ساعة شباب

[بانه]

المخدرات الرقمية
هذا المسمّى الذي أطلقته منظمة الصحة العالمية ولجان مكافحة المخدرات العالمية والمسئولون عن قضايا الإدمان الجسدي والنفسي على هذا النوع من الإدمان والذي يعد النوع الأول من السيطرة العلنية على قلوب وعقول العامة من الناس بشتى الوسائل المخدرات الرقمية او الالكترونية هى ملفات صوتية تعبث بأدق السيالات العصبية في الدماغ .. بل أن وقعها على الدماغ أقوى وأشد من وقع المخدر العادي المشموم أو المبلوع أو المأكول عن طريق الفم أو المحقون عن طريق الدم

زاتو مشاركتك دسمه جدا

عندي سؤال: قصدك البرسلوها وبتكون في شكل موسيقي مافي زول بقدر يعرفه بسهوله الا الزول المرسلنها ليهو مش ؟

في انتظار المزيد من التوضيح

[بانه]

اي شئ اتوقعيه

[بانه]

دي ما وقعت لي .. كدي زيدي الشرح..!

واحنا كمان منتظرين

[بانه]

منتظرين مشاركه ذات الشجون 2 عشان ننهي النقاش في موضوع المخدرات

لحدي المشاركه تكون جاهزة

حا نتكلم عن موضوع اخر

انتظرونا قريبا

[بانه]

وطن الجدود نفديك بالارواح نجود وطني

اليوم موضوعنا حا يكون عن الوطنيه والانتماء للوطن

هل الانتماء للوطن بكون اوراق بس واني اكون عايش فيه حتي يعتبروني وطني وكده يعني

اما هو شئ بكون داخل اي زول

في رائي دا شئ بكون مع الزول من هو صغير يعني ما شرط اني اكون عايشه في بلدي حتي يعتبروني وطنيه :

كتير من الناس بقولو ليك الجيل الحالي ما عنده حب الوطن ومتنكر ليه ''ياتري ماهي الاسباب وراء ذلك

في انتظار ارائكم

[بانه]

معقولة ولا مشاركة !

[تائب]

معقولة ولا مشاركة !

أختنا المتألقه بانا
رغم انو لا انتمى لجيل الشباب الذى ترسلين له السؤال ولكن
الموضوع جيد والطرح راقى ..
وزى ما قال محجوب شريف ح نبنيهو البنحلم بيهو يوماتى .. و
هكذا ينبغى ان نحلم بوطن راقى وطن عاتى ..
ماهو الوطن ؟؟؟ وماهى الوطنيه ؟؟
الوطنيه يا سادتى هى البذل والعطاء .. هى الحب والإنتماء ..
ولا اريد ان يتاثر انتمائى لمجرد إن البلد لم يقدم لى شيئاً .. يكفى
انك تدرس وتحمل منه شهاداتك وتعود اليه إذا طردك او ظلمك الاخرون
وقد تنال التعليم المجانى اذا حققت الدرجات و التفوق الذى يؤهلك للدراسه
المجانيه فى نطاق الفرص الضيقه والمتاحه ..
ورغم ضيق فرص العمل بالداخل وقلة العائد منه إلا انك تكون مرفوع
الرأس موفور الكرامه ..تاخذ حقك .. دون خوف دون شعور بالغبن و
القهر كما يحدث معك وانت تعمل فى بلاد الغير ..
وداير اشوفك يا بلادى
تبقى زي ما يريد فؤادى
تبقى عاليه ويرقى شعبك
تهدى للعالم مبادى ..
وداير اشوفك صارمه عاتيه
لما تتجنى الاعادى
للسلام تمتد ايدك
وتبقى جامعه وتبقى نادى

[كيوبيد]

معقولة ولا مشاركة !

عاد شن نسوى
وطنية مافى
هو زاتو وينو الوطن
ما قصدى الحكومة وينو الوطن
مجرد واطة لمت ناس

[تائب]

عاد شن نسوى
وطنية مافى
هو زاتو وينو الوطن
ما قصدى الحكومة وينو الوطن
مجرد واطة لمت ناس

لا لا ياكيويو
الوطنيه موجوده هى البذل والإنتماء .. هى
الولاء للوطن للأهل والعشيره .. الإنتماء للوطن
مثل الإنتماء للأب والارض .. ابوك هو ابوك اذا
كان شين او زين .. غنى اوفقير ..
السودان هو السودان فى قلوبنا وعقولنا .. رغم الداء
والاعداء .. رغم فساد الحكام ان جاز ان نسمى ما يجري
فساداً .. يكفى اننا لم يحدث لنا ما حدث للصومال وسوريا
وليبيا واليمن ..فترة مخاض وانقسامات وفتن مرت بها كل
الشعوب ..اثيوبيا ..والمانيا قسمتها الحرب ووحدتها ارادة
الشعوب والاتحاد السوفيتى العظيم تفتت ثم عاد .. والسودان
ليس استثناء ..وليس هو الوحيد ..
ح نبنيهو البنحلم بيهو يوماتى
وطن راقى وطن عاتى
وطن حر وديموقراطى
وحتى يا كيويو اختنا بانا قصدت من كلمة احباط .. ان الموضوع
قوي وراقى ولم ترد عليه اى ردود وذلك حسب ظنى وحسب فهمى
المتواضع ..

[كيوبيد]

لا لا ياكيويو
الوطنيه موجوده هى البذل والإنتماء .. هى
الولاء للوطن للأهل والعشيره .. الإنتماء للوطن
مثل الإنتماء للأب والارض .. ابوك هو ابوك اذا
كان شين او زين .. غنى اوفقير ..
السودان هو السودان فى قلوبنا وعقولنا .. رغم الداء
والاعداء .. رغم فساد الحكام ان جاز ان نسمى ما يجري
فساداً .. يكفى اننا لم يحدث لنا ما حدث للصومال وسوريا
وليبيا واليمن ..فترة مخاض وانقسامات وفتن مرت بها كل
الشعوب ..اثيوبيا ..والمانيا قسمتها الحرب ووحدتها ارادة
الشعوب والاتحاد السوفيتى العظيم تفتت ثم عاد .. والسودان
ليس استثناء ..وليس هو الوحيد ..
ح نبنيهو البنحلم بيهو يوماتى
وطن راقى وطن عاتى
وطن حر وديموقراطى
وحتى يا كيويو اختنا بانا قصدت من كلمة احباط .. ان الموضوع
قوي وراقى ولم ترد عليه اى ردود وذلك حسب ظنى وحسب فهمى
المتواضع ..

عارف يا تائب يا اخوى
للاسف الدول الزكرتها دى كلهم ناسم عندهم وطنية لدرجة انو كل شخص مستعد يموت فدا وطنو
لكن نحن فى السودان حدث ولا حرج
يلاقوك ناس الامن تبيع اهلك كلهم فى دقيقة
خلينا عايشين عالم لا غيرة لا احساس
حتى السودانيين المشو الحزم مشو عشان القروش
فى زمن بقت المادة فيهو هى الوطن
منو الما متغرب
منو الشغال بى السودان
تعرف ساندرا
تعرف فاروق كدودة
حتى الازهرى ابو الوطنية زى ما بسموهو وطنيتو كانت حبة زى كورة بكرى المدينة
عرفتى يا بانة يا بتى لية ما ردينا رغمى انى مريت على الموضوع اكتر من مرة
لاننا مهريين وصابرين يا تيوبى يا دفعة
بنعتزر اذا مستك حاجة من زفراتنا الحرى

[بانه]

أختنا المتألقه بانا
رغم انو لا انتمى لجيل الشباب الذى ترسلين له السؤال ولكن

يسعد صباحك اونكل التائب
لم اقصد الشباب فقط بل قصدت الاعضاء عامه

الموضوع جيد والطرح راقى ..

مشكور كتير

وزى ما قال محجوب شريف ح نبنيهو البنحلم بيهو يوماتى .. و
هكذا ينبغى ان نحلم بوطن راقى وطن عاتى ..

الف رحمه ونور عليه

ماهو الوطن ؟؟؟ وماهى الوطنيه ؟؟
الوطنيه يا سادتى هى البذل والعطاء .. هى الحب والإنتماء ..
ولا اريد ان يتاثر انتمائى لمجرد إن البلد لم يقدم لى شيئاً .. يكفى
انك تدرس وتحمل منه شهاداتك وتعود اليه إذا طردك او ظلمك الاخرون
وقد تنال التعليم المجانى اذا حققت الدرجات و التفوق الذى يؤهلك للدراسه
المجانيه فى نطاق الفرص الضيقه والمتاحه ..
ورغم ضيق فرص العمل بالداخل وقلة العائد منه إلا انك تكون مرفوع
الرأس موفور الكرامه ..تاخذ حقك .. دون خوف دون شعور بالغبن و
القهر كما يحدث معك وانت تعمل فى بلاد الغير ..
وداير اشوفك يا بلادى
تبقى زي ما يريد فؤادى
تبقى عاليه ويرقى شعبك
تهدى للعالم مبادى ..
وداير اشوفك صارمه عاتيه
لما تتجنى الاعادى
للسلام تمتد ايدك
وتبقى جامعه وتبقى نادى

في حاجه ما فهمتها عايزاك توضحه __

ذكرت في كلامك انه في فرصه مجانيه للتعليم

الكلام دا في السودان ؟

خلينا نكون واقعين شويه

حاليا وفي الراهن دا زول ما عنده واسطه ما بلقي اي شغل

وما اظن اي زول حا تكون عنده واسطه

والدليل الكميه الكبيره الا من الخريجين قاعدين بلا عمل

عندي تاني سؤال

هل الوطنيه عبارة عن اوررق فقط ؟

هل لازم اكون شايله اوراق تثبت اني منتمي لي بلدي ؟

في ناس عندهم اوراق دول اخري ومع ذلك برضو بفخرو بي بلدهم الاصلي

تسلم اونكل علي مشاركتك الرائعه

وفي انتظار ردك

[shosho wbs]

بنوش يمكن الموضوع كبير شويه
وما اقدر اجاوب على اسئلتك كلها
لكن في رائ انو الزول الموجود وطنو
بساعد اكتر من البره
البره برضو ممكن يساعد حتى لو ما ساعد
بشكل مباشر بساعد في بناء ناس ممكن
يقدمو حاجه لوطنهم
احنا في زمن اسي اي زول بقول البلد بقت طارده
واي زول بفتش راحه نفسو وانتهى الموضوع
والله مرات بزعل لمن اسمع بانو في زول سوداني نابغه
عايش في البلد الفلاني
عمل ليهو حاجه ضخمه نفع بيها بلد تاني
حتقولي لي الامكانيات فعلا الامكانيات محدوده عندنا
لكن كمان زي ما قال اخونا تائب انو البلد قدمت حاجات
احنا ممكن نكون متفهنها وشايفنها ولا حاجه لانو بنقارنها
بالدول التانيه لكن الدول التانيه فرقهم انو اي زول بنفع بلدو
لمن اي زول يكون عندو امكانيات فكريه كبيره
ويلقى فرصه انو يسافر بره بقول دي فرصتي
عشان اقدر اكون نفسي واساعد اسرتي
حصل زول قال عشان اعمل حاجه تنفع بلدي ؟!

[كيوبيد]

عارف نحن عشنا فى بريطانيا
سنين عددا
وانا بعتبر واحدة من انجازات اغترابنا
تعليمنا المتقدم
ورجعنا عشان نخدم بلدنا زى ما قال الوالد
الشي المضحك انو اختى الاصغر طبيبة
لمن جات السودان اكتشفت انو المعدات الطبية الشغالين بيها
هناك هنا للان ما سمعوا بيها
اكتشفت انها لازم تذاكر من الاول على الطريقة السودانية
(واحد بحكى لى )

[بانه]

عاد شن نسوى
وطنية مافى
هو زاتو وينو الوطن
ما قصدى الحكومة وينو الوطن
مجرد واطة لمت ناس

لم اقصد ذلك يا خال

بعتذر ليك كتيرات 2

[بانه]

]
[col
ح نبنيهو البنحلم بيهو يوماتى
وطن راقى وطن عاتى
وطن حر وديموقراطى
وحتى يا كيويو اختنا بانا قصدت من كلمة احباط .. ان الموضوع
قوي وراقى ولم ترد عليه اى ردود وذلك حسب ظنى وحسب فهمى
المتواضع ..

بالظبط كده هذا ما قصدته

[كيوبيد]

لم اقصد ذلك يا خال

بعتذر ليك كتيرات 2

انا قصدك عرفتو انتى عرفتى قصدى ؟؟؟

[تائب]

عارف نحن عشنا فى بريطانيا
سنين عددا
وانا بعتبر واحدة من انجازات اغترابنا
تعليمنا المتقدم
ورجعنا عشان نخدم بلدنا زى ما قال الوالد
الشي المضحك انو اختى الاصغر طبيبة
لمن جات السودان اكتشفت انو المعدات الطبية الشغالين بيها
هناك هنا للان ما سمعوا بيها
اكتشفت انها لازم تذاكر من الاول على الطريقة السودانية
(واحد بحكى لى )

الغالى كيويو
العزيزه بانا
أسمحوا لى ان أقدم تحيه كبيره لأبويكم
الذين عرفو ومنذ وقت مبكر إن بناء الإنسان
أجدي من بناء العمارات وعرفو ايضاً ان الجهل
يهدم بيت العز والشرف ..
بس كيويو أختكم الطبيبه ينبغى ان تعتبر نفسها
خرجت للعمل فى الريف البريطانى .. طبيعى
ان الوسائل هناك ليست كما هى فى لندن وادنبره
والمبدع الحقيقى هو من يعطى افضل النتائج بأقل
الوسائل ..
فى شهر ديسمبر العتيد .. وفى منتصف ليلة شتاء
بارد ..وفى قريةٍ مغموره فى قري النيل الأبيض
وفى نقطة غيار اعدت لعلاج الحالات الصغيره و
تحويل الحالات الصعبه للمركز .. جاءو برجل
يعانى من حبس البول .. يصيح ويتصبب عرقاً ..
ملأ الدكتور جردل ماء بارد وصبه على الرجل
على عفلةٍ منه .. قوة المفاجأه مع قوة دفع البول
اخرج الحصاة من المجارى البوليه واستقرت حالة
المريض الذى تم تحويله للمركز .. لا قسطره ولا
مسطره ..استفاد الدكتور من ظاهره طبيعيه وهى
ان الماء البرد يحفز التبول ..
خرجت عن الموضوع حبتين بس
فى بلدنا الحاله واحده
المطار ياهو المحطه
والكوميت يوم تبقى كارو
والزمن بيروح أوانطه ..

[كيوبيد]

الغالى تائب والعزيزة بانة
عندما يصير الوطن عبارة عن انجازات شخصية فعلية السلام
عندما نقرا عن تكريم اوباما لطالبة سودانية تفوقت فى امريكا اشعر بغصة
عندما اسمع ان اطبا لندن والخليج المهرة سودانيو الجنسية اشعر بغصة
عندما اسمع ان معظم مهندسي ابراج دبى سودانيو الجنسية اشعر بغصة
اشعر بغصة لان ذلك يعنى فشل الوطن فى احتواء كفاءاته
اشعر بغصة لان السودان لا اقول اصبح طارد بل اقول انه مازال طاردا
هذا هو السودان الوطن الواحد
فى كل الازمان
منذ هجرة اسلافنا الى يومنا هذا
واختم حديثى هذا بمقولتى التى اشتهرت بها
انا ما مفارق الوطن دا ابدا والكعبة لو ما جابوها الخرطوم ما بحج

[بانه]

تائب ** كيوبيد ** شوشيتا

قراسيس علي مشاركاتكم الرائعه

التي زدات الموضوع حيويه

وانتظرونا مع موضوع اخر

[مرسال الشوق]

ساعة شباب ....
واحة استمتعنا بها ومناقشة قضايا مهمة لنجد لها الحلول و لنعرف الاسباب وماهي طريقة المعالجة
شكرا لكل من ادلي بدلوه وتجازب اطراف الحديث
والشكر لصاحبة البوست العملاق
مودتي من الاعماق

مرسال الشوق
مر من هنا