دا كلو عشان أريج

[Hoomy]

اها ياهومي لما دميعاتها هي نزلن صاحبك
دمعاتو نزلن ولالا
واصل يازول شوقتنا

كدي النسألوا واجيك بس كون قريب
شكرا يالضراع على المتابعة الراقية

[Hoomy]

بي هنا بي هناك بالتلتلة تميت الجامعة. والنتيجة كالعادة (مقبول)
دكتور يسري قال ضاحكا (الحمد لله استريحنا من خلأتك دية).
بعد التخريج رميت الشهادة في الدولاب وقلت ليها (لغاية هنا وكفاية )
بقيت افتش علي شغل
لكن في السوق
بديت اجرب تجارة الفراشيين ذي مابقولو
( دي ماشغلتنا بس الظروف جبرتنا - وبي خمسة كل حاجة بي خمسة)
وتمر الشهور والحال ياهو زاتو الحال
التقدم بطي في التجارة يادوب يمرق شوية المصاريف
وفي يوم وانا فارش في السوق مرت بي هويدا
جات مارة بي السوق وطبعا اتزكرتها واتزكرتني
سالتها (وين اريج )
- قالت لي اتقدم ليها ود خالتها وهي رفضت
- لما رفضت ابوها منعها من الجامعة
- طيب انت عارفة ليها عنوان
- ايوة هي من ............... في الخرطوم بيتهم في محطة كدا
كم يوم وانا خليت تجارة الطريق
مشيت الشمالية قلت اجيب بلح وابيعه برضو المكسب قليل
لقيت واحد صاحبي عنده مزرعة في ضواحي الخرطوم بقاني مشرف عليها
- كلينكو تعال ياخ ساعدني في الشغل دا والفايدة بيناتنا انا عارفك بتخبت نص القروش لكن البفضل دا بنقسموا. (قالها ضاحكا )
- كانت المزرعة فيها عدة أبقار وفي جوانبها مزروع البرسيم
والمزرعة فيها انا وراعي البقر واسمة عم جمعة وواحد كدا بيجي يشيل اللبن ويوزعوا وبيجي بالعصر ويمش وفي الصباح يجيب الايراد. دي كانت المزرعة
وانا بقيت المشرف والمحاسب وكل شي
يوم قلت لبتاع اللبن انت بتوزع وين ووين
وصف لي كل المناطق البمش ليها
من ضمنهن الحي الفلاني بتاع أريج زاااااااااااااااتو
وهنا جاتني فكرة مجنونة
بكملها ليكم فيما بعد

[الضراع]

يااااااااااهوووووووووممممممممميييييييييييي
انا خليت المباراه وقاعد اقرأ في القصه
وانت تقول لي فيما بعد

[نهـاد]

[glow=0066ff]

يا هووووووومي مشاء الله سرد جميل جدا

ونحنا في أنتظار البقية

ما تتـــــأخر

ســــــلاموو

[/glow]

[بنوته مهاجره]

بااااااااااااااااااااااااالغته انا قاعده ليك بيه حمتي ومسخنه وحلفته مااقوم الا اكمله عليييييييييييييك الله كمله حرقته روحنا والله
لكين ماشاء الله عليك سرد رائع وقصه مافيها كلام كمل كمل نشوم نهايتك شنو هههههه

[Hoomy]

يااااااااااهوووووووووممممممممميييييييييييي
انا خليت المباراه وقاعد اقرأ في القصه
وانت تقول لي فيما بعد

يالضراع ياخوي خليني الناخد لي نفس
بعدين الزول دا داير ليه تحنيكة وكدا ماتقول الموضوع بسيط
مرات يكلفنا شية جمر وقزازة بارد عشان يتم الموضوع d
بس انت خليك قريب
وشكرا للمتابعة ياجميل ياراقي احساسك

[Hoomy]

[glow=0066ff]

يا هووووووومي مشاء الله سرد جميل جدا

ونحنا في أنتظار البقية

ما تتـــــأخر

ســــــلاموو

[/glow]

زولنا دا عمل عمايلو كلها عشان اريج
وانا الليلة بكملها عشان نهاد
شايف الشمشارين بيبتسموا
شكرا ياراقية للمرور الأنيق

[Hoomy]

بااااااااااااااااااااااااالغته انا قاعده ليك بيه حمتي ومسخنه وحلفته مااقوم الا اكمله عليييييييييييييك الله كمله حرقته روحنا والله
لكين ماشاء الله عليك سرد رائع وقصه مافيها كلام كمل كمل نشوم نهايتك شنو هههههه

أحلى بنوتة
انشا الله ماتشوفي شر
هي الحمة دي مابتشوف
خلاص ولا يهمك لو القصة حاتودر ليك الحمى هسي نكملها ليك
مشكورة جدا ياراقية لمرورك الراقي

[Hoomy]

كانت الفكرة مجنونة فعلا
وهي انه اوزع اللبن بدل بتاع اللبن
حتى هو لما قلت ليه ماصدق
قال لي (انت يامجنون يابتهزر)
قلت ليه انت مالك مش زبائن بتودي ليهم اللبن وتجيب القروش تسلما وتاخد ارباح
قال لي طبعا
قلت ليه خلاص انا اديتك اجازة 10 يوم
ومشى وهو يقول (حرررررررررررم مجنون)
مشيت السوق اشتريت لي سديري وعراقيين وطاقية حمراء
ومركوب أصلة لزوم الشغلة الجديدة
المهم بقيت اركز على الحي بتاع ناس اريج مرات الف والف يمكن تجي طالعة
لكن مرت خمسة يوم وانا ادق في الابواب عشان ابيع اللبن وبرضو اريج ماظهرت
المهم يوم وانا خالف رجلي في السرج واشرب لي من سبيل جنب الدكان مرت علي شافعة لما عاينت فيها قوي سبحان الله الخالق الناطق أريج ناديتها (هوي يابت تعالي )
قالت لي بكل براءة (مالت ) البت لجنة
قلت ليها انت اخت أريج مباشرة كدا
قالت لي (لالا انا احت دواهل )
عرفت قصدها انها اخت جواهر
المهم اليوم داك اللبن بار ورجعت بيه اضطريت ادفع حقه من ماهيتي
في يوم قلت حرررررم كان اتابع الشافعة دي ولحسن الحظ جات الدكان وبقيت ماش وراها خطوة خطوة
وانا اصيح (لبن - لبن - لبن )
عاينت لي قالت لي (مادلنا مادايلين لبن )
- هوي ياشافعة هوي في زول سألك
- وبقيت ماش وراها لمن عرف بابهم
وبكل جرأة دقيت بابهم
جات طالعة لي قمر 14 بت سبحان الله ولا اله الا الله لمن شفتها بدون ما اشعر قلت ليها (دايرين لبن )
قالت لي( لا والله )
قلت ليها كم رطل بالرغم انها قالت لي لا
اللحظة ديك بقت تضحك على (ماقلت ليك مادايرين )
اللحظة ديك قلت ليها ( خلاص ناوليني كباية موية النبل ريقي نشفتو ريقي ياناس الحي دا)
مشت تجيب الموية وتجي اخوكم تلب من الحمار وقعت علي الواطة ورجلي دخلت في تمنه اللبن نصه اتدفق
لمن جات بقت تضحك علي قالت لي انت مالك يازول
- قلت ليها والله انا لا سيد لبن ولا غيروا
وحكيت ليها الحكاية من تيت للسلام عليكم وسط دهشتها
قالت لي أريج
قلت ليها ايوة وكان مالقيتها مابرتاح
- تلقاها وين ياود الحلال اريج دي اختي الكبيرة بعد فترة مما سابت الجامعة اتقدم ليها قريبها ورفضته وابوي رفض يخليها تقرى الجامعة وجلست في البيت سنة لمن جاها عريس من المغتربين ديل اتزوجها وساقها معاه.
- قلت ليها كدا بي بساطة كدا
- قالت لي اجي نطلقها ليك من راجلها
- خلاص خلاص مافي مشكلة يلا مع السلامة
- قالت لي كدي اتفضل اخوي موجود في الصالون
ومباشرة كدا نادته ( يامحمد يامحمد عندنا ضيف)
محمد جاء وطوالي كدا اتفضل اتفضل ياحاج
اتعرف علي محمد ولقيتهم ناس بسيطين وكريمين جدا
عرفت انه محمد اخوهم الوحيد وهو شاب اصغر مني بعدة سنوات
رجعت الحمار والتمن لسيد اللبن بعد ماكلت ليه عدة شتائم (امشي الله يقطعك ويقطع حمارك معاك البت وعرسوها)
- اها عاد تاني شوف ليك واحدة وقول لي اديني حمارك
- كان الحب بي حمارك دا خليناه
مرت عدة ايام ويم انا جالس في المساء ومشغل لي مسجل مرت على اغنية (جوهر صدر المحافل روحي معاك اتلطفيلا )
قلت ياخ ما انا اتقدم لجواهر مالو
اتراجعت شوية قلت لو زمان اريج رفضتني جواهر تديني مرزبة مش شاكوش
قلت والله الا اجرب
- مشيت لاقيت محمد اخوها وقلت ليه (محمد ياخ والله طبعا انت عارف انا الحمد لله وضعي المادي مابطال ونويت اتزوج )
-والله تمام مالو
- محمد بي بساطة انا عاوز اناسبكم عاوز اتزوج جواهر
سكت محمد مسافة وقال لي (شوف انا طبعا ماعندي اي مانع بس راي ابوي وانا عرفتك ياكلنكو الفترة دي وعرفت اخلاقك واصلك واهلك , لكن برضو راي الحاج وجواهر مهم طبعا الوالدة متوفية)
قلت ليه وانا ادعي التأثر ( الله يرحمها )

[رغودة]

الله يرضى عليك كمل

[Hoomy]

محمد فتح الموضوع مع ابوه
ابوه قال ليه والله لو ود حلال واهله معروفين ماله خصوصا انه لاعاطل ولا حرامي ديل الاتنين الانا مابديهم العاطل والحرامي )
ولما سال جواهر قالت ليه اديني يومين افكر
كل دا وانا متابع الموضوع مع محمد
ولما طول الموضوع بدون رد يأست
لغاية مايوم لاقيت محمد جنب بيتهم وانا كنت اصلا ماشي ليه
- اتفضل اتفضل يابوحميد (أول مرة يقول اسمي )
دخلت وقلت ليه يامحمد الموضوع دا ماطول
قال لي هم ابوي ماكلمك
-قلت ليه لا والوكت داك خلاص قلبي قرب يقع مني لانه لو وافقوا بي كان كلموني زمااااااااااان
المهم شوية ومحمد نادي جواهر ياجواهر جيب معاك بارد وتعالي
- قلت ليه بارد شنو ياخ انا داير الرد
- قال لي بكل برود (هي صاحبة الشأن وتجي تكلمك براها)
اللحظة دي جات تمشي على استحياء
وفجاة محمد انسحب
خلانا برانا احلف ليكم أول مرة في حياتي اسمع دقات قلبي
- قالت لي مباشرة - شوف يا احمد انا وافقت طبعا و........
باقي الكلام ماسمعته سجدت لله شاكرا ولا وقعت في الواطة المهم لقيت روحي في الأرض
وضحكت وقالت لي (صدقني انا اعجبت بيك من يوم حكيت لي قصتك مع اريج وبحثك عنها وأنا متأكدة راجل بيفتش لي مرة كدا حايختها جوة عينيه عشان كدا وافقت مباشرة والله لما وافقت ماكنت عارفة عندك قروش ولا ماعندك )
- وانا بوعدك اختك جوة اعيني عشان كلامك دا واتأكدي اني لو ما أعزيتك مابهينك)
ياولد ياكلينكو الكلام دا جبتو من وين (قلتها لي نفسي)
العرس اترتب والأمور جازة
حفلة - عزومة - بنات قاشرات - شباب لابسين موضة وتسريحات ودا كلو يوم عرسي
يوم الحفلة وأخوكم في عز الفرح شفت لي بت ذي اوضتين وبرندة حاجة ضخمة لكن الوش وش أريج جات مدت لي يدها وهي تضحك (انت وراي وراي يعني مارضيت بيك انا توكر اختي )
قلت ليها (رب ضارة نافعة مشيتي الخليج وبقيتي عاصفة ما اريج أريج الزمان خلاص )
- ضحكت وقالت لي (برضو اديتك شاكوش )
اللحظة ديك أسمع ليك ابشر أبشر ياعريس
أغيب وسط أصحابي وانا فرحاااااااااااان
لما قعدت في الكوشة كانت علي يميني جواهر وعلي شمالي اريج
بقيت اتلفت زي مروحة التربيزة بين الأختين لمن عاينت لي جواهر همست لي (تعاين ليها مالك داير تنط )
قلت ليها وانا امسك بيدها عشان نمش الفندق ( لو في جواهر تانية ممكن انط لكن انت واحدة )
ابتسمت بحياء كدا وقلت لنفسي ( ياود ياكلينكو من وين الكلام دا )
مسكت يدها وكانت اريج اخر من ودعنا
انتهت بحمد الله

[رغودة]

شكرا على القصة الحلوة..ولأنك بتسمع الكلام

[Mr.POGIz]

دااااااااااااايما ظريف

ودمك خفيف يا هومي

قصه لطيفه ومميزه


راااائعه يا رائع

ومستني جديدك طوالي

[رغودة]

العنوان مفروض يبقى دا كله عشان جواهر.....التعب ده كله وصله ليها هي...

[الضراع]

قالت لي( لا والله )
قلت ليها كم رطل بالرغم انها قالت لي لا
اللحظة ديك بقت تضحك على (ماقلت ليك مادايرين )
اللحظة ديك قلت ليها ( خلاص ناوليني كباية موية النبل ريقي نشفتو ريقي ياناس الحي دا)

ههههههههههه هههههههههههههههه كنت تملا ليها الجك لبن وتديها ليهو علي طول

كنت رجعت الحمار والتمن لسيد اللبن بعد ماكلت ليه عدة شتائم (امشي الله يقطعك ويقطع حمارك معاك البت وعرسوها)

ههههههه عليك الله اوعي تكون ضربت الحمار
تلقاك اليوم داك كلو مانمت

وباقي الكلام ماسمعته سجدت لله شاكرا ولا وقعت في الواطة المهم لقيت روحي في الأرض

هههههههههه ياكلينكو والله ماخليت في مصران
بس الحمدلله انك اتزوجت جواهر
والله خفتك تكون لليوم دا وانتي بتفتش علي اريج

[moonlight]

والله قصتك رهيييييييييييييييبة واحسن شي النهاية السعيدة

[Hoomy]

الله يرضى عليك كمل

يابت متلوكي الصبر
انا صبرت علي عمك كلينكو لمن كملها انت ماداير تصبري
انشا الله بعد كملت عجبتك
مرورك ومتابعتك اضفت رون خاص للبوست شكؤ\را رغودة

[Hoomy]

دااااااااااااايما ظريف

ودمك خفيف يا هومي

قصه لطيفه ومميزه


راااائعه يا رائع

ومستني جديدك طوالي

بوقيز الراقي
وينك يارجل
افتقدتك وافتقدت الابتسامة
مشتاقين
ربنا يخليك علي المجاملة الرقيقة
واترقب الجديد بعد العيد

[Hoomy]

العنوان مفروض يبقى دا كله عشان جواهر.....التعب ده كله وصله ليها هي...

جواهر دخلت في النص يارغودة
لكن هي محظوظة وهو محظوظ
القسمة تسوي شنو

[Hoomy]

قالت لي( لا والله )
قلت ليها كم رطل بالرغم انها قالت لي لا
اللحظة ديك بقت تضحك على (ماقلت ليك مادايرين )
اللحظة ديك قلت ليها ( خلاص ناوليني كباية موية النبل ريقي نشفتو ريقي ياناس الحي دا)

ههههههههههه هههههههههههههههه كنت تملا ليها الجك لبن وتديها ليهو علي طول

كنت رجعت الحمار والتمن لسيد اللبن بعد ماكلت ليه عدة شتائم (امشي الله يقطعك ويقطع حمارك معاك البت وعرسوها)

ههههههه عليك الله اوعي تكون ضربت الحمار
تلقاك اليوم داك كلو مانمت

وباقي الكلام ماسمعته سجدت لله شاكرا ولا وقعت في الواطة المهم لقيت روحي في الأرض

هههههههههه ياكلينكو والله ماخليت في مصران
بس الحمدلله انك اتزوجت جواهر
والله خفتك تكون لليوم دا وانتي بتفتش علي اريج

الضراع
انا شاكر ليك متابعتك ياخي
وماعندي حاجة اقولها غير
الضراع الله يخدر ضراعك
شكر ياراقي