أجمل بيت غزل من الشعر السوداني عجبك

**abu rawa** · #1 24-10-2007, 13:59

كلو واحد يدخل و يكتب اجمل بيت غزل من الشعر السوداني عجبوا

يشلع نور جبينك يضوي اخفيتي القمر في تمامو
شعرك لونو زاد في سوادو زي ما ليلي زاد في ضلامو
حاجبك نونو يحكي الهل شافوهو الخلايق صامو
ود عينك يجيد تهديفو شقيش ما جدع بسهامو

**abu rawa** · #2 24-10-2007, 14:04

داير أشوف حبيبي اليوم داك شفته رايق ودمعه ناقع
أســود شـعـره حـالـك أمـا صـفاره فـاقع
تـتـلاصف خــدوده لا حـجـاب ولا بـراقـع
أشـوف لـعسو ونـواعسو جـل الـباري صانع
أشـوف فـي خـده شخصي وفي صدري المضارع

يـفـر خـيت بـسـمه بـرقـاً لـيـله هـاجـع
يـرفـع لــي رشـاشـه يـسبل نـظره واقـع
دايــر أشـوفو غـافل ودايـر أشـوفو جـاذع
يـتـغطى بــي سـواعده ومـحنو كـان واجـع
يــردد لــي نـغـيماً تـشتاق لـي الـمسامع

أعـاين فـيه وأضـحك وأجـري وأجـيه راجـع
مـتـلاعب لـيـس إلا مــا مـوضوع مـطامع
أقـيـس بـالليل شـعره ألـقى الـفرق شـاسع
دي مــا بـيـلقاها زول زي صـيـده نـاجـع

**الشيخ فرح** · #3 24-10-2007, 15:39

هواك يا رحيمة أتلف قلبي زاد لجروحه = طار من صدري وأصبح بالفيافي سروحه
الزول العفا الدين ليك مزج بجروحه = ما غلطان لانها روحي ما زي روحه

بجيكم صاااااااااااااااااد

**حافظ عوض الله محمد** · #4 24-10-2007, 21:01

اقتباس:

بجيكم صاااااااااااااااااد

عيونك شولة يرتاح فيها وحيح الجملة

انا ذاتى بجيكم صاااااااااااااااااد

**safa** · #5 27-10-2007, 17:39

بعض الرحيق انا والبرتقالة أنت
محمد المكي إبراهيم

الله يا خلاسية
يا حانة مفروشة بالرمل
يا مكحولة العينين
يا مجدولة من شعر أُغنية
يا وردة باللون مسقية
بعض الرحيق أنا
والبرتقالة أنت
يا مملوءة الساقين أطفالا خلاسيين
يا بعض زنجية
وبعض عربية
***

**هتان** · #6 27-10-2007, 18:17

الصباح الباهي لونك
وضاحه..يافجر المشارق
غابة الأبنوس .. عيونك
يابنيه من خبز الفنادق

في عيونك ضجة الشوق والهواجس
ريحة الموج البنحلم
فيهو بي جيت النوارس ,,,

**abu rawa** · #7 28-10-2007, 13:44

بدون عينيك بصبح زول بدون ذكرى بدون ميلاد
رحلت وجيت في بعدك لقيت كل الارض منفى

**ضجت الشوق** · #8 30-10-2007, 16:17


	الشجر أقلام جميع والنيل مداد لو كتب أشواقي ليك ما عددا

**abu rawa** · #9 31-10-2007, 07:40

شوف عناقد ديسها تقول عنب في كروم
شوف وريدا الماثل زي زجاجة روم
القوام اللادن والحشا المبروم
والصدير الطامح زي خليج الروم
خلي جات متبوعة الصافية كالدينار
في القوام مربوعة شوفا عالية منار
موضة آخر موضة هيفا غير زنار
روضة داخل روضة غني فيها كنار
شوف جبينا الهل ضوّ فوقه فنار
منه هل الشارع منه بقّ ونار
طالعة ما بتقابل زي لهيب النار
تحرق البتهابل والبعيد في نار