منتدى أنا سوداني

لو شفتي كيف
بنزف نزيف الورد بالشوك إنطعن
وكتين عيونك ما يجن
..

ﻣﻦ ﺯﺣﻤﺔ ﺍﻷﻳﺎﻡ ﺑﺠﻴﻚ ...
ﺷﺎﺭﺩ ﻣﻦ ﺍﻟﺤﺰﻥ ﺍﻟﻌﻠﻲ ...
ﺿﻤﻴﻨﻲ ﺏ ﺍﻟﺘﺤﻨﺎﻥ ﻋﻠﻴﻚ ...
ﻗﺒﺎﻝ ﻳﺒﻜﻲ ﺍﻟﺸﻮﻕ ﻋﻴﻨﻲ ...
ﺇﻧﺘﻲ ﺍﻟﻮﺣﻴﺪﺓ ﺍﻟﻔﻲ ﺍﻟﻮﺟﻮﺩ ...
ﻳﺒﻘﺎﻟﻲ ﺑﺲ ﺧﻠﻘﻮﻛﻲ ﻟﻲ !!...

ﻭﻛﺖ ﻣﺎ ﺍﻟﺸﻮﻕ ﻳﺴﻞ ﺍﻟﺮﻭﺡ ..
ﺑﻘﺎﺑﻞ ﻓﻴﻚ ﻓﺮﺡ ﺑﻜﺮﺓ
ﻭﻋﺸﻢ ﻛﻠﻤﺎﺕ ﺗﻘﺎﻟﺪ ﺍﻟﺒﻮﺡ ..
ﺑﺸﻮﻓﻚ ﻓﻴﻨﻲ ﺑﻴﻦ ﺧﺎﻃﺮﻳﻦ
ﻭﻟﻤﺤﺔ ﺭﻧﺔ ﻭﺳﻂ ﺍﻟﻨﻮﺡ ..
ﺧﺎﻃﺮ ﻳﺴﺒﻖ ﺍﻻﺣﺴﺎﺱ
ﺑﺤﺲ ﺍﺣﺴﺎﺳﻮ ﺑﺎﻟﻤﺠﺮﻭﺡ ..
ﻭﺧﺎﻃﺮ ﺗﺎﻧﻲ ﺯﻱ ﻏﻨﻮﺍﺕ
ﻭﻛﺖ ﺍﻓﺮﺍﺡ ﺑﻼﺑﻞ ﺩﻭﺡ ..
ﻭﺑﻠﻖ ﻣﻌﺎﻙ ﺍﻛﻴﺪ ﻣﻌﻨﺎﻱ
ﻭﻫﺞ ﺳﺎﺳﺎﻕ ﺍﻣﻞ ﻣﺎ ﺑﺮﻭﺡ ..
ﻣﺘﻴﻦ ﻳﺎ ﺭﻭﺣﻲ ﻃﺎﻝ ﺍﻟﺒﻴﻦ
ﻣﺘﻴﻦ ﻟﻘﻴﺎﻙ ﻧﺴﻴﻤﺎ ﻳﻔﻮﺡ؟ ..
ﻭﻟﻴﻚ ﺍﻟﺸﻮﻕ ﻋﻠﻴﻚ ﻳﺎ ﺑﺮﻧﺲ
ﻭﻟﻴﻚ ﺍﻟﺮﻳﺪ ﻣﺤﺎﻳﺔ ﻭﻟﻮﺡ ..

ﺗﺠﻲ ﻭﺗﻔﻮﺕ

ﻭﺑﺮﺗﺎﺡ ﻣﻌﺎﻙ ﺍﻧﺎ ﻭﺑﺮﺗﺎﺡ ﻣﻌﺎﻱ ﺯﻣﻨﻲ ﺍﻟﺘﻌﺐ
ﻭﻭﺟﻌﻲ ﺍﻟﺒﻮﻟﻊ ﻓﻲ ﺍﻟﺤﺮﻳﻖ .. ﻭﻣﺮﻫﻮﻧﺔ ﺑﻴﻚ ﺍﻧﺎ ﻳﺎﻭﻃﻦ !

سالت دموعى عندما علمت بخبر رحيلها لاتربطنى بها صله الا التلاقى فى الحرف والمفردات علمت برحيلها متاخرا ...وبين مصدق ومامصدق...رافقتنى الدموع ...لااملك الا ان اقول ...انا لله وانا اليه راجعون..ادعوا ليها انو ربنا يرحمها ويغفر لها ويجعل الجنه مثواها...

والله بعد رحيلك غالبنى اكتب فى بعدك حرف

قدرَك معاي
قدر الكلام الما مرق من بين لهاة الأحجيات
قدر العصافير البترحل دون حقايب وأمنيات
قدر النخيل الفي الرياح بيجابد الخوف والموات

قدرَك معاي
مهما يطول بينا العمر ويرمينا في وش الشتات
ينبت علي بور الفراق ويزهر هوانا القلنا مات

يالعندي أكبر من أقولَك
وأفصِحَك لحظة سكات

أنا في القوافي بسكِنَك
وسط اللحون والأغنيات

بعضَك أنا وكلي إحتشادَك
ودونَك الواقع رفات

لو تعرِفَك كل المدن
تنسي إندهاشا وتندهش

لو يسرقَك مني الكلام
والداسي مِنَّك ينهبش

تملا الزغاريد القري
ويجافي نوم العين رمش

يامبدع الحلم الجميل
والدنيا ضلمة وضي شمس

كيف في منامي إتغزلَك
ورؤياك تقرب تتلمس

أنا مابريدَك شان بريد
لا بعشقَك ساكت عبس

أنا بكتِبَك بي دم غناي
بي شهقة الروح والنفَس

وأغتغِتَك من عين هواي
وأدس هواك جواي دس

لو عارف إني عليك بعيش
ما كنتَ تبخل بي النفس

دوارة دنياك ياحبيب
دهستني بالأقدار دهس

جرَّت علي ممحاة جفاك
ورتني من صدك جنس

ياشعرة الريدة البدت
من غير أجابدا تنقطع

الحكمة في جورَك أكون
إنسان مضيع ومنقطع

ولا بتخاف قلبك يحن
والبيهو في يوم ينسمع

أم إنت ظالم بس عشان
ظلم الحبيب عندك طبع

أنا بسألك قبال عينيك
تفضح هواك وسط الدمع

لو لوحت إيد في إشتياق
دايرانا نرجع ونجتمع

هل تصفو ياجافي وتعود
أم من هواك تالاي قنع

جواي عهدي معاك زمان
عشم البحب ما بينقطع

ورغم إنتظارك بالسنين
لسة إشتهاك جواي يشع