امثـــال سودانية

يشمل النثر ،، الخواطر ......الخ

المشرف: بانه

أضف رد جديد
صورة العضو الرمزية
asool22
مشاركات: 1783
اشترك في: الجمعة 2007.6.1 1:27 am
مكان: الســـعـــــــوديه
اتصال:

امثـــال سودانية

مشاركة بواسطة asool22 »

[align=center]احبتى فى سودانى الحبيب الكثير من الكلمات والامثال التى تحى وقع هذا البلد الاصيل هى دعوة منى لتوثيق الامثال السوداني

*الــراجـل أفجخــي بصـــلـة ** قــبـــل مــا يــبــقــى أصـــــلة

*المـــال تــلتـــو ولا كـتـلتـــو

*الســـمح ســـمح كـان قــايــم مــن الـنـــوم ** والشـــيـن شــــيــن كـان دلـكــو كل يــوم

*المرآه كان بقت فاس ما بتقطع الراس

* بلداً ما بلدك امشي فيهو عريان(امفكو )

* جلداً ما جلدك جر فيهو الشوك

*الخيل تجقلب والشكر لي حماد

*التسوي كريت تلقا في جنا

*حلم الجعان رغيف

*العرجاء لي مراحا

*عميان ومسكو العكاز
*رسلوه يجيب الداية جا يوم السماية

*كان دار أبوك خربت شيل ليك منها شليّة

*كان غلبك سدها وسّع فدها

*ليّس ليّس حيبقى كويّس

*أضان الحامل طرشا،

* الهــدم الـقــديــم ما بنـفـعـــوا الــرافــي
وكضـــاب من قــال أجيب محنــة الجــافــي

*شهر ما عندك فيهو نفقة ما تحسب ايامو

*الكلاب تنبح والجمال ماشة

ود البدرى سمين

*الما دارك ما خربشك

*جارك القريب ولا ود امك البعيد

*كان كترت عليك الهموم ادمدم نوم

*اتنين كان قالوا ليك اضانك مافى اهبشها

*التسويها بايدك تغلب اجاويدك

*الباب البجيب الريح سدو واستريح

*الماشاف البحر تخلعوا الترعة

القلم ما بزيل بلم

*القرد في عين امه غزال

*سمح الغنا في خشم سيدو

*الولادة صغرة والمشي صباح

*قلبي على جناى وقلب جناي على حجر

*درب السلامة للحول قريب

*الجمل ما بشوف عوجة رقبتو

*كان فيها خير ما كان رماها الطير

الجاتك في مالك سامحتك

وحقك لي نفسك ونفسك للناس

وبليله مباشر ولا ضبيحه مكاشر

والكتره قبلت الشجاعه

والما في بيت ابوك بخلعك

الشقي يلقى العضم في الكبدة

الجمرة بتحرق الواطية

إذا حضر الماء بطل التيمم

أرجى سفيه و لا ترجى باطل

سمح الغنا في خشم سيدو

البيرقص ما بيغطي دقنو

بخيت شكروه قال داك شهر تانى

الجاياك ما بتختاك

الحلفك كتلك والشكاك عاداك

إن جاتك في مالك سامحتك وان جاتك في نفسك بكتك

اهلك قبال تهلك

اسمك زى اسمك يا علمك الدغاله يا علمك الهباله

اللعور وسط العمى يقدل

ابلم مو شقي شقي البتكلم معاه

أبوك أمير وأبوي أمير مين بسوق الحمير

خربانه من كبارها

اثنين تدور غناهم راجل بنتك وصاحب دينك

الخيروه حيروه

دخانكم يدخن وجوعكم يمحن

راحت شمار في مرقه

عيب الزاد ولا عيب سيدو

سيد الرايحة بفتح خشم البقرة

تجرى جرى الوحوش غير رزقك ما بتحوش

العاجبو حلقو بيبلع الحجار

الطين فى الرجلين ما ببقى رجلين

الشقي يلقى العضم في امفتفت

الطشاش في بلد العمى شوف

السمح سمح لوزرعو فتريت يقوم قمح

الداير تهري اسكت خلي

عايرة وادوها سوط

بت الجيران ما بتشاف جمالها الا بعد العرس

الماعندو لسان فقرى وفلسان

قلبي على ولدي فتر وقلب ولدي علي حجر

تمر الفكي شايلو ومشتهو

الغلبتو مرتو بادب مرت جارو

سماحة النبق فى الطبق

الاعمى شايل المكسر

جات تكحلا عمت

بت الرداف ما بتخاف

عبداً بي سيده ولا حراً مجهجه.

الى جيت في دار أخذ دلّها ولا رح وخلها

طيب الأصل والنسب

جاء يتفولح جاب ضلفة تتلولح

جبل الكحل بكملنو المراويد

لا تخاوي العب ولا تبول في الشق

الشق حساي والعب نساي

أطرد الذليل الى بيت اهله

بَـْردْ الشْتا تـَوَقَّـهْ وَبَرْدْ الصَّـْيفْ تـَلَقــَّهْ

دقوا الطاسة ولموا اللحاسا

رفع الصدر فى الفقر

غميض العين فى الدين

قز الكوع فى الجوع

الذوق يخلق في الاطباع لا يشترى و لا يباع

الواضح مافاضح

كان غاب التمساح قدل الورل

الضايق لدغة الدبيب بيخاف من مجر الحبل

التور ان وقع تكتر سكاكينو

الصقر ان وقع كتر البتابت عيب وقدر الله ان وقع ما بينفع الجقليب

البجاور السعيد بسعد

من خرج من دارو قل مقدارو

الموز بحيبك ياقرد

يدوك ليها مملحة تدورا يابسة

جنى الفار حفار

المدفونة تكسرالمحراث

ياكل الراس ويخاف من العيون

الحشاش يملا شبكتو

ليالى العيد باينة من عصاريها

الجاتك فى مالك سامحتك

الجنة من غير ناس ما بتنداس

البيتو من قزاز ما يجدع الناس بالحجارة

السنون عضام والبطون برام

دقانى وبكا سبقتى اشتكا

جارك القريب ولا ود أمك البعيد

يقولوا توووووور يقول أحلبوا

ان كترت عليك الهموم ادمدم و نوم

كان تبكى تلقى البلحس دموعك

درب السلامه للحول قريب

الجار قبل الدار

ديك المسلمية البصلتو في النار وهو بكوكي

نوم الديك فى الحبل[/align][/size]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: امثـــال سودانية

مشاركة بواسطة waya »

والله يا عسول لقيتك ود حبوبات

تقبل مروري
أضف رد جديد

العودة إلى ”بوح الخواطر“