وفجاءة قال لي مقاطعا حديثي والله يامحمد نحن عارفين وبي زيادة خلاص الناس دي كرهتنا عديل
لكن ما اباليد حيلة
كيف ياريس ؟؟؟
هسع امانة عليك لو سلمنا الحكومة دي نسلمه لي منو
الصادق المهدي ,.... طبعا قلت ليه لالالا ده خليه العمله فينا وقفنا صفوف ف المخابز وشربنا الشاي بالتمر
لالا شوف غيرو
طيب الميرغني .... لالا حرام عليك ياريس انت عاوز تكتلنا مرتين شفنا ماشفنا منه خلينا منو عليك الله
طيب الترابي ..... وفي هذه اللحظة استفرغت الليمون الذي قدمه لي الجرسون وقلت ليه ... الجواب اتاك بدون ان اتفوه بكلمة
طيب نسلم البلد للشويعيين ... قلت حرام عليك ياريس نحن ناس بنصلي ودي الحاجة الوحيدة القادرين عليها دلوقي
قال لي كيف
قلت ليه الحج عملتوه زي الجمارك كل مرة بتزيدو ف اسعاره لدرجة جنونية وكمان اضفتو دمغة سميتوها دمغة الدعاء المستجاب
والاضحية بقت مافي . الخرفان بقت تبستم ياريس وتعاين لينا بي عيونه وترقص الله اكبر ولا نامت اعين الجبناء
قال لي لي مقاطعا طيب عندكم العيد الصغير فيه الخبيز وكده
قلت ليه ياريس كيلبو السكر بكم والدقيق مافي مشروع الجزيرة اصبح ياباب ولا اي شئ مافي حتي الفتريتة بقت مافي ... بالله خلينا انا اخر مرة شفت لي مرة شايلة صينية خبيز علي الفرن بتين ماعارف
قاطعني ضاحكا والله ياشعب عليكم جنس محن ده كلو من علي عثمان ده
وتركتهم لنصف ساعة يتشاكلون مع بعضهم ماقلت ليك ماتعمل كده وماقل ليك ماتزيد كده
قاطعتهم بصوت عالي ... ياخوانا عليك الله اسمعوني دقيقة
وبصوتهم الاتنين اها في شنو تاني ...
قلت ليهم احسن حاجة تعملوا جلسة طارئة ف المجلس الوطني وتقدموا استالقتكم امام الملاء وتسلموا الحكومة للجيش حتي قيام انتخابات نزيهة تعمل علي اصحاح الاوضاع ف البلد
قالوا لي بصوت واحد والله ياخوي نفسنا في كده وفكرنا فيها قبالك لكن ؟؟
لكن شنو ياجماعة ؟...... البلد مابتريحنا بعدين وكمان مجلس الامن الدولي ماشايف حسني مبارك عملوا فيه شنو والغذافي وصدام والهندي علي عبدالله صالح لالالا صعبة صعبة
طيب الحلل شنو ياريس نحن خلاص فاض بينا واصبحنا ماقادرين وقلنا الروب والله قلنا الروب
قال لي عندي اقتراح بيرضي الجميع
اها ياريس ... تدوني فترة رئاسة تانية ومنها اقدر اكون حالي واعمل لي بلد مستقل ف مكان ماء
اتعجبت من كلامو وقلت ليه حسبي الله ونعم الوكيل حسبي الله ونعم الوكيل عليكم عزبتونا عزاب الله اكبر وهنا نهضت وتركتهم جالسين ورميت الورق والقلم ف القاعة من شدة غيظي وهم بضحكوا علي
وفجاة
صحيت من نومي وانا ماسكا بالمخدة واعضض فيها من شده المغص العلي
وحسبنا الله ونعم الوكيل