منتدى أنا سوداني

ظل المطر كتب:

ظل كثيف انا ..ظل حزين صامت انا ...وهو يمد يده يصافح وجه جديد بذات الابتسامه و.............

micro kareem كتب:

.
.
.
.
.
لم اكن الوم ال(الميم) يوما بعد ان ضربت عاصفة الهواجس سفينتنا واصبحنا نسبح عكس امواج المحيط العاتية... ربما نخرج ما تلك الحادثة ويعاد لي (خاطري المـــــيمــــــون).
.
.
.
شكرا كثرا اختي(ظل المطر) ارجوا ان لا يكون ضلال مطرك وهو الذي خيّم علي ذلك المحيط الذي تداركناه

ريانه إمام كتب:

أحبك ,,لأنك ظل مختلف!
لايزعجني أنك مجنون
ومتطرف
وشرس
ومكابر
وحساس
و غير متوقع
ومباغت
كنت سأنزعج لو كنت عادي مثلهم !

ظل المطر كتب:[align=right]طالما اننا تداركناه فاتبتسم و لمن كانت (الظلال) صدقاً لا يهم

كون كما تود[/align]

insan كتب:

والإنسان (الشّفّاف) لا ظل له ..
لذا .. أراك ترواغين في إيجاد (نفّاج) يعطي المفردة حق اللجوء إلى (حوش البوح) ..
كل ما سبق (في اعتقادي) محاولة يائسة للهروب من ذات قلقة ..
أم أن الأمر يتعلّق (برقراق ساي) ؟؟

[align=center]يا سيدي ..حين يكون حجم معرفتك بي هكذا ( قدر ما تشرحني تشرح ) تكون خطراً علي حرفي , فأنت والحرف كثيران جداً علي ظل ( براه خلي الحوش البوح الباحه وفات النفاج )... ووقتين تقول ( هروب من ذات قلقه ) تفتح علي وجعي وجعاً اخر ما لك به طاقه ( عاودني قراءة كان بتدور تقول تاني )

أعلمي يا (بسيطة) .. أن ظلّي (أسفلت) يئن دايما تحت وقع أقدامي منذ أمد ليس بالشويّة ..
وما زال صابراً ..
داس شوارع خوفي .. ومَرَق ..
كما مَرَقَت شعرتي من العجين ..
قُتْ ليهو يا ضل ماشي وين ؟؟؟
قال لو مشيت أنا فيك سجين ..
وبراااحة غافل خطوتي ..
.
.
.
.
وادّاني عين ..
أنقري ما عِتِر ؟؟
فقلت في سرّي (بركة الجات منك) .. قد استقامت الخطوات .. قد استقامت ..
وبُحّت في ليالي الشتاء الحناجر .. وايييك .. جنس بشاتن !!!!
فأصبحت من فترة (مسافة يودي البال ويجيب) .. أشتاقه .. لأنو من (يعوعي) .. بمرُق علي ..
وعندما (تمغرب) بمرق عليها (روحي دي) ..
غير آبه بأيتها حاجة ..
إنسان .. أدّى العالم ضهرو ..


[align=center]حكايتك وظلك نقطه اخري من ( متعاكسات )..وكان فتشت تحت تحت تجدها حكايتي وظلي وقليل اختلاف ( في خط السير وبس ) وكان المشي وقف بين الحكايتين ياها البقت واحده.
.
.
( انسان ادي العالم ضهرو ) حبوبه قالت ( الضهر كان عرفت ترتبو زين مرات بكون اخير من وش ) واراك لم تبذل في ( ضهرك ) مجهود ولكنه بالفطره مرتب و ( الوش ) كمان ..بهذا المنطق انت لن تستطيع منح ( العالم ) صفعه تجاهل ( فضهرك الاديتو صبح وش )...
(مختصر )عندما يصبح عدم ال ( الاكتراث ) مكلفاً هكذا نكون مجبرين علي اقتيات ال ( الاكتراث )[/align]

كدى أرفعي راصك دا ..
عايني جاي ..
دار اقول ليك شنو ؟؟
.
.
كتابتك حلوة ..

وانت قرايتك حلوه [/color

]
.
.
ثم
لامن ألقى ريانة إمام في آخر مداخلة (بتشيلني ذات الشلاقة الكتلت إشراقة)
ان في الأمر ما يستحق .. الحياء ..
وتووووش .. بَخُش ..
وقد كان ..
ماااااااب تتلفّت ..[/size][/align]

[align=right]رياته وجودها زان هامتي
وانت ارهقت حبري
ولكن
ابهجتني جداً وان شئت ام ابيت فحبري سيظل لك رفيق 2 [/align]

يوسف مدير كتب:
لأن فؤادي في الاصل مطعون !!!

insan كتب:

وإتا .. وكت مطعون .. المقابضة ليك شنو ؟؟؟
وبتتحاوم مالك ؟؟؟!!!

يوسف مدير كتب:انتفضي ايتها الوريقات ...
فالظل بارح الامكنة ..
وجاءت الرياح تنشلك ايها الغارق ...
مهلا !!
فقامة حروفي تتقاصر ..
تمشي الهوينى
على ارض جدباء
تنبت صبارا وتينا شوكيا ...
لكن رغم ذلك
لا أحس (بوخز) الأشواك !!!
لأن فؤادي في الاصل مطعون !!!

insan كتب:

عليك الله ورّيني ..

كيف يستقيم الظل .. والعوج حاصل !!!!

insan كتب:

حَشَرْتي ردّك وسط كلامي ..
اقتبسو ما يطلع عندي !!! تاني خليتو ..
دي في حد ذاتا الشياكة الخايفين منها !!! (شياكة من شائك وكدا) .. قلت أحسن أجمّل المفردات بحاجة تفتح النفس ..
لكن .. مسأله ضهري يبقى وش .. ووشي الأصلي في محلو ..
بكدا
أبقى ذو الوجهين ..
أو أني مفتول من رأسي حتى قدمي ..
كل ما ذكرته صحيح ويعبّر عني تماماً ..
انسان .. لا يجيد الإنشاء .. للأسف ..

لفته ذي البارعه كدا ( منعاً للشياكه ...حمنع حرفي منعاً باتاً من المساس او حتي الاقتراب من حرفك ... اها بعد دا تعال مارق بي ردك يا شياكه ( شياكه حقتي دي من شيك يعني مديح وشكييير )
.
.
.
لفتنا وانتهينا , اها نجي لحكاية وشك وضهرك الانا قلت قول وانت مرقت لي بتاني ههههه
،
،
،
انعاكساتنا غير المحببه ابداً لا تعني اننا في الاصل شائهين
اذ ربما ذاك الضوء الساقط علينا شابه الانكسار ف ( انكسرنا )
لذا ان قال احدهم لأحدهم حين لقاء تحسس سيرك فليس بالضروره عني ان ذاك الاحد ( اعرج )
واليك الاحتمالات

* يود له السلامه ف (نصحه).
* سمع ووشة الطريق اذ كان بخطوه يترصد ف ( حذره ).
*ملت قدمه الدروب المستحيله ف ( شكت )
* يتملكه رهاب السكون و بلا هواده يمشي ف عليه ( اشفق ).
*........
*...............

لفته المره دي بارعه ( الكلام الفوق دا يا عندو بيك علاقه يا ما عندو )




















وان كان لك وجهان فهذا يعني انك ستبتسم حين تصافح وحين تغادر ...ولا شيئ اخر .


لفته (سليقه سااااي )
اتضح انو الكلام الفوق دااااك علاقه بيك ( ما عندو ).

السنبلاية كتب:

جميلة انتى يا ظل المطر .. لم اكتفى من حروفك بعد ..!!؟

ارجو ان تكثرى منها .. فنحن نرجوا المزيد ...

تحياااااتى ...2 2 2