الركشة..

[ودعازة]

[frame="2 80"]فاصل اعلانى..

الوكلاء العالميون اسم بعالم الركشات..
ركشات حكومية رئاسية مكندشة للوازم الاستقبالات والضيافة..
ركشات عسكرية لاختراق المدن تخفيا لا عبطا ..
ركشات محتشمة مكسية حتى اخمص اللساتك وببرقع امامى..
ركشات مظللة لزوم حسب الحالة..
والجديد لنج ركشات برمائية لزوم السيل مرق والانفاق المائية[/frame]

[ودعازة]

الحلقة ال11..

(يكفينا شرهم)




[frame="2 80"]فاصل اعلانى..

مكتب العمل..دعم للعمالة المستجلبة..
مكتب العمل..دعوة للعالمية والعولمة بأبخس الاثمان..
مكتب العمل..مشاكل العمالة الوافدة تفعيل لاقسام البلاغات بالشرطة..
مكتب العمل..تشجيع للغات الاجنبية ذات الانتشار المحدود ونقلة للغة هزيز الراس[/frame]..




امين: هسع انتو ماشى رحلة نيلية وسايبين شغلكم؟

حسونة: الرحل دى زاتا ماشغل..

امين: شغل!! كيف يعنى؟

حسونة: مش فى الرحل الناس بتلاقى وبتتعرف على ناس جداد..

امين: اي صاح..بس وينو الشغل فى كدا؟

حسونة:تعرفك على الناس مافيو فايدة..تلاقى واحد تاجر..واحد موظف فى مصلحة مهمة..وكدا..

امين: وهو التجار والموظفين ديل بيبارو رحلكم دى؟

عليوة: الرحل النيلية دى شبابية بس..لكن رحل ايام الجمع مليااانة ناس مهمين..

امين: لهسع ماعرفت علاقة الشغل بالناس المهمة..

حسونة: الرحل دى زى ماتقول علاقات عامة..او بروموشن وتسويق..وبتفتح مجالات بزنس كتيرة..تعرف دا بدا وتطلع بنسبتك..تسوق لدا حاجة وتطلع بنسبتك وكدا..يعنى رحلة ترفيهية وبزنزية..فهمتا؟

امين: منكم نستفيد..بس برضو الصورة ماوضحت ليا..

عليوة: شنو ياانتا عايزنا نفت ليك اسرار المهنة؟

امين: هو انا عرفتا المهنة لمان اعرف اسرارا..

حسونة: مع انو شكلك تفتيحة بس يظهر عليك غشيم وماناقش للدنيا حاجة..

امين: والله يظهر كدا..

عليوة: هو لو كان ياحسونة عارف الدنيا ماشة كيف كان ساق ركشة وكسر ضهرو عشان ملاليم..هيى الاتكسر فى شى ليو طعمو..

فى شى ليو طعمو..ماذا يقصد هذا المحلوق الناعم؟أيقصد..أعوذ بالله من غضب الله..لكنه لم يفصح عما يؤكد ذلك..لماذا دائما تفكيرى يذهب فى اتجاهات شديدة الضلال..نعم هم منعمين..نعم حنينين اكثر من اللازم ولكن لم يصرحوا بأى شئ يدل على فحشهم..




[frame="6 80"]فاصل اعلانى..

الكربات للعلاقات العامة..
الكربات..توفق بين البائع والمشترى لفائدة الجميع (اكترم نحنا نسوها)..
الكربات..عالم بفن العلاقات المحلية والدولية..
الكربات..لم تتعب نفسك ونوصل الداقس اليك ثم ندقسكم معا..
(اغنية) ديل منو ديل...(الكورس) الكربات
بيعملو شنو ديل..(الكورس) كل التداولات
يعنى شنو ديل..(الكورس) بيعملو كل حاجات

الكربات..لكل الحاجات وقلب الهوبات وتدقيس باحسن الجاكات..[/frame]



امين بدأ يتنازل عن فكرته..ففكرته كان يريد ان يتجه بالشابين الى مكاتب الخدمة الوطنية وتسليمهما الى المسؤلين هناك..لكن من هو ليفعل ذلك؟ هل هو وصى على الشارع العام..هل هو احد افراد الانضباط العام؟تملك غضبه عن هيئة الشابين التى تعطى ارهاصات لفحشهم وإن لم يكونا كذلك..تذكر مقولة جده (ياولدى ماتحكم على الناس من الخارج..كل زول اكيد فى سبب بيخليو مختلف عن التانى)..لكن هذان الشابان محسوبان علينا كشباب..وعلى البلد التى لايريدان ان يعيشان بها لأهوائهم الشخصية..ويقطع سرحان امين صوت شاب..

عليوة: ياانتا ممكن توقف لينا جنب طبلية السجاير ديك؟

امين: جدا..

حسونة: يابتاع الطبلية عندك لبان؟

بتاع الطبلية: عندى..

حسونة: طيب هاك جيب لينا خمسة باكوهات..تلاتا سادة واحد فراولة وواحد موز..

بتاع الطبلية: ماتجى تشيلم براك مالك محنن؟وهمهمة بسره(ولد باطل)..

عليوة: اها جيت..مشينا بسرعة..مالك مسيخ انتا كدا..انحنا مازباين ..

بتاع الطبلية: مالزباين كلها بتزل وبتشيل الدايرا..شنو مالكم اسيب الطبلية واجيكم عشان لبان؟

عليوة: هاك قروشك..برى من مساختك ولآمتك..ممصمص بموية ترمس..

بتاع الطبلية: امشى يا(كلمة كعبة خلاص)..

عليوة: انا (.....) ياوسخ ياكريه يامعفن ياوسخان..

وتتحرك الركشة قبل ان يصل اليها صاحب الطبلية..فامين يعى تمام ان وصل اليها لتشرشح الكائنين..ولاخذت المعركة زمنا هو فى غنى عن تضييعه..

حسونة: ليه مشيت ؟كنتا تخلينى اوريو شغلو..والله كنتا ظعتو ومعطتو الوسخ الكرارة شبه الحمارة..

عليوة: وعلى شنو توسخ يدك فى زى دا؟ دا آخر مرة استحما فيها لما البحر ماكان هايج..

حسونة: بس يانتا وقف هنا وصلنا ..

امين: جدا..

عليوة: اتفضل يانتا ومشكور خاالص خاالص..

يتبع..

.

[ملاك الورد]

ملاك الورود رمضان كريم..
لكم يسعدنى ان القاك هنا واتجاذب معك طرف حديث اثيرى..
فيكى شئ من الوداعة والبراءة أنشده أحيانا ولا أجده إلا بطلاتك اللذيذة..
كونى بالجوار دائما لأسعد بطلتك الوديعة البريئة..

طيب حاااااضر
دايما حأكون معاكم

[ودعازة]

الحلقة 12..

(يكفينا شرهم)

وقبل ان يهم امين بالانصراف يستوقفه حسونة..

حسونة : ياانتا هااى ياامين..

امين : ايوه ..خير فى شنو؟

حسونة : يااخى انتا مالذيذ..رأيك شنو تجى معانا الرحلة؟

امين : شكرا ليك..مرة تانية الواحد عندو مشغوليات..

عليوة : يخسى عليك الشغل ماملحوق ..تعال قضى ليك وقت رهيييب معانا ..يااخى تعال وخليك لذيذ..

امين : يااخوانا انتو عايزين تمشو امريكا وقاعدين تقضو وقت لغاية ماتمشو..الكلام على العلينا المزروعين هنا وهنا ماراضية بينا..

حسونة : وشنو الجابرك؟..

امين : ياشباب خليكم منى امشو رحلتكم الناس ماتفوتكم..

عليوة : احنا جينا بدرى ويظهر مافى غيرنا زول جا..عليك الله عليك الله تعال معانا والله حتنبسط انبساطة..مش كدا ياحسونة..

امين : شكرا ليكم ياشباب..اها ادونا خاطركم..سلام..

عليوة : طيب وقت جينا بدرى خلاص حنمشى مشوار قريب هنا نجيب بارد وشيبسى وحاجات..تودينا؟

امين : جدا ..اتفضلوا..

يركب الشابين الناعمين الركشة مرة اخرى..وامين سابح فى التفكير والمقارنة بينه وبين هذين الشخصين..
يعيشان وكأن لا هم لهم بالدنيا..ليس لهم انتماء ولا هدف ولا قيم ولا هم..نعم ليس لهم هم..
آآآخ كيف له دفع القسط ولم يتبقى غير اسبوع ولم يجمع غير نصف المبلغ بكل الثلاثة اسابيع المنصرمة..وتنطلق الركشة بسائقها المهموم وراكبيه المنعمين ..

امين : اها دايرين تمشو وين؟

حسونة : أيى سوبرماركت كبير..

امين :فى الحتا دى مافى سوبرماركت كبير لكن فى اكشاك وبقالات مابعيدة..بتنفع؟

عليوة : مامشكلة ودينا اقرب بقالة ولو مالقينا العايزنو بعدين بنشوف..

امين : مشينا..

حسونة : انتا هسى بس سايق الركشة دى طواالى وماعندك شغلا تانى؟

امين : شغلا تانى زى شنو؟

حسونة : يعنى فسح وبرنامج كدا ولا كدا..هى هى هئ..

امين : عندى برنامج تانى بس ماظنيتو بخارج معاكم..

عليوة : شنو برنامجك التانى..قولو..

امين : الجامع..عندنا حلقة قرآن فى جامع فريقنا كل اربعا بعد المغرب..

حسونة : هسى دا برنامج!! ناس تتلما وتقعد تقرا قرآن !!وانتو لسة فى الموضات القديمة دى؟

امين : الحلقة والقرآن بقو موضة!!وكمتن موضة قديمة!!دا كلام شنو دا؟

عليوة : ياخوى انتا من زمن الناس تمشى الحلقات..والله هسى دى بس تفتح النت تلاقى مقرئين اشكال والوان..ومازى بتاعننا المبشتنين ديل..

امين : النت دا للزيكم الماعندهم شغلا ولا هم..وبعدين النت دا لو الواحد غلط فى القراية يصلحو كيف؟

حسونة : هيى ياانتا ماانتا بتشغل القرآن وبتقرى وراو..تانى شن غلط بيكون؟

امين : وانتو فكركم الواحد لو قرى قدامك خلاص كفاية عشان تقرا صاح؟
الشيخ عندنا بقرا وبعد كدا فى ناس بتقرا بعدو غلط وبصححم ويوريهم كيف الطريقة الصاح فى النطق..

عليوة : غايتو بس بتحبو تصعبو الحياة سااكت..هسى انا لما امشى الكاريوكى والله بغنى معاو زى الحلاوة حتى ناس فيفى مابيرقصو الا لما اغنى انا..

امين : الكاريوكى دا زاتو شنو؟

حسونة : هيى ياانتا مابالغتا مابتعرف الكاريوكى؟ وين انتا عايش..

صمت امين واحس بإهانة بالغة من استهزاء هذا المخنث..ايعقل ان يكون المقاتل لكسب القوت وبأصعب السبل هو الغريب..
ياللمفارقات التى اكتظ بها هذا الزمن..ويقطع شروده صوت عليوة الرقيق..

عليوة : وين سرحتا ياانتا؟ الكاريوكى دا عبارة عن اغنية بتكون مكتوبة على الاسكرين ومعاها اللحن والزول العايز يغنى يمسك المايك ويغنى هو..

امين بحرقة : منكم نستفيد..

حسونة : مالو كلامك اتغيير ؟ احنا زعلناك بكلامنا؟

امين : لا مازعلتونى..اهندى البقالة شوفو عايزين منها شنو..

وتتوقف الركشة اما البقالة وينزل الشابان اليها..بينما جلس امين بركشته مندهشا..أيعقل أن ببلدنا هذه هذا الكاريوكى؟..
صحى "ناس تاكل كباب بالسسيخ وناس بالسيخة مفلوقة"..
يتبع..

[ودعازة]

الحلقة 12..

(يكفينا شرهم)

وقبل ان يهم امين بالانصراف يستوقفه حسونة..

حسونة : ياانتا هااى ياامين..

امين : ايوه ..خير فى شنو؟

حسونة : يااخى انتا مالذيذ..رأيك شنو تجى معانا الرحلة؟

امين : شكرا ليك..مرة تانية الواحد عندو مشغوليات..

عليوة : يخسى عليك الشغل ماملحوق ..تعال قضى ليك وقت رهيييب معانا ..يااخى تعال وخليك لذيذ..

امين : يااخوانا انتو عايزين تمشو امريكا وقاعدين تقضو وقت لغاية ماتمشو..الكلام على العلينا المزروعين هنا وهنا ماراضية بينا..

حسونة : وشنو الجابرك؟..

امين : ياشباب خليكم منى امشو رحلتكم الناس ماتفوتكم..

عليوة : احنا جينا بدرى ويظهر مافى غيرنا زول جا..عليك الله عليك الله تعال معانا والله حتنبسط انبساطة..مش كدا ياحسونة..

امين : شكرا ليكم ياشباب..اها ادونا خاطركم..سلام..

عليوة : طيب وقت جينا بدرى خلاص حنمشى مشوار قريب هنا نجيب بارد وشيبسى وحاجات..تودينا؟

امين : جدا ..اتفضلوا..

يركب الشابين الناعمين الركشة مرة اخرى..وامين سابح فى التفكير والمقارنة بينه وبين هذين الشخصين..
يعيشان وكأن لا هم لهم بالدنيا..ليس لهم انتماء ولا هدف ولا قيم ولا هم..نعم ليس لهم هم..
آآآخ كيف له دفع القسط ولم يتبقى غير اسبوع ولم يجمع غير نصف المبلغ بكل الثلاثة اسابيع المنصرمة..وتنطلق الركشة بسائقها المهموم وراكبيه المنعمين ..

امين : اها دايرين تمشو وين؟

حسونة : أيى سوبرماركت كبير..

امين :فى الحتا دى مافى سوبرماركت كبير لكن فى اكشاك وبقالات مابعيدة..بتنفع؟

عليوة : مامشكلة ودينا اقرب بقالة ولو مالقينا العايزنو بعدين بنشوف..

امين : مشينا..

حسونة : انتا هسى بس سايق الركشة دى طواالى وماعندك شغلا تانى؟

امين : شغلا تانى زى شنو؟

حسونة : يعنى فسح وبرنامج كدا ولا كدا..هى هى هئ..

امين : عندى برنامج تانى بس ماظنيتو بخارج معاكم..

عليوة : شنو برنامجك التانى..قولو..

امين : الجامع..عندنا حلقة قرآن فى جامع فريقنا كل اربعا بعد المغرب..

حسونة : هسى دا برنامج!! ناس تتلما وتقعد تقرا قرآن !!وانتو لسة فى الموضات القديمة دى؟

امين : الحلقة والقرآن بقو موضة!!وكمتن موضة قديمة!!دا كلام شنو دا؟

عليوة : ياخوى انتا من زمن الناس تمشى الحلقات..والله هسى دى بس تفتح النت تلاقى مقرئين اشكال والوان..ومازى بتاعننا المبشتنين ديل..

امين : النت دا للزيكم الماعندهم شغلا ولا هم..وبعدين النت دا لو الواحد غلط فى القراية يصلحو كيف؟

حسونة : هيى ياانتا ماانتا بتشغل القرآن وبتقرى وراو..تانى شن غلط بيكون؟

امين : وانتو فكركم الواحد لو قرى قدامك خلاص كفاية عشان تقرا صاح؟
الشيخ عندنا بقرا وبعد كدا فى ناس بتقرا بعدو غلط وبصححم ويوريهم كيف الطريقة الصاح فى النطق..

عليوة : غايتو بس بتحبو تصعبو الحياة سااكت..هسى انا لما امشى الكاريوكى والله بغنى معاو زى الحلاوة حتى ناس فيفى مابيرقصو الا لما اغنى انا..

امين : الكاريوكى دا زاتو شنو؟

حسونة : هيى ياانتا مابالغتا مابتعرف الكاريوكى؟ وين انتا عايش..

صمت امين واحس بإهانة بالغة من استهزاء هذا المخنث..ايعقل ان يكون المقاتل لكسب القوت وبأصعب السبل هو الغريب..
ياللمفارقات التى اكتظ بها هذا الزمن..ويقطع شروده صوت عليوة الرقيق..

عليوة : وين سرحتا ياانتا؟ الكاريوكى دا عبارة عن اغنية بتكون مكتوبة على الاسكرين ومعاها اللحن والزول العايز يغنى يمسك المايك ويغنى هو..

امين بحرقة : منكم نستفيد..

حسونة : مالو كلامك اتغيير ؟ احنا زعلناك بكلامنا؟

امين : لا مازعلتونى..اهندى البقالة شوفو عايزين منها شنو..

وتتوقف الركشة اما البقالة وينزل الشابان اليها..بينما جلس امين بركشته مندهشا..أيعقل أن ببلدنا هذه هذا الكاريوكى؟..
صحى "ناس تاكل كباب بالسسيخ وناس بالسيخة مفلوقة"..
يتبع

..

[bet-handasa]

[grade="00008B FF6347 008080 4B0082 808080"]يا ود عازه معاك انحنا واصل [/grade]

[نهـاد]

عزيزتى القارئة نااناا رمضان كريم..
نيابة عن طاقم العمل السودانى الدرامى الركشة نهنئك لفوزك بجولة مجانية بركشة الاخ امين ونترك لك حق اختيار الحلقة التى تلى الحلقة الاخيرة من يكفينا شرهم..
ماعليك سوى اختيار الشخصيات او الموضوع وسيقوم المؤلف بعمل الحلقات له وعرضها فورا.
الشكر لك للمتابعة والتشجيع..
الركشة..
ركشة ركشة ركشا ..اوو ركشا
موضوع الركشة من نااناا..اوو ركشا
وركشة ركشة ركشا ..اوو ركشا

[glow=0000FF]ود عازة شكراً ليك و لكل فريق العمل على الجائزة القيمة
وانا أتفاجئت بالجائزة وما خاته موضوع معين
بس ايه رايك تتكلم القصة التالية عن طلبة الجامعات

وشكرا ليك مرة تانية
وبرضو متابعـــــــين
تحياتـــــــــــي[/glow]

[ودعازة]

[grade="00008b ff6347 008080 4b0082 808080"]يا ود عازه معاك انحنا واصل [/grade]

بت هندسة رمضان كريم عليك..
طالما انتو معاى اكيد وحتما حأواصل..
شكرا لمتابعتك ايتها الكريمة ..

[ودعازة]

[glow=0000ff]ود عازة شكراً ليك و لكل فريق العمل على الجائزة القيمة
وانا أتفاجئت بالجائزة وما خاته موضوع معين
بس ايه رايك تتكلم القصة التالية عن طلبة الجامعات

وشكرا ليك مرة تانية
وبرضو متابعـــــــين
تحياتـــــــــــي[/glow]

اختى نااناا رمضان كريم عليك..
ماشى ياستى خلى الاتنين المابعرف كيف كيف ديل ينزلو والحلقات الجاية عن طلبة الجامعة..
كونى بخير..

[ملاك الورد]

و لسا ماشين في الركشه

[ودعازة]

الحلقة 13..

(يكفينا شرهم)..

انتظر امين بالركشة ولازالت علامات الحيرة تكسو وجهه المثقل بالهموم..لكم هى احوالنا غريبة ولا منطقية..
مثل هذان الشابان التى لاتحمل ملامحهم اى آيات المسؤلية يعيشان ولكأنهما امتلكا الدنيا..
يرفضان واقعهما وواقعهما خلا من الجد والمثابرة وحتى الوطنية..
يعيشان حياتيهما كيفما شاءا وبلا مجهود يذكر بيد أنه لم يكل او يمل من السعى وهاهى الاقساط المتبقية تجثم على فكره وصدره..
كم من الوقت انتظر لم يعى فخواطره ابحرت ولم تجعله يعبأ بملل الانتظار او حتى احتسابه ..
ثم يأتى الشابان محملان بأكياس وأكياس..ويركبان الركشة بما حملا..

حسونة : والله جنس حالة..هو شنو دا!! بلد طويلة عريضة مافيها برنكلز؟

عليوة : هو احنا غلطانين لو هاجرنا؟ مامن جنس دا..وعليك الله شفتا بتاع البقالة دا كان بعاين لينا كيف؟؟
التقول ماشاف ليهو ناس قبل كدا..وهم زاتو ناس الاقاليم ديل ملو علينا البلد..

حسونة : غايتو النصبر..وهى كم شهر ونكون بهناك لا زول بعاين ليك ولا زول بيسألك..

امين : اها من هنا ماشين على وين؟ عندكم مشوار تانى ولا اوديكم المرسى؟

حسونة : اها ياعليوة نمشى المرسى ؟

عليوة : هيى والبرنكلز طيب..ياامين مابتعرف ليك بقالة تانية فيها برنكلز؟

امين : "لا يدرى ماهو هذا الشئ" لا مابعرف..اها يااخوانا قررو ماشين وين؟

حسونة : يااخوى مالك مستعجل ؟ مابنديك حقك كااامل مكمل ..والله ياالسودانيين انتو مستعجلين ساكت على الفاضى..

امين : احنا السودانيين!! والاخ من وين؟ ماسودانى برضو؟

حسونة : سودانى شنو عليك الله!! لا سودانى ولا عايز ابقى سودانى..
هو السودان دا ادانى شنو عشان اكون عايز ابقى سودانى؟ سم عليو وعلى الفيو..

امين : صحى سم عليو وعلى الفيو المخلين واحد زيك كدا يقول عليو كدا..

عليوة : هاااى انتا مالك محروق كدا؟ هو فى زول هبشك؟

امين : مافى زول هبشنى!! ليه وهو انا جنسى شنو؟ اسبانى..

حسونة : ياريت لو اسبانى كان الحال غير الحال..هو احنا لامين فى الاسبان وابينا؟

امين : آيى أبينا..الاسبان ديل اساسا شن هم؟ماحكمناهم فوق ال 600 سنة قبل كدا؟

عليوة : منو الحكمن دا؟ ان شاء الله قايل نفسك ولا حاسب نفسك مع العرب؟ والله قصة لكن..

امين : اها كمان طلعتونا ماعرب كمان!!

حسونة : عرب من وين؟ هسى امشى الخليج وقول انك عربى كان ماضحكو فيك وعملوك نكتة..كان عرب مابعرف..

امين : اها طيب ورونا انحنا شنو ؟

حسونة : سودانيين..وبس..

امين : طيب كويس بقيت سودانى يعنى ولحستا كلامك القبيل..

حسونة : انا مافارقة معاى سودانى ولا بنغالى وخلاص ماشى ابقى امريكى ماتحسبنى معاكم..

امين : والله امركم عجيب..البلد دى كبرتكم وآخرتا ماشين منها وماعجباكم..

عليوة : كبرتنا يشنو؟ مااخدت الطاق طاقين..شى زكاة وشى ضرايب وشى حق النضافة وشى حق الشهيد وشى حق الجريح..
والله البشيلو من الناس دا كان بقينا بيو احسن من امريكا..

أراد امين يدافع عن وطنه ولكن ماذكره هذا المخلوق لم يدع له مجالا للدفاع..بقرارة نفسه يعى تماما ماقال لم يخالف الواقع الاليم..
حتى هو احد ضحايا هذا البلد..لم يدافع عنه بكل هذه الشراسة وهو الجامعى الذى يقود لركشة..
ورغمه لم ينسحب من المعركة وبصمته استجمع قواه لينتصر على هذين المخلوقين والا لكانت كل حياته اكذوبة وعبث ..

امين : البلد دى لو مادتكم ادت ابواتكم وجدودكم..

حسونة : ياتو جدود وابوات ديل!! ابواتنا وجدودنا كانو دراويش وعايشين كدا والسلام..شنو ادتم؟ العمارات والمزارع ولا الاطيان؟

امين : ادتم الامان وادتم الكرامة والهوية..دا ماكفاية؟

عليوة : كان كفاية ليهم هم مخيرين..هم ادوها وهى ادتم احنا ذنبنا شنو النتبهدل ونتبشتن فيها..الواحد خلص قرايتو ومافى واحد عبرنا..
هو احنا قرينا وخلصنا عشان شنو؟عشان يودونا معسكرات التجنيد؟وياريت بودو كل الناس..
ناس يودوها وناس نايمة فى احضان امهاتا وفى خشومن ملاعق دهب..

ومرة اخرى يلجم الواقع لسان امين من المدافعة..ايعقل ان يكون هذين الكائنين ادرى بحال البلد منه؟
ايعقل ان هذين الشابين الاملسين المنعمين يحملان كل هذا المنطق بعقليهما الذى يبدو مفرغ ومكتظ بسفاسف الامور..
تبرجل فكره واحتار لأمره وأمريهما..

يتبع..

[ملاك الورد]

طيب و بعديييييييييييييييييييين

[مها]

طيب و بعديييييييييييييييييييين

والله يا اخت ملاك افتقدنا المسلسل وكاتب المسلسل
ربنا يطمنا على ود عازه ويرجع لينا بالسلامه

[bet-handasa]

[grade="00008b ff6347 008000 4b0082"]ود عازه سلام
وكل سنه وانت طيب والسنه الجايه زي ماعايز
اجازه العيد طولت وفي انتظارك ما تطول الغيبه
ان شاء الله يكون المانع خير[/grade]

[ودعازة]

[grade="00008b ff6347 008080 4b0082 808080"]يا ود عازه معاك انحنا واصل [/grade]

اختى بت هندسة كل عام وانتى بخير وجميع من يهكم..
رجعنا ليكم واركشة هسى بنسخنا ونطلع ليكم.

[ودعازة]

طيب و بعديييييييييييييييييييين

وبعدين انتهت وهسى بندور الركشة ..

[ودعازة]

والله يا اخت ملاك افتقدنا المسلسل وكاتب المسلسل
ربنا يطمنا على ود عازه ويرجع لينا بالسلامه

اختى مها كل عام انت ومن يهمك كما تحبون..
شكرا لك من الاعماق وخوتك خوة رائعة ..
الله يسلمك من كل شر..
حقيقى شكرا لك..

[ودعازة]

[grade="00008b ff6347 008000 4b0082"]ود عازه سلام
وكل سنه وانت طيب والسنه الجايه زي ماعايز
اجازه العيد طولت وفي انتظارك ما تطول الغيبه
ان شاء الله يكون المانع خير[/grade]

وانت بالف خير يارب وجميع الاهل ومن يهمك امره..
معليش مشاغل وعيد وصيام حار حرورية بس والله شهر كريم..
شكرا لسؤالك والله يحفظك من كل شر..

[ودعازة]

الحلقة 13..

(يكفينا شرهم)..

انتظر امين بالركشة ولازالت علامات الحيرة تكسو وجهه المثقل بالهموم..لكم هى احوالنا غريبة ولا منطقية..
مثل هذان الشابان التى لاتحمل ملامحهم اى آيات المسؤلية يعيشان ولكأنهما امتلكا الدنيا..
يرفضان واقعهما وواقعهما خلا من الجد والمثابرة وحتى الوطنية..يعيشان حياتيهما كيفما شاءا وبلا مجهود يذكر بيد أنه لم يكل او يمل من السعى وهاهى الاقساط المتبقية تجثم على فكره وصدره..
كم من الوقت انتظر لم يعى فخواطره ابحرت ولم تجعله يعبأ بملل الانتظار او حتى احتسابه ..
ثم يأتى الشابان محملان بأكياس وأكياس..ويركبان الركشة بما حملا..



فاصل اعلانى..

وكالةالرشاش للحماية من الآفات..

الرشاش للمبيدات اسم فى عالم تفجخ الباعوضات..

تعلن الوكالة عن وصول لاقطات الباعوض والذباب الكهربائية.."تموتو احسن بالباعوض ولا بفواتير الكهرباء"..

الرشاش تحدى لكل مقاومات الآفات وخطوط دفاعاتها الصماء.."دخان ساااكت"..

سارع ايها العميل الكريم للحصول على لاقطك فالكميات محدودة..

جوائز لاول مائة عميل الناموسيات الكهروموتية.."عارفين لواقطم ماكفاية"..


حسونة : والله جنس حالة..هو شنو دا!! بلد طويلة عريضة مافيها برنكلز؟

عليوة : هو احنا غلطانين لو هاجرنا؟ مامن جنس دا..وعليك الله شفتا بتاع البقالة دا كان بعاين لينا كيف؟؟
التقول ماشاف ليهو ناس قبل كدا..وهم زاتو ناس الاقاليم ديل ملو علينا البلد..

حسونة : غايتو النصبر..وهى كم شهر ونكون بهناك لا زول بعاين ليك ولا زول بيسألك..

امين : اها من هنا ماشين على وين؟ عندكم مشوار تانى ولا اوديكم المرسى؟

حسونة : اها ياعليوة نمشى المرسى ؟

عليوة : هيى والبرنكلز طيب..ياامين مابتعرف ليك بقالة تانية فيها برنكلز؟

امين : "لا يدرى ماهو هذا الشئ" لا مابعرف..اها يااخوانا قررو ماشين وين؟

حسونة : يااخوى مالك مستعجل ؟ مابنديك حقك كااامل مكمل ..والله ياالسودانيين انتو مستعجلين ساكت على الفاضى..

امين : احنا السودانيين!! والاخ من وين؟ ماسودانى برضو؟

حسونة : سودانى شنو عليك الله!! لا سودانى ولا عايز ابقى سودانى..هو السودان دا ادانى شنو عشان اكون عايز ابقى سودانى؟ سم عليو وعلى الفيو..

امين : صحى سم عليو وعلى الفيو المخلين واحد زيك كدا يقول عليو كدا..

عليوة : هاااى انتا مالك محروق كدا؟ هو فى زول هبشك؟

امين : مافى زول هبشنى!! ليه وهو انا جنسى شنو؟ اسبانى..

حسونة : ياريت لو اسبانى كان الحال غير الحال..هو احنا لامين فى الاسبان وابينا؟

امين : آيى أبينا..الاسبان ديل اساسا شن هم؟ماحكمناهم فوق ال 600 سنة قبل كدا؟

عليوة : منو الحكمن دا؟ ان شاء الله قايل نفسك ولا حاسب نفسك مع العرب؟ والله قصة لكن..

امين : اها كمان طلعتونا ماعرب كمان!!

حسونة : عرب من وين؟ هسى امشى الخليج وقول انك عربى كان ماضحكو فيك وعملوك نكتة..كان عرب مابعرف..

امين : اها طيب ورونا انحنا شنو ؟

حسونة : سودانيين..وبس..

امين : طيب كويس بقيت سودانى يعنى ولحستا كلامك القبيل..

حسونة : انا مافارقة معاى سودانى ولا بنغالى وخلاص ماشى ابقى امريكى ماتحسبنى معاكم..

امين : والله امركم عجيب..البلد دى كبرتكم وآخرتا ماشين منها وماعجباكم..

عليوة : كبرتنا يشنو؟ مااخدت الطاق طاقين..شى زكاة وشى ضرايب وشى حق النضافة وشى حق الشهيد وشى حق الجريح..والله البشيلو من الناس دا كان بقينا بيو احسن من امريكا..

أراد امين يدافع عن وطنه ولكن ماذكره هذا المخلوق لم يدع له مجالا للدفاع..بقرارة نفسه يعى تماما ماقال لم يخالف الواقع الاليم..
حتى هو احد ضحايا هذا البلد..لم يدافع عنه بكل هذه الشراسة وهو الجامعى الذى يقود لركشة..
ورغمه لم ينسحب من المعركة وبصمته استجمع قواه لينتصر على هذين المخلوقين والا لكانت كل حياته اكذوبة وعبث ..

امين : البلد دى لو ماادتكم ادت ابواتكم وجدودكم..

حسونة : ياتو جدود وابوات ديل!! ابواتنا وجدودنا كانو دراويش وعايشين كدا والسلام..شنو ادتم؟ العمارات والمزارع ولا الاطيان؟

امين : ادتم الامان وادتم الكرامة والهوية..دا ماكفاية؟

عليوة : كان كفاية ليهم هم مخيرين..هم ادوها وهى ادتم احنا ذنبنا شنو النتبهدل ونتبشتن فيها..
الواحد خلص قرايتو ومافى واحد عبرنا..هو احنا قرينا وخلصنا عشان شنو؟
عشان يودونا معسكرات التجنيد؟وياريت بودو كل الناس..ناس يودوها وناس نايمة فى احضان امهاتا وفى خشومن ملاعق دهب..

ومرة اخرى يلجم الواقع لسان امين من المدافعة..ايعقل ان يكون هذين الكائنين ادرى بحال البلد منه؟ ايعقل ان هذين الشابين الاملسين المنعمين يحملان كل هذا المنطق بعقليهما الذى يبدو مفرغ ومكتظ بسفاسف الامور..تبرجل فكره واحتار لأمره وأمريهما..


يتبع..

[هيثم ابراهيم]

يسلموووووووووووو