هضربة ملاريا
المشرف: بانه
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
هضربة ملاريا
تحاملت علي نفسها وركبت الركشة ( فررر فررر ) وذهبت الي العيادة لم تكن العيادة بعيدة عن منزلها ولكن وجع الراس والحمة وكوراك الركشة رفع ليها الهستريا بتاعة الملاريا وبقت تهلوس كثيرا دخلت علي الدكتور بعدما كشف عليها الكشف الاول قياس النبض وضربات القلب وسلط ضوء بطاريته الصغيرة في عيونه لقاهن حمممممر تناول القلم وبدأ يشخبط شخبطة الدكاترة المامفهومه ديك وقال ليها اعملي لي الفحصوات دي وارجعي لي .
اخذت الورقة وطلعت منو وعيونه فوق لحواجبها فحوصات وكده وهي جنها الشديد ولا الفحوصات دي ترزه ابره بتخليها تكورك وتسمع الاطرش وتنكرش النهار كولو عاينت للافتات المكتوبة في باب كل حجرة عسي ولعل ان لا تجد لافتة المعمل ذلك المكان الذي يشفطو به الدم وحاجات تانية حامياني
قاطعتها احدي الممرضات وهي خارجة من المكتب عاوزه المعمل علي يمينك تاني غرفة علي اليسار
وفعلا بخطوات مترنحة ونفس مخموم تحركت نحو ذلك المعمل وعيناها تسابق لوعة الحقنة وشكة الابرة
وكم تسألات دائما تخطر علي الخاطر بتاع المعمل ده ماعندو رافة ولا حنية مهمتو فقط منحصرة في شفط دماء المرضي وحقنهم بالابر ليس لديه رحمة ودائما يكون قلبه قاسي يطعنك وهو بضحك في وشك وانت من جواك بتتألم وكمان ذاد عليك الالم بشكة الابرة التي تخترق اللحلم وتفجر الدماء بدون هواده وبلا رحمة وشفقه .
دخلت علي المعمل بخطي متثاقلة وعيونه مفنقلات زي الريال الحديد قابلها بكل ترحاب اهلا اتفضلي ناولته الورقة المطلوب فيها الفحوصات واجلسها علي كرسي كثيرا ماجلس فيه من اخذو تلك الابر والحقن وياما شهد توجعا وأ لاما لاحصر لها .
وقبل ان يقرأها جيدا سحب ابرة من الابر وقطعة قطن مبللة بالمطهر وقال ليها صباع يدك الشمال ياشاطرة وعيونها اصبحت فوق الحواجب بقليل وهي تمد له يدها ولسان حالها يتوسل اليه عليك الله براحه عليك الله براحة .
مجبورة علي ذلك فالحمي شوت جسمها والصداع لعب بدماغها بكل الميادين استسلمت له واعطته صباعها وفي اقل من ثانية شاهدت الدماء تتفجر من صباعها سحبته بكل قووووة ودخلته في فمها امووووووووووواح استغرب منها شديد وضحك في نفس الوقت وبدأ يضغط عليه بشده مرة اخري كي يسحب بعض العينات من الدماء .
ناولها بعض القطن ووضعته علي اصبعها بعدما سمعت منه النتيجة بعد نص ساعة كده جلست في استراحة المرضي وهي تمني نفسها بالخروج مسرعة من هذا المكان الذي يعج بالفوضي وصراخ الاطفال من لسع الحقن لاجسامهم النحيلة ومشاهدة كثير من المرضي الذين يأتون مع زويهم وهم في حالة لا وعي وملفلفين بعضهم بالملايات وغالبا ماتكون الملايات كاروهات
علا صوت احدي المشرفات بالندا علي اسمها لاستلام النتيجة فاخذتها واتجهت بها الي الطبيب مرة اخري بعدما ناظرها وقال ليها زي ماكنت متوقع ملاريا خبيثة وبدأ يشخبط من اول وجديد في وريقة
دفاتر وهو يسألها بتاخدي حقن ولا حبوب وقبل مايخلص من كلامو قالت ليه حبوووووب كتب لها بعض الادوية وامرها بان تاخذها في نفس المواعيد .
الكل يعلم مفعول الحقن اسرع من الحبوب وليس لها اثار جانبية ولكن الحبوب صارت لها اثار جانبية مثل الهلوسة والكاروشة وطشاش نظر وعدم تركيز ودوخة لمفعولها القوي بالاضافة لاسماها التي اخذت طابع القوة ( الراجمات ) و ( الزيتية ) وغيرها من الاسماء .
اخذت الجرعة الاولي وهي بمقدار حبتين ولكن فعلت بها مافعلت وهنا استحضر قصة الفلاتي الاخذ جرعة زائدة وسببت له مضاعفات شديدة مما جعل زويه ان يسعفوه لنفس الطبيب لمعرفة السبب
( يازول خير مالك انت الدواء ده اخدتو كيف ... والله يادكتور اخدت اتنين اول حاجة .... سمح .... وبعد نص ساعة اخدت اتنين برضو .... وبعد نص ساعة برضو اخدت اتنين ... حرام عليك انا ماقلت ليك كده ليه عملت كده والله يادكتور قلت افاجي الفايروس ده ) .
بدأ مفعول الحبوب ياخد معها طابع الهلوسة بالليل وتحس بنفسها بتقع من السرير ومرات مرات بتتكلم مع نفسها ومرات ابليس حظها يجيها عديل ويقول ليها حبيبك فلان عمل وعمل وليه يعمل ويخليها تتحمق وتنوي تشيل التلفون هسع وتتصل عليه وتتشاكل معاه وهو ياحبة عيني ماجايب خبر ولا عندو سبب واحد عشان يشاكلوه بيه .
ملاريا واجرك علي الله وكمان حبوب تخليك تتخيل حاجات كيف كيف واكتر حاجة بتجنن الواحد لفة الراس والدوخة دي وكمان الكشنة يعني عادي لو شميت ليك كشنة عند جيرانكم مراد ليك تتلب الحيطة وتخنق الزول البحمر في البصلة ده
ومرات كده لو في ناس بتكلمو جنبك بتحس بيهم داخلين جووووه اضنينك مراد ليك تقوم تشيل ليك خرطوش موية وتقع فيهن زعيط وجلد .
انا غايتو الملاريا زمان كانت بتجهجه باكاتي وكنت بخاف من الحقن كيف لدرجة واكتر شئ بخاف منو الاستفراغ ده بتحس بروحك طالعه من جوه وعيونك يدمعن وكرعيك يرجفن وحيلك ماشايلك الله لا عادة تلك الايام ...
لحدي هسع لمن اتذكرها بتجيني خمة نفس
اخذت الورقة وطلعت منو وعيونه فوق لحواجبها فحوصات وكده وهي جنها الشديد ولا الفحوصات دي ترزه ابره بتخليها تكورك وتسمع الاطرش وتنكرش النهار كولو عاينت للافتات المكتوبة في باب كل حجرة عسي ولعل ان لا تجد لافتة المعمل ذلك المكان الذي يشفطو به الدم وحاجات تانية حامياني
قاطعتها احدي الممرضات وهي خارجة من المكتب عاوزه المعمل علي يمينك تاني غرفة علي اليسار
وفعلا بخطوات مترنحة ونفس مخموم تحركت نحو ذلك المعمل وعيناها تسابق لوعة الحقنة وشكة الابرة
وكم تسألات دائما تخطر علي الخاطر بتاع المعمل ده ماعندو رافة ولا حنية مهمتو فقط منحصرة في شفط دماء المرضي وحقنهم بالابر ليس لديه رحمة ودائما يكون قلبه قاسي يطعنك وهو بضحك في وشك وانت من جواك بتتألم وكمان ذاد عليك الالم بشكة الابرة التي تخترق اللحلم وتفجر الدماء بدون هواده وبلا رحمة وشفقه .
دخلت علي المعمل بخطي متثاقلة وعيونه مفنقلات زي الريال الحديد قابلها بكل ترحاب اهلا اتفضلي ناولته الورقة المطلوب فيها الفحوصات واجلسها علي كرسي كثيرا ماجلس فيه من اخذو تلك الابر والحقن وياما شهد توجعا وأ لاما لاحصر لها .
وقبل ان يقرأها جيدا سحب ابرة من الابر وقطعة قطن مبللة بالمطهر وقال ليها صباع يدك الشمال ياشاطرة وعيونها اصبحت فوق الحواجب بقليل وهي تمد له يدها ولسان حالها يتوسل اليه عليك الله براحه عليك الله براحة .
مجبورة علي ذلك فالحمي شوت جسمها والصداع لعب بدماغها بكل الميادين استسلمت له واعطته صباعها وفي اقل من ثانية شاهدت الدماء تتفجر من صباعها سحبته بكل قووووة ودخلته في فمها امووووووووووواح استغرب منها شديد وضحك في نفس الوقت وبدأ يضغط عليه بشده مرة اخري كي يسحب بعض العينات من الدماء .
ناولها بعض القطن ووضعته علي اصبعها بعدما سمعت منه النتيجة بعد نص ساعة كده جلست في استراحة المرضي وهي تمني نفسها بالخروج مسرعة من هذا المكان الذي يعج بالفوضي وصراخ الاطفال من لسع الحقن لاجسامهم النحيلة ومشاهدة كثير من المرضي الذين يأتون مع زويهم وهم في حالة لا وعي وملفلفين بعضهم بالملايات وغالبا ماتكون الملايات كاروهات
علا صوت احدي المشرفات بالندا علي اسمها لاستلام النتيجة فاخذتها واتجهت بها الي الطبيب مرة اخري بعدما ناظرها وقال ليها زي ماكنت متوقع ملاريا خبيثة وبدأ يشخبط من اول وجديد في وريقة
دفاتر وهو يسألها بتاخدي حقن ولا حبوب وقبل مايخلص من كلامو قالت ليه حبوووووب كتب لها بعض الادوية وامرها بان تاخذها في نفس المواعيد .
الكل يعلم مفعول الحقن اسرع من الحبوب وليس لها اثار جانبية ولكن الحبوب صارت لها اثار جانبية مثل الهلوسة والكاروشة وطشاش نظر وعدم تركيز ودوخة لمفعولها القوي بالاضافة لاسماها التي اخذت طابع القوة ( الراجمات ) و ( الزيتية ) وغيرها من الاسماء .
اخذت الجرعة الاولي وهي بمقدار حبتين ولكن فعلت بها مافعلت وهنا استحضر قصة الفلاتي الاخذ جرعة زائدة وسببت له مضاعفات شديدة مما جعل زويه ان يسعفوه لنفس الطبيب لمعرفة السبب
( يازول خير مالك انت الدواء ده اخدتو كيف ... والله يادكتور اخدت اتنين اول حاجة .... سمح .... وبعد نص ساعة اخدت اتنين برضو .... وبعد نص ساعة برضو اخدت اتنين ... حرام عليك انا ماقلت ليك كده ليه عملت كده والله يادكتور قلت افاجي الفايروس ده ) .
بدأ مفعول الحبوب ياخد معها طابع الهلوسة بالليل وتحس بنفسها بتقع من السرير ومرات مرات بتتكلم مع نفسها ومرات ابليس حظها يجيها عديل ويقول ليها حبيبك فلان عمل وعمل وليه يعمل ويخليها تتحمق وتنوي تشيل التلفون هسع وتتصل عليه وتتشاكل معاه وهو ياحبة عيني ماجايب خبر ولا عندو سبب واحد عشان يشاكلوه بيه .
ملاريا واجرك علي الله وكمان حبوب تخليك تتخيل حاجات كيف كيف واكتر حاجة بتجنن الواحد لفة الراس والدوخة دي وكمان الكشنة يعني عادي لو شميت ليك كشنة عند جيرانكم مراد ليك تتلب الحيطة وتخنق الزول البحمر في البصلة ده
ومرات كده لو في ناس بتكلمو جنبك بتحس بيهم داخلين جووووه اضنينك مراد ليك تقوم تشيل ليك خرطوش موية وتقع فيهن زعيط وجلد .
انا غايتو الملاريا زمان كانت بتجهجه باكاتي وكنت بخاف من الحقن كيف لدرجة واكتر شئ بخاف منو الاستفراغ ده بتحس بروحك طالعه من جوه وعيونك يدمعن وكرعيك يرجفن وحيلك ماشايلك الله لا عادة تلك الايام ...
لحدي هسع لمن اتذكرها بتجيني خمة نفس
- مسلمة وافتخر
- مشاركات: 9423
- اشترك في: الخميس 2008.11.13 5:16 pm
- مكان: حيث اكون نفسى
رد: هضربة ملاريا
جيت لى محنك دى يا المرسال
الصراحة اكتر حاجة بتخوف هى الحقنة دى
وانا عندى فوبيا منها واى حاجة حادة
اما الملاريا دى حكايتها حكاية
الصراحة اكتر حاجة بتخوف هى الحقنة دى
وانا عندى فوبيا منها واى حاجة حادة
اما الملاريا دى حكايتها حكاية
رد: هضربة ملاريا
مرسال الشوق كتب:
لحدي هسع لمن اتذكرها بتجيني خمة نفس
كذاااااب ..!!؟؟ 45 45
45
45
رد: هضربة ملاريا
ذات الشجون كتب:جيت لى محنك دى يا المرسال
الصراحة اكتر حاجة بتخوف هى الحقنة دى
وانا عندى فوبيا منها واى حاجة حادة
اما الملاريا دى حكايتها حكاية
سلااااااااااااااماتك ياخ من الملاريا والحكايات ...
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
رد: هضربة ملاريا
ذات الشجون كتب:جيت لى محنك دى يا المرسال
الصراحة اكتر حاجة بتخوف هى الحقنة دى
وانا عندى فوبيا منها واى حاجة حادة
اما الملاريا دى حكايتها حكاية
الحقن صعبة بيني وبينك كمان لمن يطعنوك كده
طوالي سنونك يعضن في بعض والعجب
لو لقيت ليك مخدة جنبك جنس عضعيض هو نان
طوالي سنونك يعضن في بعض والعجب
لو لقيت ليك مخدة جنبك جنس عضعيض هو نان
رد: هضربة ملاريا
مرسال الشوق كتب:الحقن صعبة بيني وبينك كمان لمن يطعنوك كده
طوالي سنونك يعضن في بعض والعجب
لو لقيت ليك مخدة جنبك جنس عضعيض هو نان
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
رد: هضربة ملاريا
السنبلاية كتب:كذاااااب ..!!؟؟ 45 45
45
هوووي ... انت بالذات هس ولا كلمة
الملاريا لمن تجيب كل ضفيرة من شعرك في بلد
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
رد: هضربة ملاريا
زمان كنت راقد في المستشفي قريب شهر ود خالتي جاب لي كيس حقن
اتغظت منو كيف شلتها براحة وعملت نفسي بدون مواخذة كده ماشي الحمام
رميته وجيت .... كرهت ليك يومو الجاني فيه الواحد يجي داخل بكيس فواكه
علبة حلاوة زهور ... ده دخل علي بحقن ...
اتغظت منو كيف شلتها براحة وعملت نفسي بدون مواخذة كده ماشي الحمام
رميته وجيت .... كرهت ليك يومو الجاني فيه الواحد يجي داخل بكيس فواكه
علبة حلاوة زهور ... ده دخل علي بحقن ...
رد: هضربة ملاريا
مرسال الشوق كتب:
هوووي ... انت بالذات هس ولا كلمة
الملاريا لمن تجيب كل ضفيرة من شعرك في بلد
القال ليك منو ..!!
مشيت الكوفير اول حتى مشيت الدكتور
مشيت الكوفير اول حتى مشيت الدكتور
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
رد: هضربة ملاريا
السنبلاية كتب:القال ليك منو ..!!
مشيت الكوفير اول حتى مشيت الدكتور
ياتو كوفير حق الشفخانة صاح
رد: هضربة ملاريا
مرسال الشوق كتب:زمان كنت راقد في المستشفي قريب شهر ود خالتي جاب لي كيس حقن
اتغظت منو كيف شلتها براحة وعملت نفسي بدون مواخذة كده ماشي الحمام
رميته وجيت .... كرهت ليك يومو الجاني فيه الواحد يجي داخل بكيس فواكه
علبة حلاوة زهور ... ده دخل علي بحقن ...
كيس زهور وكيس فواكه ...!!؟
معناتها انت ما عيان انت ماقص رومنسيات ..!!؟
45
معناتها انت ما عيان انت ماقص رومنسيات ..!!؟
45
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
رد: هضربة ملاريا
اظرف موقف لي ...كنت عيان كيف .... مشيت للدكتور كتب لي حقن
مشيت لغرفة الممرض شوف عيني شال الحقنة وعباها قلت ليه دقائق
نسيت الموبائل .... والشارع جاك زول
واغرب حاجة بقيت كويس الحمد لله اول ماطلعت من المستوصف
اتاريها الخوفة بتنصح الواحد ياجدعان
مشيت لغرفة الممرض شوف عيني شال الحقنة وعباها قلت ليه دقائق
نسيت الموبائل .... والشارع جاك زول
واغرب حاجة بقيت كويس الحمد لله اول ماطلعت من المستوصف
اتاريها الخوفة بتنصح الواحد ياجدعان
- مسلمة وافتخر
- مشاركات: 9423
- اشترك في: الخميس 2008.11.13 5:16 pm
- مكان: حيث اكون نفسى
رد: هضربة ملاريا
مرسال الشوق كتب:زمان كنت راقد في المستشفي قريب شهر ود خالتي جاب لي كيس حقن
اتغظت منو كيف شلتها براحة وعملت نفسي بدون مواخذة كده ماشي الحمام
رميته وجيت .... كرهت ليك يومو الجاني فيه الواحد يجي داخل بكيس فواكه
علبة حلاوة زهور ... ده دخل علي بحقن ...
هل يجوز قتلة
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
رد: هضربة ملاريا
ذات الشجون كتب:هل يجوز قتلة
أجل ... أجل
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
رد: هضربة ملاريا
السنبلاية كتب:كيس زهور وكيس فواكه ...!!؟
معناتها انت ما عيان انت ماقص رومنسيات ..!!؟
45
حتي الرومانسية في حالة المرض بتنفع
يعني ماتبقي محبطة زي واحد كده قدر مايمشي لمريض يزورو يقول ليهم الزول ده
خلاص مافضل فيه حاجة يوم اصحابو قالوا ليه لو اتكلمتا تاني مابنسوقك معانا
قال سمح ... مرض عندهم واحد مشوا ليه كل مرة يعاين ليه كده وعاوز يقول حاجة
صاحبو يقرصو عشان يسكت جننهم جن لمن جو طالعين باب الغرفة قصير ضربو في جبهتو
قال ليهم انا مامشكلة بس الجنازة دي بعدين بتمرقوها كيف
يعني ماتبقي محبطة زي واحد كده قدر مايمشي لمريض يزورو يقول ليهم الزول ده
خلاص مافضل فيه حاجة يوم اصحابو قالوا ليه لو اتكلمتا تاني مابنسوقك معانا
قال سمح ... مرض عندهم واحد مشوا ليه كل مرة يعاين ليه كده وعاوز يقول حاجة
صاحبو يقرصو عشان يسكت جننهم جن لمن جو طالعين باب الغرفة قصير ضربو في جبهتو
قال ليهم انا مامشكلة بس الجنازة دي بعدين بتمرقوها كيف
رد: هضربة ملاريا
مرسال الشوق كتب:
ياتو كوفير حق الشفخانة صاح
الشفخانة ...؟؟؟؟!!!
انت مالك قديم كدا ..؟
الشفخانه دى من زمن العهد التركى فى السودان ..!!
45
انت مالك قديم كدا ..؟
الشفخانه دى من زمن العهد التركى فى السودان ..!!
45
رد: هضربة ملاريا
ذات الشجون كتب:هل يجوز قتلة
رد: هضربة ملاريا
مرسال الشوق كتب:أجل ... أجل
ابداً .... ابداً ....
رد: هضربة ملاريا
مرسال الشوق كتب:حتي الرومانسية في حالة المرض بتنفع
يعني ماتبقي محبطة زي واحد كده قدر مايمشي لمريض يزورو يقول ليهم الزول ده
خلاص مافضل فيه حاجة يوم اصحابو قالوا ليه لو اتكلمتا تاني مابنسوقك معانا
قال سمح ... مرض عندهم واحد مشوا ليه كل مرة يعاين ليه كده وعاوز يقول حاجة
صاحبو يقرصو عشان يسكت جننهم جن لمن جو طالعين باب الغرفة قصير ضربو في جبهتو
قال ليهم انا مامشكلة بس الجنازة دي بعدين بتمرقوها كيف
45
أتلوم شــديد او تفة .!!
- مسلمة وافتخر
- مشاركات: 9423
- اشترك في: الخميس 2008.11.13 5:16 pm
- مكان: حيث اكون نفسى
رد: هضربة ملاريا
انت ما بتصدق تلقى حاجة تعضيهامرسال الشوق كتب:الحقن صعبة بيني وبينك كمان لمن يطعنوك كده
طوالي سنونك يعضن في بعض والعجب
لو لقيت ليك مخدة جنبك جنس عضعيض هو نان
زكرتنى الغنماية السعرانة العضت حاج سالم فى بوست حرف جر بتاع طلال الحكيم