كتاحة وقعونج ونمل ابو ريش وباعوض وسواسيو
المشرف: بانه
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
كتاحة وقعونج ونمل ابو ريش وباعوض وسواسيو
السماء الليلة شايلة تب والسحاب اتقلع زي الجبال والشمس غابت وراحت والدنيا امست بدون مساء
والكتاحة قامت ...
وتسمع الكواريك من جوه البيت يااااا ياجنوت اتلموا ماشايفين الهبايب قامت وتسمع كوراك تاني يابت
لمي الهدوم المشروره فوق الحبل ده الهواء مايطيرن وتسمع الغنم يدغن والطيور فرررررر من بين اغصان الشجر
طارت وجات راجعة تاني مالاقية مكان تدسي فيه والغنم لبدت جنب الحيطة القصيرة بتاعة التكل والكديسة
مرة تمشي ومرة تجري ودخلت ف الغرفة تحت العنقريب والجداد كاك كاك اكاك يضرب ف السكليب
وباب الشارع المعمول من برميل موية طاخ يمشي ويجي ويضرب ف حلق الخشب القرب يقع وتسمع تاني صوت امك من جوه ياولد اخوك فلان جاء شكيتو علي الله اكان عاوز يجنني بالكورة دي كدي تاوق ليه برة شوفو مع ولد عرفة اصلهم لو ماجننوني مابرتاحو وصوت الحاج بقطع دعواته عليه يامرة مالك بتدعي ف الجنوت مع المغارب هسع ده وقت بدعوا فيه وشال الابريق واستعجل مشي علي بيت الادب قبال ما الهواء يصل وتسمع لب من فوق الحيطة وتاني لب لببببب اتاريها كورة الجنة ابصنقير جدعة من فوق الحيطة وقبال مايدخل البيت وتمسمع كررررو باب الحوش الانفتح تاني برفسة من رجولو وهو جاري علي الميزرة عشان يشرب ويقطع العطش الاخدو من الجري والرحيح ف الكورة ويجري تاني علي الكورة حقتو يشوته بكل قوتو حتي ترتطم بالحيطة وياخدها ف حضنو ويدخل جوه اوضة الجالوص
مع صيحات امو ياشافع جيت انت لاهبوب بتلمك لامرض اصبرلي النقبضك في يدي دي ....
يتبع .....
والكتاحة قامت ...
وتسمع الكواريك من جوه البيت يااااا ياجنوت اتلموا ماشايفين الهبايب قامت وتسمع كوراك تاني يابت
لمي الهدوم المشروره فوق الحبل ده الهواء مايطيرن وتسمع الغنم يدغن والطيور فرررررر من بين اغصان الشجر
طارت وجات راجعة تاني مالاقية مكان تدسي فيه والغنم لبدت جنب الحيطة القصيرة بتاعة التكل والكديسة
مرة تمشي ومرة تجري ودخلت ف الغرفة تحت العنقريب والجداد كاك كاك اكاك يضرب ف السكليب
وباب الشارع المعمول من برميل موية طاخ يمشي ويجي ويضرب ف حلق الخشب القرب يقع وتسمع تاني صوت امك من جوه ياولد اخوك فلان جاء شكيتو علي الله اكان عاوز يجنني بالكورة دي كدي تاوق ليه برة شوفو مع ولد عرفة اصلهم لو ماجننوني مابرتاحو وصوت الحاج بقطع دعواته عليه يامرة مالك بتدعي ف الجنوت مع المغارب هسع ده وقت بدعوا فيه وشال الابريق واستعجل مشي علي بيت الادب قبال ما الهواء يصل وتسمع لب من فوق الحيطة وتاني لب لببببب اتاريها كورة الجنة ابصنقير جدعة من فوق الحيطة وقبال مايدخل البيت وتمسمع كررررو باب الحوش الانفتح تاني برفسة من رجولو وهو جاري علي الميزرة عشان يشرب ويقطع العطش الاخدو من الجري والرحيح ف الكورة ويجري تاني علي الكورة حقتو يشوته بكل قوتو حتي ترتطم بالحيطة وياخدها ف حضنو ويدخل جوه اوضة الجالوص
مع صيحات امو ياشافع جيت انت لاهبوب بتلمك لامرض اصبرلي النقبضك في يدي دي ....
يتبع .....
رد: كتاحة وقعونج ونمل ابو ريش وباعوض وسواسيو
ياسلام على حكاوى زماااان
وحلاتو السوسيو...
واصل من غير ماتفاصل ..
رجاااااء
وحلاتو السوسيو...
واصل من غير ماتفاصل ..
رجاااااء
رد: كتاحة وقعونج ونمل ابو ريش وباعوض وسواسيو
سرد قى قمة الروعة
متابعين معاك
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
رد: كتاحة وقعونج ونمل ابو ريش وباعوض وسواسيو
بت السرف كتب:ياسلام على حكاوى زماااان
وحلاتو السوسيو...
واصل من غير ماتفاصل ..
رجاااااء
الغالية اووووووي بت السرف
مشكورة علي الطلة الحلوة
انما هي بعض التخيلات من الماضي الجميل والواقع السوداني
خليك ويانا
مشكورة علي الطلة الحلوة
انما هي بعض التخيلات من الماضي الجميل والواقع السوداني
خليك ويانا
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
رد: كتاحة وقعونج ونمل ابو ريش وباعوض وسواسيو
بانه كتب:
سرد قى قمة الروعة
متابعين معاك
هلا والله ... بنوش
طلتك حلوة وجميلة ... سعدنا بها كثيرا
خليك قريبة الجاي اكيد ومعاكم احلي
طلتك حلوة وجميلة ... سعدنا بها كثيرا
خليك قريبة الجاي اكيد ومعاكم احلي
رد: كتاحة وقعونج ونمل ابو ريش وباعوض وسواسيو
مرسال يديك العافية زي ما متّعتنا بهذه اللوحة النسمة
التي نجزم بشمّ عبيرها الفواح...
متابعين وكلنا شوق
التي نجزم بشمّ عبيرها الفواح...
متابعين وكلنا شوق
رد: كتاحة وقعونج ونمل ابو ريش وباعوض وسواسيو
...والله يا المرسال اخوي...
...بالغته...
...طريقة سردك لتفاصيل القصة مبالغة...
...آسي انا قربته اقوم انضف السبلوقة...
...ههههههه...
...تابع يا فرده...
...بالغته...
...طريقة سردك لتفاصيل القصة مبالغة...
...آسي انا قربته اقوم انضف السبلوقة...
...ههههههه...
...تابع يا فرده...
رد: كتاحة وقعونج ونمل ابو ريش وباعوض وسواسيو
موضوع حللللووو لكن زعلت من يتبع دي لاني اندمجت مع القصة
مريسيل رائع كما عهدناك
مريسيل رائع كما عهدناك
- dream-lady
- مشاركات: 25355
- اشترك في: الجمعة 2011.4.29 10:32 pm
- مكان: الرياض
رد: كتاحة وقعونج ونمل ابو ريش وباعوض وسواسيو
واصل يامبدع
سرد تلقائي جذاب
سرد تلقائي جذاب
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
رد: كتاحة وقعونج ونمل ابو ريش وباعوض وسواسيو
أبو صديق كتب:مرسال يديك العافية زي ما متّعتنا بهذه اللوحة النسمة
التي نجزم بشمّ عبيرها الفواح...
متابعين وكلنا شوق
ابوالصديق
مرورك زي الدعاش الحايجيك بعد شويه ده
وينك يامان ليك وحة بالشوالات
مرورك زي الدعاش الحايجيك بعد شويه ده
وينك يامان ليك وحة بالشوالات
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
رد: كتاحة وقعونج ونمل ابو ريش وباعوض وسواسيو
Keeptown كتب:...والله يا المرسال اخوي...
...بالغته...
...طريقة سردك لتفاصيل القصة مبالغة...
...آسي انا قربته اقوم انضف السبلوقة...
...ههههههه...
...تابع يا فرده...
تسلم يامان
مرورك الاحلي ... الحق السبلوقة المطرة الجاية عووك خطيرة
مرورك الاحلي ... الحق السبلوقة المطرة الجاية عووك خطيرة
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
رد: كتاحة وقعونج ونمل ابو ريش وباعوض وسواسيو
nooon كتب:موضوع حللللووو لكن زعلت من يتبع دي لاني اندمجت مع القصة
مريسيل رائع كما عهدناك
اوووووووووووووو مين نووووون بذات نفسها ياخي حمدلله ع السلامة
ليك وحشة يابت وينك كنتي بتزرعي ولا شنو ولا كنتي ف حزب المعارضة
الاعتقلوهم
بالجد منورة
ويارب اخر الغيبات
ليك وحشة يابت وينك كنتي بتزرعي ولا شنو ولا كنتي ف حزب المعارضة
الاعتقلوهم
بالجد منورة
ويارب اخر الغيبات
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
رد: كتاحة وقعونج ونمل ابو ريش وباعوض وسواسيو
dream-lady كتب:واصل يامبدع
سرد تلقائي جذاب
مين دريمو ..
حبابك والله جابك
منورة المكان يانت
حبابك والله جابك
منورة المكان يانت
رد: كتاحة وقعونج ونمل ابو ريش وباعوض وسواسيو
مرسال الشوق كتب:ابوالصديق
مرورك زي الدعاش الحايجيك بعد شويه ده
وينك يامان ليك وحة بالشوالات
وحة بالحاء
ارح ياخ اديتنا الليل ما تعديها لينا كلها نضمي ومطايبات
السلام ملحوووق كعبة الهبوب
ارح ياخ اديتنا الليل ما تعديها لينا كلها نضمي ومطايبات
السلام ملحوووق كعبة الهبوب
- مسلمة وافتخر
- مشاركات: 9423
- اشترك في: الخميس 2008.11.13 5:16 pm
- مكان: حيث اكون نفسى
رد: كتاحة وقعونج ونمل ابو ريش وباعوض وسواسيو
جيت مارقة قلت الم الهديمات الفى الحبل ديل باقى تيجى الكتاحة تانى يوم القى كل هدمة فى بيت
المرسال واصل يا مبدع
المرسال واصل يا مبدع
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
رد: كتاحة وقعونج ونمل ابو ريش وباعوض وسواسيو
نواااااصل ....
الليلة الله يمرقنا من الكتاحة دي صوت الوالد وهو راجع م بيت الادب وفي يدو لسه الابريق الذي طالما اصطحبه طول
حياته ولايمكن ان يفرط فيه .. ياولد يامحمد .... اااها ايوه يابوي ... امشي اقفل الباب الخليتو فاتح داه واتكلو بحجر ولاعود
الهبوب ماتقوم توقعوا ...كويس ويجري محمد نحو الباب وهو ينظر للسماء الذي بدأ يتلون بالوان داكنة من الغبار العالق
فيه ويقول الليلة ياحليل حماماتي اكان ماجن لحدي هسع ياربي جن ولاماجن ... وبصوت عالي انت يابت الفلت
ليه قفلتي شباك الحمام هسع دخلن عشان تقفليه ( اختو فاطمة ) ومن جووه هي بتقول خلاص تعال حماماتك المعزبنا بيهن
ديل قبيل جن وقفلت الشباك من الكديس ماياكلن ليك ماكتر خيري كمان
ويدخل محمد الاوضة بعد ان ارتاحت نفسو شويه بعد سماع بان حماماتو بخير وفي قفصهن
ويابوي كدي النطلع بجنبك
وراك عشان اقدر اقفل الشباك ده كويس واحشر لي فيه قطعة قماش باقي اليوم المطرة بتجيكم داخلة بجاي
سمح يا المطرطش بس حاسب ماتوسخ لي عراقي ده
يافاطنة اقفلي الباب ده وجيبي لي بطاريتي والرادي حقي ده جنبي .... سمح يابا وقبل ماتقفل فاطنة الباب
تقول بصوت عالي الليلة والليلة الهبوب جات تب وحممممممرا شديد وهي تتقاوق برة امها خلاص ادخلي لي جوه
شعرك ده بتمليه تراب واتحسست فاطنة ضفائرها وهي بتسمع ف كلام امها لالا انا رابطاهم بطرحة ياامي
وشئياء فشئ تختفي ملامح الرؤية الكانت ف الكون وتعم الفوضي بوصول الكتاحة التي تطرق كلي شئ
ابواب وصوت فحيح جريد النخل وشجر النبق الذي بدأ يتساقط ف الارض من شدة الرياح وكانها بتقول لها
لماذا لم تجودي علي الاطفال الذين تعبوا من التفلق بالطوب والحجارة فيك عشان ياكالوا النبق
سقطت واحدة جنب فاطمة وهي بتدحرج امامه قبل ان تقفل باب الاوضة وهي تمسك بها فرحة
النبق اشتت كلو من الشجرة يامحمد ... محمد صحي وقبل ان يبارح محمد مكانه كي يلحق باخته التي
غاظته باكل النبق المشتت سمع صوت والده خلاص اقعد قبلك وانتي اقفلي الباب ده سريع وادخلي لي جوووه
وبخبطة واحدة قفلت فاطنة الباب واظلمت الغرفة وهي تتحسس مكان طريقها الي عنقريب امها
ولكنها ....
يتبع ....
الليلة الله يمرقنا من الكتاحة دي صوت الوالد وهو راجع م بيت الادب وفي يدو لسه الابريق الذي طالما اصطحبه طول
حياته ولايمكن ان يفرط فيه .. ياولد يامحمد .... اااها ايوه يابوي ... امشي اقفل الباب الخليتو فاتح داه واتكلو بحجر ولاعود
الهبوب ماتقوم توقعوا ...كويس ويجري محمد نحو الباب وهو ينظر للسماء الذي بدأ يتلون بالوان داكنة من الغبار العالق
فيه ويقول الليلة ياحليل حماماتي اكان ماجن لحدي هسع ياربي جن ولاماجن ... وبصوت عالي انت يابت الفلت
ليه قفلتي شباك الحمام هسع دخلن عشان تقفليه ( اختو فاطمة ) ومن جووه هي بتقول خلاص تعال حماماتك المعزبنا بيهن
ديل قبيل جن وقفلت الشباك من الكديس ماياكلن ليك ماكتر خيري كمان
ويدخل محمد الاوضة بعد ان ارتاحت نفسو شويه بعد سماع بان حماماتو بخير وفي قفصهن
ويابوي كدي النطلع بجنبك
وراك عشان اقدر اقفل الشباك ده كويس واحشر لي فيه قطعة قماش باقي اليوم المطرة بتجيكم داخلة بجاي
سمح يا المطرطش بس حاسب ماتوسخ لي عراقي ده
يافاطنة اقفلي الباب ده وجيبي لي بطاريتي والرادي حقي ده جنبي .... سمح يابا وقبل ماتقفل فاطنة الباب
تقول بصوت عالي الليلة والليلة الهبوب جات تب وحممممممرا شديد وهي تتقاوق برة امها خلاص ادخلي لي جوه
شعرك ده بتمليه تراب واتحسست فاطنة ضفائرها وهي بتسمع ف كلام امها لالا انا رابطاهم بطرحة ياامي
وشئياء فشئ تختفي ملامح الرؤية الكانت ف الكون وتعم الفوضي بوصول الكتاحة التي تطرق كلي شئ
ابواب وصوت فحيح جريد النخل وشجر النبق الذي بدأ يتساقط ف الارض من شدة الرياح وكانها بتقول لها
لماذا لم تجودي علي الاطفال الذين تعبوا من التفلق بالطوب والحجارة فيك عشان ياكالوا النبق
سقطت واحدة جنب فاطمة وهي بتدحرج امامه قبل ان تقفل باب الاوضة وهي تمسك بها فرحة
النبق اشتت كلو من الشجرة يامحمد ... محمد صحي وقبل ان يبارح محمد مكانه كي يلحق باخته التي
غاظته باكل النبق المشتت سمع صوت والده خلاص اقعد قبلك وانتي اقفلي الباب ده سريع وادخلي لي جوووه
وبخبطة واحدة قفلت فاطنة الباب واظلمت الغرفة وهي تتحسس مكان طريقها الي عنقريب امها
ولكنها ....
يتبع ....
رد: كتاحة وقعونج ونمل ابو ريش وباعوض وسواسيو
ولكنها دي أحييييييي انا منها ..
اوع تكون عضتها عقرب؟؟؟
الله يسلمك يامرسال
اوع تكون عضتها عقرب؟؟؟
الله يسلمك يامرسال
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
رد: كتاحة وقعونج ونمل ابو ريش وباعوض وسواسيو
nooon كتب:ولكنها دي أحييييييي انا منها ..
اوع تكون عضتها عقرب؟؟؟
الله يسلمك يامرسال
هلا بالغلا
منورة يانون ...
اصبري مالك جايبه ليها العقرب
الشوق بالقفف ليك
وتاني نوو نفا غياب سمح
منورة يانون ...
اصبري مالك جايبه ليها العقرب
الشوق بالقفف ليك
وتاني نوو نفا غياب سمح
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
رد: كتاحة وقعونج ونمل ابو ريش وباعوض وسواسيو
أبو صديق كتب:وحة بالحاء
ارح ياخ اديتنا الليل ما تعديها لينا كلها نضمي ومطايبات
السلام ملحوووق كعبة الهبوب
كويس ياحبوب صبر يبل اللآبري ماعندك
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
رد: كتاحة وقعونج ونمل ابو ريش وباعوض وسواسيو
مسلمة وافتخر كتب:جيت مارقة قلت الم الهديمات الفى الحبل ديل باقى تيجى الكتاحة تانى يوم القى كل هدمة فى بيت
المرسال واصل يا مبدع
لمي هدومك سريييييييييييع الهواء مايشيل طرحتك
وبعدين تقعدي تكوركي فينا وجيبو لي واحدة جديدة
تسلمي ياغالية
مرورك روعة
جدعة ...
لو غبت انا كملي باقي القصة ماعندك عوجة تب
وبعدين تقعدي تكوركي فينا وجيبو لي واحدة جديدة
تسلمي ياغالية
مرورك روعة
جدعة ...
لو غبت انا كملي باقي القصة ماعندك عوجة تب