بـتـخـيّـلـِك

[طلال الحكيم]

[grade="00008b ff6347 008000 4b0082"]
ولسة بتأوق عيون الريد معاى ..
وانت يا فرحا بعيد من غٌناى ..
احكى لى ..عن عيونك ..
لما تتوسد آمالك ..
وطيف حبيبة يجيك زائر ..
بتخيلك ..
تتخيل الافراح مدار ..
للشوق ..
والامنيات ..
والحبيبة الضاجة بيك ..
ترسم ملامح الريد والعيون ..
والحنين الــ فى قليبك ..
بخليك تتأوق من سنين ..
منتظر طلة من ومض القليب ..
ونسمة تحكى ..عن هواك ..[/grade]

وتاوق قلبي
لما إسمك قالوه عابر
وفج الضلوع من الفرح
لما النسيم بيك بشّر
وهبّ عاطر
وليك فارقني مسرع
زي طفلا شقى ما سمع الكلام
وأبدا في هواك ما قالي (حاضر)
وما بعرف يقول إلا
حبي زاهر يا أزاهر
إنت لي ورد الهوى
وأنا ليك أجمل ربيع
بغرامي ماطر

[بت السرف]

[بعد الزمن]

[grade="00008b ff6347 008000 4b0082"]

ونسمة تحكى ..عن هواك ..[/grade]

نسمة يا شمشارة

[طلال الحكيم]

[align=center]بتخيلك

أنت يا ضجة القلب المفرهد

بإشتياقك للأبد

لما يدفـّق حنين

وما يجف أبد السنين

وغيرك يا مناي ما يشوف أحد

أنت مقصود الحنان

والصدر ليك سور الأمان

وحبي المحيط يا الغالية

أبدا ً ماليهو حد[/align][/b][/color]

[بت السرف]

[grade="ff1493 4b0082 ff1493 4b0082"]
بتخيل الريد المعتق بينى .. بينك ..
والصباح ..
ونسمة الشوق البعاند ..ورفض فكرة..
الافصاح ..
وصورة الموجه البتحلم ..
بضفاف ..فرحك ..
ويا ليتو لاح ..
ونبضة الشوق الـ فى القليب ..
ببعدك ..
زادت نواح ..[/grade]

[صلاح محجوب عبداللطيف]

وبتخيلك إنت ِ يا ست البنات لما الليل يجن
والقمر لوجهك يحن ... ويطلع من شوقو ليك قبل الأوان
ويجفف دموعو ويمسحن الصباح الباهي لــــــونك

غابة الأبنوس عيــــــونك
يا بنية من خبز الفـنادق
...
شيدتي في جواي صوامع للفــرح
وفتحتي في دنياي مسارح للمرح
...


احساس جميل
ممزوج بحب الاحرف ورسم برقة السطور

سلمت يالغالي طلال
ودوم باحساسك الراقي
دامت لك السعاده بالدروب
..

[صلاح يحيى سليمان]

أدخل على الرابط ادناه لمتابعة الموضوع الاصلى




[frame="1 50"]
رابــــط الموضـــوع الاصــــلى[/frame]


وشكرا