كيف تفكر النساء فى الرجل؟؟؟؟؟؟؟

[ابراهيم الجيو]

هههههههههههههههه بالغتي يا شاربة
أصلوا مداام (طبزها) المشرف وأحمد ياسين

بنيات الامارات ديل حيطلعوا فوق رأسنا,,,,

شوف لينا مرة مالحة طيب أدونا ليها يا بو حميد

[صلاح يحيى سليمان]

احمد،ابراهيم،ود القبائل....والاخرين اللسع ما دخلوا معانا فى الموضوع.......انتو الظاهر
كلامى ما وقع ليكم.....البنات ديل ما بتقدروا عليهم....ولو واصلتوا معاهم بالطريقة دى
بتفرتقوا من المنتدى......!!!!!!!
انا بحاول اكون محايد(مش انا الجبت الكلام)
وعاوز اذكر الاتنين بالموضوع.......................

رائكم شنو فى كلام الالمانيات ده يا أخواتنا السودانيات.....وخليكم سودانيات...فى حكمكم علينا...!

مع تحياتى

[احمد يس]

ما تخاف يا ابراهيم
تصنيف السيدات لسه بوريك ليهو قدام شوية
بس عشان تكون حريف امتص الغضب حقهم .............. بعدين هما بيتقبلوا النقد
بعدين ياشاربة توت حسب طلباتك دى بيكون كدا تعدد ازواج يعاقب عليهو القانون.........ههههههههه

[ابراهيم الجيو]

بعدين ياشاربة توت حسب طلباتك دى بيكون كدا تعدد ازواج يعاقب عليهو القانون.........ههههههههه

الللللللللللللللللللللللههههه, الحتة دي ضاعت علي كيف, رأيك شنو يا شاربة

[ود القبائل]

يابت أبو ظبي
أسمعيني يا بنية
امكن عندكم هناك في ابو ظبي الرجال حاجة واحده
لكن عندنا هنا أقصد هناك في السودان
زي ماقلتي انتي
الراجل راجل يعني راجل ونص ومية
اللهم الا حاجة شاذة
وتعالي هنا انتي فاكرا الرجال ديل ديل
وكلمة تحيبهم وكلمة توديهم
يا بتنا الرااجل مهما ظهر انو مسكين ومتواضع بركانو لو اتفجر مابنقدر
قالوا دايرين مساواه
ساويناهم اسه دارين يطلععو فوق راسنا
الله يدين خيركم

[بت أبوظبي]

[glow1=3399FF]

الراجل راجل لو في اليابان ولو في السودان .. لو في الهند لو في السند .. لو في كوبا ولا جوبا !!!

[/glow1]

[العريقي]

أستاذنا الكريم المشرف العام السلام عليكم

الموضوع تحول مساره إلي عجينة ومدافع عن عجينة................................. الله يستر

أستاذي المشكلة أن الرجل يفتكر نفسه أذكا من المرأة والمرأة تفتكر إنها أذكا من الرجل

والمشكلة هنا أن المرأة ذكية ولكن من ضلع أعوج وهذا ليس كلامي

والرجل ذكي ولكن أمام النساء ضعيف

المراة سلاحها الدموع والرجل سلاحه محفظته

دائماً تستخدم المرءة الحنان لتغلب الرجل دموع نظرة حنان عاطفة جياشة هنا يذوب الرجل

وبالذات في عالمنا الأسلامي نتبع قول المصطفي محمد صلي الله عليه وسلم رفقاً بالقوارير

وسلامتكم

[احمد يس]

اها يا جماعة خلونا زى ما قال صلاح نناقش وجهة نظر المرأة الالمانية وكيف تفكر فى الرجل وطبعا

النقاط كثيرة ولكن خلونا كل يوم نتكلم فى نقطة واحدة حتى تأخذ نصيبها من الشرح والمناقشة ونقول بسم الله ونبدأ النقطة الاولى

**** الرجل الساذج يطلب من المرأة ان تحبه...........والرجل المجرب يجعلها تحبه ******
انا فى رائى انو الحب ليس سلعة للعرض والطلب......... يعنى بمعنى آخر لا يستطيع احد ساذج او مجرب ان يطلب الحب او يجعل غيره ان يحبه...........
هناك مفهوم لدى المرأة العربية خاصة انو الحب مرتبط بالزواج فاذا لم يتم الزواج تعتبره انه لم يكن حبا
اعتقد ان الحب هو شىء قدرى لايملك الانسان فيه شىء الا ان ينقاد له دون وعى...........الحب شىء غير محدد المعالم.............. مفهومه يختلف من شخص الى آخر
وكما قال المنولوجست المصرى الراحل محمود شكوكو
الحب اصعب من عضة الكلب

[ود القبائل]

بت ابو ظبي
السلام عليكم
لو في كوبا أو في جوبا
لو اليابان او السودان
لو الهند أو السند
رايك شنو أضيف ليك اضافة
(( لو في الصين أو الكاملين))
يابنية
أنا لم أدعو قط لإستحقار النساء
لا بالعكس
أنا اكن لهم كل الإحترام
لانو أنا أخو بنات كتار ماشاءالله
بس انتي كلامك كان شويه كدة فيهو عدم تقييم للرجل
يعني ماممكن تقولي
انو هو عجينة أو طينة تشكلها المرأة كيفما وقتما شاءت
أسمعي
لا غنى لاي من الطرفين عن الآخر مهما كان
لكن بالاحترام المتبادل
كما أمرنا الرسول الكريم
سنعيش أحلى حياة
حقا انا لا أريد ان يطول المد والجذر في هذا الموضوع
أنا أتمنى ان تكون وجهة نظري قد فهمت بصورة صحيحة
دمتم
وسلمتم

[بت أبوظبي]

[glow1=CCCC33]

مصطلح عجينة ده كان مجرد تعبير أو تشبيه .. أنا ماعارفه أنت ليه ما عايز تفهم ..؟؟

[/glow1]

[صلاح يحيى سليمان]

اخ احمد ...الشباب ديل ما جادين....عايزين بس يتناطحوا ساكت....!
الحب ياجماعة أنواع، منه حب الامومة وهو الحنان ...وحب الطفوله وهو الحب البرىء...
وحب العاطفة وهو ميل شخص نحو شخص من الجنس الاخر .(وده موضوعنا).
وحب العظمة وهو الطموح ..وحب الاستطلاع وهو الفضول ....
وحب الحياة وهو اللهو والمرح ..وغير ذلك من صنوف الحب ..
ولكن أقدس الحب واعظمه حبان
حب الله عز وجل .. ثم الوطن ..!!
الرجل المجرب له المقدرة من التاثير على المرأة فى كثير من الامور،حتى فى
ان يجعلها تحبه...حقيقة الحب ليس سلعة...ولكن الوصول اليه من ابسط الامور.
اظهر حبك للناس...يحبوك...قدم كل ماتحب للاخرين...تنال حبهم....والامثلة كثيرة.
اواصل وله كفاى؟؟؟؟؟؟؟

مع تحياتى

[احمد يس]

جميل جدا شرحك ياصلاح ........... اذا ندخل فى النقطة الثانية
***** الرجل هو المادة الخام التى تعمل فيها المرأة اللمسات الاخيرة*****
اعتقد انه فعلا تعبير المانى نسبة لانها دولة صناعية فذكروا المادة الخام والنتج النهائى
اعتقد كذلك ان المرأة لها تأثير كبير فى حياة الرجل سواء رضينا او ابينا فالمرأة فى حياة الرجل قبل ان يخرج الى الدنيا فى صورة الام وحتى ان يخرج من الدنيا فى صورة الزوجة........
انا عن نفسى كان للمرأة تأثير فى حياتى سواء ايام كنت خام او حتى وانا حاليا فى صورة منتج منتهى الصلاحية................