مــذهلة رشيقة اللفتات

[حبوبة]

بسمة صافية من جواك تبرد ناري
وقولة ود اب سن منك تزيد شبرين لي طولي

اساسق وراء النجيمات البعاد
وهي بين مشاويرا وعصاري البلد
ياسعدي بيك

ود اب سن .. تبرى من حرور النار يا غالي
وحقيقة ات من غير مقالي .. عزيز في سماك عالي
و واسعدن هن بيك نجيمات العلالي
و أريتا كانت لي لقاك .. مشاوير العصاري
وبينك وبين خيالي .... وااااوداري !!

[معتبر]

يا جنا .. في حروفك سر
بيملاني وللدواخل يسْكِر
والكلام مني يجري مسترسل
تسمح تفسِّر؟!

حبوبة

السر الكتمتو حسنك
والفال الرجتو بسمتك
كلامك حلو سلامك كيف
حاسي بيهو
بين ضلوعي ياحنين
افسر اكتر
ماهو باين وين حنهرب من وين
معاك ببقي اجمل

[معتبر]

وحالي بيك عاجبني ..
شايفاك في الحنية غالبني ..
وللفكر تملي سالبني ..

دليب ..
وانت في الدوبيت نظموك معاني ..
وفي أهازيج الفرح شالوك أغاني ..

حبوبة

اشيلك جوه العين فرح
واشوفك في دنيا الخيال امل

نقرشة
لا المسافة ولا الخيال يبعدني عنك

لانك
حبوبة

[حبوبة]

حبوبة


كلامك حلو سلامك كيف

سلامي انا .. سلام محنة وِرث اهلنا
الله يسلمك .. من كل بلاء
الله يعافيك .. ويغتيك يا جنا
الله يبارك فيك .. ويديك الهنا

دليب
وين ما شفتك يا سوداني
تزغرد ليك عيوني وتحكيك عن اشجاني
بتدوب الفروقات وتتلاشى المسافات
بس لأنو الزول سوداني ..

[معتبر]

سلامي انا .. سلام محنة وِرث اهلنا
الله يسلمك .. من كل بلاء
الله يعافيك .. ويغتيك يا جنا
الله يبارك فيك .. ويديك الهنا

دليب
وين ما شفتك يا سوداني
تزغرد ليك عيوني وتحكيك عن اشجاني
بتدوب الفروقات وتتلاشى المسافات
بس لأنو الزول سوداني ..

حبو

ولو ما كنت سوداني اتمني ان اكون سوداني
تجمعنا الكلمة وتلمنا المحبة
وبيك حناني يزيد من حنانك

تسلمي لينا ياغالية

[معتبر]

مذهلة
اوصلتني للدهشة
صوتها عذب ينخفض ويعلو مع موسيقي الحروف
نوتتها خماسية
همسها يخشك وحرارة انفاسها تلهب مشاعرك
تحبها زي ما بقول الكتاب
تتذوق الذوق منها
تشتهيها حد الاشتهاء قرب ومودة
تسعد يمينك بشمالها اذا جلست جوارها
تطالع في المرايا وعيونها اليك
تتحسسها عبر المسافات ف لحظة وقوفها اشارة
رنة المزمار هي
احببتها بالجد

[حبوبة]

مذهلة
اوصلتني للدهشة

كيف أحاسيسك طاعمة لذيذة وهشة
وكيفن حروفك بي روعة ترسما قشة قشة
ونحن بنقراها .. عبرك تصلنا الرعشة
قول لي يا بارد الحشا .. في أكتر من كده دهشة

[معتبر]

ونحن بنقراها .. عبرك تصلنا الرعشة

حبوبة

عبر الاسفير بقي التواصل
وبالحروف نظر

والرعشة في لمسة يد

ارتعاشة منتظرة ياربي حتكون كيف

الخوف يا غالي اسرح طوالي
وطبعي ولوف
بس ولفت عليك

[معتبر]

مذهلة
أنتي امامي
ونفسي تسمعي معاي رائعة السر عثمان وانا انشدها

مادام خيال ود البلد يمشي ويحوم
بين الخيال شافت وجيهو الهاش وباش
شافت عيونو الفيها فيض احلاما عاش
شافت سحاب الريدة فوق واديها راش

قالت لي ياخ نحن ما زي ديل قلت ليها
بس شايفه في عيوني شنو
قالت لي
شايفة احلامي فيها

احلم معاك يبقي الحزن غيمة ترحل بعيد

[معتبر]

مذهلة
ويقول ليك
ظللت عينيه غمامة من الحزن
وعند الفرح نقول عيونك الضحاكة

هنا ضحكت
وقالت
زي عيوني دي يعني
قلت ليها
ياست عيون الكون
انتي من تحلي لي الكون
وضحكنا معا
وربت علي كفها بكفي
فارتعشت
ياليتها من رعشة

[حبوبة]

مادام خيال ود البلد يمشي ويحوم
بين الخيال شافت وجيهو الهاش وباش
شافت عيونو الفيها فيض احلاما عاش
شافت سحاب الريدة فوق واديها راش

قالت لي ياخ نحن ما زي ديل قلت ليها

احلم معاك يبقي الحزن غيمة ترحل بعيد

بت البلد تاهت مع الشوق اللي ماعاد ينكتم
والصورة هادي الفي قليبا بتترسم
واسمو العلى نوتات خدودا صبح وسم
وفجأة النقاقير جاتا راني من الشرق
وبت البلد عبراتا سدت في الحلق
واتذكرت كيف حاج محمد والدا
حالف يمين ود البلد ما ياخدا
تربال وعيشتو عدم عدم لا قاري لا ماسك قلم
يشقيك يزيد ليك الألم ياخدك بتندمي صح ندم

نحن زي ديل يا زول يا نيل
وآه يا ليل ..
الحلم جميل في عيونك ديل
ودعواتك يا أصيل

[حبوبة]

عبر الاسفير بقي التواصل
وبالحروف نظر

عبر الاسفير تصلها الارتعاشة
على الشفاه ابتسامة ترتسم
وفي الدواخل الأحاسيس تلتحم
تحلق فوق وجواها تزغرد مليون فراشة

[حبوبة]

مذهلة
ويقول ليك
ظللت عينيه غمامة من الحزن
وعند الفرح نقول عيونك الضحاكة

فعلا ما هو كلو في لحظ العيون

مش قالوا غردت العيون
وغني وراها كون
وزغردت المشااااعر
وغنى وراها كون

ولو من الحزن مستها غمامة
ينكسر جنح الحمامة
وتنطفي عين اليمامة
ونسأل المولى السلامة

وإبداع يا ابوعلي ... وابقى واصل

[مها]

دائما ما اقف فى حضرة كلماتك
واسلوبك الجميل
و
مزهله رشيقه اللفتات

[معتبر]

فعلا ما هو كلو في لحظ العيون

مش قالوا غردت العيون
وغني وراها كون
وزغردت المشااااعر
وغنى وراها كون

ولو من الحزن مستها غمامة
ينكسر جنح الحمامة
وتنطفي عين اليمامة
ونسأل المولى السلامة

وإبداع يا ابوعلي ... وابقى واصل thumbup.gif

حبوبة
طولنا من مناداة حبو
الكون غريب ولا انا
ولا الانشغال باعدنا

كونك في الخيال سحاب
وكوني ليك اناظر
في لحظة تمني القاك
وبصدق اترجاك

يا الله رشة

حبو مشتاقين

[معتبر]

دائما ما اقف فى حضرة كلماتك
واسلوبك الجميل
و
مزهله رشيقه اللفتات

مها
الليلةبقول ما اشاء

البواعث الجاية من جمال الناس بتقول
والحروف المستخبية تتشابي للقول



ولو قلت ليك في حضرتك بكون قدام عينيك



الملم الحروف وانتظر مجئيك

[الشمالي]

كيف ؟

والله يااا ود ابسن جننتنا جن
ها جنا كلامك بعمل لينا خلخله
في العواطف وبجهجه دفاعاتنا
مزيد من الابداع وانداااااااح
فينا وكل الود

[معتبر]

كيف ؟

والله يااا ود ابسن جننتنا جن
ها جنا كلامك بعمل لينا خلخله
في العواطف وبجهجه دفاعاتنا
مزيد من الابداع وانداااااااح
فينا وكل الود

الشمالي ياحبيب

لما تشتاق للمشاعر تملي دنياك بعبيرا
ولما تشتاق للعواطف تنسجم تلبس حريرا


ولما تطل علينا نقوليك صباح الخير

وكان شفتها تشهد وبس