الأبراج السودانية :
المشرف: بانه
- شفت مكحل بي زفت
- مشاركات: 3355
- اشترك في: السبت 2013.6.15 6:25 am
- مكان: Khartoum
الأبراج السودانية :
[justify]
[align=center]الأبراج السودانية [/align]
برج القعونجة: مواليد شهر واحد
الاسبوع دا زي الزفت معاك.. يتسرق موبيالك.. وناس الحلة يجيبو حاج صالح عيان والبيت يتملي وتجي اخر الليل ماتلاقي سرير فاضي تنوم فيه
حبيبك بفكر انو يديك شاكوش لكن كضاب ما بيقدر عشان داخل في أضافرو من كبابي الشربات السقيتن ليهو
برج العتود: مواليد شهر اتنين
البتجي من السما تحملا الواطا الحرامي يسرق هديماتك كلهن....يخلي وشك واطا..
علي صعيد القلب احدهم يفكر في ان يحبك لكنو مستني لحدي ما الملاريا تخليهو .. اصبر وتصبر وأديهو فرصة
برج أبو الجندب: مواليد شهر تلاتة
حسادك كتار في نعلاتك الجديدة الجبتهن من سوق اللفة.. مشكلة في طريقها اليك سببها الباقي الذي يحاول ان يزوغ بيهو كمساري الحافلة..
القلب: من تحب عندو فتاق في الصُرة داسيهو منك ...يحتاج الي تعاطفك... خليك حنين وبطل سغالتك دي
برج العجل: مواليد شهر اربعه
لا تحزن كونو بنطلونك الوحيد العاجبك يحرقو ليك المكوجي...
القلب: بالرغم من حرصك الشديد حبيب القلب يكتشف انك بتسف صعوط ... نوصيك بالتبرير إنو ضرسك كان واجعك
برج القرنتية: مواليد شهر خمسه
بوليس الحركة يقطعّك تلاتة ايصالات مخالفات بالرغم من انو انت ماعندك عربية! خليك صبور والمؤمن مصاب..
القلب: حدد بتريد منو؟ .. امك واللا مرتك.... واللا فلانة ديك؟... راجع فلم انف وثلاثة عيون !!!
برج البعشوم: مواليد شهر ستة
ما تنوم تحت الحيطة الجمب المخزن في بيتكم لانها ممكن تقع في أي لحظة....
القلب.. حبوبة جيرانكم المخرفة تنشبك فيك وتفتكرك راجلا .. تعامل مع الموقف بحكمة واتوكل علي الله واعقد عليها!!!
برج الجرو : مواليد شهر سبعة
الجاتك في مالك سامحتك... هوي ما تصدق.. لا سامحتك ولا حاجة وانت مفلس كدي....فنانك المفضل ياخد علقة في حي شعبي....
القلب: زوجتك تكتشف علاقتك بست الشاي..... لتلافي الحرج ارفع شعار الشاي مضر بالصحة
برج ام سيسي: مواليد شهر تمانية
أبعد الببسي الحجم العائلي من متناول إيد جدك عشان نفسو صغيرة وشرفان .. قد يتنفخ وربما يتلحس ليكم..
القلب: حتاخد علقة من أحدهم لأنك تشبه الخالق الناطق من ينافسه في الجكس حقو..... أقبل إعتذارو و أعلم ان الدق قسمة ونصيب
برج الضب: مواليد شهر تسعة
رئيسك في العمل مكجنك وشاميك.... حتزيد كجينتو ليك هذا الاسبوع...
القلب.... شكلة بينك وبين من تحب سببها صرفة الختّة..... خليك تفتيحة أخد الختة واعمل أرنب نط، بلا حب موظفات بلا هم.. شوف ليك زولة مقرشة ومرطبه خليها تربيك كويس
برج القرموط: مواليد شهر عشرة
هذا الأسبوع يتاورك الحنين مرة اخرى.... لا تكترث لنضم الناس امشي بالطريقة البتريحك..
القلب: كن وفيا لمن تحب لأنو ح تنقطع أضانو اليمين في حادث حركة .. وأعلم ان الحب في القلب وليس في الإضنين
برج الفاتح: مواليد شهر حداشر
كلبتكم تلد ستة جريوات تفقدو اتنين منهن.... ركز علي جيرانكم في اليمين الخشم بابهم اخدر.. جارتكم كاتباك عند فكي اسموأبكر ودافنة العمل تحت الزير القدام بيتكم
القلب : صدق حبيبك لأنو فعلا سهر الليالي.. جندبة دخلت اضانو بالغلط ساهرت بيهو .... احمد ربك انها دخلت الاضان....
برج ود أبرق: مواليد شهر اطناشر
الخبر الحلو انك حتقبض قروش.. الخبر الما حلو انو نصها حيمشي لسيد البيت الطالبك، وربعا لبتاع الدكان والباقي تقلعو منك مرتك حمرة عين كدة وابقى راجل قول بغم.. ياخوي المال تلتو ولا كتلتو..... لكن كتلتو أريتا كتلة السودا والرماد....استعوض الله ساي..
القلب: جارتكم المكسراك حتجيها حمى أم برد وحتفك الهضربة ومرتك حتكون جاية تكفر ليها.. غايتو لما تحكي كل البينك وبينا وبعد ماتشيل شيلتك مع مرتك أم جضوم دي بوصيك تخلي حنكك سنين وتتخن جلدك !![/justify]
[align=center]الأبراج السودانية [/align]
برج القعونجة: مواليد شهر واحد
الاسبوع دا زي الزفت معاك.. يتسرق موبيالك.. وناس الحلة يجيبو حاج صالح عيان والبيت يتملي وتجي اخر الليل ماتلاقي سرير فاضي تنوم فيه
حبيبك بفكر انو يديك شاكوش لكن كضاب ما بيقدر عشان داخل في أضافرو من كبابي الشربات السقيتن ليهو
برج العتود: مواليد شهر اتنين
البتجي من السما تحملا الواطا الحرامي يسرق هديماتك كلهن....يخلي وشك واطا..
علي صعيد القلب احدهم يفكر في ان يحبك لكنو مستني لحدي ما الملاريا تخليهو .. اصبر وتصبر وأديهو فرصة
برج أبو الجندب: مواليد شهر تلاتة
حسادك كتار في نعلاتك الجديدة الجبتهن من سوق اللفة.. مشكلة في طريقها اليك سببها الباقي الذي يحاول ان يزوغ بيهو كمساري الحافلة..
القلب: من تحب عندو فتاق في الصُرة داسيهو منك ...يحتاج الي تعاطفك... خليك حنين وبطل سغالتك دي
برج العجل: مواليد شهر اربعه
لا تحزن كونو بنطلونك الوحيد العاجبك يحرقو ليك المكوجي...
القلب: بالرغم من حرصك الشديد حبيب القلب يكتشف انك بتسف صعوط ... نوصيك بالتبرير إنو ضرسك كان واجعك
برج القرنتية: مواليد شهر خمسه
بوليس الحركة يقطعّك تلاتة ايصالات مخالفات بالرغم من انو انت ماعندك عربية! خليك صبور والمؤمن مصاب..
القلب: حدد بتريد منو؟ .. امك واللا مرتك.... واللا فلانة ديك؟... راجع فلم انف وثلاثة عيون !!!
برج البعشوم: مواليد شهر ستة
ما تنوم تحت الحيطة الجمب المخزن في بيتكم لانها ممكن تقع في أي لحظة....
القلب.. حبوبة جيرانكم المخرفة تنشبك فيك وتفتكرك راجلا .. تعامل مع الموقف بحكمة واتوكل علي الله واعقد عليها!!!
برج الجرو : مواليد شهر سبعة
الجاتك في مالك سامحتك... هوي ما تصدق.. لا سامحتك ولا حاجة وانت مفلس كدي....فنانك المفضل ياخد علقة في حي شعبي....
القلب: زوجتك تكتشف علاقتك بست الشاي..... لتلافي الحرج ارفع شعار الشاي مضر بالصحة
برج ام سيسي: مواليد شهر تمانية
أبعد الببسي الحجم العائلي من متناول إيد جدك عشان نفسو صغيرة وشرفان .. قد يتنفخ وربما يتلحس ليكم..
القلب: حتاخد علقة من أحدهم لأنك تشبه الخالق الناطق من ينافسه في الجكس حقو..... أقبل إعتذارو و أعلم ان الدق قسمة ونصيب
برج الضب: مواليد شهر تسعة
رئيسك في العمل مكجنك وشاميك.... حتزيد كجينتو ليك هذا الاسبوع...
القلب.... شكلة بينك وبين من تحب سببها صرفة الختّة..... خليك تفتيحة أخد الختة واعمل أرنب نط، بلا حب موظفات بلا هم.. شوف ليك زولة مقرشة ومرطبه خليها تربيك كويس
برج القرموط: مواليد شهر عشرة
هذا الأسبوع يتاورك الحنين مرة اخرى.... لا تكترث لنضم الناس امشي بالطريقة البتريحك..
القلب: كن وفيا لمن تحب لأنو ح تنقطع أضانو اليمين في حادث حركة .. وأعلم ان الحب في القلب وليس في الإضنين
برج الفاتح: مواليد شهر حداشر
كلبتكم تلد ستة جريوات تفقدو اتنين منهن.... ركز علي جيرانكم في اليمين الخشم بابهم اخدر.. جارتكم كاتباك عند فكي اسموأبكر ودافنة العمل تحت الزير القدام بيتكم
القلب : صدق حبيبك لأنو فعلا سهر الليالي.. جندبة دخلت اضانو بالغلط ساهرت بيهو .... احمد ربك انها دخلت الاضان....
برج ود أبرق: مواليد شهر اطناشر
الخبر الحلو انك حتقبض قروش.. الخبر الما حلو انو نصها حيمشي لسيد البيت الطالبك، وربعا لبتاع الدكان والباقي تقلعو منك مرتك حمرة عين كدة وابقى راجل قول بغم.. ياخوي المال تلتو ولا كتلتو..... لكن كتلتو أريتا كتلة السودا والرماد....استعوض الله ساي..
القلب: جارتكم المكسراك حتجيها حمى أم برد وحتفك الهضربة ومرتك حتكون جاية تكفر ليها.. غايتو لما تحكي كل البينك وبينا وبعد ماتشيل شيلتك مع مرتك أم جضوم دي بوصيك تخلي حنكك سنين وتتخن جلدك !![/justify]
رد: الأبراج السودانية :
يعني مالقيت لينا غير اسم القرموط
رد: الأبراج السودانية :
هي السودانيه كتب:يعني مالقيت لينا غير اسم القرموط
رد: الأبراج السودانية :
بانه كتب:
اهلين ياعسوله واحلي مساء
رد: الأبراج السودانية :
هي السودانيه كتب:اهلين ياعسوله واحلي مساء
مساء الورد
- شفت مكحل بي زفت
- مشاركات: 3355
- اشترك في: السبت 2013.6.15 6:25 am
- مكان: Khartoum
رد: الأبراج السودانية :
هي السودانيه كتب:يعني مالقيت لينا غير اسم القرموط
غايتو جنس حركات لكن
رد: الأبراج السودانية :
شفت مكحل بي زفت كتب:غايتو جنس حركات لكن
ومنكم نتعلم
- شفت مكحل بي زفت
- مشاركات: 3355
- اشترك في: السبت 2013.6.15 6:25 am
- مكان: Khartoum
رد: الأبراج السودانية :
هي السودانيه كتب:يعني مالقيت لينا غير اسم القرموط
انا برج الضب
انا عاجبك كدا
رد: الأبراج السودانية :
هاهاهاهاها
انا برج الفاتح
انا برج الفاتح
- شفت مكحل بي زفت
- مشاركات: 3355
- اشترك في: السبت 2013.6.15 6:25 am
- مكان: Khartoum
رد: الأبراج السودانية :
فنجاطة كتب:هاهاهاهاها
انا برج الفاتح
انا خايفك كتوني الجوعونجة