كيف تبني نفسك....؟؟؟
كيف تُعيد ترميم ماتأثر بالضغوط والعواصف والتأثيرات السلبية؟
اهم حاجه التوكل ع ربنا والايمان ان كل مايحصل معانا مقدر ومكتوب
وان الخيره فيما اختاره الله
تاني حاجه احيانا الضغوط البيكون حاسي بيها الشخص ممكن تكون ضغوط من
صنع خيالو ... فلازم يقعد يفكر جيدا هل الضغوط دي فعلا موجوده ام هي من
صنع تفكيره
بعد داك كيف نعيد ترميم ما تاثر بالضغوط والسلبيات الحوالينا دي
وانا في اعتقادي الشخصي ... تنساها ..تشيل معاك الجميل من تجربتك
وتحذف بالسيء خلف كتفيك وتمضي
تمارس حاجه بتحبها ....تحكي لشخص يعز عليك ويجيد الاستماع
تسافر الى مكان هادي محبب لنفسك ....مممكن حتى تكافيء نفسك
برحله بوجبه بهديه اي شي يدخل طاقه ايجايبه في روحك
واذا كان الضغط الي واجهتو يوم من الايام مرتبط بشخص او بمكان
او باي شي حواليك ...تتخلص منو فورا
كيف تُعزز من قدراتك ...وتكتسب ماينقصك؟
هنا دي عايز ليها شخصين :
الاول \ انت !!
تبحث عن مواطن الضعف فيك وتقويها ... ماف حاجه صعبه او مستحيله
ودي داير ليها عزيمه في اعتقادي .... بتذكر اني شفت طفل معاق مبتور
الساقين كان حلمو يشارك في سباق جري ...وشارك ؟!! بساقين صناعيين صحيح
بس شارك وكسر العيب الفيه ...وده اكبر دليل ع ان قوة العزيمه ممكن تكسر الحجر!!
وكمان تعرف مواطن القوة فيك وتعززها وتبرزها اكتر واكتر لانها في نظري
زي النبته ...محتاجه رعايه عشان تبقى شجرة هائله
الثاني \ من يحبك !!
لما يكون عينك التي تراك ( مرايتك ) ... ينبهك ع عيوبك ...ويمدح محاسنك
دي ليها اثر كبير جدا في تعزيز قدراتك
كيف تكن ايجابياً؟
اذا كنت في كارثه ...بمعنى كارثه ...فيعزيني معرفتي الجيده
ان ربنا رحيم ... وان اللحظه دي بعد شويه حتبقى ذكرى ...وحجمع
مابقى لي منها ...وحقدر ابتدي من جديد ...حتى لو طلعت من الكارثه
دي باجزاء مفقوده
مقتنع بنفسك وبتحبها ... واثق بقدراتك ...معتز بالغالين الحولك
النقاط الثلاثه دي مابتخليك تغرق نفسك في عالم سالب
وبتنشلها منو دايما باسرع الطرق
ماتأثير البيئة المحيطة بك....وكيف تمتص الشحنات موجبها وسالبها؟...
شخصيا مابهتم لاي شي سالب يحاول يقيف في طريقي ..او يحبط معنوياتي
بفكر في الشحنه السالبه دي شويه صحيح ... بس اذا لقيت ماليها معنى بخليها
تمضي في سبيلها ...واذا ليها معنى ... بروضها الى ان تصبح موجبه ..اذا فهمتي قصدي !!