قُصاصات ..واقعية

[يقين]

أختنا العزيزه دائماً يقين

مرحباً ..أخوي العزيز2


قرأت موضوع عيال المغتربين والإنحرافات السلوكيه
والزواج العرفى هو أهونها ..

المشكلة .. ما هُم براهُم ..بقت عامة

وبجد عايزة وقفه حبتين

توعية ..ومجابهة

فهو زواج على اية حال

هنا ..نختلف شوية

لأنو .. الزواج ..الناس بتتحمل نتايجو

وهنا .. النتايج بتبقى أُس المآسي

وتبعاتا مرات بتباري الأسرة قبل ال"فرد" المعني لأمد بعيد



بس أنا بتصور إدارة البرنامج قد تختلق مثل تلك
القصص كوقايه احترازيه لصد الشباب من اللجؤ الى
مثل تلك الممارسات ..

أنا معاك وفكرت في كده برضو

لأنو زي ما قلتَ في كلامي الأول

"أبت تتبلع لي "

خاصة إنو ..في تفاصيل مالافقة مع بعض

وتناقُض .. عامل ربكة ،

وبختلف تماماً مع اسرة البرنامج لو القصة ملفقة

لأنو عمرو ما كان التنبيه بالطريقة دي

كان في مليون طريقة تانيه يوصلو بيها الفكرة كَكُل



//

بس يا ريت لو دخلتى على
الدكتور جوا .. وهو أس البلاء حينما إختار بت الإستقبال
النكديه .. وقبل نتائج الفحص بتلك العشوائيه .. وقصصوا
هو خليها براها ..

جداً ..وده موضوع عايز قُصاصة لوحديها

لأنو ..كترة الأخطاء الطبية ..والتعامل اللا إنساني .. بقوا "يسدوا" النفِس وشوهوا صورة

الطبيب" اللي مفترض إنها تناسبوا


تصورى دكتور كتب لفقيره ثلاثه علاجات لإبنها المريض
قيمتها 27جنيه .. أشفق عليها الصيدلى واعطاها البديل
فتيل واحد يعالج الكحه والرشح وخافض للحراره ب12
جنيه .. بالكاد قدرت تدفعها ؟؟
ليه عمل الطبيب كده ؟؟ لأنو عندو نسبه فى الأدويه

خربانة عندنا من فوق يا أخوي

كلو بياكل لحم كُلو ولله الحمد

ده هين .. على الأقل الصيدلي عفاها من التكلفة الزايده وبقى فيهو الخير

عندي صديقة لي مشت لي طبيب ..كتب ليها فحوصات في معمل في الخرطوم 2

قال إنو الوحيد اللي بيقبلو نتايجو وبيعترفو بيها

الفحص اللي بره بي 30 عندو بي قدرها مرتين ونص

وبرضو "النسبة" راجعه لي زولنا داك

ولأنها مُضطرة ..وماقادره تتحاوم بالدكاترة والمعامل عملتو ..ولي اسه "بتنق"

[محسية]

قُصاصة ..2

المكان الأول..

بيت ناس أمي
الزمان

..قبل اربع سنوات.. مساءاً



/



زهجانه ..ومافي موضوع .. قلت اقلب التلفزيون حبه ..

وكالعادة اشوف قناة النيل الأزرق

لقيت برنامج.."مافي مشكلة" شغال وفي واحده بتتكلم وهم بيسمعوا ليها



"قصتا بي إختصار كالآتي

أهلها برة .. جات تدرس الجامعه في السودان ..

قاعدة مع ناس "صراحة لطول المده ما قادره اتذكر قالت اهلها ولا صاحباتا

اتزوجت زميلها "عرفي" .. وجابت بت .. والولد اتنكر ليها

لي هنا ..انا كنت نوعاً ما بقنع في روحي إنو حقيقة وبحاول أستوعب القصه

لكن الجزئية الحيرتني وخلتني أفتح "خشمي" قدر ده

لما قالت إنو المشكله اللي هي عايزه ليها حل



"البت توديها وين؟؟!



لأنو هي ما مشت اهلا فترة طويله وابوها قال ليها ياتجي ياأنا جايي

ولأنهم ما عارفين موضوع زواجا .. فهي غالبها تتصرف كيف

خاصةً إنو حاولت تودي الطفلة الملاجئ او دور الايتام وما قبلوا بيها

الحيرني اكتر
إنو قدر ما ساره ابو دي بي جاي بي جاي سألتا وحاولت تصل لي حل ..مافي

المهم أخدو مع الكنترول اخدو الرقم وقالو حيتصرفو

"لي اسه طبعاً نفسي أعرف .. الحصل شنو"

وده من وجهة نظري أهمَ شي لأنو ما ممكن معلقة لي كم سنه بي قصة آخرها زي ما بقولو لسه

طيب..

القصة أكيد معظمنا سمع بيها او قرأ عنها ..ده لو ما حضرا

وبوقتها ..كنت بشكك في مصداقية البت

لأنو تفاصيل كتيره ما وقعت لي في راسي

بس بلعتها ..بالغصب


لكن قصة شبيهه حصلت قبل قترة قريبة..

خلتني اقيف مع روحي شويتين

ما حآخدها من ناحية الدين لأنو ال"حرمة"
معروفة .. والشرع حكمو "باااااين

لكن تساؤلات بتمر في بالي حبيت نتشاركها

الزواج العرفي في الجامعات ..حقيقة ملموسة أم نغمة نشاز؟


الأهل آخر من يعلم بصدق أم البعض يمارس سياسة "دفن الرؤوس في الرمال "

وتجاهل الإشارات ثقةً في تربيتهِ أو إنشغالاً أو حتى ضعفاً من المواجهه ؟

والأهم

لماذا ..كُل القصص التي نسمع بها أبطالها من أبناء المغتربين او الأقاليم؟
"ودي الحاجة البتزعلني بجد"

لأنو في اللي درس في السودان وماكان همو غير قرايتو وما ليهو في الملمات

المسؤوليه ... على من تقع..؟

و..

المايقوما .. محطة توقف تحتاج للكثير من الحديث
خاصةً مع تزايد أعداد الأطفال "مجهولي النسب" ؟!



كلمة ..حق:

ليست جميعُ الأصابع .. مثل بعضها البعض !

السلام عليكم ورحمة الله وبركاته

عزيزتى يقين

اولا احييييكى على نشاطك الرائع فى قسم الحوار العام وعلى قلمك المميز
تعاكس الشباب من الجنسين عن تكملة شئ أراده الله
لنا وجعله حلالا طيبا نؤجر عليه ونحاسب حال إتيانه
بغير أوجهه التي بنيت عليه ... إلا وهو الزواج
الشرعي ، واتجه الكثير إلى تحقيق رغباته وملذاته
... بطرق عديدة لا تتناسب ومجتمعنا ...

فنجد الزواج العرفي دخل إلينا فاتح مصراعيه ...
فالحياة فتحت لنا كل ابوابها ولم يعد هنالك بابا
مغلقا فيها وأتت بكل عولمتها ضارها ونافعها وضرها
أكبر من نفعها للأسف...
ومما ارتبط بتقدم الحياة وازدهارها ... انتشار
الزواج العرفي ... وتجدنا عند سماع الزواج العرفي
يتجه النظر لفئة معينة ... إلا وهي طلاب الجامعات
... واستثنائيا منهم طلاب الشهادات العربية ...
ومع توافد أبناء المغتربين إلى الجامعات ... إلى
وطنهم الحبيب لا حول لهم ولا قوة ... إلا وبداء
إلقاء كل عبء وكل مشكلة على كاهلهم ... فكل ظاهرة
في جامعاتنا تنسب لأبناء المغتربين ؟؟؟ ويتم تجاهل
أبناء التجار وأبناء أثرياء البلد ؟؟؟ ممن يدرسون
بالجامعات الأهلية و يدفعون بلا حدود ... بلا
مراقب ...
اجري تحقيق عن الزواج العرفي فى احدى الجرائد
ويشير التحقيق إلى اضطرار إحدى الجامعات
الخاصة بتزويج مائة طالب وطالبة حيث كانوا يمارسون
الزنا تحت ستار الزواج العرفي ...
وكشف التحقيق وجود 360 حالة انتحار وسط طلاب
الجامعات بسبب هذه الكارثة ...
الزواج العرفي موجود في كل أوساط السودان وليس
الجامعات ... فقط ولكن في كل مكان وبين كل الفئات
العمرية المختلفة كل حسب ظروفه التي يجدها مبرره
له هذا العمل .

توسع ماعون التعليم العالي وبدلا أن يصبح مرحلة
يكتمل فيها النضج أصبح مرحلة بداية السقوط . ..
الجامعات الآن للأسف الشديد أصبحت أكبر مخرج
للدعارة والفسق ...
كثيراً ما نسمع مثل هذه العبارات ... ولكن جميعنا
درس في جامعات مختلطة والحمد لله أخلاقنا يشهد لها
لأننا كنا حريصين جدا على أنفسنا وملتزمين
بأخلاقنا التي تربينا عليها .. إذا من المسئول ؟؟؟
هل للتعليم العالي دخل في انتشار هذه الظاهرة
؟؟؟ما هو دور الأسرة في ذلك ؟؟؟ أم هو الاختلاط
بين الجنسين, تجاهل أحكام الدين ونسيانها, انشغال
الأسرة, طيش الشباب ومتابعته للغرب والكثير الكثير
من الأسباب لكن نضع كل هذه الأسباب في عاتق الدولة
والحكومة والجهة المسئولة من التعليم في السودان
والراعي الغافل عن رعيته ....
ولكن ما هي مسئولية التعليم العالي في ذلك ؟؟؟ وما
هو دور أبناء المغتربين في ذلك ؟؟؟ أم نحن شعب
ندور دائماً على من نرمي عليه خطأنا ؟؟؟ بدلاً من
الخوض في حل المشكلة ؟؟؟ وعلى من تقع المسئولية
الأكبر البنت ؟ أم الولد ؟؟؟ ومن يتحمل نتائج ذلك
؟؟؟
ولشنو الناس اختارت بنات المغربين بالذات دا سؤالي
وأخيراً : ( إن الله لا يغير ما بقوم حتى يغيروا
ما بأنفسهم ) لذلك علينا أن نعمل من أجل تغيير
أنفسنا ونطلب العون من الله ....

وايضا لا نننسى كارثة ابناء الاقااااليم

تحياااااااااااااتى

[يقين]

السلام عليكم ورحمة الله وبركاته

وعليك السلام والرحمة والبركة

عزيزتى يقين

اولا احييييكى على نشاطك الرائع فى قسم الحوار العام وعلى قلمك المميز

سلمتِ ..عزيزتي .. من ذوقك

تعاكس الشباب من الجنسين عن تكملة شئ أراده الله
لنا وجعله حلالا طيبا نؤجر عليه ونحاسب حال إتيانه
بغير أوجهه التي بنيت عليه ... إلا وهو الزواج
الشرعي ، واتجه الكثير إلى تحقيق رغباته وملذاته
... بطرق عديدة لا تتناسب ومجتمعنا ...

فنجد الزواج العرفي دخل إلينا فاتح مصراعيه ...

فالحياة فتحت لنا كل ابوابها ولم يعد هنالك بابا
مغلقا فيها وأتت بكل عولمتها ضارها ونافعها وضرها
أكبر من نفعها للأسف...
ومما ارتبط بتقدم الحياة وازدهارها ... انتشار
الزواج العرفي ...

أممممم

هيّ تلك عزيزتي

فالعولمة كلمةٌ أُسيءَ فهمُ معناها

وإساءة إستخدام أبعادها وما تشملهُ جوانبها اللا متناهيه

بدءاً بالتكنولوجيا ..وإنتهاءاً بالأفكار التي غزتنا من ثقافات أخرى

فتبنيناها وإعتنقانا تنفيذها دون النظر لما وراءها

أو ما سينتج عنها من تراكمات

فالتقدُم لا يعني أن "ندوس" على الأخلاق

والحرية لا تعني أن "نتنكر " للقيم والموروث

أما الزواج العرفي فهو من التيارات التي "حاول" البعض

أن يُعللوا بها "جرمهم" وحرمتهُ وصبغهُ بصفةٍ حلال

وتجدنا عند سماع الزواج العرفي
يتجه النظر لفئة معينة ... إلا وهي طلاب الجامعات
... واستثنائيا منهم طلاب الشهادات العربية ...
ومع توافد أبناء المغتربين إلى الجامعات ... إلى
وطنهم الحبيب لا حول لهم ولا قوة ... إلا وبداء
إلقاء كل عبء وكل مشكلة على كاهلهم ... فكل ظاهرة
في جامعاتنا تنسب لأبناء المغتربين ؟؟؟ ويتم تجاهل
أبناء التجار وأبناء أثرياء البلد ؟؟؟ ممن يدرسون
بالجامعات الأهلية و يدفعون بلا حدود ... بلا
مراقب ...

ليسوا هُم أُس كل البلاوي ففيهم من يمشي على الصراط المستقيم

كما أنهم ياعزيزتي ليسوا "نعاج"

البلد مملوءة..بغيرهم كما ذكرتِ

لكن عموماً ولأن التأثير يأتي من الخارج ..

كانوا هم "كبشَ" الفداء

وابدعت تلك الفئة السيئه فيهم من بروزتهِ وإبرازه للعيان

اجري تحقيق عن الزواج العرفي فى احدى الجرائد
ويشير التحقيق إلى اضطرار إحدى الجامعات
الخاصة بتزويج مائة طالب وطالبة حيث كانوا يمارسون
الزنا تحت ستار الزواج العرفي ...
وكشف التحقيق وجود 360 حالة انتحار وسط طلاب
الجامعات بسبب هذه الكارثة ...

هذهِ وطالما انها "منشورة" بجريدة

يعني أنها إحصائية "مُخففة"

وما خُفيّ أعظم بكثير

الزواج العرفي موجود في كل أوساط السودان وليس
الجامعات ... فقط ولكن في كل مكان وبين كل الفئات
العمرية المختلفة كل حسب ظروفه التي يجدها مبرره
له هذا العمل .

أتفقُ معكِ في هذه الجزئية تماماً

،،
توسع ماعون التعليم العالي وبدلا أن يصبح مرحلة
يكتمل فيها النضج أصبح مرحلة بداية السقوط . ..
الجامعات الآن للأسف الشديد أصبحت أكبر مخرج
للدعارة والفسق ...
كثيراً ما نسمع مثل هذه العبارات ... ولكن جميعنا
درس في جامعات مختلطة والحمد لله أخلاقنا يشهد لها
لأننا كنا حريصين جدا على أنفسنا وملتزمين
بأخلاقنا التي تربينا عليها .. إذا من المسئول ؟؟؟
هل للتعليم العالي دخل في انتشار هذه الظاهرة
؟؟؟ما هو دور الأسرة في ذلك ؟؟؟ أم هو الاختلاط
بين الجنسين, تجاهل أحكام الدين ونسيانها, انشغال
الأسرة, طيش الشباب ومتابعته للغرب والكثير الكثير
من الأسباب لكن نضع كل هذه الأسباب في عاتق الدولة
والحكومة والجهة المسئولة من التعليم في السودان
والراعي الغافل عن رعيته ....
ولكن ما هي مسئولية التعليم العالي في ذلك ؟؟؟ وما
هو دور أبناء المغتربين في ذلك ؟؟؟ أم نحن شعب
ندور دائماً على من نرمي عليه خطأنا ؟؟؟ بدلاً من
الخوض في حل المشكلة ؟؟؟ وعلى من تقع المسئولية
الأكبر البنت ؟ أم الولد ؟؟؟ ومن يتحمل نتائج ذلك
؟؟؟
ولشنو الناس اختارت بنات المغربين بالذات دا سؤالي
وأخيراً : ( إن الله لا يغير ما بقوم حتى يغيروا
ما بأنفسهم ) لذلك علينا أن نعمل من أجل تغيير
أنفسنا ونطلب العون من الله ....

وايضا لا نننسى كارثة ابناء الاقااااليم

الجزئية الأخيرة ..سآتيكِ لها لاحقاً

فهي تحتاج مني لترتيب بعض الأفكار

تحياااااااااااااتى

كُل الوُد2

[شذي زهر]

يقين

والله العظيم نفسي لمن اتكتم

البت تحمل وتنجب واهلها فاكرنها في جامعتها وقرايتها وماعارفين شي لاحول لاقوه الا بالله العلي العظيم

دا شنو دا ودا نسميهو شنو بس
انا ماعارفه الشباب ديل البعجبهم في الزواج العُرفي دا شنو مع انه حرام وزنا
لكن هم بياخدوه كستاره يواروا بها اخطاؤهم ويقنعوا انفسهم بانه مافي شي
وانه زواج .

والمصيبه ان الولد في النهايه بيتنكر للبت وخصوصا عند حدوث الحمل
وهي تكون قرأت وسمعت وعايشت هذه المآساه ... ....وعلي بُعد خطوتين فقط تكون
هي نفسها بطله مأساه جديده من مآسي الزواج العرفي (لاجول لله)

عارفه الولد بيتنكر ليك ليه ؟؟؟؟لانه عارف العملوا معاكي دا غلط وانك انتي غلط
وربايه اهلك ليك كانت غلط .....ولانه هو في الاصل لايحمل اي ذره من صفات الرجوله

[شذي زهر]

الأهل آخر من يعلم بصدق أم البعض يمارس سياسة "دفن الرؤوس في الرمال "

وتجاهل الإشارات ثقةً في تربيتهِ أو إنشغالاً أو حتى ضعفاً من المواجهه ؟

والأهم

لماذا ..كُل القصص التي نسمع بها أبطالها من أبناء المغتربين او الأقاليم؟
"ودي الحاجة البتزعلني بجد"

لأنو في اللي درس في السودان وماكان همو غير قرايتو وما ليهو في الملمات

المسؤوليه ... على من تقع..؟



يقين
هي اكيد سياسه دفن الرؤس في الرمال
مثل ماذكرتي انتي.....
لانه استحاله اكون بصفتي كأم غير منتبه للحد الذي تدخل علي ابنتي
بطفل في يديها وهي من دون زواج


ابناء المغتربين والاقاليم
وذلك لبُعدهم من رقابه الاسره


المسئوليه تقع علي الاسره اولا
وعلي جامعه ثانيا
وعلي الطلاب ثالثا
ودي عايزه تفصيل مطول .....يرجع مره تانيه

[يقين]

بسم الله

توسع ماعون التعليم العالي وبدلا أن يصبح مرحلة
يكتمل فيها النضج أصبح مرحلة بداية السقوط . ..

المُشكلة .. ما التعليم العالي بحد ذاتو

المشكلة السلم التعليمي كَكُل

سنه محذوفة ..ومناهج متغيره كل مره ..وما للأحسن

بالعكس مودية الطلبة لي ورا..ومخرمجة القصة من الأساس!

الجامعات الآن للأسف الشديد أصبحت أكبر مخرج
للدعارة والفسق ...

مقولة بتحتمل الصح والخطأ ..

لأنو التعميم في الحالة دي ما بيخدم الغرض

كثيراً ما نسمع مثل هذه العبارات ... ولكن جميعنا
درس في جامعات مختلطة والحمد لله أخلاقنا يشهد لها
لأننا كنا حريصين جدا على أنفسنا وملتزمين
بأخلاقنا التي تربينا عليها ..

ايوة بنسمع ..

بس التربية "عصمة"
والمسؤولية اللي بيحس بيها الواحد فينا تجاه اهلو وثقتهم فيهو "مُنجية"
بس الأصابع ما كلها زي بعض

وكل قاعدة ليها شواذ !

إذا من المسئول ؟؟؟

ده السؤال اللي بالجد عايز إجابة

هل للتعليم العالي دخل في انتشار هذه الظاهرة
؟؟؟

إحتمال وإحتمال لأ

لأنو المؤسسات التعليمية ما مسؤوله من السلوك الفردي

وكُل "شاة معلقة من عرقوبها"

بس كمان ما معفي تماماً .. لأنو الإختلاط و"الحرية" الزايدة

اللي فجأة الطالب/ة بيلقاها بتخلعو

والتداعيات بتاعتها هي اللي بتورط الواحد/ة

ما هو دور الأسرة في ذلك ؟؟؟

والله دي "أم" الأدوار

وهي المنوط بيها من الاول انها تحمي كان بت او ولد من انهم يقعو في الغلط

التربية .. التوجيه.. والتقرب من الأبناء و"مصاحبتهم" لما يكبرو شويه

عشان انتي لو ما قريبة منهم ماحتقدري تتدخلي او تعرفي متين يبدأ يميل للجنوح

أم هو الاختلاط
بين الجنسين, تجاهل أحكام الدين ونسيانها, انشغال
الأسرة, طيش الشباب ومتابعته للغرب والكثير الكثير
من الأسباب

صح الأسباب كتيرة بس تعرفي الموجع في الأمر وين

إنو عارفين السبب وما قادرين نزيل التأثير بتاعو

لأنو "إتشبعو" بيهو حد التشرب

لكن نضع كل هذه الأسباب في عاتق الدولة
والحكومة والجهة المسئولة من التعليم في السودان
والراعي الغافل عن رعيته ....

أمممم

الأسرة برضو هي المسؤول الأول

وممكن الدولة .. في حتة مراقبة الأماكن المفروشة

وعدم توفير "عقاقير" بعينها في الصيدليات الا ب"روشته"

لكن كمان ..الطالب/ة مسؤول برضو

لأنو بقى واعي وعاقل وعارف هو بيعمل في شنو

[يقين]

؟؟؟ وما
هو دور أبناء المغتربين في ذلك ؟؟؟ أم نحن شعب
ندور دائماً على من نرمي عليه خطأنا ؟؟؟ بدلاً من
الخوض في حل المشكلة ؟؟؟

دورهم ياحبيبة إنو فيهم القاعدة الشاذة اللي اتكلمنا عنها

واللي ...مصايبهم .. جاية معاهم من الحته الهم كانو فيها

الحرية اللي ماخدينها ..والقروش اللي بيدينهم

وإنو العين عليهم أكتر ما على غيرهم

وغيرا ..كتير

بس كمان انا ما بقول هم براهم .في اللي زي ما انتي قلتي اولاد الاعيان

وديل سوءهم براهو ..وفي ناس من الأقاليم وديل قصصهم مجلد براهو

المشكلة ..مُشكلة فئة عمرية معينة أكتر منها مشكلة تحديد الفئة تابعه لي وين

أما الشق التاني

فيا ستي هيّ فعلاً مأساتنا

نفتش الشماعات وننسى الهدوم زاتا الجابا شنو!

وعلى من تقع المسئولية
الأكبر البنت ؟ أم الولد ؟؟؟ ومن يتحمل نتائج ذلك
؟؟؟

من وجهة نظري ..البت

ليه ..

لأنو لو هي قفلت للطرف التاني درب الوصول ..مابتجيها عوجة

ولأنو لو هي بقت عشرة على روحها وعلى كلام اهلا وعلى ثقتهم وأحلامهم الببنوها حولينها

مابتغلط ولا بتفكر في الغلط

أما النتائج .. فبتتحملا الأسرة ..كَكُل والطِفل/ة اللي جا والبت الوقعت في الهوة دي

يعني غلطة مفردة ونتيجة حتميه جماعية ..دمارها "شامل"

: ( إن الله لا يغير ما بقوم حتى يغيروا
ما بأنفسهم ) لذلك علينا أن نعمل من أجل تغيير
أنفسنا ونطلب العون من الله ....

اللهم آمين ..صح كلامك وربنا يهدي ويصلح

محسية :

ممتنة لحضورك جداً2

وأأسف لتقسيم الرد .. بس المنتدى زاتو قال "نقتي" أكتر من ال"مسموح"

[يقين]

يقين

يامرحبا عزيزتي2

والله العظيم نفسي لمن اتكتم

سلامتك يارب من الكتمة ..
بس فعلاً الموضوع "بيوجع" وشديد كمان

البت تحمل وتنجب واهلها فاكرنها في جامعتها وقرايتها وماعارفين شي لاحول لاقوه الا بالله العلي العظيم

دا شنو دا ودا نسميهو شنو بس

الغفلة يخيل لي مرات بتعمل اكتر من كده ..
والثقة الزايدة في أحيان كثيرة وعدم مراقبة وتتبع الأبناء بتجي بي تأثير عكسي

انا ماعارفه الشباب ديل البعجبهم في الزواج العُرفي دا شنو مع انه حرام وزنا
لكن هم بياخدوه كستاره يواروا بها اخطاؤهم ويقنعوا انفسهم بانه مافي شي
وانه زواج .

بالضبط كدة
الغلط في مجتمعاتنا المُسلمة بقى يتدارى وراء "ألف" مسمى ومُسمى
والمشكلة ..إنو ..بقت في جزئية بتتقبل الكلام دهه وتلطفو
ف.. لو قلتَ "زنا" يقولو ليك اعوذ بالله
تقول "زواج عرفي..مسيار..متعة ..أو اي نوع من الأنواع اللي فجأة إندرجت تحت بند زواج
يقولو ليك ياخ ده "زواج" بغض النظر عن اي نوع!!!
طيب وين الإشهار ..
ووين الوليمة ووين المأذون والمدعويين ووين الاهل في المقام الاول والأخير؟ّ!


والمصيبه ان الولد في النهايه بيتنكر للبت وخصوصا عند حدوث الحمل
وهي تكون قرأت وسمعت وعايشت هذه المآساه ... ....وعلي بُعد خطوتين فقط تكون
هي نفسها بطله مأساه جديده من مآسي الزواج العرفي (لاجول لله)

دي المشكلة واللي بيتحمل نتيجتها مجتمع بحالو ..
لو كان الغلط فردي والنتيجة بيتحملوها الطرفين ..معلِش
بس لأ ..
القصص متكررة والنتائج متشابهة
والعظة والعبرة "مفقودة"

عارفه الولد بيتنكر ليك ليه ؟؟؟؟لانه عارف العملوا معاكي دا غلط وانك انتي غلط
وربايه اهلك ليك كانت غلط .....ولانه هو في الاصل لايحمل اي ذره من صفات الرجوله



ولا حأزيد كلمة
لأنو كلامك ..كفى ووفى وبزيادة كمان !

/
شذى
ربنا يكملك بعقلك بجد ..
ويكفينا وحبايبنا الشرور والفتن ماظهر منها وما بطن 2

[يقين]

هي اكيد سياسه دفن الرؤس في الرمال
مثل ماذكرتي انتي.....
لانه استحاله اكون بصفتي كأم غير منتبه للحد الذي تدخل علي ابنتي
بطفل في يديها وهي من دون زواج


بالجد النقطة الأخيرة دي هي اللي كانت محيراني
لأنو من الأول ..وقبل تجي بي طفلها بين يديها
يستحيل إنو واحدة تكون "حامل" وما يبان عليها لين ما البيبي يجي
لو قلنا الأب الأخوان الحاجات دي ما بينتبهو ليها ..
الأم دي عندها حاسة قوية
ومابيخفى عليها خافية..فكيف يفوت عليها شي زي ده
بس الخوف من العيب وكلام الناس لما يبقوا أكبر وأهم من الخوف من رب العباد
يبقى على الدنيا السلام


ابناء المغتربين والاقاليم
وذلك لبُعدهم من رقابه الاسره

وده يرجعنا لي موضوع مهم
"القُعاد" في البيت الكبير أو مع العم/ة الخال/ة..
على الأقل الإنتباه ليهم والعين عليهم
بعدين موضوع ال"شقق" ده صراحة ماقادرة افهمو
"الداخليات "مالا؟!
وليه نحنا بنمشي ورا اولادنا بدل هم يمشو ورانا

بتذكر انو وإحنا في الجامعه في واحده رفضت تقعد مع حبوبتها قالت "ما ماخده راحتها"!!
أبوها رجعا طوالي البلد الهم فيهو ..وقال ليها الجامعه يا في السودان يا بلاها وياقعاد مع ناس حبوبتك ولا لأ
وبعد ضيعت سنه بي قوة راسا ..رجعت ..وقرت واتخرجت
فلو كل واحد بتجيهو شكوى قبل ينصف ولدو يشوف كل الجوانب ماكن العوجة غشت دربهم



المسئوليه تقع علي الاسره اولا
وعلي جامعه ثانيا
وعلي الطلاب ثالثا
ودي عايزه تفصيل مطول .....يرجع مره تانيه


حأنتظر تفصيلك حبيبة وبجي راجعه معاهو
ممنونة لعاطر مرورك 2

[تائب]

بسم الله

توسع ماعون التعليم العالي وبدلا أن يصبح مرحلة
يكتمل فيها النضج أصبح مرحلة بداية السقوط . ..

المُشكلة .. ما التعليم العالي بحد ذاتو

المشكلة السلم التعليمي كَكُل

سنه محذوفة ..ومناهج متغيره كل مره ..وما للأحسن

بالعكس مودية الطلبة لي ورا..ومخرمجة القصة من الأساس!

الجامعات الآن للأسف الشديد أصبحت أكبر مخرج
للدعارة والفسق ...

.

الأخت يقين
الجامعات أكبر مخرج لل.. شئ يصعب هضمه ..فهى التربيه
والتعليم وليست التغبيه والتسجيم .. والعكس من السهل إغواء
الساذجه غير المتعلمه.وانا شايف عكس ما رأت الأخت يقين
إن الإحصائيه أكبر من الواقع بكثير .
لأن الساقطات دائماً ما يقفن بجوار الجامعات لأنهن حاقدات
على التعليم والمتعلمات والفاسد هو أيضاً صاحب عقد نفسيه
يفتخر بأنه قد أخذ صيده الثمين من أمام الجامعه ال ..
وشئ آخر الطالبه الجامعيه ليست ساذجه لدرجة إنها تصل
مرحلة الحمل والولاده بالزواج العرفى أو بغيره و وسائل
منع الحمل تكاد تجدها فى ملجة الخضار ..
يقول البعض إن الفصل الكامل ثم الإختلاط قد يولد إلتواءً
عاطفياً هذا قد يحدث مع أبناء المغتربين وبنات الاقاليم
ولكنها صدمه حضاريه سرعان مايفيقون منها ..
جمعه مباركه

[شذي زهر]

المسئوليه تقع علي الاسره اولا
وعلي جامعه ثانيا
وعلي الطلاب ثالثا
ودي عايزه تفصيل مطول .....يرجع مره تانيه


حأنتظر تفصيلك حبيبة وبجي راجعه معاهو
ممنونة لعاطر مرورك

مسئوليه الاسره.....متي ماكانت الاسره التي ( تتمثل في الاب الام الاخ والاخت الكبيره.)...

غائبه .... كان الفساد والانحلال...
كلامي دا قبل كده ذكرته وتاني بذكره
لو كل ام راقبت ابنائها كل يوم مراقبه غير محسوسه....ابدا لن نسمع عن حوادث اختطاف او اغتصاب او زواج عرفي
وحتي لو كان الابناء في بلد والآباء في بلد آخر
دا مابيمنع المراقبه والتتبع ...لان المراقبه لاتكون بالنظر فقط


مسئوليه الجامعه ......غفله الاداره من ملاحظه السلوكيات السئيه لطلابها ....منها تعاطي المخدرات...

غياب اساتذه علم الاجتماع والنفس.....لدراسه وتوجيه بعض الطلاب وحل مشاكلهم


مسئوليه الطلاب.......لازم ومفروض ان اي طالب ...يكون داخله نداء خفي
ان اهله ينتطرون منه ثمره شقائهم عليه من تربيه وتعليم وصرف .. حتي وصل لمرحله لدخول الجامعه
ومتي ما خبي هذا النداء (ومن الاسباب التي تجعله يخبُ ...رفقه السوء) ...ظهر التنصل عن المسئوليه....ووقع المحظور
وبكده اصبح هو المسؤل وهو السبب في ضياع نفسه

[يقين]

الأخت يقين

مرحباً أخي تائب

الجامعات أكبر مخرج لل.. شئ يصعب هضمه .

وكمان أنا قُلتَ في ردي على الأخت محسية ..
إنو دي مقولة بتحمل الصح والخطأ

.فهى التربيه
والتعليم وليست التغبيه والتسجيم .. والعكس من السهل إغواء
الساذجه غير المتعلمه.

بالضبط .. الوزارة ..أو الجامعة أو المدرسة مش المسؤول عن الإنفلاتات اللي بتحصل
لأنو دي حاجات راجعة لي سلوك الإنسان وتربيتو
وبنفس الوقت يا أخوي .. بيقولو "القلم ما بزيل بلم"
فالإغواء للمتعلمة أو الجاهلة حاجة نسبية
ممكن واحده ماتعرف الف با وتكون محافظة والعكس صحيح

وانا شايف عكس ما رأت الأخت يقين
إن الإحصائيه أكبر من الواقع بكثير .
لأن الساقطات دائماً ما يقفن بجوار الجامعات لأنهن حاقدات
على التعليم والمتعلمات والفاسد هو أيضاً صاحب عقد نفسيه
يفتخر بأنه قد أخذ صيده الثمين من أمام الجامعه ال ..

أممم
إحتمال برضو ..ووجهة نظر تستحق النظر
لأنو مرات الدوافع النفسية برضو عندها مكان في الحتة دي
وأي إختلال سلوكي او تربوي في الأصل بيرجع لإختلال نفسي

وشئ آخر الطالبه الجامعيه ليست ساذجه لدرجة إنها تصل
مرحلة الحمل والولاده بالزواج العرفى أو بغيره و وسائل
منع الحمل تكاد تجدها فى ملجة الخضار ..


والحتة دي بالضبط .. اللي خلتني في المقام الأول أكتب القصاصة دي
إنو انا ما قادره اصدق انو زول واعي وبيقرأ وبيفهم يوصل الحته دي
وثانياً الناس اللي حوالينها ..معقول بنفس السذاجو لدرجة اهم ما ينتبهو؟!
حاجة بتحير بجد و"بتغيظ"

يقول البعض إن الفصل الكامل ثم الإختلاط قد يولد إلتواءً
عاطفياً هذا قد يحدث مع أبناء المغتربين وبنات الاقاليم
ولكنها صدمه حضاريه سرعان مايفيقون منها ..

هو فعلاً بيتولد الإلتواء ده
بس كمان حسب درجة الزول ووعيو .. بتجي سرعة الإستجابة للإفاقة


جمعه مباركه

علينا وعليك يارب 2

[يقين]

مسئوليه الاسره.....متي ماكانت الاسره التي ( تتمثل في الاب الام الاخ والاخت الكبيره.)...

غائبه .... كان الفساد والانحلال...
كلامي دا قبل كده ذكرته وتاني بذكره
لو كل ام راقبت ابنائها كل يوم مراقبه غير محسوسه....ابدا لن نسمع عن حوادث اختطاف او اغتصاب او زواج عرفي
وحتي لو كان الابناء في بلد والآباء في بلد آخر
دا مابيمنع المراقبه والتتبع ...لان المراقبه لاتكون بالنظر فقط

صح كلامك حبيبة

وجود الأسرة مهم ..ولو من على البُعد

والمراقبة ما بس .. تلفون أو زيارات خاطفة

المراقبة ..متابعه وتواجُد وإهتمام

مسئوليه الجامعه ......غفله الاداره من ملاحظه السلوكيات السئيه لطلابها ....منها تعاطي المخدرات...

غياب اساتذه علم الاجتماع والنفس.....لدراسه وتوجيه بعض الطلاب وحل مشاكلهم

بالضبط

الجامعه مؤسسة تربويه في المقام الأول

ومامفترض انو دورها يقيف عند حد المحاضرات والإمتحانات

بل يتعداهو ..ويرتبط ويتكامل مع دور الأسرة

أما الأخصائي النفسي أو الإجتماعي ففعلاً حاجة مهمة

وحلقة مفقوده في نظامنا التربوي ككل

ولو اتوجد فبنتلافى حاجات كتير ومشاكل أكتر

لأنو التجاوزات السلوكية والأخلاقيه اللي بيقوم بيها الطالب/ة الجامعي

هي نتيجة تراكمات من الصغر في كثير من الاحيان

وتفريغ للشحنات السالبة تجاه المجتمع بطريقه ما موجهه

وعشان كده بتجي "غلط"

مسئوليه الطلاب.......لازم ومفروض ان اي طالب ...يكون داخله نداء خفي
ان اهله ينتطرون منه ثمره شقائهم عليه من تربيه وتعليم وصرف .. حتي وصل لمرحله لدخول الجامعه
ومتي ما خبي هذا النداء (ومن الاسباب التي تجعله يخبُ ...رفقه السوء) ...ظهر التنصل عن المسئوليه....ووقع المحظور
وبكده اصبح هو المسؤل وهو السبب في ضياع نفسه

عين العقل عزيزتي
فعلاً .. المفترض إنك تراعي لي اهلك وثقتهم الممنوحه ليك
وتحاول ترد الجميل بي انك تقرأ وتنجح
وتعوضهم التعب .
مش العكس
أما رفقاء السوء ديل ف"كوم" براهو
هم كتار ايوة بس الزول ممكن يجاهد نفسو وما يستسلم للمغريات ..وأكيد حيسلم منهم
وربنا ..يكفي اولادنا وبناتنا شر السوء ورفقتو

/

شذى زهر

ممنونة ..2

[تائب]

موظفة النفايات
علمت أمس ومن مصدر أثق فى صدق
رواياته .. انها كانت تؤدى واجبها .. تسير
مع وامام سيارة نقل النفايات [القمامه] .. ترشد
وتعلم الناس شؤؤن النظافه وإصحاح البيئه .. وتراقب
أداء العاملين والسائق .. وتجمع إيرادات وإشتراكات
المستفيدين من هذه الخدمات أصحاب المنازل و المحلات
التجاريه ..
فجأة ظهر شاب فى موتوسايكل كأنه العفريت .. كان الأرض
قد إنشقت وخرج منها .. أخذ الشنطه التى تحوي 300جنيه
ولوازم عملها .. أقلامها ودفاتر القبض .. وتركها فى ذهول
تصرخ .. تستنجد .. تستغيث ..
كل ذلك حدث فى جزء من الثانيه .. ولا بد إنه يسير عكس
حركة السير .. فلا صاحب سياره يستطيع مطاردته ..ولا
المواطنين المشاهدين للحدث يستطيعون إدراكه..والمسكينه
لا نوع الملابس التى ترتديها [إسكيرت خطوه] ولا تركيبه
جسمهما البيولوجيه يؤهلانها لمثل هذه الاشياء .. والشرطه
قد جاءت لتصوير مكان الحادث وتسجيل الحادث ضد
مجهول ليترك الامر برمته للصدفه البحته ..
أين نحن .. أين أخلاقنا .. حتى اللص الذى يحترم مهنته
كان يترفع من الإعتداء على الضعفاء والمساكين والنساء
فالهمباتى [حرامى الإبل] كان يأخذ من الأثرياء ويساعد
المسكين والضعيف ..

[يقين]

أخي العزيز ..تائب
مساءَكَ خير وبركة
وممنونة لقُصاصتك الحيوية ،،


طيب

بالنسبة لل"ظاهرة" وتستحق كلمة ظاهرة لأنها نمت بصورة مخيفه في الفترة الأخيرة

لدرجة إنو لو سمعت ليك صوت بتاع موتر إن شاء الله رقشة .. تضارى في اقرب محل !!

وعن مشاهدة حأحكي ليك القصة وبنهايتها حتعرف ليه ما بينقبضو الجماعة دول..
ولو إنقبضو ..حقك بيكون راح شمار في مرقة
عندي جارتي "ضابط مرور" ترحيلا بياخدا وبيرجعها من أول الشارع..
وبيوم انا طلعت اودع صاحبتي كانت معاي ..شفناها جايه من راس الشارع ..
وقبل ما تصلنا ..إتنين بي موتر قلعو شنطة يدها ووقعوها في الأرض ودخلو بي الشارع لي جوة ..وجو مارين بي جنبنا
من الخلعه كل القدرنا عليهو جرينا ناحيتا نرفعا
اتلملمو الناس على كواريكها .. لأنو شقا عمرا زي ما بتقول في الشنطه
ماهيتها وتلفونها وغويشه دهب كانت عايزة تصلحا ونست
المهم سكوهم اولاد الحتة
..قبضو بتاع الموتر والمعاهو والمشكله الشنطه ما اتلقت!!!

بتاع الدكان اللي قبضوهم جنبو قال إنهم ناولوها لي تالت قبل ما موترهم يدخل في الرمل ويحصلوهم الناس

والتالت سما ووارض ماليهو اتر
ف.. العايزة اوصل ليهو انو الموضوع ..منظم
والجماعه ديل ممكن الواحد يضحي بي روحو ولا يتكلم عن التانين ..
ودي حاجه ما هينة لأنو معناها ما خايفين ومافارقه معاهم
وزي ما قلت الشرطة حتعمل شنو ..؟ وحتى لو انسجنو حيتفكو وتبقى الزوله خسرت وهم الربحانين!!
والقصص البنسمع بيها زي دي
وصلت مرحلة إنو ممكن يضربو البنات ويشيلو منهم اللابتوب والشنط والموبايلات
صراحةً .. اللي انا ما قادرة افهمو إنو انت بتسرق منو؟
طالبة الجامعه اللي ماعندها غير مصروفها
ولا ست البيت اللي شقت عشان تلملم قروش الصناديق عشان تحسن وضعها
ولا الموظفه اللي ماهيتا مواصلات ما بتكفي؟!
أما عن الأخلاق ياأخوي .. فالتأثيرات الغريبة واللي الكل بيختها تحت بند "الضائقة الإقتصاديه"
بقت "تطمم البطن"
يعني الواحد مفترض يربط بطنو من الجوع ولا يمد يدو لي حق غيرو بس نقول الكلام ده لي منو؟!
حسبنا الله ونعم الوكيل ..!

[شذي زهر]

تائب ويقين

صاحكم خير ان شاء الله

رجال بيسرقوا في النسوان ...تقول عليهم شنو بس غير عديمي رجاله ونخوه

وطال ماكون امتهن لنفسه مهنه السرقه .....فكل الصفات الرذله حتكون فيه لا محاله

وكل النقدر نعمله ان نكون يقيظن ومنتبهين ونتوقع اسوأ الظروف دائما ..عشان نقدر نتصرف

وننقذ انفسنا

[يقين]

ومساءاتك بهجة شذى زهر

،،

صح كلامك ..

كونو رضى يبقى "حرامي"

فدي نفت عنو صفة الرجولة تماماً

وكونو يختار الأنثى الضعيفة

عشان تكون هي الطرف المغلوب على امرو والمُضطهد

فده ماعندو صفة زاتو

والحذر هو ما بنجي من القدر بس اخف ضرراً ..،،

[الدغري]

الاخت يقين لك التحية على القصاصات التي تمس الحياة اليومية

فقدنا الكثير من الاخلاق الحميدة التي كان يجب أن يتحلى بها المجتمع

فاصبحت الكثير من المفردات التي كانت والى عهد قريب من العيوب والمحرمات التي

عند حدوثها يتناقلها الناس في تعجب ودهشة .........

أصبحت الان شبة عادية بل محل فخر للكثير من الناس

ولي عودة

[يقين]

أخي الكريم .. الدغري

،،

صدقتَ ..ولأن فاقد الشيء لا يعطيهِ ..

بل أصبحَ بوقتنا هذا يسلب الآخرين أشياءهم

صارت ال"حياة" .."دغلاً" ..

تتشابك وتتشابه فيه المعاني

فلا تعرف ..ما قُصِدَ ..به الصواب من الخطأ!

،،،


شُكراً لحضورك ..

وسأنتظر عودتك ..

فأنا على يقين أنها ستثري النقاش !

لك التجلة

[شذي زهر]

الاهمال والاخطاء الطبيه

تعظُم مأساتها عندما يكون الضحيه طفل صغير برئ
دخلت المسئوله من تطعيم الاطفال دون سن الخامسه لاحد البيوت وقبل ان تسلم علي اهلها

امسكت بواحد من الاطفال كان يلعب في الحوش وطعمته....
ثم دخلت لاهل البيت ..... وبتسأل اذا كان في اطفال تاني للتطعيم ولا لا....

.والمصيبه ........ ان الطفل طلع مطعم (في الروضه).....

الام صرخت وعولت وفي الاخير عرفت ان تلك الجرعه دي تحديدا ذيادتها لا خطوره فيها وعدي الامر بسلام ....وكان وارد جدا ان لايعدي


يعني الزوله دخلت بيت الناس
وقبل ماتسلم ولاتسال حتي اذا كان الطفل دا مطعم ولالا...
جرت طوالي للشافع وادتو الجرعه ...من غير ماتراجع اصابع يده....لانو همها كان بس تحصيل اكبر عدد من الجرعات لتحصيل اكبر حافز.......لاحول ولاقوه الا بالله