نافذة علي الماضي الجميل

[الشمالي]

عــــــــــــــــــــــدنا

مسكت السرة بت حمد الودكة من ست نور وجلطت فوق باقي شعيرات , وكان في الجمع الحريمي امونة مرت محمود وسعدية بت جادين والزينة بت سعد وجمع كريم من بنات الحلة من عمر خمستاشر ولا فوق , اها النسوان قعمزن تب وشربن الجبنة والماخمج وست نور نادت ولدها عشان يشغل المصيبة الجني وصل سلك البطارية بااااقي الكهرباء لسع ما جات بعندهم وقاااال كده التلزيون اشتغل وكان في برنااامج حواااري رجااااال كان تسمع السرة هاااا نسوووان اتقنعن من الرجاااال بري يا يمة طمسة التابة واليابة ابوي الرجااال شنو ؟ بعد شوية النسوان ديل كان تشوف عينيهم المالقت ليها طرحة خشت في طرف توب اختها , هي الرجااال النطاقين ديل بنتهوا بتين ؟ تسألت سعدية بت جادين ,اكان قرصت جميلة بت السرة ها اسكتي ما يسمعوك وتفضحينا . انتهت نقة الرجاااال وبدا الدهباية والنسوووان من شاف ليك الدهاااابية كان تسمع هي هي ان شاء الله عيني السمحات المكان , وووووب علي انا من الرقبة رقبتي بعد الكبر ده دي واحدة عمرها فوووق السبعين ورقبتها بقت هبود , واااااي انا من الضمير الرضية المجنونة قامت تكورك بااااقي عندها دستووور ولما يجيها الا يجيبو ليها توب احمر , قامن النسوان مسكنها وعكمنها بالغصب هووووي يالرضية ده ما وكت دستوووور خلنا نشوف البت السمحة , هي واي انا من الـ.......
....... لكن بتبالغي يااا حبوبة الرجال الجوه بسمعوووك , وقال كده المسلسل دوّر علي حزائني وجابو الموسيقي الحزينة البتقطع القلب اكان تسمع رقية الدلالية هي هي هي هي والدميعات كبن جو يا حليلها بت بت امي وتسمع واحدة شييييط تف وتتنهد ونص النسوان دموعن جرن والباقيات اخر حزن يا حليلها يا بت امي شوية كده كان تسمع هي سجمي الدهباية الزووول بوراااااك ما يضرب بالسكين اجري اجري يا بتي
ولما الدهباية طعنوها بالسكين كان تسمع الثكلي ضرب ثكلي السرة الحلة دي كلها عارفاهو هي الليلة ويييييي وللللللللللووووووو كر كر كر علي اهلك وبت وقعت والدم كب جو تسمع قالت ريحة الدم طلعت شويتين النسووووان بقن يعزن حيبوب بوب وبوب ههي هيهي هي هي هي واي واحدة خت يدها في راس التانية والمعزة دور رجال الحلة سمعوا صوت الثكلي علي ناااس ست نور والحلة اتلمت هااا ناااس المااات منو ؟ الدهباية , الدهباية بت عوض الجيد دي هسع كانت بجاااي ماتت كيف , لا لا الدهباية الليلة التلزوون تلزوون اكسر رويساتكن ديل امرقن مرقت روحن وحاجة السرة راسها والف سيف يمشن يعزن علي الدهباية في اهلها وقااالن بياجرن لوري الكدك من الصبااااح

و و وو ووووو حان الان موعد الصلاة

ولي عوووودة

[الشمالي]

هههههههههههه
شكلك حتعمل مسلسل تاريخي يا الشمُالي
بس حيكون ممتع واصل يا اخوي

بس ان شاء الله يعجبك

[مرسال الشوق]

ها جنا ها علي الطرب بتلاتة بقيت ولا حبوبة السرة
تحكي سااااكت حكت حكت عملت لينا وجع اضنين في
الكرعين ... ووجع راس في المصران الاعور
اها دحين بشيش بشويش احكي وماتفوتني القصة انمشي
اجيب لي عنقريب عشان اجي اتفرجخ معاك واسمعك كويس
التنبلولللللللل

[الشمالي]

ها جنا ها علي الطرب بتلاتة بقيت ولا حبوبة السرة
تحكي سااااكت حكت حكت عملت لينا وجع اضنين في
الكرعين ... ووجع راس في المصران الاعور
اها دحين بشيش بشويش احكي وماتفوتني القصة انمشي
اجيب لي عنقريب عشان اجي اتفرجخ معاك واسمعك كويس
التنبلولللللللل

اها جيت يا ابرويساً غليِّد قدمت الغنم
الحواشات ولا لسع يا الازيرق اخوي
جيب الهباااااب الصغير ما الكراعو
مكسورة ااااي تلقاهو في التكل كانت
تعوس فوقو البت جيبو وتعال قعمز جنبي
وخلي اختك تعمل ليها صفوة موص (عكارة)
ونتقل بيها شوية ,

كوكااااية
مرسال الشوووق ياااهو الازيرق بتاع السجم
كاااااااااااااك

[أبو صديق]

حبيبنا وها أنت تتجلي في إحدي إبداعاتك
وتطل علينا من (طاقة) الزمن التليد بقداسة
براءتنا التي تنّم عن عفو الخاطر مع الإحتفاظ
( بعوضيتنا ) التي تربطنا بالعزة والفزعة والنخوة
والكرم والكرامة وفوق كل هذا وذاك الأصالة
ورحم الله أيام السينما المتجولة والقراحة..

خارج القوس:
وحياة محاسن وسحر وإيمان
يا الشمّالي عايزين يوم مفتوح
( بوست) عن يوم القراحة -- التطعيم --

[الشمالي]

حبيبنا وها أنت تتجلي في إحدي إبداعاتك
وتطل علينا من (طاقة) الزمن التليد بقداسة
براءتنا التي تنّم عن عفو الخاطر مع الإحتفاظ
( بعوضيتنا ) التي تربطنا بالعزة والفزعة والنخوة
والكرم والكرامة وفوق كل هذا وذاك الأصالة
ورحم الله أيام السينما المتجولة والقراحة..

خارج القوس:
وحياة محاسن وسحر وإيمان
يا الشمّالي عايزين يوم مفتوح
( بوست) عن يوم القراحة -- التطعيم --

وحاة الجودلية بت البدري
يومك المفتوح ده اعملو ليك
تب ووحاة سحر وايمان
طلتك دي هي البتخليني
اسخن واعمل الحاجات دي
مشكور الرائع ابو صديق
علي المرور وخليك قريب
يااا قريب من القلب

[أبو صديق]

وحاة الجودلية بت البدري
يومك المفتوح ده اعملو ليك
تب ووحاة سحر وايمان
طلتك دي هي البتخليني
اسخن واعمل الحاجات دي
مشكور الرائع ابو صديق
علي المرور وخليك قريب
يااا قريب من القلب

عارفك ما بتقصر ياحبيب
وعليك العـــازة
ما تنسي كتّال الكلاب..

[الشمالي]

عارفك ما بتقصر ياحبيب
وعليك العـــازة
ما تنسي كتّال الكلاب..

وحاتك ومعاهو كتّال الكدسه (جمع كدائس)

باااقي الكدسة عدمن الحلة الريشة

ها زووول انت من حلتنا وانا ما عارف

ولا شنو ؟

كاااااااااااااك

[أبو صديق]

وحاتك ومعاهو كتّال الكدسه (جمع كدائس)
باااقي الكدسة عدمن الحلة الريشة
ها زووول انت من حلتنا وانا ما عارف
ولا شنو ؟
كاااااااااااااك

كاك في اضانك
حلتكم الإتحرقت ولأ ياتا






جوة القوس
حقيقي ،، حقيقي منكم
بس إختلاف القُري نختصره
بجــرة قلم وإن بعُد

[مرسال الشوق]

كاك في اضانك
حلتكم الإتحرقت ولأ ياتا






جوة القوس
حقيقي ،، حقيقي منكم
بس إختلاف القُري نختصره
بجــرة قلم وإن بعُد

ابو الصديق....
ماتحترموا مشاعرنا ايه حلتكم الحرقت حلتكم الحرقت
يعني في داعي تقلب علينا المواجع

كع

[الشمالي]

كاك في اضانك
حلتكم الإتحرقت ولأ ياتا






جوة القوس
حقيقي ،، حقيقي منكم
بس إختلاف القُري نختصره
بجــرة قلم وإن بعُد

مرحب بيك ابو صديق وليتك من حلتنا
الحرقت دي كاااااك
شرف لي معرفتك ياااا زوووول
يااا رائع كاااااااااااااك

ابو الصديق....
ماتحترموا مشاعرنا ايه حلتكم الحرقت حلتكم الحرقت
يعني في داعي تقلب علينا المواجع

كع

مشاعر شنو البحترموها ليك
ما حرقت الحلة دي دائر
ليها مدسة الدنيا كلها عارفاك

[أبو صديق]

مرحب بيك ابو صديق وليتك من حلتنا
الحرقت دي كاااااك
شرف لي معرفتك ياااا زوووول
يااا رائع كاااااااااااااك

الله الله علي ناس المفهومية
الشمّالي شايف التنوين عامل تسخين
مشاعر شنو البحترموها ليك
ما حرقت الحلة دي دائر
ليها مدسة الدنيا كلها عارفاك

ياجماعة ( بالمفتشي والمختسر)
جيبو الحله وأسعلوها


ما يكون النام بيها الضراع وأنتم نائمون
ههههههههههههههههههاي

[الشمالي]

ياجماعة ( بالمفتشي والمختسر)
جيبو الحله وأسعلوها


ما يكون النام بيها الضراع وأنتم نائمون
ههههههههههههههههههاي

الحلة بعد الضوقها ليها مرساااال من حريق
وتعذيب حمرة عين ساااكت تخاف من مرسال
الشووووق , الضراااع طلع بعضعض الحمير
في الرقبة , انا تاني الزول تاني تب ما بسعلو
:smiels0:

[ام مودة]

تصور كيف يكون الحال لو ماكنت سودانى واهل الحارة مااهلى ولو كان ماجيت من ذى ديل وا اسفاى وا ماساتى وا زلى


قصة جميلة واسلوب بسيط ومنتظريك منك مزيد من الابداع

لك التحية والاحترام

[الشمالي]

تصور كيف يكون الحال لو ماكنت سودانى واهل الحارة مااهلى ولو كان ماجيت من ذى ديل وا اسفاى وا ماساتى وا زلى


قصة جميلة واسلوب بسيط ومنتظريك منك مزيد من الابداع

لك التحية والاحترام

الاخت ام مودة بقدر ما اسعدني مرورك
اسعدتني كلماتك الجميلة وفعلاً واااسفاي
لو ما كنت من نااااس ديل , الطيبة , البساطة
,النخوة , الهل الكرم والجووود.
وخليك قريبة

[محمد نعيم]

الشمالي واصل ياخي

[الشمالي]

الشمالي واصل ياخي

ود النعيم ياااااااااااااااااا

اديها صنه شوية اخووك بحتاج
تحضيرات , الداهية دي ما كوبي
بيست دي نجر اخضّر , من الراس
للكيبورد طواااااااالي وبدون اي
وساااائط , قول ما شاء الله
كاااااااااااااااااك
لكن ان شاء الله بحاول انزل ليكم
كبسولة بعد شوية

[الشمالي]

عــــــــــــــــــــــــــدنا

اها يا الوليدات والبنيات بعد الثكلي والجووطة ديك الرجال قدروا يفضوا التجمع النسواني وحاج الكمال شغاااال بسوطو يمين وشماااال وتسمع صوت السوط شو شو , المطموصات المطموصات ويرددها حاج الكمال , وانا لتاريخ اليوم ما عارف مطموصات دي معناها شنو لكن ضنيتها بتعني الممسوخات الفارغات اها النسوان اتفرقن واي مرة سحبها راجلها ولا ابوها علي البيت , اها العصيّر حاجة السرة رفعت توبه في كتفها ولفت الحلة بيت بيت عشان تكلم النسوااان بخصوص المعزة بتاااع الدهبابية الما عارفاتن ليهو بلد والنسوان اتفقن يمشن لود الكدك يوديهن بلوريهو باقي هو البعرف الدرب , اها قامن جن لود الكدك وقصن ليهو الحكاية كلها والراجل فطس عليهن من الضحك , يانسوان السجم الشي كان علي الدهباية ما ماتت !
كيفن ما ماتت ! ادخلت سعدية بت الفكي كيفن ما ماتت ونحن شفنا الجنا المسنووح بقّ بطنها بالسكين بقيق والدم كبّ سيل ! هنا تدخل جعفر ود الكدك بااااقي متعلم ومعاهوشهادة كبيرة وقري الاوسطي وكملها كلها قائلاً يانسوان الشفتنو ده ما صحي (ما حقيقي) , كيفن ما بصح نحن عِمي ردت رقية الربرابة , يا رقية ده تمثيل تمثيل سااااكت , كيفن تسميل اجنا , تمثيل يا خالتي السرة ما تسميل ,يعناته ( معناها) ذي الجمعية البعملوها فوووق المدرسة يووم الخميس , هي لاكن شوووف عيني الزوووول غز فيها السكين لا نصها تدخلت حاجة رقية , اها لما الولد جعفر غلب معاهم حيلها قال ليهم اصلو الدهباية ختو ليها بطيخة جنب بطنها والجنا المسنووح غز السكين في البطيخها والدم اللحمر ده موية البطيخة ,لا خلاااااص كده الجنا قعّد ليهن الكلام تب واقنعن جنس اقناااااع لمن صدقن , معناته ده شغل شواطين ساااااكن , اي يا الرضية شغل شواطين سااااكت رد عليها جعفر , النسوان اقتنعن وقعدن في راكوبة ود الكدك وباريحية الاهل والطيبة دوروا الجبنة والضحكات تلعلع , والله انا ما في شيتاً مزعلني الا السكليبة الحااااارة الفكيتها للبنية هسع كان وفرتها للطيّب البعامي ما كان اخير لي باااقي الطيب داك ميجووووع (عيان) بالحيل وما فيهو فرقت يومين تلاتة رددتها حاجة السرة وهي تتحسر علي السكيبة الشالها الهواء , املي لي فنجاااني ده يالرضية ,اها يابتي رقية ما جاك عريس يا بت كبيدتي , لا والله يا خالتي عليك الله ادعي لي معاك ولا شوف لي الودع بقووول شنو ؟ يا بت سيبك من الودع وشيلي ليك شيل للشيخ ود النعيم باقي الشيخ ده معرووووف بكرماتو وبركاتو سمع اضاني سمعت واحد شالت ليهو شيل جابو ليها ادردق بالواطة لمن وصل خشم بيتم , اتخذ الحديث عدة مناحي بعفوية اهلنا وطيبتم ومع اخر فنجااان في البركة انفض سااامر النسوان وتفرقن الي بيوتن , طبعاً اليوم كان جمعة وفي ذات الوقت كان الشباب متحولقين في تلفزيون ست نور باقي الداهي من يوم جابو مدور ليل نهار انتهو الشفع يدخلوا الحريم انتهو الحريم يدخلو الرجاااال وبدل البطارية جابو ستة بطاريات ,العالم حدها الارسااااال يقول شششششششششششششششششششش
اها اليوم داك كانت شغالة المصارعة يوم الجمعة والجماعة منتظرين بفارق الصبر وقالت كده الدربكة والخبتي دوّر كان تشوف هاشم النعجة طاااار فووووق وجا نازل بكوعو (لزوم تقليد) علي حسن ابرياله فوق كرشو و و و .....................................
الصلاة حانت
استراحة اجبارية ولي عودة

[أبو صديق]

بالجد إبداع وأنت تنقلنا من تشويق
إلي إمتاع لمّن بيغاادي
يلأ ياخي الحكاية شنو تراويح
أرح أمرق الجنا النعجة ده بعج بطن أبرياله
ألكع يا عييييييييك

[سوداني2010]

القصه ناقصه ياجنا اها ابقي مارق لي جاي