الاشيتر مع حبيبتو شتورة شمااااااااااااااااااااار مبالغة خلاص

[ود النصر]

وماذا بعد؟؟؟؟؟؟

[هوبة]

عبله : كدي يا زوبة تعالي ع خيمتك واطلعيني ع الرسائل

زوبة : ارح يا بت امي

الرسايل المحفوظة بتاعت الماسنجر

عنتر العامل فيها فارماس : بصراحة يا زوبة ردودك ملازماني ولا تفارقني

زوبة : اي الردود اعجبك

عنتر وعامل فيها فارماس : بوست الحجة سعدية والكمونية ,,,, ابداع فايت الحد

زوبة بخجل : يسلموا

عنتر العامل فيها فارماس : لا اعلم ماذا اقول والبعمله غالبني

زوبة : قل ما تريد

عنتر : انك تعجبيني يا زوبة

زوبة : وااااااااااااااااي انا ,,,, وبجدية اكتر ثانكيوك يا فارماس

وقامت زوبة الشفته ورت عبله رساله ع الايميل

عنتر رسل لزوبة الصورة الرمزية بتاعت فارماس

عبله : احيييييييييييي انا ,,,, فارماس وين وهو وين

فارماس دا فارس وضوء مدارس

زوبة : والله يا هناية لا علم لي بانه عنتر بتاعك

عبله تقوم ع حيلها وتلفح توبها وشبشب المشاكل بتاعها

زوبة : ماشة وين ؟

عبله : طايرة لعنتر المعولق ,,,,, جاياك جاياك ( اب شرة ) ,,,, الويل لك يا عنتر

[زوبه]

عنتوره جهز نفسك للموت القادم لك وعشان ضلمة الليل وما حتظهر فيها اضحك حتظهر اسنانك وقول ليها هذا سيفي المسلول

[حبيب الناس]

عتنر : شنو يا عبلتي كل يوم القاك بحال وأحوال .
عبله : والله يا عنتورتي بفرك في زول شاغل قليبي وانا قلبي رهيف ما بيحمل حنين .
عنتر : الله الله يا عبلتي وانا كمان بفكر في زول جهجهني وطلع صليب حلت اولاد عمتي .
عبله : معقول يا عنتره ده اسعد خبر سمعتو في يومي ده
واتبعت عبله كلماتها باتسامة عريضة قرب خشمها يتشرط .
يعني افهم من كده إنك اكتشفت انك ما كنت بتحبني ؟.....
عنتره : ده كلام شنو يا عبله انتي الزولة البفكر فيها .
وسل سيفه عنتره وهو متهيء لضرب عنق عبله .وقال :
والويح لكي يا خائنة قاعدة تركبيني الماسورة وانا مصدق حرم كان ما خليتلحمك زي الأم فتت ما اكون عنتر ولد حجة الزينة .الوادع يا ايتها البليده الخائنة .
عبله : النبي فوقك ما تقتلني يا عنتورتي انا كنت بهظر معاك وووووووووب علي عايز تجيب اجلي يا ولد الزينة شكيتك على الخلقك .
عنتره : إنتي عارفه انا بغير عليك قدر شنو يعني دايراني اعمل ليك شنو اخليك تعرسي زول تاني هيهات يا ابنة حاج الفكي ده كان بعدك .
عبله : خلاص يا عنتورتي عرفت غلاوتي عندك (في جوه قلبها امشي يا عوير والله انا مكسره في فارماس وحقابلو في كوفي شوب كمان خم وصر) انت الحب الاول والاخير يا عنتورتي . يلا امشي شوف احوال القوم شغالين شمارات في بوست المتواجدون الآن وانا حأستناك على الماسنجر بليل يا حبيبي .
عنتره : اتفقنا يا عبلتي الغالية بس ما اجي القاك اوف لاين حرم اجي البيت أجلدك بسوطي ده لمن تعرفي كتاب .
هبله : معقولة انا أتأخر عليك بس اخت لابوي العشا وأرجاك يا عنتورتي . بجوه القلب (قد ياخ كان لقيتني ابقى زيك يا ابو عضلات واااااي انا متين فارماس يخلص دوامو واقعد أتونس معاهو ونفت الشمارات ونكب الحبكانات انا ناقصة عوارة عنتره السغيل ده) .


نشوف بعدين زولتنا حتعمل شنو لما ............... بعدين نوريكم

[هوبة]

ف وقت متاخر من الليل
دار هذا الحوار ع المسن

دخل فارماس ع عبله وجدع ليها اشارة تنبيه " طوووووووووط "
عبله : اهلين بـــ .............
فارماس : ازيك يا عشولتي
عبله : انا بخير مالك اتاخرت ؟
فارماس : ماذا افعل مع شغلي دا ؟
عبله : ياخ والله اشتقت لك
فارماس : انا زاتي مشتاق لكي ,,, وفجاءة عبله ترفع القزاز وتدخل اف لاين
فارماس : مالك ؟
عبله : ابداً ,,,, عشان العوير دا ما يشغلني منك
فارماس : أي عوير تقصدين العوراء كتار
عبله : عنتر
فارماس : مالو معاك
عبله : شابكني انا بحبك وكلام من دا
فارماس : لاتشغلي بالك به يا عبولتي
عبله : ماشغاله بيهو لاني قلبي متحكر فيه زول 1 بس
فارماس وعامل فيها خجلان لمن نخرته بقت كبيرة : ومن هو ؟
عبله : انت يا فارماس
فارماس بكل استحياء : انا ايضا احبك وحبكاناتك دي بتعمل لي اكوله ف الجهة اليسرى من القلب وانتفاخ ف النخرة

ف هذة اللحظة يدخل عنتر ع خيمة عبله بعد ان عرف انها رافعة القزاز

عنتر : الويل لكي يا خائنة
عبله : خلعتني ,,,مابك شابكني ف أي زقاق خاينة خاينة
عنتر / ماذا تفعلين ؟
عبله : احادث صحبتي
عنتر : منو فيهن ؟
عبله : سعدية
عنتر : بتاعت الكسرة ؟
عبله : لالالا بتاعت بوتيك قدر ظروفك
عنتر : ف هذا الوقت المتاخر من الليل ؟
عبله : نعم اريد منها ملعقة كريم كارب لانو عرس ود الشفة قرب
عنتر : وانحنا عرسنا متين
عبله : اشوف راي عشيرتي وارد عليك
عنتر : لا مشكله , تيك يورتايم بيبي ,,,,, انصتي الي ,,,, لقد اخدت موعد مع المأذون الشرعي الحاج ود نعيم وقمت بتجهيز اثاث المنزل من سوق ام دفسو وملابسك يا حلوتي من سعد قشرة ومراسم الزواج ستكون ف نادي الزباط ,,, ووو
عنتر : كدي اتخارج الان ست الكريمات دايرة تقفل

[هوبة]

بعد زمن ليس بقصير ,,

زوبة : ترى ,,, ماالذي حدث لعبله ,, ليها فترة لابدهـ ف خيمتها ولا تمرق منها

كدي النصبر لحدي العصر اذا لم تخرج منها سازورها

بعد 10 دقايق

بري ياولاد امي مابقدر الشمار قلب موازيني كدي النمشي اليها

زوبة امام خيمة عبله : يابت القبايل !!
عبله : تعالي لجوة
زوبة : مابك يا حلوة الحله ؟
عبله : ماف شي
زوبة : لما وجهك شاحب ومالك بقيتي ضعيفة كدا ؟
عبله : انه ... انه ....
زوبة : ف شنو , فتي لي الحاصل
عبله : ارجوكي يا زوبة سيبيني ف حالي
زوبة : مابك
عبله : فارماس يا زوبة
زوبة : مالو اب رويس ؟
عبله : فارماس لا يحبني
زوبة : لما تقولين ذلك
عبله : لقد رايته امس ع الكورنيش مع هناية بت ود الفكي من عشيرة ابو كلعلع
زوبة : سجمي !!!
عبله : وكان بياكل معاها دردمة
زوبة : او ماي جاد ,,, بالغ لكن , وهسي ماذا ستفعلين ؟
عبله : ح اتربص لبت ام كلعلع دي واعدمها سنيناتها

[الأميرالحب]

هوبــــــــــــــه :

رغم اني ابحرت كثير في الاشيتر مع حبيبتو شتوره
لم تقرأ عيني من زمن بعيدآ نص مثل هذا الكم الرائع من الكلمات التي
نورت ساحات انا سوداني
ملحوظه :
قلمك متفرد في نوعه
كلماتك بسيطه بس معناها اكبر
هوبه سيري وعين الله ترعاك
حقيقه امتعتينا بالقصه الرائعه كروعة هوبه اللهلوبه
كوني هاهنا
فبريق اعيني ينتظر جديدك
هلا امتعتينا بالجديد
انتظر حتي غروب هذا اليوم
لك كل الود

مــــ أمين ـــــوني

[هوبة]

بعد اقتناع عبله بان لا نصيب لها ف " فارماس " قررت العودة لـــ " عنتر " ولكنها رأت ان كل البايركس شغالين كبكبة ف " عنتر " فذهبت عبلة لدار " بت التاية " المشاطة لعمل نيو لوك وشرب الكوفي وطق الحنك والشكية من حال " عنتر "

عبلة: براحة يا بت التايه كربتي لي شعري شديد
بت التايه : اصبري يا بنية دايرة اكرّبك تمام عشان عنتر دا تاني ما يشوف بلاك في البادية كلها
عبلة : لقد تعبت البايركس كلو جاري وراء عنتر
بت التاية : دي حركات بايركس ساي اسعليني انا
عبلة: وما الحل يا مشاطة الحله ؟
بت التاية : اذهبي الي العرافة حواء جالون
عبلة : عرافة؟ عرافة شنو يا بت امي؟
بت التاية : انتي امشي ليها بس انتي لاتدرين ما قالت لي عندما كنت بايركس وكنت هائمة ف حب ود نصر الله قالت لي الجنا اب تلات لساتك دا دايرك علا البنوت ما ادتنو فرقة يوصل ديك ويجري يلحق ديك واعطتني هذة التميمة ,,, خذي خبئيها في جزلانك سوف يطفش ليك البايركس ديل وبخلي ليك عنتر كالخلخال في الأنكل بتاعك ولن يبرح الخيمة نوهائي

عبلة تبتسم حتى يظهر ضرس العقل
وخرجت سعيدة من بيت المشاطة مخبئة التميمة و متوجهة الي خيمة عنتر

[ابازركو]

بعد اقتناع عبله بان لا نصيب لها ف " فارماس " قررت العودة لـــ " عنتر " ولكنها رأت ان كل البايركس شغالين كبكبة ف " عنتر " فذهبت عبلة لدار " بت التاية " المشاطة لعمل نيو لوك وشرب الكوفي وطق الحنك والشكية من حال " عنتر "

عبلة: براحة يا بت التايه كربتي لي شعري شديد
بت التايه : اصبري يا بنية دايرة اكرّبك تمام عشان عنتر دا تاني ما يشوف بلاك في البادية كلها
عبلة : لقد تعبت البايركس كلو جاري وراء عنتر
بت التاية : دي حركات بايركس ساي اسعليني انا
عبلة: وما الحل يا مشاطة الحله ؟
بت التاية : اذهبي الي العرافة حواء جالون
عبلة : عرافة؟ عرافة شنو يا بت امي؟
بت التاية : انتي امشي ليها بس انتي لاتدرين ما قالت لي عندما كنت بايركس وكنت هائمة ف حب ود نصر الله قالت لي الجنا اب تلات لساتك دا دايرك علا البنوت ما ادتنو فرقة يوصل ديك ويجري يلحق ديك واعطتني هذة التميمة ,,, خذي خبئيها في جزلانك سوف يطفش ليك البايركس ديل وبخلي ليك عنتر كالخلخال في الأنكل بتاعك ولن يبرح الخيمة نوهائي

عبلة تبتسم حتى يظهر ضرس العقل
وخرجت سعيدة من بيت المشاطة مخبئة التميمة و متوجهة الي خيمة عنتر

حليل الايام الخوالي وحليل الاشيتروايامو

[Hoomy]

هناك قرب منزل عبلة تجد عبلة مريومة الفقرية
وهي تحاول جذب انتباه عنتر
بكل الأسلحة الأنثوية
من
أحمر شلاليف
وبودرة منتهية الصلاحية
لم تتمالك عبلة
نفسها
وألهبتها نار الغيرة
وتناولت اقرب شبشب
ووقعت في مريومة ضربا
فجأة جا عنتر صارخا (أيتها النساء الفارغات الفارات لماذا
تتقاتلن )
فقالت عبله
امرق منها وهي تعمر ,,,, تحنك ف هذة وهذة وتقول لماذا تتفلعن بالشباشب
؟
زح قبل ما يجيك شبشب طاير
وقالت مريومة تكفيني رقتي وانوثتي
الت ذلك وهي تتدلل
مماجعل عبلة تقول
مش عنتوري البشبة دحش ناس ود البشير دا
خليته ليك
وذهبت تبحث عن حبيب اخر

بعد ذلك رجع عنتر
غاضبا للمنزله
وبدأ يفكر
في عبلة
خصوصا وأنها الوريثة الوحيدة
لثلاثة من الماعز
ففكر عنتر
في هذه الورثة الضخمة
فبدأ يوسط لها في صديقه المقرب لأسرة عبلة
عثمان كمونية
فلم تستجب عبلة لكل وسطاته
فركب عنتر فرسه الشهباء
وقال لعبلة
أيتها المرأة
لماذا
لاترضين بي بعلا
قالت عبلة اذهب لمريومة
فانها تحبك
قال
ولكني احبك واحب معيزك
فقالت اذا اذهب واحضر لي مهري
قال ومامهرك
قالت
ثلاثة عناقريب
وسعن موية
وحلتين
وكامشة
فقال لها ان ذلك كثير
ساحضر لك
عنقريب واحد
وبنبر
وكامشة
فقالت له
احبك ياعنتر
احبك
فقال لها
ماقلنا ليك خلي الخفة دي


ثم قرر عنتر ان يكون العرس

في جبال موية

واصلي ياهوبة

[هوبة]

تم لزواج ,,,,,

قرر شيخ قبيله الفرسان الاختفال بزواج عنتر وابتعادة عن ساحة المعارك وتوجة الى خيمته للاحتفال مع عشيرته بهذة المناسبة

شيخ القبيله : احضري النبيذ يا جارية فلنحتفل بخلاصنا من ود شداد

ودخلت الجارية تحمل كرستالة من شوربة البلح

الجاريه : مولاي لما كل هذة السعادة ؟
شيخ القبيله : لقد تخلصنا من عدونا اللدود عنترة
الجاريه : هل مات يا مولاي؟
شيخ القبيله : لا
الجاريه : هل احترف في الدوري البوليفي؟
شيخ القبيله : لا
الجاريه : هل اصيب بأنفلونزا الخنازير؟
شيخ القبيله : لا
الجاريه : هل تزوج عبله
شيخ القبيله : عليك لمبه
الجارية : ايووووووي البت دي كانت حارقة روحي وقاصة لي ف الجكس بتاعي
شيخ القبييله : اذن عجلي يا جاريه بالنبيذ لكي نحتفل و كلمي الشباب يجيبو الساون

[هوبة]

بعد الزواج ,,,,,

عنتر : عبله لقد وجدت مس كول فى موبايلك من رقم لا علم لي به ؟؟؟
عبلة : عنتور يا أخى انت مالك حشرى كده ؟ ستين مرة قلت ليك لا تحشر نخرينك
عنتر : انتى يا عبولة زوجتي وعشان كده انا بعتبر موبايلك موبايلى !!! ولا شنو ؟؟؟
عبلة : ( تحدث نفسها ) غايتو جنس لياقة يا بنات امى جنى و جن الراجل اللايوق
عنتر : قلتى شنو ؟؟؟
عبلة : قلت ليك انت موضوع الركشات أقصد ألأبل
القال ليك عليها ابوى سويت فيها شنو ؟؟؟

[ود الخير]

هههههههههههههههههههههههههههه
الناس دى قاعده تشرب شنو

[هوبة]

هههههههههههههههههههههههههههه
الناس دى قاعده تشرب شنو

بنشرب " حرجل "

[هوبة]

عبلة : صباح الخير عنتورى
عنتر : (يتمغى و يفرك عينو لطرد النوم ) ياولية الم اقل لك كلام الحناكيش ده تخليهو
عبلة : سمح كده قوم امشى الجزار يجيب لينا لحمة و خلى يديك فلتو
عنتر : انتو يا جماعة المرة دي جنت ؟ فلتو؟ انشاء الله فليته فى نص ضهرك ... من بتين قاعدين
نجيب لحم من الجزارة ... ؟ ناولينى رمحى و سهامى سوف اذهب الى الصيد واحضر لكم كيلو إلا ربع من لحم الغزال وام فتفت أسد
عبلة : ايوى ... ايوى ... انت ما جمل الشيل ... خصمتك بالنبى تجيب لى جلد ألأسد اعملو اسكيرت ... و بالمرة دايره لى جلد نمر اعملو تونيكات للبنات

بعد ساعات ,,,,

عنتر يكورك من خشم الباب : يا وليه تعالي شيلي معاي
عبله : الله يخدر ضراعك ,, هل جبت لي الجلد لكي اعمل اسكيرت ؟
عنتر : اخ الاسد جرى مني
عبله : ماذا ؟
عنتر : قلت لكي الاسد جرى مني
عنتر : وانا هسي ماذا افعل لقد اخبرت نساء الشمارات انك ح تجيب لي اسكيرت من جلد اسد والبنات فتو شمار التونيكات لصديقاتهن ف الجامعة ,,,, يعني لا اسكيرت ولا تونيكات ؟
عنتر : ولا يهمك هسي اضبح ليكي العتوت وشيلي جلدها واتصرفي فيهو ان شاء الله تعملي توب
عبله : بطل الفصاحة دي واذهب واضبح لي الاسد وجيب لي جلدة
عنتر : وهسي اجيب ليك اسد من وين ؟

[ود الخير]

بنشرب " حرجل "

هههههههههههههههههههههههههههههههههه
دا الحرجل الجابوا شيبون من شارع الحمراء
بس طعمه مر (برى )

[هوبة]

هههههههههههههههههههههههههههههههههه
دا الحرجل الجابوا شيبون من شارع الحمراء
بس طعمه مر (برى )

[هوبة]

عنتر : تعرفى يا عبلة امبارح حلمت ليكى جنس حلم , كدي قولى اللهم اجعلو خير
عبلة : انت يا عنتر شايفاك اليومين ديل بعد ما وقعتو اتفاقية السلام مع بنى خزاعة وألأتفاق ألأطارى مع بنو قينقاع خلاص الغزوات انتهت و بقيت قاعد الوكت كلو فى البيت متفرغ للشمارات , وهسى جابت
ليها دور احلام ؟؟؟
عنتر : خبرينى يا ابنت العم ماذا افعل ؟؟
عمى و طول عمر انشا الله , مافى زول كسر حظى غيرك , عاملة لي فيها رئيسة اتحاد نساء بنو عبس وكل يوم عاملين مظاهرات تطالبوا بالسلام ,, آها السلام وو قعناهو بكرة كل قبيلة تقول دايرة حق تقرير المصير ,, هسى المهم تصرفى صندوقك و نشترى جهاز كشاف ونسافر العبيدية أو بربر كان نلقى دهب
عبلة : سجمك كان اتكلتا على الصندوق
اولآ بنت الشول قالت بتها ولدت ما بتقدرتدفع
وست الجيل والسرة بت العمدة قالوا رجالهم سافروا لبناء سد مأرب فى اليمن
وامونة بعلها سافر لقى ليهو عقد عمل فى مرافى مدينة بنو كرفاس مع واحد مقاول
خليك من دهب بربر ومروى قالوا بكرى ود امونة عندوا عقودات عمل لبابل عاوزين حرس لحدائقهم المعلقة

[ود الزوحي]

عدنا والعود أحمد !!

لخبتت الكيمان (بقيادة هـــومي)

تررن تررن .. جوال عبلة تررن !!

عبله : من الطارق
هومي : ليك مده مابنت
عبله : من قتلك ؟
هومي : ألا تذكرين صوتي أنا هومي .. أم لأنك استقليت في خيمة بنو القريعه ديل
عبله : هيااااااااااا هومي لك من الوحشة ما يكفي لتحرير الأندلس
هومي : سمعت أنك قد تزوجت بعنتر
عبله : أعمل ماذا ياهذا .. الحب دا قدر ونصيب
هومي : طيب ونحن
عبله : أنت ماذا
هومي : الأيام الخوالي وكدا يعني
عبله : الخلخال اليخلخل راسك .. خوالي شنو يا سرج !!
هومي : هل أنت واثقة مما تقولين
عبله (والعقل يودي ويجيب) : مممممممممم أجل
هومي (بخبث كدا) : أكييييييييييييييييد ؟
عبله : لكن حسي أنا بقيت في عصمة رجل
هومي : أعلم بهذا ولكن لم أتصل بغية شيء فقط لأطمئن عليك .. (فظيع ياهومي)
عبله : أكان كدي مافي مشكلة
هومي : سأعاود الاصال بك لاحقا
عبله : حسنن يا هومي .. فليكن !!

وللبقية تتمه ..

[هوبة]

ف " هزة " اللحظة يقترب عنتر من خيمته ويجد هومي واقفا بجانبها
بترجل من صهو حمارة وسالا سيفة ومتوجها لهومي

عنتر : ويحك يا سجم .. مابك واقف ع باب خيمتي
هومي : اووو عنترنا لقد اتيت لللاطمئان عليك
عنتر : اننا بخير .. فرتق من هنا
يتكبكب هومي ويفرتق بسرعة .. ويدخل عنتر الى خيمته ويجد عبله جالسه ع الاريكة
عنتر : جيبي لي شئ اتسممو
عبله : التلاجة فارغة .. هلم بنا لحوش عوضية سمك
عنتر : ماعني ضحاكات
عبله : وما عندك يافقر !
عنتر : من اين اتي لك بالمال ياوليه
عبله : الترابه ف فمك .. دائما جيوبك مقدودة
عنتر : اقفلي فمك ولا تنقنقي
عبله : هلم الى بيت ابي عزيز قومة وسيد الرجال كي ناكل عنده .. فضحتني ف الحله
عنتر : لا .. فلا شي ف بيت والدك سوى عصيدة والدتك اليائسة
عبله : بالله عليك ليك عين كمان ! قم ع حيلك
عنتر : اذهبي براك
عبله : قلت لك تحرك يا عديم الفائدة
يقوم عنتر ع حيله ويطنطن .. وبعد الوصول يقف بجانب الخيمة ويقول
عنتر : يا حماتي
فتقوم الحماة وتقول جانا الفقر
فيسمعها عنتر ويقول لها تجيك الطاوية حبالها والمريحة بالها

يتبع ,,