اليوتيوب عندي ماشغال

[نهر المحبه]

حملتو برضو ما اشتغل انا شغاله بنظام ويندوز 7 ..
تعبتك معاي والله ياخوي...
الموضوع ده الا يتشال الجهاز ويمشي لمحل كمبيوتر عديل...
لانه برنامج الاوربت عندي لكن والله اعلم شكلو لمن اتفرمت الجهاز المره الاخيره البرامج ما اتثبتت بالطريقه الصحيحه

[The Sniper]

ان شاء الله المشكلة تنحل والجهاز في البيت

طيب ممكن اعرف رسالة الخطأ شنو لما تثبتي البرنامج

يعني مثلا

- الوندوز بيظهر انو الحساب محدود limited account ؟

- او البرنامج ما بيفتح نهائي

- البرنامج بيطلب تثبيت برنامج تاني


يعني محتاج تفاصيل اكتر عن المشكلة

واذا امكن ارفعي صورة من مكان الخطأ

[نهر المحبه]

الله يديك العافيه ياسيدي...
طيب اول ما افتح بيطلب مني تثبيت برنامج..ماعارفه هو حق شنوبالزبط المهم حاولت اثبته لمن وصلت المرحله الاخيره طلب مني معلومات الاسم والتلفون وكده تقريبا برنامج تواصل...
في البدايه لمن دخلت على رابط ود الزوحي طلب مني تحميل برنامج حملتو وطلع برنامج درايفر سكانر

[The Sniper]

طيب ممكن صورة من البرنامج

اول ما يبدأ البرنامج اضغطي علي زر prt scr علي الكيبورد
اختصار ل print screen

امشي علي برنامج الرسام

اضغطي علي ctr+v
او من قائمة Edit اختاري Paste

حتظهر معاك صورة الشاشة الاخدتيها

احفظي الصورة علي الجهاز و ارفعيها علي اي موقع لرفع الصور و نزليها مع المشاركة الجاية

[نهر المحبه]

مشكور اخوي the sniper بس خلاص المشكله اتحلت...
طلع انه في الجهاز في انتي فايرس ...وانا حملت انتي فايرس..
قام الانتي الفايرس القديم ضرب الانتي فايرس الجديد..
وده كان سبب المشكله... والله اعلم
0040:4:040:

[The Sniper]

حمد لله علي سلامة الجهاز

[نهر المحبه]

الله يسلمك...
وماعدمناك ياخوي...