منتدى أنا سوداني

مرسل: **الثلاثاء 2014.5.27 3:26 am**

فراديسو واصل بنفس الحيويه والنشاط 2

متابعة معاك ان شاء الله 2

مرسل: **الثلاثاء 2014.5.27 12:14 pm**

بانه كتب:
فراديسو واصل بنفس الحيويه والنشاط 2

متابعة معاك ان شاء الله 2

يسلمووو بنوش خليك قريبة

[/align]

مرسل: **الثلاثاء 2014.5.27 12:24 pm**

التسويهو بي ايدك يغلب أجاويدك

قبل ما احكي الحكاية احب اوضح معني الأجاويد باللهجة السودانية هم الناس البتدخلو عشان يحلوا مشكلة مثلا

قالو كان في راجل عجوز اعمى اسمو (ود جبارة) كان نقاق ولسانو طويل .. مرة اهلو كانو مسافرين وفي الطريق وقفوا يستجمو شوية قام ود جبارة سرقتو نومة والجماعة مشو وخلهو في محلو داك. جاء راجل ومرتو راكبين حمار شافو الزول عجوز وتعبان الراجل نزل هو ومرتو من الحمار وركبوا (ود جبارة) وبقوا ماشين .. اول ما ود جبارة شعر بانو وصلوا المدينة قام يصرخ وينادي تعالوا يا اهل الخير الزول دا داير يأخد مرتي وحمارتي الناس اتلمو وصدقوا ود جبارة عشان عجوز وأعمى وساقو الراجل وزوجته لمركز الشرطة مسكو الراجل سجنوهو وود جبارة واقف جنب مكتب المسئول قالو ليهو انت نوم هنا وبكرة ان شاء الله حنحكم في القضية ود جبارة بالليل قام يطنطن ويقول (هييع أنا ود جبارة لو خسرت المرأة بلقى الحمارة) قام مسئول الشرطة سمعو وعرف الحكاية وطلع الراجل ومرتو من السجن وسجن ود جبارة.

مرسل: **الأربعاء 2014.5.28 12:28 pm**

الفردوس المفقود كتب:
التسويهو بي ايدك يغلب أجاويدك

قبل ما احكي الحكاية احب اوضح معني الأجاويد باللهجة السودانية هم الناس البتدخلو عشان يحلوا مشكلة مثلا

قالو كان في راجل عجوز اعمى اسمو (ود جبارة) كان نقاق ولسانو طويل .. مرة اهلو كانو مسافرين وفي الطريق وقفوا يستجمو شوية قام ود جبارة سرقتو نومة والجماعة مشو وخلهو في محلو داك. جاء راجل ومرتو راكبين حمار شافو الزول عجوز وتعبان الراجل نزل هو ومرتو من الحمار وركبوا (ود جبارة) وبقوا ماشين .. اول ما ود جبارة شعر بانو وصلوا المدينة قام يصرخ وينادي تعالوا يا اهل الخير الزول دا داير يأخد مرتي وحمارتي الناس اتلمو وصدقوا ود جبارة عشان عجوز وأعمى وساقو الراجل وزوجته لمركز الشرطة مسكو الراجل سجنوهو وود جبارة واقف جنب مكتب المسئول قالو ليهو انت نوم هنا وبكرة ان شاء الله حنحكم في القضية ود جبارة بالليل قام يطنطن ويقول (هييع أنا ود جبارة لو خسرت المرأة بلقى الحمارة) قام مسئول الشرطة سمعو وعرف الحكاية وطلع الراجل ومرتو من السجن وسجن ود جبارة.

والله لكن ود جبارة قصتو تحير ..!!؟

نهاية الصلبطة فى حق الناس ودتووو للسجن ..!!؟

انا مقتنعة بصــغة ..!!؟

( حق الناس كناس )

شــــفتا كيف ..!!؟

مرسل: **الأربعاء 2014.5.28 12:55 pm**

السنبلاية كتب:

والله لكن ود جبارة قصتو تحير ..!!؟

نهاية الصلبطة فى حق الناس ودتووو للسجن ..!!؟

انا مقتنعة بصغة ..!!؟

( حق الناس كناس )

شــــفتا كيف ..!!؟

والقصة مشابهة للمثل البقول الحسنة في الملعون زي الشراية في القندول

مرسل: **الأربعاء 2014.5.28 2:21 pm**

الفردوس المفقود كتب:
والقصة مشابهة للمثل البقول الحسنة في الملعون زي الشراية في القندول

جيب لينا قصة المثل الفوق دهـ ..!!؟

مرسل: **الأربعاء 2014.5.28 2:54 pm**

السنبلاية كتب:
جيب لينا قصة المثل الفوق دهـ ..!!؟

حاضر

[/align]

مرسل: **الخميس 2014.5.29 3:27 pm**

الحسنة في المنعول(الملعون) زي الشرا في القندول

(والشراء مقصود بيه نوارة حبة الذرة قبل ان تستوي في القندول اول ما تستوي الحبة بتدفع بالشرا فيطير مع الريح )

وقصة المثل انو في واحد كان راكب حمارو وفي الطريق لقى واحد عطشان وجيعان وشكلو تعبان وما قادر يمشي، قام صاحبنا وقف ليهو اداهو موية واكلو وقال ليهو انت ماشي وين يا اخوي ؟ قاليهو ماشي حلة بعيدة بعد الوادي داك، قال ليهو خلاص انا بوصلك وبرجع اواصل طريقي اها اول ما بقو وراء الجبل قام صاحبنا طلع سيفو وقال للراجل الطيب دا انزل من الحمار وجيب العندك صاحبنا طبعا خاف على روحو قام اداهو كل العندو عشان ينفد بجلدو .. اها صاحبنا شال الغنائم وفات خلى زولنا دا في حتة مقطوعة بدون اكل ولا شراب فقال سبحان الله (الحسنة في المنعول زي الشرا في القندول) واصبح مثلا يضرب

مرسل: **السبت 2014.5.31 11:45 am**

والله صحى ..!!

الحسنة فى المنعول زى الشر فى القندول

مرسل: **السبت 2014.5.31 11:46 am**

فراديسو : جيب لينا قصة المثل البقول الـ( فى بطنو حرقص براهو بيرقص ) ...!!؟؟

مرسل: **الخميس 2014.6.19 1:01 pm**

دخول الحمام ما زي خروجو

إفتتح أحد الأشخاص حماما تركيا وأعلن دخول الحمام بمقابل مالي فلم يدخل احد ولما استمر الحال كذلك اعلن ان الحمام مجانا، فبدأ الناس يذهبون إلى هذا الحمام، و بالفعل لم يأخذ صاحب الحمام مالاً منهم عند دخولهم، لكنه كان عند خروج الزبائن من الحمام يحجز ملابسهم ويرفض تسليمها لهم إلا بمقابل دفع مبلغ من المال، فثار الزبائن واحتجوا قائلين : ألم تقل بأن دخول الحمام مجاني ؟ فرد عليهم : بس دخول الحمام ما زي خروجه

مرسل: **الخميس 2014.6.19 1:13 pm**

اختلط الحابل بالنابل

يعود أصل هذا المثل إلى ان الراعي أو المعاز بعد موسم عشار الماعز يعرّب القطيع فيجعل المعاشير وهي «المعز الغزيرة اللبن» و التي تسمى بالحابل على جهة وغير المعاشير و التي تسمى بالنابل على جهة أخرى وذلك ليبيع غيرالمعاشير على حدة ويحتفظ بالمعاشير لتدر عليه ارباحا وافرة ويحدث في كثير من الاحيان ان تختلط المعاشير مع غير المعاشير فيستاء من ذلك الراعي ويقول: اختلط الحابل بالنابل.

المصدر : موقع موضوع

مرسل: **الخميس 2014.6.19 1:18 pm**

الفردوس المفقود كتب:

دخول الحمام ما زي خروجو

إفتتح أحد الأشخاص حماما تركيا وأعلن دخول الحمام بمقابل مالي فلم يدخل احد ولما استمر الحال كذلك اعلن ان الحمام مجانا، فبدأ الناس يذهبون إلى هذا الحمام، و بالفعل لم يأخذ صاحب الحمام مالاً منهم عند دخولهم، لكنه كان عند خروج الزبائن من الحمام يحجز ملابسهم ويرفض تسليمها لهم إلا بمقابل دفع مبلغ من المال، فثار الزبائن واحتجوا قائلين : ألم تقل بأن دخول الحمام مجاني ؟ فرد عليهم : بس دخول الحمام ما زي خروجه 45

غشاهم يعنى ..!!؟ 45 55

كان يقولوا ليهو من غشنا ليس منا ..!!؟

تحيااااتى دوسه 2

مرسل: **الخميس 2014.6.19 1:54 pm**

السنبلاية كتب:
غشاهم يعنى ..!!؟ 45 55

كان يقولوا ليهو من غشنا ليس منا ..!!؟

تحيااااتى دوسه 2

دي حكاية في مثلنا الجاي

مرسل: **الخميس 2014.6.19 5:37 pm**

الفردوس المفقود كتب:
الحسنة في المنعول(الملعون) زي الشرا في القندول

(والشراء مقصود بيه نوارة حبة الذرة قبل ان تستوي في القندول اول ما تستوي الحبة بتدفع بالشرا فيطير مع الريح )

وقصة المثل انو في واحد كان راكب حمارو وفي الطريق لقى واحد عطشان وجيعان وشكلو تعبان وما قادر يمشي، قام صاحبنا وقف ليهو اداهو موية واكلو وقال ليهو انت ماشي وين يا اخوي ؟ قاليهو ماشي حلة بعيدة بعد الوادي داك، قال ليهو خلاص انا بوصلك وبرجع اواصل طريقي اها اول ما بقو وراء الجبل قام صاحبنا طلع سيفو وقال للراجل الطيب دا انزل من الحمار وجيب العندك صاحبنا طبعا خاف على روحو قام اداهو كل العندو عشان ينفد بجلدو .. اها صاحبنا شال الغنائم وفات خلى زولنا دا في حتة مقطوعة بدون اكل ولا شراب فقال سبحان الله (الحسنة في المنعول زي الشرا في القندول) واصبح مثلا يضرب

]خي فردوس تحياتي

عايزه اقول شي بسيط ان هذه الحكايه مشابهه لحكايه الرجل الذي ساعد رجلاآخرا في الطريق وبمجرد مااركبه معه علي ظهر حصانه اخذ منه سيفه وهدده به وسلب ماعنده غدرا

فطلب منه صاحب الحصان طلب بسيط ....ولكن له معني كبير وهو عند وصوله الي قريته ان ايذكر...... هذه الجمله وهي ... (همبتو ماغدرتو) .... ودا عشان المروه في الرجال ماتكمل

مرسل: **السبت 2014.8.9 4:14 pm**

شذي زهر كتب:
]خي فردوس تحياتي

عايزه اقول شي بسيط ان هذه الحكايه مشابهه لحكايه الرجل الذي ساعد رجلاآخرا في الطريق وبمجرد مااركبه معه علي ظهر حصانه اخذ منه سيفه وهدده به وسلب ماعنده غدرا

فطلب منه صاحب الحصان طلب بسيط ....ولكن له معني كبير وهو عند وصوله الي قريته ان ايذكر...... هذه الجمله وهي ... (همبتو ماغدرتو) .... ودا عشان المروه في الرجال ماتكمل

شكرا للإضافة الثرة (شذو) سعيد بمشاركتك

[/align]

مرسل: **السبت 2014.8.9 4:15 pm**

دفق مويتو على السراب

يحكي ان هناك رجلا كان يحمل ماء على كتفه ليعينه على العطش فى مشواره الطويل فى الصحراء وفى الحر الشديد وبينما هو ماشي رأي رهابا(السراب) من بعيد وظنه ماء فقال فى نفسه لماذا اتعب نفسي بحمل الماء وامامى ماء كثير فقام بدفق الماء على الارض وواصل في مشواره وقطع مسافة طويلة حتى انهكه العطش وكلما ذهب رأي الرهاب (السراب) وظنه ماء فقطع مسافة طويلة ولم يصله حتى ضعفت قواه من شدة العطش ومات واصبح مثلا يضرب

مرسل: **السبت 2014.8.9 4:21 pm**

سيد الرايحة بفتح خشم البقرة

[align=center]يحكى أن مزارعا كانت له سبع بقرات يربيها في (زريبة) يفتح باب الزريبة كل صباح لترعى في المزرعة وتعود قبل مغيب الشمس ... وكانت إحدى تلك البقرات السبع حاملا وعلى وشك الولادة ... وفى ذات يوم عادت البقرات ستة ولم تعد تلك البقرة إلى (الزريبة) فقلق المزارع قلقا شديدا فذهب يبحث عنهاويتحسس أثرها فى كل مكان ويسأل كل من قابله ، فأشار اليه بعض من قابلوهو الى رجل ذى دراية وبصيرة قد يساعده في معرفة مكان البقرة، فذهب المزارع إلى الرجل وحكى له فقد البقرة ، فطلب الرجل منه أن يدخل يده فى فم احداهن ويأتيه بقليل من جِرْتها (بقايا الرجيع من ما تآكله البقرة)
بعد عودة الأبقار مساء قام المزارع بفتح خشم احدى البقرات واخذ قليل من جِرْتها وذهب به الى ذلك الرجل ... قام الرجل بشم الجرة وقال للمزارع ان ابقارك هذه كانت ترعى فى مكان به عشب محريب، فابحث عن مكان المحريب وستجد بقرتك فيه ... فذهب المزارع الى مكان بعيد به محريب ووجد بقرته هناك وقد ولدت وهي ترضع مولودها الصغير الذي لا يستطيع السير الى (الزريبة)
فأصبحت القصة مثلا يضرب [/align]

مرسل: **الثلاثاء 2014.9.2 8:38 am**

الخيل تجقلب والشكر لي حمّاد

يُحكى أن حمّاد شخص كان يعشق بنت السلطان ويلتقي بها ليلا دون علم السلطان بذلك وفي ذات مرة انكشف أمره وعلم السلطان بتلك العلاقة فغضب غضبا شديدا وقرر مهاجمة ديار حمّاد وقبيلته فارسلت بنت السلطان إليه تخبره بنية والدها .. لجأ حمّاد إلى احد أبناء عمومته محتميا بهم فاجتمع بنو عمومته مع حمّاد وقبيلته وقرروا المبادرة بالهجوم، وبالفعل قاد ابن عم حمّاد فجرا جيشا من الفرسان الأشاوس وهاجموا قصر السلطان وحصل عراك كبير وملأ الغبار الأمكنة فرآت بنت السلطان المعركة والخيول تتراقص من طعنات الاسهم والسيوف ففرح فرحا شديدا واصبحت تنشد حمّاد وتمجده ظنا منها انه من قاد المعركة بينما حمّاد واقف يراقب من بعيد ولا يعرف اساليب القتال ولا الإمساك بالرمح حتى .. فاصبح مثلا يضرب

مرسل: **الأربعاء 2014.9.3 10:16 am**

خريف ابو السعن صرقه وجراد
وابو السعن هو طائر كبير له كيس فى اسفل منقاره والصرفه هة الدوده وهذه الدوده والجراد يظهران بكثره وقت الخريف خصوصا عندما يكون الخريف جيدا فياكل ابو السعن كثيرا ويكون شبعانا طوال فصل الخريف ويضرب هذا المثل عندما يجد شخص ما شيئا كثيرا فيسرح فيه ويمرح فيصفون ظروفه هذه بانها خريف ابو السعن

منتدى أنا سوداني

مثــــــــل وحكـــــــــــاية

رد: مثــــــــل وحكـــــــــــاية

رد: مثــــــــل وحكـــــــــــاية

رد: مثــــــــل وحكـــــــــــاية

رد: مثــــــــل وحكـــــــــــاية

رد: مثــــــــل وحكـــــــــــاية

رد: مثــــــــل وحكـــــــــــاية

رد: مثــــــــل وحكـــــــــــاية

رد: مثــــــــل وحكـــــــــــاية

رد: مثــــــــل وحكـــــــــــاية

رد: مثــــــــل وحكـــــــــــاية

رد: مثــــــــل وحكـــــــــــاية

رد: مثــــــــل وحكـــــــــــاية

رد: مثــــــــل وحكـــــــــــاية

رد: مثــــــــل وحكـــــــــــاية

رد: مثــــــــل وحكـــــــــــاية

رد: مثــــــــل وحكـــــــــــاية

رد: مثــــــــل وحكـــــــــــاية

رد: مثــــــــل وحكـــــــــــاية

رد: مثــــــــل وحكـــــــــــاية

رد: مثــــــــل وحكـــــــــــاية