انتي وانا::::::::؟؟؟؟

[دق التحيه قدامك سودانيه]

تبقي هذه الاغاني ذكري خالده تعبر عن مدي براعة وابداع الراحل هاشم مرغني وتوفيقه في اختيار الكلمات الجميلة والاغاني العذبة التي لانملها ابدا...شكرا ليك وتقبلي مروري......

تسلم كتير ونورت البوست

[دق التحيه قدامك سودانيه]

وانا كنت زى الما مصدق فى يوم هواك اصبح ضنا
لكنى جيت بى طيبتى ديك القى النهايه المحزنه

انا ما بلوم يوم الزمن ولا برمى دمعه على الظروف
لكن بعيش كل الشقى وبندم على زولى الولوف
ياريتوا من ساعتها ديك ياريتو ما كان ليك ولوف

ضيعتى فرحوا بعتى عزت ريدك اصبح منو خوف
لكن عزاي انا ما براى قالوا البعيش ياما يشوف

ما بصدق لو قالوا لى حبك سراب
سقيت عينيك محنتى دوبت فيك كل الشباب

لكن عينيك ما راعوا لى ولا حسوا يوم انى فى عذاب
سافرت ليك ضحيت عشانك فتحت ليك قليبى باب
ضيعتى عزت ريدى ليك دفنتى فى جوة التراب

رغم الاسى رغم الاسف رغم البيطعن فى القلب
ماظن اجيك واترجى فيك ولا بيك يجمعنى الدرب
مابقيت خلاص داير الخلاص من دنيا ما بتعز محب

ولاداير اعيش زي كل زول هو يعنى الا الناس تحب

[دق التحيه قدامك سودانيه]

الرساله الجاتني منو

الرساله الجاتني منو شوقو بحضن في حروفو
يالايمني في بعدي عنك وكلو زولاً بي ظروفو

الليل اطول مامعاي زول ودي الغربه وياهو حلها
لما النجوم تتلاشى كيف تكتب دموع العين رساله
للبريده وللبعيده المن ليل بلدي وكحل العين دلالها
إلا عينيك تايهه مني في دلالها وانشغالها
واضيعت القلب الراد وكم قلوب في ثمالها
والغربه ياالحزن الدفين ديمه كم هدت رجالها
وديمه فينا بكى العزاز تهنا في بحورها ورحالها

تقول لي زولك قريب نبضو في جنب الوريد
سكبو فيك اسمى العيون دموعو لي رنو بعيد
والزيي ماشبه الدموع افعل زمانها زي مايريد
الفراق ماكنت ناوي وفي البعاد ماعندي إيد

الليل بهيم وحالي الاليم والعين تدمع
وانا عشت فراقك علي بي احساس الزول لامن اودع
والدرب البسوقني منك مااظن في قريب لي ارجِع

الظروف القاسيه دايما ضيعت زمن التصافي
اشوفك في خيالي وإجي الصباح ألقاك مافي
وارجع للغربه يا اللي مجافي

الرساله الجاتني منو شوقو بحضن في حروفو
يالايمني في بعدي عنك وكلو زولاً بي ظروفو

[دق التحيه قدامك سودانيه]

حليل الناس

حليل الناس حليل البسمه وضي النجمه فوق الكاس
حليلي الليله يايمه انا الفي الغربه مقطوع راس
اجيني الليل مناحة هم لازغروده لاوناس
اقول ياضيعتي و وجعي وبكاي اغلب الحناس

ماشفتي يايمه الدمعه فوق الدمعه ساعة اخدر قليبي خدار
وكيف الدار وكيف ناسا عزاز وحنان
وكيفن يوم اهل العيد..
وجريد النخله ببقى جديد..
من موية العطور رويان
اجيكم عيد عليكم عيد..
وانا عيدي فوق دمعي البسيل كملان
تباريح الهوى السالت ادودن في قليب سهران
ودر في نجايم الشوق اقول امكن طريقهم بان

[دق التحيه قدامك سودانيه]

اسبوع تمام


اسبوع تمام انا كنت عايش في الخيال

انسج حروف سياله زي دمعاً حنين من عيني سال

اسبوع تمام انا والنجوم بنسأل الليل الحزين لو مره طيفِك ليهو طال

ونبكي زي زولاً مِودع الزمن لي ريدو شال

ونسرد حكاوينا ونصبِّر في العيون ياريتنا نقدر نلقى حال

ما حالنا من بعدك عذاب وفرحنا من بعدك محال

لوشفتي كيف إحن بنشيل كل الأمل نفرُش

طريقٍك بالورود ولا مره هان لينا الوصال

وفي عينيا شوقك ياعظيمه زي السحاب إناجيني واتقاطر ليا فال

ما إنت البشاره في كل عيد..وانا البعيد..لما القمر حكى ليا قال

قال لي إنتي بعيده جنبو وانا الهناك فوق الجمُر ببني القصور من الرمال

اشتت الرمل الحزين واسأل الودِع البيخدع

إقول ليا جايه ومعاي وجودك إستَحَال

انا اسأل النخل البهاتي إقبِّل وجيهو ومني مال

انا اسأل الله يجيبني ليك اخجل كتير من السؤال

ما دربي بعدِك ما سارو زولاً وعينيا ماشافت جمال

وبخلتي انتي بصوره لي اساهر بيها ساعاتي الطوال

بس عزاي فوق الزمن وقوم يافرح اسرع تعال

نوِّر بزيناتك ضلامنا وطوف بالبوادي غنا وموال

رقِّص شبابنا الكلو ريد افرد ضفايرن الطوال

ما انتي اول فرحه لي خجلانه من الخجل وللا المجال

ما ترُدي قولي بريدك انتَ وللا قولي ليا كفاي سؤال

انا اصلي ما سألتك براي.. بتسأل معاي كل العواطف في ابتهال

انا اصلي ما بشتاق براي..

بشتاق معاي الليل وسري الدافنو فيهو والإنعزال

انا اصلي ما ردتك براي.. رادوك معاي طيبة الأرض

وزرع الأرض وناس الأرض قبل الظلال

ده كلو في اسبوع تمام صوَّرتك عروس مليانه بي

عطر الارض ترقص تميل في الإنهدال

واهدل معاك عيني عجب سبحان الخلقِك ذو الجلال

وخلقني حارسِك بالعيون حأظل احرسك ياجمال

[كشكول]

هي الدنيا الا الناس تحب

[العنيد]

كلام عجيب وفريد تسلمى

[دق التحيه قدامك سودانيه]

كلام عجيب وفريد تسلمى

شكرآ علي مرورك واجمل واحلا من اغاني الفنان هاشم مرغني مافي
تسلم

[دق التحيه قدامك سودانيه]

هي الدنيا الا الناس تحب

للاسف مافي زول يقدر يعيش من غير حب
تسلم

[سكرمان]

والله مجموعه رااائعه من الأغاني لي العملاق هاشم ميرغني
تحياتي ليك يا سودانية لي زوقك الرائع

تخريمه>>إنتي مشوكشه ولا شنو..!!؟؟

[دق التحيه قدامك سودانيه]

والله مجموعه رااائعه من الأغاني لي العملاق هاشم ميرغني
تحياتي ليك يا سودانية لي زوقك الرائع

تخريمه>>إنتي مشوكشه ولا شنو..!!؟؟

هههههه هههههههههههه هههههههههههه
دايمن بيتقلي كدا
بس انا بعشق كلمات اغاني هاشم مرغني واسلوبو اداو
وبيني وبينك يمكن ليه لا

[سكرمان]

هههههه هههههههههههه هههههههههههه
دايمن بيتقلي كدا
بس انا بعشق كلمات اغاني هاشم مرغني واسلوبو اداو
وبيني وبينك يمكن ليه لا

هعهعهعهعهع الله يصبريك
تعيشي وتاخدي غيرا..!!

[دق التحيه قدامك سودانيه]

هعهعهعهعهع الله يصبريك
تعيشي وتاخدي غيرا..!!

اعيش بس غيره اخد غير لا المامن لا يادغ من جحر مرتين
هسي كدا عاجبك فضحتنا:D:D:D:D

[سمل ود الولياب]

‎Rana‎ انت ما مشتاقه ليا
ما زمان قبال اسافر قلت لي اوعك تتطول
قلبي دايما في رجاك والمحال غيرك يبدل
عشت بعدك كلي ذكري امسي بي طيفيك واقيل
انتي قلبك لو نساني من عيونك وين اقبل
ما ذمان قبال اسافر كان فراقي صعب عليكي
شلت جرحي وفت منك همي بس كان كيف اجيكي
جيت بشوق الدنيا كله داير احس بي شوقي فيكي
بس لقيت الهفه راحت حتي عينيك مافي عينيا
انتي ما مشتاقه ليا ولا ما عارفه العيا
انتي ما ريدي الزمان ودايرك انتي تحكي ليا
انتي ما حبي الي كان وعايزك انتي تحسي بيا
داير افوت يا غاليه منك ابكي واحضن في الاسيا

[dany]

ﺍﻧﺖ ﻭﺍﻧﺎ ﻣﻦ ﺣﻘﻨﺎ ﻧﻔﺮﺡ
ﻧﻄﻴﺮ ﺯﻯ ﺍﻟﻔﺮﺍﺵ
ﻟﻤﻜﺎﻥ ﺑﻌﻴﺪ ﻣﺎ ﺯﺍﺭﻭ
ﺯﻭﻝ ﻗﺒﻠﻨﺎ

[dany]

ادق التحيه كيف لا امام سودانيه ساظل افعلها كلما يذكر اسمك لك التيحيه اينما كنت واينما حللتي