نكتة البشير في إجتماع رؤساء العالم‏

[abdarag]

كل السادة رؤساء الدول صادف عندهم اجتماع في يوم الطفل .. بعد الاجتماع الرئيس الامريكي خماهم كلهم لحضور واحد من مناشط السباحة مشاركين فيها شفع من كل العالم .. المهم بعد كلمة الرئيس الامريكي لم الشفع ورمى ليهو حاجة في المسبح و قال الطفل البلقاها متبرع لي أطفال دولته بي مليون دولار ..
و فعلا لقاها طفل … و سلموهو الشيك … قام الرئيس الفرنسي و عمل نفس الحاجة … و الرئيس الفنزولي و الياباني .. لمن جاء دور العرب السعودي عملها عشرة مليون … القطري عملها عشرين الاماراتي تلتين …. و لما جاء دور البشير شالته الهاشمية و قال البلقى الحاجة دي متبرع ليه بي خمسين مليون دولار لأطفال بلده …. عمك وزير المالية من سمع الكلام ده طوالي انبرم اتخارج باقي السفير السوداني خاتي يدينو فوق قلبو …. المهم البشير راسو لفة و شال تلفونو طرف شوية كده … و جاء راجع وقف قدام المسبح و جدع حاجتو … الشفع ديل يكوسو ما في زول لقى اي حاجة … و هم راجعين في العربيه قام السفير السوداني قال للبشير و الله ربك لطف و مالقو النصيبة الجدعتها دي …
البشير قال ليهو :
100 سنه ما يلقوها … بارك الله فيك يا علي يا أخوي … ضربت ليه سألتو … قال لي أجدع ليهم حبة بتاعت فوار !!!

[مشتاقه]

هههههه
نكته حلوه

[نسيم الفرح]

هههههههههههههههههههههههههههههههااااي