترك في: الاثنين 2008.9.1 9:24 pm
مكان: المملكه العربيه السعوديه /جازان سحر الطبيعه

رد: للكبار فقــــــــــــط (الحياه فى الريف )

مشاركة بواسطة السودانى الاصيل »

[align=center]ام بنه بتعرفوها ؟ والتبش ؟

ديل الاولاد الصغار بكونوا كايسين ليها وسط العيش فى جو جميل ومرح
( شيلنى معاك ) قشه ثمرتا فيها اشواك تلصق فى الهدوم

وسط ضحك الاطفال من بعضهم البعض وقد يقوم احدهم باللصق عمدا

اجو راجعين البيت والليل دخل قبل ما اطلعو امشى الابو على الترعه
اممملا الباغه مويه

واجى اتوضو واحد واحد واصلو المغرب جماعه
الابو واولادو والام وبناتا صلاه جماعه فى الخلاء من اسره مكافحه

ونحن جايين نجيب معانا (فريك) كم قندول عيش فى مرحلة ( اللبنه) لانو
لمن تعصر حبة العيش اطلع منها لبن

دا بعد ما الناس تقعد فى فى الحوش تجيب الحاجه ( المنقد) ( الكانون) وتولع الحطب
وانجضوا العيش

اسمو فريك بعض انجض تفركو عشان الرماد اطلع منو ( وتنقدو نقد) يعنى من القندول
لى سنونك حبه حبه
فى جو اسرى رائع جدا[/align]
صورة العضو الرمزية
السودانى الاصيل
مشاركات: 8054
اشترك في: الاثنين 2008.9.1 9:24 pm
مكان: المملكه العربيه السعوديه /جازان سحر الطبيعه

رد: للكبار فقــــــــــــط (الحياه فى الريف )

مشاركة بواسطة السودانى الاصيل »

[align=center]العيش فى اخر مرحله

القطع تجيبو الفرامات برضو كل الاسره بتشارك فى القطع اى واحد شايل قفه
وفرامه واقطعوا القناديل اختوها فى القفه ولما تتملى

بجمعوها فى (التقا) دى منطقه ما فيها اى قش فى وسط البلدات

تجمعوا العيش وتخلوهو انشف تب ونجيب المدقاق

كل واحد اضرب بى جهه لحدى ما العيش انزل من القناديل

وتشوف يوم الهوى عاصف وتشيل تملا القفه وتضرى عشان الشراء اطير

ابقا عيش ابياااااااض ناصع

وتعبى الشوالات وتجيب الكارو حاجه وعشرين شوال المتوسط

نجى لاخر مرحله
مرحلة (السكب)

تجيب ( السكاب) وتجى تقطع السيقان وتربط بى واحده منهن ( الكليقه) الربطه اسما كليقه

تجمعو كلاليق ( جمع كليقه) وتجدعوهو فى راس البيت

فى ناس بعملوا المطموره

ودى حفره تشبه القبر بخزنوا فيها العيش[/align]
صورة العضو الرمزية
السودانى الاصيل
مشاركات: 8054
اشترك في: الاثنين 2008.9.1 9:24 pm
مكان: المملكه العربيه السعوديه /جازان سحر الطبيعه

رد: للكبار فقــــــــــــط (الحياه فى الريف )

مشاركة بواسطة السودانى الاصيل »

[align=center]بمناسبة المطموره دى حكايه طريفه كدا ليها دلالات اخرى

واحد عندو كم شوال عيش وخايف عليهن قال انا احفر ليهن مطموره فى الخلاء دا

مشا حفر المطموره بعيييد فى الخلا ء وكبا العيش ودفنا
وعشان مافى زول اسرق العيش ختا ليهو طوبات فى اول الحفره واخر الحفره

عشان اقولوا قبر وما اشيلوا العيش

جن نسوان الفريق افزعن يعنى القطن حطب النار

هى والله القبر دا امس مافى

الله اكبر

دا شيخ فكى دفنوهو جنب واحد سكران وحيران طار براااهو غير قبرو

دى كرامه تلحقنى وتنجدنى

وشالت ليها حبة تراب من قبرو واتمسسحت

تانى يوم الخبر ملا الحله

وطوااالى بنو ليهم قبه كبيييييره وليها حارس

سموهو الفكى الطيار

والبلد والبلدين اجو ازوروا واتمسحو

صاحبنا وكت جاء من سفرتو مفلس جاى ابيع ليهو ملوه ملوتين

اكان القا الجماعه صفووف

يا جماعه ياها المحل زاااااااااتا

قال ليهم دا عيش دافنو انا وهسى محتاج ليهو

قالوا ليهم حرم تقرب على الشيخ دا نقطع راسك دا

يلا بلا عيش دا فكى طيار

الزول لمن مشا الشرطه وبلغم

حتى قالوا ليهو كان طلع شيخ

بتتعب

قال ليهم عيش ودافنو بى يدى

مسكوا حفرو القبر من بعييييييد بى تحت

كان جاهم العيش مدفق !!! ههههههههههههه

الله حلاهو[/align]
صورة العضو الرمزية
مسلمة وافتخر
مشاركات: 9423
اشترك في: الخميس 2008.11.13 5:16 pm
مكان: حيث اكون نفسى

رد: للكبار فقــــــــــــط (الحياه فى الريف )

مشاركة بواسطة مسلمة وافتخر »

السودانى الاصيل كتب:[align=center]بمناسبة المطموره دى حكايه طريفه كدا ليها دلالات اخرى

واحد عندو كم شوال عيش وخايف عليهن قال انا احفر ليهن مطموره فى الخلاء دا

مشا حفر المطموره بعيييد فى الخلا ء وكبا العيش ودفنا
وعشان مافى زول اسرق العيش ختا ليهو طوبات فى اول الحفره واخر الحفره

عشان اقولوا قبر وما اشيلوا العيش

جن نسوان الفريق افزعن يعنى القطن حطب النار

هى والله القبر دا امس مافى

الله اكبر

دا شيخ فكى دفنوهو جنب واحد سكران وحيران طار براااهو غير قبرو

دى كرامه تلحقنى وتنجدنى

وشالت ليها حبة تراب من قبرو واتمسسحت

تانى يوم الخبر ملا الحله

وطوااالى بنو ليهم قبه كبيييييره وليها حارس

سموهو الفكى الطيار

والبلد والبلدين اجو ازوروا واتمسحو

صاحبنا وكت جاء من سفرتو مفلس جاى ابيع ليهو ملوه ملوتين

اكان القا الجماعه صفووف

يا جماعه ياها المحل زاااااااااتا

قال ليهم دا عيش دافنو انا وهسى محتاج ليهو

قالوا ليهم حرم تقرب على الشيخ دا نقطع راسك دا

يلا بلا عيش دا فكى طيار

الزول لمن مشا الشرطه وبلغم

حتى قالوا ليهو كان طلع شيخ

بتتعب

قال ليهم عيش ودافنو بى يدى

مسكوا حفرو القبر من بعييييييد بى تحت

كان جاهم العيش مدفق !!! ههههههههههههه

الله حلاهو [/align]


هههههههههههههههه
غايتو النسوان ديل غير المصايب ما بجيبن شئ :l:
أضف رد جديد

العودة إلى ”منتدى الراكوبة“