منتدى أنا سوداني

ودالدرديري كتب:

صهيبووون ياحنين

كيفنك .... عساك فاين



هاك ..... دا الجزء الأنا قمت بتلحينه منها..

أسير الشوق

جنيت وماجنيت
أنا في هواك أسير
أرحل عليك بالشوق
ترحل تسيبني كسير

داويني ياحنين
عارفك عطوف وخبير
أفرد جناح الريد
خليني بيهو أطير

بفرش طريقك شوق
وكل يوم أرشو عبير
أصلو الولف كتال
والريد مصايبو كتير

ودالشيخ
صديقنا وحبيبنا
بداية حلوة شديد
وانت اهلاً لكل شي جميل
قصيدة جميلة ورائعة ,
صح لسانك ياغالي ,
لقد كتبتَ فأبدعتَ ,
أهنئكَ على إحساسكَ المرهف,
وذوقكَ الرفيع ,
تخريمة
ماحتقيف براك ابداً
ارمى قدام ونحن بنقيف معاك
وتقبل تحياتي القلبية من الرياض
مقرونه بالمودة والمحبة والإخاء والسلام,

حنضله كتب:

وااااااااااااااو شهد روعة والله الفكرة صراحةً ونحن فى اإنتظار الفنان ود الدرديرى وباكورة انتاجة الاول

النيل الازرق كتب:

الاخت شهد زى ما قالوا الجماعة وما خلولينا كلمة

يسلمووووووووو على الفكرة الروعة

ويا اخوى ود الدرديرى

الكلام الجميل ده نحنا حنقراو بس ؟؟؟؟؟

ما فى طريقة نسمعه ملحن من خلال المنتدى ولا شنو ؟؟

مشكورين ياحلوين

المغربى كتب:
لك التحية
الغالية شهد

على الفكرة الرائعة جداً

ولجميع شعراء وملحنى وفنانى منتدانا التحية

ويا ريت لو كانت البداية بأوبريت أنا سودانىِِِ

أيمن كتب:

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
واقف براى أول قصايدى مع الظبى=
ظبى التلال والريد حلال .............. =
وبديت غناى..............................=
واقف براى..............................=
وانا لسه فى دنيا الحروف.............=
يادووووب صبى........................=
وبديت أشوف............................=
وبديت أسطر فى الحروف...............=
ولقيت مرادى ومطلبى.....................=
وكانت (براى) أول قصايدى مع الظبى=
..........................................=
درديرى ذدت تعجبى!....................=
وجيتك أقول..............................=
فوقك صلاتى على النبى................=[/poem]

ودالدرديري كتب:

واقف براي


واقف براي
الشوق مستف في الوريد
والهم بعاند في خطاي
والغربة ..
والليل الحزين
والوحدة...
وآلامي وأساي

وأنا يامناي
مليان وريدي عليك شوق
لو جيت أغني غنا الفرح
تمرق حروفي حروق حروق
ولمن أجابد بسمتي
البسمة تاباهو المروق
الليل رقد في عيوني نام
زي التقول بهمس يقول :
يوم بكرة ماداير شروق

وانا يا هواي
من فت من عينيك وحاتك
يا (أناي) واقف براي

---------------------------------------------