اليوم ده حار....................=
ناس البرش.......................=
والله حلات ناس البرش.........=
جيب المصالى ياجنا................=
وفر الفرش..........................=
واملا الأباريق ختها....................=
والكوره ديك شيل الغطايه وسدها=
وأحمد هو دون الناس نشيط........=
وأحمد هو ان لاقاك يهش............=
والله ان كلفتو بى أمرك يهم.......=
وبى أهلو بى جيرانو بار..........=
دارشنو ياخى جنس درش..........=
أمسك هناك وتعال هنا..............=
وأوعك تطش ........................=
مافيك عمار..........................=
أحمد ملحَلح حين بدا.................=
لكن كتر فوقو الدقش................=
وانا من وعيت وبديت أمش.........=
ماشفته زول ذى أحمدى..............=
اجماع ومن كل الخلق يلقى القبول=
وأصلو القبول بيجيك من رب العرش=
والحله جات فوق البرش.............=
اترصوا يبدوها الكبار...............=
والونسه ياخى اليوم ده حار........=
النور ده مارفع الأذان...............=
الزول ده ساعتو مؤخره..............=
وعند الاذان........................=
يتعازمو فى الطيبات...............=
وأحمد وانا والقدرنا ناكل الفتات=
ضوق يامحمد لقمتى.................=
وأقسملى من الفته ديك...............=
وشيل منى ياخ الكسره دى.............=
وضوق النشا بس حاره نار.........=
ادريس .. وين صحن التبش؟..........=
وعبدالله قاتس شنبو فى شوربه خضار=
والله طقش..............................=
ومزيقتو شييييييييييييييييب .............=
ان صيَحولو مابجيب...................=
أمرك عجيب............................=
ياخوانا خلو الزول طرش...............=
واليوم ده حار.............................=[/poem]
بجووووووووووع شديد 
