قــــدر

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

أضف رد جديد
صورة العضو الرمزية
حبيبة
مشاركات: 53
اشترك في: الخميس 2013.5.30 2:41 pm
مكان: بلــــدي يا حبـوب

قــــدر

مشاركة بواسطة حبيبة »

قالو الزمن دوار
والشفتو بتشوفو
غدر العشق ما حار
ياربي ما تعيشو..
لسه القليب عايزك
عايش بباقي أمل
لسه العيون شايفاك
بغمزة تتكحل
طول العمر برجاك
وأحلامي مابتكمل..
صدقني كان قلت
أنا ديمة بحلم بيك
مرت علي ليالي
تلفوني بيتهز
لمن أشيله ألاقي
مافيه ولا هزه
يا الله بتوهم؟؟
ولا القلب حزه؟؟
فجأة الجهاز يضرب
ياهو الاسم زاتو
وأنا قلبي ما كضب
ولا حصل الفاتو!!..
ضارب تقول كيفك
والدنيا واداك وين؟
كيفن أوصف ليك؟؟
والحال تشوفو العين..
دي الدنيا لفت بي
لاقتني بدروبك
شالتني ضاكة علي
ورمتني في سجونك..
ياريتني أقدر أرد
ياريتني أحكيلك
والله حسيت جد
وعرفت تلفونك..
بس الكلام مخنوق
وحروفي ما بتطلع
نبضاتي طارت فوق
ان شاء الله ما يسمع..
في كل صلاة بنوي
أشكي وأدعي عليك
ألقى القلب حاني
والدعوة تنقاد ليك..
ياربي عافياله
خليه ديمه سعيد
وعلى ظلمه سامحته
ما القسمة ما بالإيد
من قلبي شيل حبه
وأرميه مني بعيـــــــــــد..
Control 3
مشاركات: 559
اشترك في: الجمعة 2009.7.10 10:17 pm
مكان: 1

رد: قــــدر

مشاركة بواسطة Control 3 »

منورة الاخت حبيبة
عمل راقى وجميل
لك التخية
أضف رد جديد

العودة إلى ”همس القصيد“