بنت الحلة حلاته

[معتبر]

ود الحله ............حبابك
تحيه جميله جمال روحك
وشوقا حار
حرارة الشوق النابع منى ليك
ود الحله
اخترت من دون العيون يا غالى
عينيك اعشقا
واخترت شوفتك كل يوم
لو حتى شوفتك اسرقا
طال بعادك ...
فى رجاك

بنت الحلة

اشواق

ود الحلة مشتاق

الحلة تقول مشتاقين

احلي سلام
وبرقيق كلام
روحي فيك مشحتفة
مشتهيك ياعيون

الدروب في انتظار العائدين

الشجر والبيوت
الساحات

شهود علي حبنا
جمال الاختيار في تلاقح الافكار

الريد المتبادل شعور لايقاوم

السرقة بينا حلال
ما خلاص تبادلنا القلوب والمشاعر
العندك عندي والعندي ليك


اشوف في شخصك كل حاجة دايرا

[مها]

ود الحله
صباحاتك نديه
صباحك ذين
شوقنا بحر
كيف الحال
ومشتاقين

[معتبر]

بنت حلتي
صباح النور

صباحي يبدأ بتصبيحك لي
اشراقاتك نضارة
تسري جواي
سعادة



صباحك زيك جميل وبهيج

شوقي اسكتي
لوقلت ليك قدر دقات قلبي في غيابك برضو شايفو شوية


اشتقت ليك شديد

[معتبر]

بنت الحلة

ليك تحية

اصبحتي كيف
بكل حنية قالت
حالنا زين

اقول ليك ياخ انا حالي بيك زين

[مها]

ود الحله حبابك
نهارك سعيد
ومساك فل وياسمين
ادينى من ريدك مدد
انا فى هواك درويش غرام
ماسك حروف اسمك عدد

[معتبر]

بنت الحلة
سلام
ومساء الخير

مدد كهربائي ينور هنا
ويفوق من سبات غشانا

حروف اسمك تحوي اهم ما يعيش عليه الانسان

م
هـ
ا

بنت الحلة
مشتاقين

[مها]

ود الحله
ع......عيونى انت
ل......لك وهبت عمرى
ي.......يا كل المنى انت
ا........انت عمرى
ب......بريدك والله مشتاق ليك
و.....وحيد عمرى انت
س.....سعاده بيك مؤكده
ن.... نعيش الهوى انا وانت

[معتبر]

بنت الحلة
شط الهوي انتي
وقلبي ليك شراع

م مزيونة زينة حياتي
هـ همت بيك وهواك غايتي

ا أحبك
اتمناك
انتي الحب
انتي وأنا

[معتبر]

بنت حلتي

صباح الخير

صباح ينور طريقك

مشتاقين

[مها]

صباحك ورد بلون الورد
قضيت سنينى صابر راجيك
كم طال حنينى
وذاد شوقى ليك
سيب التجنى وارحم غرامى
اشجينى غنى واسعد ايامى
شوقنا بحر

[معتبر]

الورد الجاي منك اتنسمت عبيرو
والصباح الواصل بينا اعجبني اشراقو

وانتي الضل والفل

ياربيع حياتي
ويا مواسم فرحتي

صباحك عسل

[معتبر]

بنت حلتي
حلو الاماسي بيك
وفرح مجئيك زغاريد

بيك ازيد محبة
وليك اشتاق

ما شوقك بقي ثابت زي اسمي
لا بنساهو ولا بمحاهو
بنت حلتي
عشقتك

[مها]

ود الحله حبابك
عساك طيب
مساء الخير
كيف عامل وكيف اصبحت
حنينى اليك موكر جوووووووووووه قلبى
وشوقى دفر
بقى شلال ....
وعيونى فضحونى
ليك مشتاقه انا

[معتبر]

بنت حلتي
حنيني ليك وليل الغربة اضناني

وشوقي ليك يمتزج باعجابي

وريدة من جوة بانت علي ملامحي

اشتقت ليك كتير

[معتبر]

بنت الحلة

ازيك

مزاجك كيف

مشتاقين

وينك انتي

ربنا مايحرمنا

[معتبر]

بنت الحلة

اشراقات سنا ونوار

صباحات بشوشة

بشائر الخير منك
محطات الفرح عندك
ابتسامات الرضا ليك
راحة الروح بيك


صباحك احلي يا غالية

[معتبر]

بن الحلة سلام

بنت الحلة صباحاتك ندية
بنت الحلة مشتاقين

دروب الحلة مشتاقة لمشيك

ساحاتنا تناديك
اهلا بيك

[مها]

لاخ الغالى على ابوسن
منذ خروجى من المستشفى وبعد كم يوم فتحت المنتدى
اول شىء وجدته امامى رسالتك
كم اسعدتنى بالجد ....سعدت كثيرا بها
واحمد الله اننى وسط اخوة اعزاء
وبعدها وجدت بوست فى الخواطر
ابوعلى ....ود حلتى
جد ما عرفت اكتب شنو لانك اكبر بكتير
من كلمات يخطها قلمى
دمت بود

[معتبر]

الغالية بنت حلتي
الاخت والعزيزة


قولي نحن اولاد حلة
قولي
ضلي وضراي
اقول ليك عزي وفخري

حمدا لله علي سلامتك

[حبوبة]

شباب الحلة سلام جاكم
يقالد اشراق مُحيّاكم
ينغشش بين حناياكم
يشوف ماضيه جواكم ..
ويفرح بالزيادة .. معاكم

مها .. عودا حميدا وألبسك المولى لباس العافية دنيا وآخرة

أبو علي دخرينا وضي عينينا ..
مساحات ابداعك تمتِّع وروعة إحساسك يوجِّع ..
وبرضو نحن بيك ومعاك ..وراك وليك بنشجع